ᐅᖃᓚᐅᑎᓯᐅᑏᑦ

You are here

ᒨᑎᔅᑯᑦ ᓇᓗᓇᐃᖅᓯᒋᐊᒃᑲᓐᓂᖅᑐᑦ ᓄᓇᕗᒻᒥ ᒐᕙᒪᖓᑦ Aa1 ᑮᓇᐅᔭᖅᑖᕈᑎᖏᑕ ᖃᐅᔨᓴᕈᑎᖏᑦ ᑕᓪᓕᒪᖓᓐᓂ ᐊᕐᕌᒍᒥ

ᔪᓚᐃ 20, 2017

ᐱᕙᓪᓕᐊᔪᖅ ᓴᖅᑭᑕᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᒨᑎᔅᑯᑦ ᓇᓗᓇᐃᖅᓯᒋᐊᒃᑲᓐᓂᖅᑐᑦ ᓄᓇᕗᒻᒥ ᒐᕙᒪᖓᑦ Aa1 ᑮᓇᐅᔭᖅᑖᕈᑎᖏᑕ ᖃᐅᔨᓴᕈᑎᖏᑦ ᑕᓪᓕᒪᖓᓐᓂ ᐊᕐᕌᒍᒥ

ᐃᖃᓗᐃᑦ, ᓄᓇᕗᑦ (ᔪᓚᐃ 20, 2017) – ᑮᓇᐅᔭᓕᕆᔨᒃᑯᑦ ᒥᓂᔅᑕᖓ ᑮᑦ ᐲᑕᓴᓐ ᐱᒃᑯᓕᔪᖅ, ᑕᓪᓕᒪᒋᓪᓗᓂᐅᒃ ᐊᕐᕌᒍᖓ ᑐᖏᓕᕇᒃᖢᑎᒃ, ᒨᑎᔅ ᑮᓇᐅᔭᓕᐅᕋᓱᐊᖅᑎᑦ ᐱᔨᑦᑎᕋᐅᑎᖏᑦ ᓇᓗᓇᐃᖅᓯᒋᐊᒃᑲᓐᓂᕐᓂᖏᓐᓂ ᓄᓇᕗᒻᒥ ᒐᕙᒪᖓᑦ (GN) ᑲᔪᓯᓂᖓ ᑮᓇᐅᔭᖅᑖᕈᑎᖏᑕ ᖃᐅᔨᓴᕈᑎᖏᓐᓂ Aa1 ᒪᑭᑕᓂᖃᑦᑎᐊᕐᖢᑎᒃ ᓯᕗᓂᕆᓂᐊᖅᑕᑦᑎᓐᓂ ᓯᕗᓪᓕᖅᐹᒥ ᐱᓕᕆᐊᒃᓴᖃᖅᑎᑕᐅᓚᐅᖅᑐᖅ ᓄᓇᕗᒻᒥ ᒐᕙᒪᒃᑯᓐᓄᑦ ᐊᐅᒍᓯ 2012.

"ᐋᖅᑭᒃᓯᒪᑎᑦᑎᓂᖅ Aa1 ᑮᓇᐅᔭᖅᑖᕈᑎᖏᑕ ᖃᐅᔨᓴᕈᑎᖏᑦ ᑕᓪᓕᒪᒋᓪᓗᓂᐅᒃ ᐊᕐᕌᒍ ᑭᖑᓕᕇᒃᖢᑎᒃ ᓴᖅᑭᑎᑦᑎᔪᖅ ᓄᓇᕗᒻᒥ ᒐᕙᒪᖓᑦ ᓱᓕᓂᖃᑦᑎᐊᖅᑐᒥᒃ ᐊᑐᕆᐊᕐᓂᖅ ᑮᓇᐅᔭᐃᔭᕐᓂᕐᒥᒃ ᐃᓕᓴᕆᔭᐅᔪᖅ ᐃᓚᒋᔭᐅᓪᓗᓂ ᓴᙱᓂᕐᒥᑦ ᒐᕙᒪᑦᑎᓐᓄᑦ," ᐅᖃᖅᑐᖅ ᒥᓂᔅᑕ ᐲᑕᓴᓐ. "ᒐᕙᒪᑦᑕ ᐅᔾᔨᖅᓱᑦᑎᐊᕐᖢᓂ ᑮᓇᐅᔭᑦ ᐸᕐᓇᒃᑕᐅᓂᖏᓐᓂ, ᐊᑮᑦᑐᖃᓗᐊᙱᖦᖢᓂ ᑐᑭᒧᐊᕈᑎᒃᓴᓄᓪᓗ ᐋᖅᑭᒃᓯᓂᖏᑦ ᓇᒧᑦ ᑮᓇᐅᔭᓕᐅᕈᓐᓇᕐᒪᖔᑕ ᐱᕕᖃᖅᑎᑖᑎᒍᑦ ᑲᔪᓯᑎᑦᑎᔪᓐᓇᕐᓂᕐᒥᒃ ᐊᕐᕌᒍᑕᒫᖅᓯᐅᑎᑦᑎᓐᓂᒃ ᑲᒪᒋᔭᕆᐊᓕᖕᓂ."

ᒨᑎᔅ ᑮᓇᐅᔭᖃᕐᓂᕐᒧᑦ ᐅᖃᐅᓯᖓ ᒪᓕᒃᓗᒍ ᓴᖅᑭᔮᖅᑎᑦᑎᔪᖅ ᓄᓇᕗᒻᒥ ᒐᕙᒪᒃᑯᑦ ᐊᖏᔪᓄᑦ ᒐᕙᒪᑐᖃᒃᑯᓐᓄᑦ ᓅᑎᑕᖏᓐᓂ ᐃᑲᔪᖅᑐᓂᒃ ᑮᓇᐅᔭᓕᐊᖑᓂᐊᕋᓱᒋᔭᐅᔪᓂ ᑐᙵᕕᖃᑦᑎᐊᕐᓂᕐᒥ, ᐊᑦᑎᒃᑐᒦᑦᑐᓄᑦ ᐱᔭᒃᓴᐅᔪᓄᓪᓗ ᐊᑮᑦᑐᓄᑦ ᐊᒃᓱᕈᕐᓇᖅᑐᓄᑦ − ᐊᑦᑎᓛᖑᔪᖅ ᓄᓇᓕᕐᔪᐊᓂ ᐊᕕᒃᑐᖅᓯᒪᓂᐅᔪᓂ ᓄᓇᓕᕋᓛᓂᒃᓗ ᐊᕕᒃᑐᖅᓯᒪᓂᐅᔪᓂ − ᖃᐅᔨᒪᓇᖅᑎᑦᑎᑦᑎᐊᕐᓂᖓᓗ ᐅᓂᒃᑳᖏᓐᓂ ᐊᖏᓗᐊᕌᓗᖏᑦᑐᓂᒃ ᑲᑎᖅᓱᖅᑕᐅᔪᓂ ᐊᒥᐊᒃᑯᖏᓐᓂ ᐃᓚᒋᓪᓗᓂᐅᒃ ᑮᓇᐅᔭᖃᕐᓂᕐᒧᑦ ᓴᙱᓂᖃᕐᓂᕐᓂ. ᑕᐃᒪᐃᒃᑲᓗᐊᖅᑎᓪᓗᒍ, ᒨᑎᔅ ᐅᖃᕆᓪᓗᑎᒃ ᕿᑎᐊᓃᓕᖅᑎᓪᓗᒍ ᓄᓇᕗᒻᒥ ᒐᕙᒪᒃᑯᑦ ᐊᒃᓱᕈᕐᓇᖅᑐᒧᖓᐅᖏᓐᓇᕐᓂᐊᖅᐳᑦ, ᐱᓗᐊᖅᑐᒥᒃ ᐱᔾᔪᑎᒋᓪᓗᒍ ᐊᐅᓚᓂᖃᐃᓐᓇᕐᓂᖅ ᓴᓇᔭᐅᔭᕆᐊᓕᖕᓄᓪᓗ ᑮᓇᐅᔭᐃᔭᕐᓂᖅ, ᐅᓄᙱᑦᑐᑦ ᐊᔾᔨᒌᖏᑦᑐᓪᓗ ᒪᑭᒪᓇᓱᐊᕈᑎᓂ ᑕᑎᒋᓪᓗᒋᑦ ᐅᔭᕋᖕᓂᐊᕐᕕᑦ, ᐱᕈᖅᐸᓪᓕᐊᔪᕐᓗ ᒐᕙᒪᖃᕐᓂᖅ ᐊᐅᓚᑦᑎᓂᕐᒧᓪᓗ ᐊᑐᐊᒐᖏᑦ.

ᐱᑎᑦᑎᔪᖅ ᑮᓇᐅᔭᖅᑖᕈᑎᖏᑕ ᖃᐅᔨᓴᕈᑎᖏᓐᓂ ᐃᓄᑑᓪᓗᓂ ᐅᖃᐅᓯᖓ ᐱᓪᓗᒍ ᑲᑐᔾᔨᖃᑎᒌᖑᔪᖅ ᐱᔪᓐᓇᕐᒪᖔᑦ ᐱᓕᕆᐊᕆᔪᒪᓗᒍᓗ ᑮᓇᐅᔭᓕᕆᓂᕐᒥ ᑐᕌᒐᒃᓴᖏᑦ. ᖃᐅᔨᒋᐊᒃᑲᓐᓂᕈᒪᓂᕐᒧᑦ ᒨᑎᔅ ᑮᓇᐅᔭᓕᐅᕋᓱᐊᖅᑎᑦ ᐱᔨᑦᑎᕋᐅᑎᖏᓐᓂ, ᐅᐸᒃᓗᒍ www.moodys.ca.

###

ᐱᕙᓪᓕᐊᔪᓄᑦ ᑐᓴᕆᐊᕐᕕᒃᓴᖅ:
ᑕᓃᔅ ᒍᕋᓐᒪᐃᓴᓐ
ᐊᐅᓚᑦᑎᔨ, ᑐᓴᐅᒪᔪᓕᕆᔨᒃᑯᑦ
ᑮᓇᐅᔭᓕᕆᔨᒃᑯᑦ
867-975-6818
FinanceComs@gov.nu.ca