ᐅᖃᓚᐅᑎᓯᐅᑏᑦ

ᓴᓇᔪᓕᕆᔨᐅᓂᕐᒧᑦ, ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᓄᑦ ᐃᓕᑕᕆᔭᐅᔾᔪᓯᐊᖅ

ᓄᓇᕘᑉ ᐱᓕᕆᓂᖓ ᐱᕈᖅᐸᓪᓕᐊᖕᒪᑦ ᐊᒻᒪᓗ ᐱᖁᔭᐅᓃᑦ ᐃᖅᑲᓇᐃᔭᖅᑎᓄᑦ ᓴᓇᔪᓕᕆᓂᕐᒥ ᖁᕝᕙᖅᓯᒪᖕᒪᑦ. ᓄᓇᕗᒻᒥ ᒐᕙᒪᖓᑦ ᐱᖁᔨᖕᒪᑦ ᓄᓇᕗᒻᒥᐅᓂ ᐃᑲᔫᑎᖃᖃᑕᐅᓗᑎᒃ ᑖᔅᓱᒪᖖᒐᑦ ᐱᕈᖅᐸᓪᓕᐊᔪᒥᒃ ᐃᖅᑲᓇᐃᔭᕐᓃᓪᓗ ᐃᓚᐅᖃᑕᐅᔪᓂᑦ. ᐊᑲᐅᓂᖅᐹᖑᔪᖅ ᑕᒪᓐᓇ ᐱᓕᕆᓗᒍ ᓇᓗᓇᐃᒃᑯᑕᖃᕐᓗᑎᑦ ᓴᓇᔪᓕᕆᓂᐅᓂᕐᒧᑦ.

 

 

ᐃᓄᓕᕆᔨᒃᑯᑦ ᓴᓇᔪᓕᕆᔨᒃᑯᕕᖓ ᐃᑲᔪᖅᓱᐃᔪᑦ ᐊᔪᖖᒋᑦᑐᓂᒃ  ᐃᖅᑲᓇᐃᔭᖅᑎᓂᑦ Tᐊᒻᒪ ᓴᓇᔪᓕᕆᓂᕐᒥᑦ ᐱᕙᓪᓕᐊᑎᓪᓗᒋᑦ ᓴᓇᔪᓕᕆᔨᒻᒪᕆᖖᒍᕐᓂᕐᒧᑦ ᐱᖃᕐᓗᑎᒃ ᐱᖃᖖᒋᓪᓗᑎᒡᓘᓐᓃᑦ  ᑲᓇᑕᒥ ᐊᕕᒃᑐᖅᓯᒪᔪᓪᓗ ᐊᐅᐸᖅᑐᒥᒃ ᓇᕿᕝᕕᒋᓯᒪᔪᒥᒃ ᐃᓕᑕᕆᔭᐅᔾᔪᓯᐊᖅn. ᓴᓇᔪᓕᕆᔨᐅᓂᕐᒧᑦ ᐱᓕᕆᕝᕕᖓ ᐃᓕᑕᕆᔭᐅᔾᔪᓯᐊᖅᑎᑦᑎᓲᖑᖕᒥᔪᑦ ᐱᔪᓐᓇᐅᑎᖃᖅᑐᓄᑦ ᓴᓇᔪᓕᕆᓂᕐᒧᑦ ᐃᖅᑲᓇᐃᔮᓂ. ᐱᓕᕆᕝᕕᒃ ᐊᐅᓚᑕᐅᔪᖅ ᐅᑯᓄᖓ ᓴᓇᔪᓕᕆᔨᐅᓂᕐᒧᑦ, ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᓄᑦ ᐃᓕᑕᕆᔭᐅᔾᔪᓯᐊᑦ ᐱᖁᔭᖓt ᐊᒻᒪᓗ ᐋᖅᑭᒃᓱᐃᕙᒃᖢᑎᒃ ᐊᑐᖅᖢᑎᒃ ᐱᖁᔭᐅᓯᒪᔪᓂᑦ ᓄᓇᕗᒻᒥ ᓴᓇᔪᓕᕆᔨᐅᓂᕐᒧᑦ, ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᓄᑦ ᐃᓕᑕᕆᔭᐅᔾᔪᓯᐊᕐᒥ ᑲᑎᒪᔨᖏᑦ.

 

 

ᐊᒃᓱᕈᕐᓇᖅᑐᒥ ᐱᓕᕆᔪᒪᒍᕕᑦ, ᐊᓕᐊᓇᐃᑦᑐᒥᒃ ᐊᒻᒪᓗ ᐊᑭᓕᖅᓱᖅᑕᐅᑦᑎᐊᕐᓇᕐᑐᒥᒃ ᐃᖅᑲᓇᐃᔮᒥᑦ ᓄᓇᕗᑦ ᐱᕈᖅᐸᓪᓕᐊᔫᑉ ᒪᑭᒪᓇᓱᐊᕐᕕᖓᓂ, ᐊᓱᐃᓛᖅ ᐊᔪᖖᒋᑦᑐᓄᑦ ᓴᓇᔪᓕᕆᓂᕐᒧᑦ ᐃᖕᓅᖓᑐᐃᓐᓇᕆᐊᓕᒃ. ᖃᐅᔨᒋᐊᕈᒪᒍᕕᑦ ᖃᓄᖅ ᐃᓚᐅᖃᑕᐅᓕᕐᓂᕐᒧᑦ ᓴᓇᔪᓕᕆᓂᕐᒧᑦ ᐱᔪᒪᒍᕕᓪᓘᓐᓃᑦ ᓄᓇᕗᒻᒥ ᓴᓇᔪᓕᕆᓂᕐᒧᑦ ᐃᓕᑕᕆᔭᐅᔾᔪᓯᐊᒥᑦ, ᖃᐅᔨᒋᐊᕐᓗᒍ ᐃᖅᑲᓇᐃᔮᒃᓴᖅᑖᕋᓱᒃᑐᓕᕆᔨ ᓄᓇᓕᔅᓯᓐᓂ.

 

 

ᖃᐅᔨᒋᐊᑲᐅᖅᑐᕐᕕᒃᓴᑦ

ᑭᓲᕙ ᓴᓇᔪᓕᕆᔨᐅᓂᕐᒧᑦ?

ᑭᒃᑯᑦ ᐱᓕᕆᖃᑕᐅᕙᑦ ᓴᓇᔪᓕᕆᔨᓂᐅᕐᒧᑦ? ᐱᓕᕆᐊᒃᓴᑦ ᑲᒪᒋᔭᒃᓴᓪᓗ

ᖃᓄᕐᓕ ᓴᓇᔪᓕᕆᔨᖖᒍᕐᓂᐊᕋᒪ?

ᖃᓄᕐᓕ ᐱᔪᓐᓇᕋᒪ ᓄᓇᕗᒻᒥ ᐃᓕᑕᕆᔭᐅᔾᔪᓯᐊᕐᒥ ᐊᑐᕐᓂᑰᓗᖓ ᐃᖅᑲᓇᐃᔭᖅᑎᐅᓗᖓ?

 

 

ᑭᓲᕙ ᓴᓇᔪᓕᕆᔨᐅᓂᕐᒧᑦ?
 

ᓴᓇᔪᓕᕆᔨᐅᓂᕐᒧᑦ ᐋᖅᑭᓯᒪᓪᓗᓂ ᐊᑐᖅᑕᐅᓲᖅ ᑲᒪᔨᖃᕐᖢᑎᒃ ᐱᓕᒻᒪᒃᓴᑎᑕᐅᕐᒥᒃ ᐃᓚᒍᑎᖃᕐᓗᓂ ᐃᖅᑲᓇᐃᔭᖅᓯᒻᒫᑦ ᐃᓕᑦᑎᕙᓪᓕᐊᓂᕐᒥᒃ (ᑲᒪᒋᔭᐅᓪᓗᓂ ᓯᕗᒡᒍᔨᔪᒧᑦ ᐃᓕᑕᕆᔭᐅᓯᒪᔪᒧᑦ ᓴᓇᔪᓕᕆᔨᒻᒪᕆᖕᒥᑦ) ᐊᒻᒪᓗ ᐃᓚᒋᐊᖅᑕᐅᔪᓐᓇᖅᑐᖅ ᐃᓕᓐᓂᐊᕐᕕᖕᒥ ᐃᓕᓴᖅᑕᐅᓗᓂ (ᖃᖓᑐᐃᓐᓇᒃᑯᑦ 8-ᓂᑦ 12-ᓄᑦ ᐱᓇᓱᐊᕈᓯᕐᓂᑦ ᐊᑯᓂᐅᓂᖓ). ᐱᔭᕇᕋᓱᒡᓗᓂ ᓴᓇᔪᓕᕆᓂᕐᒧᑦ ᐊᔾᔨᒌᖏᑦᑐᑦ ᐊᕐᕌᒎᖕᓄᑦ ᒪᕐᕉᖕᓄᑦ ᑎᓴᒪᓄᓪᓘᓐᓃᑦ, ᐊᑐᕐᓗᒍ ᖃᓄᐃᓕᖓᓂᕆᔭᖓ ᓴᓇᔪᓕᕆᓂᕐᒧᑦ ᐊᑐᓚᐅᖅᓯᒪᓂᖓᓄᑦ ᐊᒻᒪᓗ ᐱᓕᒻᒪᒃᓴᓂᐅᑉ ᐱᔭᕆᐊᖃᖅᑕᖏᑎᒍᑦ ᑕᐃᔅᓱᒧᖓ ᓴᓇᔪᓕᕆᓂᕐᒧᑦ. ᓴᓇᔪᓕᕆᔨᐅᓂᕐᒧᑦ ᐃᓕᓐᓂᐊᒐᒃᓴᖅ ᐱᑎᑦᑎᓲᖅ ᓴᓇᔪᓕᕆᔨᐅᓂᕐᒧᑦ ᖃᐅᔨᒪᔭᖃᕐᓂᕐᒥᒃ, ᐱᔪᓐᓇᕐᓂᕐᒥᒃ, ᐱᓇᓱᑦᑎᐊᕈᓐᓇᕐᓂᕐᒥᒃ ᐊᒻᒪᓗ ᐃᓕᓐᓂᐊᕐᓂᕐᒃ ᑖᔅᓱᒪ ᓂᕈᐊᖅᑕᖓᒍᑦ ᓴᓇᔪᓕᕆᓂᕐᒧᑦ ᐃᖅᑲᓇᐃᔮᖓᓄᓪᓘᓐᓃᑦ. ᐱᔭᕇᕈᓂ, ᓴᓇᔪᓕᕆᔨᐅᓂᕐᒧᑦ ᐃᓕᓐᓂᐊᒐᒃᓴᖅ ᑕᐃᑯᖖᒐᖅᑎᑦᑎᓲᖅ ᐃᓕᑕᕆᔭᐅᓯᒪᔪᒧᑦ ᐃᓕᑕᕆᔭᐅᔾᔪᓯᐊᒧᑦ.

 

 

ᑭᒃᑯᑦ ᐱᓕᕆᖃᑕᐅᕙᑦ ᓴᓇᔪᓕᕆᔨᓂᐅᕐᒧᑦ?

 

ᓴᓇᔪᓕᕆᔨᐅᓂᕐᒧᑦ ᐱᓕᒻᒪᒃᓴᓂᖅ ᐃᓚᐅᑎᑦᑎᔪᑦ ᓴᓇᔪᓕᕆᓂᕐᒥᒃ, ᐃᖅᑲᓇᐃᔭᖅᑎᑦᑎᔨ ᐊᒻᒪᓗ ᑲᒪᔨᐅᔪᖅ ᓴᓇᔪᓕᕆᔨᒻᒪᕆᒃ. ᓄᓇᕗᒻᒥ ᓴᓇᔪᓕᕆᓂᕐᒧᑦ ᐱᓕᕆᕝᕕᖓ ᐊᒻᒪᓗ ᓄᓇᓕᖕᓂ ᐊᕕᒃᑐᖅᓯᒪᔪᓂ ᐃᖅᑲᓇᐃᔭᕈᓐᓇᖅᓯᓇᓱᖕᓂᕐᒧᑦ ᑎᑎᕋᖅᑎᖓᑦ ᐃᑲᔪᖃᑦᑕᖅᑐᑦ ᐃᖅᑲᓇᐃᔭᖅᑎᑦᑎᔨᓂᑦ ᐊᒻᒪᓗ ᓴᓇᔪᓕᕆᓂᕐᒧᐊᕐᓂᐊᖅᑐᖅ ᐃᓚᐅᖃᑕᐅᔾᔪᑎᓕᕆᓂᖓᓄᑦ ᐊᒻᒪᓗ ᑲᒪᒌᓐᓇᕐᓗᓂᒋᑦ ᐱᔨᑦᑎᕋᖅᑕᐅᔪᑦ.  ᐊᑕᐅᓯᐅᑦᑕᖅᖢᑎᒃ ᐃᓄᐃᑦ ᐱᓕᕆᐊᒃᓴᖃᖅᑐᑦ ᑲᒪᒋᔭᒃᓴᖃᕐᖢᑎᓗ ᐱᐊᓂᒐᓱᖕᓂᕐᒧᑦ (ᐊᑖᓃᑦᑐᖅ). ᖃᐅᔨᒋᐊᒃᑲᓐᓂᕈᒪᒍᕕᑦ, ᑐᓴᕆᐊᕐᕕᒋᓗᒍᓗ ᓴᓇᔪᓕᕆᔨᐅᓂᕐᒧᑦ ᐊᐱᖅᑯᑕᐅᒐᔪᒃᑐᓄᑦ ᑎᑎᕋᒐᖅ.

 

 

ᓴᓇᔪᓕᕆᔨᐅᓂᕐᒧᑦ ᐱᔭᕆᐊᓖᑦ:

  • ᖃᐅᔨᒪᓗᒍ ᑭᓱ ᐃᓚᐅᖃᑕᐅᖕᒪᖔᑦ ᑖᔅᓱᒧᖓ ᓴᓇᔪᓕᕆᓂᕐᒧᑦ, ᐃᓕᑦᑎᓗᓂ ᐃᓕᓗᒋᓪᓗ ᐊᔪᖖᒋᑕᖏᑦ ᐊᒻᒪᓗ ᐊᔪᖖᒋᓪᓗᓂ ᐃᖅᑲᓇᐃᔭᖅᑎᑦᑎᔨᐅᑉ ᐱᕈᖅᐸᓪᓕᐊᓂᕐᒧᑦ ᐱᔭᕆᐊᖃᖅᑕᖏᓐᓂ ᐱᔪᓐᓇᖅᑕᓕᒫᑦ ᐊᔪᕐᓇᖖᒋᑐᐊᖅᐸᑦ.
  • ᓇᖕᒥᓂᖃᓕᕐᓗᑎᑦ ᐃᖅᑲᓇᐃᔭᖅᓯᒻᒫᑦ ᐊᒻᒪᓗ ᐱᓕᒻᒪᒃᓴᓂᕐᒥᒃ.
  • ᐊᑐᐃᓐᓇᐅᓗᑎᑦ ᐃᓕᑦᑎᔪᒪᑦᑎᐊᕐᓗᑎᓪᓗ.
  • ᖃᐅᔨᒪᓗᑎᑦ ᐱᓕᒻᒪᒃᓴᓂᕐᒧᑦ ᐃᓱᓕᕝᕕᖏᓐᓂᑦ ᐊᒻᒪᓗ ᑎᑎᖃᓕᕆᔾᔪᑎᖏᓐᓂᒃ ᐱᔭᕆᐊᓕᖕᓂᑦ ᐊᒻᒪᓗ ᐊᐱᖅᓱᑦᑎᐊᕐᐸᒡᓗᑎᑦ.

 

 
ᐃᖅᑲᓇᐃᔭᖅᑎᑦᑎᔨᐅᑉ ᐱᓕᕆᔭᕆᐊᖃᖅᑕᖏᑦ:

  • ᐃᑲᔪᖅᓱᕐᓗᒍ ᖁᕝᕙᓯᒋᐊᕐᓗᒍᓗ ᐊᑦᑕᕐᓇᕐᑕᐃᓕᒪᓂᕐᒧᑦ ᐃᖅᑲᓇᐃᔭᕐᓂᖅ ᐊᒻᒪᓗ ᐃᓕᑦᑎᕙᓪᓕᐊᓂᕐᒧᑦ ᐊᕙᑎᖓᓂ.
  • ᐱᖁᓪᓗᒍ ᑲᒪᔨᒋᔭᖅ ᓴᓇᔪᓕᕆᓂᒻᒪᕆᖕᒧᑦ ᐊᑐᐃᓐᓇᐅᓗᓂ ᐊᒻᒪᓗ ᑲᒪᒋᔭᖃᕈᒪᑦᑎᐊᕐᓗᓂ ᓴᓇᔪᓕᕆᔨᖖᒍᕋᓱᒃᑐᒥᑦ(ᓂᑦ).
  • ᑕᐃᒪᐃᖏᓇᖅᑎᓐᓇᓱᒡᓗᒍ ᓴᓇᔪᓕᕆᔨᒻᒪᕆᒃ ᓴᓇᔪᓕᕆᓂᕐᒧᑦ ᓇᓃᓐᓂᖓ ᐱᔭᕆᐊᖃᖅᑐᓂ ᓴᓇᔪᓕᕆᓂᕐᒧᑦ.
  • ᐊᑭᓕᕐᓗᒍ ᓴᓇᔪᓕᕆᔨᐅᓂᕐᒧᑦ ᒪᓕᒃᓗᒍ ᓴᓇᔪᓕᕆᔨᐅᓂᕐᒨᖓᔪᖅ, ᓴᓇᔪᓕᕆᓂᖅ ᐊᒻᒪᓗ ᐃᖅᑲᓇᐃᔮᒧᑦ ᐊᑐᐊᒐᕐᓂᑦ.
  • ᐱᕕᖃᖅᑎᓪᓗᒍ ᓴᓇᔪᓕᕆᔾᖖᒍᕋᓱᒃᑐᖅ ᐃᓚᐅᖃᑕᐅᓂᕐᒥᒃ ᐱᔭᕆᐊᖃᖅᑐᓂ ᐱᓕᒻᒪᒃᓴᕈᑕᐅᓲᓄᑦ ᖃᐅᔨᓴᖅᑕᐅᔾᔪᑎᓄᓪᓗ.
  • ᑐᓂᓯᓗᑎᑦ ᓴᓇᔪᓕᕆᓂᕐᒧᐊᕋᓱᒃᑑᑉ ᐃᖅᑲᓇᐃᔭᕐᓂᑯᖓᑕ ᓇᓗᓇᐃᕈᑎᖏᓐᓂᒃ (ROE) ᐱᖁᓪᓗᒋᑦ ᐆᒃᑐᑎᒥᒃ ᓴᓇᖖᒋᑦᑐᖅᓯᐅᑎᑖᕐᓂᕐᒧᑦ ᐱᔭᐅᔪᓐᓇᖅᑐᓂ ᐱᓕᒻᒪᒃᓴᕙᓪᓕᐊᓕᕐᐸᑕ (ᐃᖅᑲᓇᐃᔭᖅᑎᑦᑎᔩᑦ ᐱᓕᕆᔪᓐᓇᖅᓯᔪᑦ ᐱᔭᕇᖅᓯᓗᑎᒡᓗ ᑐᓂᓯᓗᑎᒃ ᓴᓇᔪᓕᕆᔨᖖᒍᕋᓱᒃᑑᑉ ᐃᖅᑲᓇᐃᔭᕐᓂᑯᖏᓐᓂ ᓇᓗᓇᐃᔭᖅᓯᒪᔪᓂ ᖃᕋᓴᐅᔭᒃᑯᑦ. ᓇᓗᓇᐃᕈᑎᒃᓴᒃᑲᓐᓂᕐᓄᑦ, ᐅᐸᒡᓗᒍ ᐅᓇ ᐱᔨᑦᑎᕋᖅᑏᑦ ᑲᓇᑕᒥ ᐃᖅᑲᓇᐃᔭᕐᓂᑯᖏᓐᓂ ᓇᓗᓇᐃᔭᕈᑎᓄᑦ ᐃᑭᐊᖅᑭᕕᒃ.).
  • ᖃᐅᔨᓴᕐᓗᒋᑦ ᖃᓄᐃᓕᐅᖃᑦᑕᖅᓯᒪᓂᕆᔭᖏᑦ ᓴᓇᔪᓕᕆᔨᖖᒍᕋᓱᒃᑑᑉ ᑕᐃᑲᖖᒐᑦ ᑲᒪᔨᒥᑦ ᓴᓇᔪᓕᕆᔨᒻᒪᕆᖕᒥᑦ ᖃᖓᖖᒍᕌᖓᑦ.

 


ᑲᒪᔨ ᓴᓇᔪᓕᕆᔨᒻᒪᕆᖕᒥᑦ ᐱᔭᕆᐊᖃᖅᑕᖏᑦ:

  • ᐱᓕᕆᔪᓐᓇᖅᓯᑎᑉᐸᓪᓕᐊᓗᒋᑦ ᓴᓇᔪᓕᕆᔨᖖᒍᕋᓱᒃᑐᑦ ᐅᔾᔨᕐᓇᖅᓯᑎᑦᑎᓗᓂ ᑎᓕᐅᕆᓗᓂᓗ ᖁᑦᑎᓛᖑᔪᓂᑦ ᓴᓇᔪᓕᕆᓂᕐᒥᒃ ᐊᑐᐊᒐᖏᓐᓂ.
  • ᐃᓕᓐᓂᐊᖅᑎᓪᓗᒋᑦ ᓴᓇᔪᓕᕆᔨᖖᒍᕋᓱᒃᑐᑦ ᐱᔪᓐᓇᖅᓯᓂᕐᒥᒃ ᓴᓇᔪᓕᕆᓂᕐᒧᑦ ᐱᐅᓛᑎᒍᑦ ᐊᔪᖖᒋᑕᖏᓐᓂ.
  • ᓴᖅᑭᑎᑦᑎᓗᓂ ᓈᒻᒪᒃᑐᒃᑯᑦ ᑲᒪᒋᔭᖃᕐᓂᕐᒥᒃ ᓱᓕᔪᓂᒡᓗ ᐅᖃᐅᔾᔨᖃᑦᑕᕐᓂᕐᒥᒃ.
     

 

ᖃᓄᕐᓕ ᓴᓇᔪᓕᕆᔨᖖᒍᕋᓱᒍᓐᓇᖅᐳᖓ ᓄᓇᕗᒻᒥ?

 

ᐱᓕᕆᔨᖖᒍᕈᒪᒍᕕᑦ ᓴᓇᔪᓕᕆᓂᕐᒥᒃ ᓄᓇᕗᒻᒥ, ᐃᓚᐅᖃᑕᐅᓕᖅᑎᑦᑕᕆᐊᖃᖅᑐᑎᑦ ᓄᓇᕗᒻᒥ ᓴᓇᔪᓕᕆᖖᒍᕋᓱᖕᓂᕐᒧᑦ ᐃᓕᓐᓂᐊᒐᒃᓴᒥᑦ. ᑖᓐᓇ ᑕᐃᒪᐃᖁᓗᒍ, ᐅᑭᐅᖃᕆᐊᖃᖅᑐᑎᑦ 18-ᒥ ᐱᒋᐊᕐᓗᒍ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᖃᕐᓗᑎᑦ ᐃᖅᑲᓇᐃᔭᖃᑎᖃᕈᒪᔪᒥᒃ ᐃᓕᖕᓂᒃ ᓴᓇᔪᓕᕆᔨᐅᓂᕐᒧᑦ (ᐅᖃᖃᑎᖃᕈᓐᓇᕐᒥᔪᑎᑦ ᐃᖅᑲᓇᐃᔭᕈᓐᓇᖅᓯᓇᓱᒃᑎᑦᑎᓕᕆᔨᒥᒃ ᓇᓃᑦᑐᓐᓇᕐᒪᖔᖅᐱᑦ ᐃᖅᑲᓇᐃᔭᖅᑎᑦᑎᔨᖏᓄᑦ). ᐃᖅᑲᓇᐃᔭᖅᑎᑦᑎᔨᑦᑕᐅᖅ ᐃᓕᓴᕆᔭᐅᔾᔪᓯᐊᖃᕆᐊᓕᒃ ᓴᓇᔪᓕᕆᔨᒻᒪᕆᐅᓂᕐᒧᑦ ᐱᓕᒻᒪᒃᓴᓯᒪᓗᓂ ᑐᒃᓯᕋᖅᑑᑉ ᐱᔪᒪᔭᖓᓂᑦ ᓴᓇᔪᓕᕆᓂᕐᒥ ᐊᒻᒪᓗ ᓄᓇᖅᑲᖃᑎᒋᓗᒍ ᑕᐃᔅᓱᒪ ᑐᒃᓯᕋᖅᑑᑉ ᐃᖅᑲᓇᐃᔭᕐᕕᒋᓂᐊᖅᑕᖓᓂ.  ᑎᑎᕋᕆᐊᖃᕐᒥᔪᑎᑦ ᐱᐊᓂᒃᓯᑦᑎᐊᕐᓗᑎᓪᓗ ᓴᓇᔪᓕᕆᓂᕐᒥ ᐃᓯᕆᐊᕐᓂᕐᒥ ᖃᐅᔨᓴᖅᑕᐅᔾᔪᑎᒥᑦ.  ᖃᐅᔨᒋᐊᕐᓗᒍ ᐃᖅᑲᓇᐃᔭᕈᓐᓇᖅᓯᑎᑦᑎᔨ ᓄᓇᓕᖕᓂ/ᓄᓇᓕᖕᓂ ᐊᕕᒃᑐᖅᓯᒪᔪᓂ ᐃᓕᑦᑎᒃᑲᓐᓂᕈᒪᒍᕕᑦ ᐱᔭᕆᐊᓕᖕᓂ ᐃᑲᔪᖅᑕᐅᓗᑎᓪᓗ ᑐᒃᓯᕋᐅᑎᒧᑦ ᐱᓕᕆᓂᕐᒥ.

 

 

ᖃᓄᕐᓕ ᐱᔪᓐᓇᕋᒪ ᓄᓇᕗᒻᒥ ᐃᓕᓴᕆᔭᐅᔾᔪᑎᒥᒃ ᐊᑐᕐᓂᑰᓕᕐᓗᖓ ᓴᓇᔪᓕᕆᓂᕐᒧᑦ ᐃᖅᑲᓇᐃᔭᖅᑎᒧᑦ?

 

ᓴᓇᔪᓕᕆᔩᑦ ᐃᓄᐃᑦ ᐊᑐᑦᑎᐊᖅᑐᒥᒃ ᐊᐅᐸᖅᑐᒥᒃ ᓇᕿᕝᕕᒋᓯᒪᔪᒥᒃ ᐱᒋᐊᖅᑎᑕᐅᓯᒪᔪᖅ ᓴᓇᔪᓕᕆᓂᕐᒧᑦ ᐃᓕᓴᕆᔭᐅᔾᔪᑎᒥᒃ ᐃᖅᑲᓇᐃᔭᕈᓐᓇᖅᑐᑦ ᓇᓂᑐᐃᓐᓇᖅ ᑲᓇᑕᒥ. ᐃᓕᑕᕆᔭᐅᔾᔪᑎᖃᖅᑐᑦ ᓴᓇᔪᓕᕆᔨᒻᒪᕇᑦ ᑎᒍᓯᔪᓐᓇᖅᑐᑦ ᐊᐅᐸᖅᑐᒥᒃ ᓇᕿᕝᕕᒋᓯᒪᔪᒥᒃ ᑕᐃᑲᓂ ᓴᓇᔪᓕᕆᓂᕐᒧᑦ ᐃᓕᑕᕆᔭᐅᔾᔪᑎᖓᓂ ᐱᔭᕇᖅᓯᓂᒃᑯᑦ ᑲᓇᑕᐅᑉ ᓄᓇᓕᖏᓐᓂ (ᐊᐅᐸᖅᑐᒥᒃ ᓇᕿᕝᕕᒋᓯᒪᔪᖅ) ᖃᐅᔨᓴᖅᑕᐅᓂᕐᒥ. ᑕᒪᒃᑭᖖᒋᑦᑐᑦ ᐱᔪᒪᓯᒪᔪᑦ ᓴᓇᔪᓕᕆᓂᕐᒧᑦ ᐱᔪᓐᓇᕈᑎᒥᒃ ᐱᖃᑦᑕᖅᑐᑦ ᓴᓇᔪᓕᕆᓂᐅᔪᒧᑦ ᐊᖅᑯᑎᖓᒍᑦ. ᐊᑐᖅᓯᒪᓂᑰᓗᑎᑦ ᐊᔪᖖᒋᓪᓗᑎᑦ ᓴᓇᔪᓕᕆᓂᕐᒧᑦ ᐃᖅᑲᓇᐃᔭᖅᑎᐅᒍᕕᑦ (ᓲᕐᓗ. ᐊᑐᖅᓯᒪᓂᑰᓗᑎᑦ ᐃᖅᑲᓇᐃᔭᕐᓂᕐᒥᒃ ᑎᒦᑦ ᐱᓕᕆᓗᓂ ᓴᓇᔪᓕᕆᓂᕐᒥ) ᐊᒻᒪᓗ ᐃᓕᑕᕆᔭᐅᓯᒪᔪᒪᓗᑎᑦ  ᐃᖅᑲᓇᐃᔭᖅᑎᓪᓗᑎᑦ ᓄᓇᕗᒻᒥ, ᑐᒃᓯᕋᕈᓐᓇᖅᑐᑎᑦ ᓴᓇᔪᓕᕆᓂᕐᒧᑦ ᐱᔪᓐᓇᖅᓯᓂᕐᒧᑦ ᐃᓕᓐᓂᐊᒐᒃᓴᒥ. ᖃᐅᔨᒋᐊᕐᓗᒍ ᓄᓇᓕᖕᓂ ᐊᕕᒃᑐᖅᓯᒪᔪᓂ ᐃᖅᑲᓇᐃᔭᕈᓐᓇᖅᓯᑎᑦᑎᓕᕆᔨ ᑐᑭᓯᒋᐊᒃᑲᓐᓂᕈᑎᓄᑦ.

 

Back to Top