ᐅᖃᓚᐅᑎᓯᐅᑏᑦ

You are here

ᐃᖃᓗᓐᓂᑦ ᐃᖅᑲᖅᑐᐃᔨᕋᓛᒃᑯᑦ ᑲᑎᒪᔨᕋᓛᖏᑦ ᑲᑎᒪᔨᑖᕈᒪᕗᑦ

ᒪᐃ 16, 2017

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ 

ᐃᖃᓗᓐᓂᑦ ᐃᖅᑲᖅᑐᐃᔨᕋᓛᒃᑯᑦ ᑲᑎᒪᔨᕋᓛᖏᑦ ᑲᑎᒪᔨᑖᕈᒪᕗᑦ 

ᐃᖃᓗᓐᓂᑦ ᐊᓪᓗᕆᐊᕐᕕᒃ ᐃᖅᑲᖅᑐᐃᔨᕋᓛᑦ ᑲᑎᒪᔨᕋᓛᖏᑦ ᕿᓂᖅᑐᑦ ᑲᑎᒪᔨᒃᓴᓂᑦ. 

ᓄᓇᕗᒻᒥ ᐃᖅᑲᖅᑐᐃᔨᕋᓛᑦ ᑲᑎᒪᔨᕋᓛᖏᑦ ᓄᓇᓕᓐᓂᖔᖅᑐᓂᑦ ᐃᖅᑲᑐᐃᓐᓂᐅᖃᑦᑕᖅᑐᑦ ᐅᐸᓗᖓᐃᔭᐃᑎᐅᕗᑦ ᐃᑲᔪᕐᓗᑎᒃ ᐱᕋᔭᑦᑕᐅᔪᕕᓂᕐᓂᑦ ᐊᒻᒪ ᐃᓄᖕᓂᑦ ᐱᓕᕆᖃᑎᖃᕐᓗᑎᒃ ᐋᓐᓂᖅᑕᐅᔪᕕᓂᕐᓂᑦ ᐱᕋᔭᑦᑐᖃᖅᑐᕕᓂᐅᑎᓪᓗᒍ 

ᑐᑦᓯᕋᖅᑐᑦ ᖃᐅᔨᒪᓂᖃᕆᐊᓖᑦ ᐱᓕᕆᓯᒪᓂᑰᓗᑎᓪᓗ ᐋᖅᑭᐅᒪᓂᕐᒧᑦ ᐃᖅᑲᖅᑐᐃᓂᒃᑯᑦ, ᐃᓄᓕᕆᖃᑦᑕᕋᔭᖅᑐᖅ. ᖃᐅᔨᒪᓂᖃᕆᐊᖃᕐᒥᔪᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᑦ, ᐊᒻᒪᓗ ᓂᑲᒍᓱᓪᓗᓂ ᐃᒃᐱᒍᓱᑦᑎᐊᕐᓗᓂ ᐃᑲᔪᕈᓐᓇᕐᓗᓂ ᐱᓂᕐᓗᒃᑕᐅᓯᒪᔪᓂᒃ ᐱᓂᕐᓗᐃᓯᒪᔪᓂᒡᓗ. ᐅᖃᕈᓐᓇᕈᓂ ᐃᓄᒃᑎᑐᑦ ᖃᓪᓗᓈᑎᑐᑦᓗ ᐱᐅᒐᔭᖅᑐᖅ. 

ᐃᓕᓐᓂᐊᖅᑎᑕᐅᒐᔭᖅᑐᑦ ᑲᑎᒪᔨᕋᓛᑦ ᐱᔭᒃᓴᖏᓐᓂᑦ ᐱᓕᕆᐊᖑᔭᕆᐊᓖᓪᓗ ᐅᖃᐅᓯᐅᓗᑎᒃ. ᑲᑎᒪᔨᕋᓛᑦ ᐊᑭᓕᖅᓱᖅᑕᐅᓇᑎᒃ ᐱᓕᕆᐊᖃᖃᑦᑕᖅᑐᑦ ᐊᒻᒪ ᑲᑎᒪᔾᔪᓯᐊᑎᑕᐅᓲᑦ ᑲᑎᒪᖃᑕᐅᒍᑎᒃ. 

ᐃᓚᒋᔭᐅᔪᒪᒍᕕᑦ, ᐃᖅᑲᓇᐃᔮᕆᖃᑦᑕᖅᓯᒪᔭᕐᓄᑦ ᑎᑎᕋᖅᓯᒪᔪᓂᒃ ᑐᓂᓯᔪᓐᓇᖅᑐᑎ ᐊᒻᒪᓗ ᐱᕋᔭᑦᓯᒪᖏᓐᓂᕐᓄᑦ ᓇᓗᓇᐃᖅᓯᒪᔪᒥᑦ ᐃᓚᓕᐅᔾᔨᓗᑎᑦ ᐊᐃᓂᐊᖅ ᐊᐃᐱᓕᒧᑦ ᑐᔫᑎᒋᓗᒍ, ᐃᖃᓗᓐᓂᑦ ᓄᓇᓕᓐᓂᑦ ᐃᖅᑲᑐᐃᔨᕋᓛᓕᕆᔨ, ᑐᕌᕈᑖ iipeelie@gov.nu.ca. ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᐃᓂᐊᖅ ᖃᕆᓴᐅᔭᒃᑯᑦ ᑎᑎᕋᕐᕕᒋᔪᓐᓇᖅᑕᐃᑦ ᐅᕝᕙᓗᓃᑦ ᐅᖄᓚᕕᒋᓗᒍ ᐅᕗᖓ 867-975-6362. 

ᒪᑐᕕᓕᒃ ᔫᓂ 2, 2017. 

### 

ᑐᓴᒐᒃᓴᓕᕆᔨ: 

ᕇᑕ ᓯᑦᓚᓐ 
ᐊᑐᐊᒐᓕᕆᔨ 
ᒪᓕᒐᓕᕆᔨᒃᑯᑦ 
867-975-6071
rstrickland@gov.nu.ca