ᐅᖃᓚᐅᑎᓯᐅᑏᑦ
LogoHome

You are here

ᐱᒋᐊᕐᓂᖓ: “ᐃᓚᐅᖃᑕᐅᔪᓕᒫᓂᒃ ᑕᐅᑐᙳᐊᖅᑕᖅ”

2008 ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᓯᕗᓪᓕᖅᐹᑦᑎᐊᒧᑦ ᓇᓗᓇᐃᖅᓯᔾᔪᑎᐅᕗᖅ ᓄᓇᕗᒻᒥᐅᑦ ᓴᖅᑮᔪᓐᓇᕐᓗᑎᒃ ᐃᓕᓐᓂᐊᕐᓂᓕᕆᓂᕐᒧᑦ ᒪᓕᒐᓕᐊᕆᔭᐅᔪᒥᒃ ᑖᓐᓇ ᐱᒋᐊᕐᑎᑕᐅᓯᒪᔪᖅ ᐊᑐᐊᒐᓂ, ᐱᒻᒪᕆᐅᒋᔭᐅᔪᓂ ᐊᒻᒪᓗ ᑐᕌᒐᕆᔭᐅᓯᒪᔪᓄᑦ ᓄᓇᕗᒧᑦ.

2008-ᒥᓂᑦ, ᐃᓕᑦᑎᓯᒪᑦᑎᐊᕐᐳᑦ ᕿᒥᕐᕈᔭᐅᓚᐅᕐᑎᓪᓗᒍ ᐊᐅᓚᑦᑎᔨᒧᑦ ᐊᒻᒪᓗ ᐊᑐᓕᖁᔨᔾᔪᑎᒃᓴᓕᐊᖑᓯᒪᔪᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ. ᑕᒪᓐᓇ ᐃᓚᓕᐅᔾᔨᓯᒪᕗᖅ ᐊᖏᓂᖅᐹᒧᑦ ᕿᒥᕐᕈᔭᐅᓚᐅᕐᒪᑦ ᑲᓇᑕᒥ ᑕᒻᒪᖅᓯᒪᔪᕐᓂᐊᖅᑎᒻᒪᕆᒻᒧᑦ ᐊᒻᒪᓗ ᓄᓇᕗᑦ ᒪᓕᒐᓕᐅᕐᕕᖓᓂ ᑲᑎᒪᔨᕋᓛᖑᑲᐃᓐᓇᖅᑐᓄᑦ ᕿᒥᕐᕈᓗᑎᒃ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᒥᒃ.

 

ᑖᒃᑯᐊ ᕿᒥᕐᕈᔭᐅᓯᒪᓂᖏᓐᓄᑦ, ᑐᑭᓯᓇᖅᑐᑦ ᐱᕕᒃᓴᐅᒐᔭᖅᑐᑦ ᐃᓕᓴᕆᔭᐅᓯᒪᕗᑦ ᓯᕗᒧᐊᒍᑎᐅᓂᐊᕐᓗᓂ ᐊᓯᔾᔩᔪᓐᓇᕐᓗᑎᓪᓗ ᓴᖅᑭᑦᑎᔪᓐᓇᖁᓪᓗᒋᑦ ᐱᐅᓂᖅᐹᒥᒃ ᐃᓕᓐᓂᐊᖅᑐᓕᕆᓂᕐᒥᒃ ᐃᓕᓐᓂᐊᖅᑎᓄᑦ, ᐃᓕᓴᐃᔨᓄᑦ ᐊᒻᒪᓗ ᓄᓇᓕᐅᔪᓄᑦ. ᓯᕗᒧᐊᖕᓂᖅ ᒪᓕᒐᓕᐊᕆᔭᐅᓯᒪᔪᒧᑦ ᐋᖅᑭᒋᐊᕈᑎᐅᔭᕆᐊᖃᕐᒪᑦ.

 

ᑖᒃᑯᐊ ᐋᖅᑭᒋᐊᕈᑎᐅᔪᑦ ᑐᒃᓯᕋᐅᑎᑐᐃᓐᓇᐅᕗᑦ ᐊᒻᒪᓗ ᖃᐅᔨᓴᖅᑕᐅᓕᒑᕗᑦ, ᐊᐃᕙᔾᔪᑕᐅᓗᓂ ᓂᕈᐊᖅᑕᐅᓗᓂᓗ ᒪᓕᒐᓕᐅᕐᕕᒻᒥ ᑲᑎᒪᔨᓄᑦ. ᑐᕌᒐᕆᔭᐅᓂᖓ ᑭᒃᑯᑐᐃᓐᓇᕐᓄᑦ ᐅᖃᖃᑎᒌᒃᑎᑦᑎᓂᕐᒧᑦ ᐊᒻᒪᓗ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᖅᑕᐅᓂᖓ ᓴᖅᑮᓗᑎᒃ ᑲᑐᔾᔨᓂᒃᑯᑦ ᑕᐅᑐᒐᕆᔭᐅᔪᓂᒃ ᐃᓕᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᖅᑎᓂᓪᓗ ᐱᕙᓪᓕᐊᑎᑦᑎᔪᓐᓇᕐᓂᕐᒧᑦ ᓄᓇᕗᒻᒥ.

ᖃᓄᐃᒻᒪᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᖅᑕᐅᔭᕆᐊᖃᕐᐸ?  

ᐱᔾᔪᑎᖓ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ ᐋᖅᑭᒋᐊᖅᑕᐅᓂᖓᓄᑦ ᓴᓐᖏᔪᒥᒃ ᓂᕆᐅᒋᔭᖃᑦᑎᐊᕈᓐᓇᕐᓗᑕ ᒪᓕᒐᓕᐊᕆᔭᐅᓯᒪᔪᑎᒍᑦ ᐋᖅᑭᒃᓯᒪᓂᖓᒍᑦ. ᐊᓯᔾᔨᖅᓯᒪᒻᒪᕆᒃᐳᖅ ᐊᒻᒪᓗ ᐋᖅᑭᒃᓱᕐᑕᐅᓯᒪᕗᖅ ᐃᒃᐱᒋᓇᓱᐊᑦᑎᐊᖁᓪᓗᒋᑦ:

  • ᐃᓕᓐᓂᐊᕐᑏᑦ ᐱᕙᓪᓕᐊᑎᑕᐅᖏᓐᓇᕐᓗᑎᒃ ᐊᒻᒪᓗ ᐊᓂᒍᐃᔪᓐᓇᑦᑎᐊᖏᓐᓇᕐᓗᑎᒃ ᓄᓇᕘᓕᒫᒥ.
  • < >ᖅᑑᓗᑎᒃ ᐊᑐᕐᓂᖃᐅᑎᒋᔭᐅᔪᑦ ᑲᒪᒋᔭᒃᓴᕆᔭᐅᔪᓪᓗ ᑭᒃᑲᓕᒫᓄᑦ ᐃᓕᓐᓂᐊᕐᓂᓕᕆᓂᕐᒥ ᐃᖅᑲᓇᐃᔭᖅᑐᓄᑦ.
  • ᒪᓕᒐᓕᐊᕆᔭᐅᓯᒪᔪᑦ ᑲᒪᒋᔭᒃᓴᖃᖅᑎᑦᑎᓂᕐᒥᒃ ᓇᓕᒧᑎᑕᐅᓗᑎᒃ ᐃᖅᑲᒋᔭᖃᑦᑎᐊᕐᓗᒋᑦ ᐃᓗᓕᖃᕈᓐᓇᕐᓂᕆᔭᖓ ᐱᓕᒻᒪᒃᓴᐃᓂᕐᓗ.
  • ᒪᕐᕈᐃᓄᑦ ᐅᖃᐅᓯᒃᑯᑦ ᐃᓕᓐᓂᐊᕐᑎᑕᐅᔪᓐᓇᕐᓗᑎᒃ ᐊᒻᒪᓗ ᐃᓕᓐᓂᐊᕐᓂᕐᓗ ᐱᐅᓂᕐᓴᑎᒍᑦ ᐱᓕᕆᐊᖑᔪᓐᓇᕐᓗᓂ ᐃᓄᒃᑎᑐᑦ ᐅᖃᓪᓚᒍᓐᓇᖅᑐᑦ ᐃᓕᓴᐃᔨᓂᒃ ᐊᒥᒐᕈᔾᔨᑎᓪᓗᒋᑦ.
  • ᓄᓇᓖᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ (DEAs) ᐃᑲᔪᖅᑕᐅᓂᕐᓴᐅᓕᕐᓗᑎᒃ.

 

ᕿᒥᕐᕈᓂᖅ ᑐᒃᓯᕋᐅᑕᐅᓯᒪᔪᑦ ᐊᓯᔾᔨᖅᑕᐅᖁᓪᓗᒍ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖅ.

  • ᐱᐅᓯᖃᓂᖅᓴᐅᓕᕐᑎᑦᑎᓗᑎᒃ ᓄᓇᕘᓕᒫᒥ, ᐱᐅᓯᕚᓪᓕᕐᑎᑦᑎᓂᐊᕐᓗᓂ ᐃᓕᓐᓂᐊᕐᓂᓕᕆᓂᕐᒥ ᐱᐅᓂᕆᔭᖓᓂᒃ, ᐱᔾᔪᑎᒃᓴᓂᒃ, ᐊᒻᒪᓗ ᖃᐅᔨᓴᖅᑕᐅᔪᓐᓇᕐᓗᑎᒃ ᐃᓕᓐᓂᐊᖅᑏᑦ ᐊᒻᒪᓗ ᐃᓕᓐᓂᐊᖅᑏᑦ ᐃᓕᓐᓂᐊᕐᓂᕆᔭᖓᑦ.
  • ᐱᐅᓯᕚᓪᓕᖅᑎᑕᐅᓗᓂ ᐱᓕᕆᕕᐅᑉ ᐱᓕᕆᔪᓐᓇᕐᓂᖓ ᒪᕐᕈᐃᓂᒃ ᐅᖃᐅᓯᖃᓂᕐᒧᑦ ᐃᓕᓐᓂᐊᕐᑎᑦᑎᓂᕐᒥᒃ ᐱᐅᓯᐅᓕᕐᑎᑕᐅᓗᑎᒃ ᐃᓕᓐᓂᐊᖅᑎᑦᑎᔾᔪᑎᒋᔭᐅᓯᒪᔪᑦ ᐊᒻᒪᓗ ᐅᖃᐅᓯᒃᑯᑦ ᐃᓕᓐᓂᐊᑎᑦᑎᓗᑎᒃ ᐊᑐᓂ ᐃᓕᓐᓂᐊᖅᑕᐅᔪᒧᑦ/ᖁᕝᕙᓯᓕᖕᓂᖓᑕ ᖁᕝᕙᓯᖕᓂᖓᒍᑦ, ᐊᑑᑎᖃᕐᓂᖅᓴᐅᕚᓪᓕᕐᑎᑦᑎᓕᒑᕗᖅ ᐱᔾᔪᑎᒋᓪᓗᒋᑦ ᐃᖅᑲᓇᐃᔭᖅᑎᑖᓂᕐᒧᑦ ᐃᓕᓐᓂᐊᒐᒃᓴᐃᓪᓗ ᑐᓂᔭᐅᓂᖏᓐᓄᑦ. ᑕᒪᓐᓇ ᑐᑭᖃᕐᐳᖅ ᐱᖓᓱᓂᒃ ᐃᔾᔪᐊᒐᒃᓴᖃᕈᓐᓃᕐᓗᑎᒃ ᒪᕐᕈᐃᓄᑦ ᐅᖃᐅᓯᖃᓂᒃᑯᑦ ᐃᓕᓐᓂᐊᑎᑦᑎᓂᕐᒥᒃ, ᐊᑐᖔᓕᕐᓗᑎᒃ ᐱᐅᓯᖃᖅᑎᑕᐅᔪᖅ ᐋᖅᑭᒃᓯᒪᓂᖓᒍᑦ.

  • ᐱᐅᓯᕚᓪᓕᖅᑎᑕᐅᓗᑎᒃ ᐃᓚᓕᐅᔾᔨᓯᒪᓂᒃᑯᑦ ᐃᓕᓐᓂᐊᑎᑦᑎᓂᖅ ᐊᒻᒪᓗ ᐊᒃᑐᐊᓂᖃᖅᑐᑦ ᖃᐅᔨᓴᕐᓂᐅᔪᑦ. ᑕᒪᓐᓇ ᐃᓚᓕᐅᔾᔨᓯᒪᓂᐊᖅᐳᖅ ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔭᖅᑎᓄᑦ ᐱᓕᕆᐊᒃᓴᖃᖅᑎᑦᑎᓂᓴᐅᖔᓕᓂᕐᒥᒃ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᓄᐊᖅᑕᐅᓐᖏᖔᕐᓗᑎᒃ. ᑕᒪᓐᓇ ᐃᓚᓕᐅᑎᓗᒍ, ᑐᑭᓯᓇᓂᕐᓴᐅᓕᕐᓗᓂ ᐅᕝᕙᓘᓐᓃᑦ ᑭᓱᑦ ᐱᔾᔪᑎᒃᓴᐃᑦ ᐊᑐᐃᓐᓇᐅᒻᒪᖔᑕ ᖃᓄᐃᓕᖓᔪᑎᒍᓪᓗ.

  • ᓇᓕᒧᓕᖅᑎᑕᐅᒃᑲᓐᓂᕐᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᐊᑐᕐᓂᖃᐅᑎᒋᔭᖏᑦ ᑲᒪᒋᔭᒃᓴᕆᔭᖏᓐᓂᒃ ᐃᒃᐱᒋᔭᖃᓂᖅᓴᐅᓕᖁᓪᓗᒋᑦ ᐃᑲᔪᖅᓱᐃᓂᕐᒧᑦ, ᐊᑐᐊᒐᓂᒃ ᐊᐅᓚᑦᑎᓂᕐᒧᑦ ᐊᒻᒪᓗ ᓄᓇᓕᖏᓐᓂᒃ ᐱᓕᕆᐊᒃᓴᓄᑦ, ᑕᒪᓐᓇ ᐃᓚᓕᐅᔾᔨᓯᒪᕗᖅ ᑲᒪᒋᔭᒃᓴᖃᕈᓐᓃᖅᑎᑕᐅᓗᑎᒃ ᑮᓇᐅᔭᖃᖅᑎᑦᑎᓂᕐᒧᑦ ᓱᕈᓯᓛᓄᑦ ᐃᓕᓐᓂᐊᖅᑐᓕᕆᓂᕐᒥᒃ. ᑕᒪᓐᓇ ᐃᓚᓕᐅᑎᓗᒍ, ᐋᖅᑭᒋᐊᖅᑕᐅᒃᑲᓐᓂᖅᓯᒪᔪᑎᒍᑦ ᐊᑐᕐᓂᖃᐅᑎᖃᓕᕐᓂᐊᖅᐳᑦ ᐱᔾᔪᑎᒋᓪᓗᒋᑦ ᐃᖅᑲᓇᐃᔭᖅᑐᓕᕆᔨᒃᑯᑦ ᐃᓕᓐᓂᐊᕐᕕᖕᓄᑦ, ᐃᓚᓕᐅᔾᔨᓯᒪᓂᒃᑯᑦ ᐃᓕᓐᓂᐊᕐᓂᓕᕆᓂᖅ ᐊᓯᖏᓪᓗ ᐃᓕᓐᓂᐊᕐᕕᖕᒥ ᐊᐅᓚᑦᑎᔨᐅᓂᕐᒧᑦ ᐱᓕᕆᐊᒃᓴᐅᔪᓂᒃ.

  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑲᒪᒋᔭᒃᓴᐃᓐᓇᓕᒑᕗᑦ ᐊᐅᓚᔾᔪᑎᓄᑦ ᐊᐅᓚᑦᑎᓂᕐᒧᓪᓗ ᑮᓇᐅᔭᑐᖅᑐᒃᓴᓂᒃ, ᐊᒻᒪᓗ ᐋᖅᑭᒃᓱᐃᓂᕐᒧᑦ ᐊᒻᒪᓗ ᐅᐸᒍᑎᕙᖕᓂᕐᒧᑦ ᐊᑎᓕᐅᖅᑕᐅᓂᕐᒧᓪᓗ ᐊᑐᐊᒐᓂᒃ, ᐃᓚᒋᔭᐅᓪᓗᑎᒃ ᐱᕈᖅᓰᓂᕐᒧᑦ ᐊᒻᒪᓗ ᐃᓚᒋᔭᐅᔪᓂᒃ ᐃᓚᒋᓕᐅᑎᑦᑎᓂᕐᒧᑦ ᐱᒋᐊᖅᑎᑕᐅᔪᓂᒃ.

  • ᑐᑭᓯᓇᓂᕐᓴᐅᓕᕐᓗᑎᒃ ᐊᑐᕐᓂᖃᐅᑎᒋᔭᐅᔪᑦ ᑲᒪᒋᔭᒃᓴᕆᔭᐅᔪᓪᓗ ᐃᓕᓐᓂᐊᕐᕕᒻᒥᑦ ᐊᖓᔪᖅᑳᓂᑦ ᐊᒻᒪᓗ ᐃᓕᓴᐃᓂᕐᒧᑦ ᐃᖅᑲᓇᐃᔭᖅᑎᓂᑦ, ᐃᓚᒋᔭᐅᓪᓗᑎᒃ ᐊᓯᔾᔨᖅᑕᐅᓗᓂ ᑲᒪᒋᔭᒃᓴᕆᔭᐅᔪᑦ ᐱᔾᔪᑎᒋᓪᓗᒋᑦ ᐃᓚᓕᐅᔾᔨᓂᕐᒧᑦ ᐃᓕᓐᓂᐊᕐᓂᓕᕆᓂᕐᒥ.

  • ᓇᓗᓇᐃᔭᒃᑲᓐᓂᕐᓗᒋᑦ ᐊᑐᕐᓂᖃᐅᑎᒋᔭᐅᔪᑦ ᑲᒪᒋᔭᒃᓴᕆᔭᐅᔪᓪᓗ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᑲᑐᔾᔨᖃᑎᒌᖏᑦ ᐊᖏᓂᖅᐹᑎᒍᑦ ᐃᑲᔫᓯᐊᑦᑎᐊᕈᓐᓇᖁᓪᓗᒋᑦ.

  • ᑐᑭᓯᓇᖅᑐᒃᑯᑦ ᓴᖅᑮᓗᑎᒃ ᓵᑕᒃᓴᐅᔪᓐᓇᕐᓂᕐᒧᑦ ᑲᒪᒋᔭᒃᓴᖃᕈᓐᓇᓂᕐᒧᓪᓗ ᑖᒃᑯᓄᖓ ᓄᓇᕗᑦ ᒐᕙᒪᒃᑯᓐᓂᒃ ᐊᒻᒪᓗ ᓄᓇᕗᒻᒥ ᐅᐃᕖᒃᑯᑦ ᐃᓕᓐᓂᐊᖅᑐᓕᕆᔨᖏᑕ ᑲᑎᒪᔨᖏᓐᓂᒃ, ᐃᓚᒋᔭᐅᓪᓗᓂ ᑐᑭᓯᓇᖅᓯᑎᓪᓗᒍ ᐃᖅᑲᓇᐃᔭᖅᑐᓕᕆᓂᖅ ᐊᑐᓂ ᐊᐅᓚᑦᑎᔨ ᐊᒻᒪᓗ ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔭᖅᑎ, ᑕᐃᒪᐃᒻᒪᑦ ᐱᓕᕆᖃᑎᒌᖕᓂᕆᔭᐅᔪᖅ ᑐᓴᐅᒪᑎᑦᑎᓂᕐᓗ ᐱᐅᓯᕚᓪᓕᖅᑎᑕᐅᒐᔭᕐᐳᖅ ᑖᒃᑯᓄᖓ ᒪᕐᕉᒃ ᑲᑐᔾᔨᖃᑎᒌᖑᔫᓐᓄᒃ, ᐊᒻᒪᓗ ᓇᓗᓇᐃᔭᖅᓯᒪᑦᑎᐊᒃᑲᓐᓂᓕᕐᓗᓂ ᐊᒻᒪᓗ ᓴᐳᒻᒥᔭᐅᓕᕐᓗᑎᒃ ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖏᑦ.

  • ᐋᖅᑭᖅᓱᖅᑕᐅᓗᑎᒃ ᓇᓗᓇᐃᔭᐅᑎᒋᔭᐅᔪᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑎᑎᕋᖅᓯᒪᓂᖏᑦᑎᒍᑦ ᒪᓕᒐᓕᐊᕆᔭᐅᔪᑦ ᐊᒻᒪᓗ ᓄᐊᑕᐅᓯᒪᔪᑦ ᑎᑎᕋᖅᓯᒪᔪᓂ ᐊᒃᑐᐊᓂᖃᖅᑐᑦ ᐱᓕᕆᐊᒃᓴᓄᑦ ᐱᓯᒪᔭᐅᔪᑦ ᒥᓂᔅᑕᒧᑦ, ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔭᖅᑎᒧᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ ᐃᓚᖓᓂ 1-ᒥ: ᐊᑐᐊᒐᐃᑦ ᐱᖁᔭᒥ.  ᓇᓗᓇᐃᔭᐃᔪᖅ ᐃᓄᐃᑦ ᖃᐅᔨᒪᔭᑐᖃᖓᑦ ᐱᒻᒪᕆᐅᓂᖓᓄᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᓄᓇᓕᖓᓂ ᐃᓕᓐᓂᐊᕐᑎᑦᑎᓂᕐᒥᒃ.

 

ᑭᓱᑦ ᐱᔾᔪᑎᐅᕙᑦ ᑐᕌᒐᒃᓴᕆᔭᐅᔪᓪᓗ ᐱᖁᔭᖅ ᐅᓪᓗᒥᒨᖓᓕᖅᑎᑦᑕᕆᐊᖃᕐᓂᖓᓄᑦ?

ᓇᓕᖅᑲᖏᓐᓃᑦᑐᑦ ᓇᓗᓇᐃᒃᑯᑎᑦ ᕿᒥᕐᕈᓂᖃᓂᖅᓴᐅᕗᑦ ᒪᓕᒐᓕᐊᕆᔭᐅᓯᒪᔪᑦ ᐊᓯᔾᔨᖅᑕᐅᔪᓂᒃ ᐃᓕᓐᓂᐊᕐᓂᓕᕆᔨᒃᑯᑦ ᑐᒃᓯᕋᐅᑎᓕᐊᕆᓯᒪᔭᖓᑦ. ᑖᒃᑯᐊ ᓇᓗᓇᐃᒃᑯᑎᓃᑦᑐᑦ ᓇᓗᓇᐃᔭᐃᓯᒪᕗᑦ ᑎᑎᕋᖅᓯᒪᔪᑦ ᐊᓯᔾᔨᖅᑕᐅᓂᖏᓐᓂᒃ ᐊᒻᒪᓗ ᑐᒃᓯᕋᐅᑎᓄᑦ ᑐᓐᖓᕕᒋᔭᐅᔪᑦ. ᐊᑐᓂ ᓇᓗᓇᐃᒃᑯᑏᑦ ᓇᕿᑦᑐᓐᓇᕐᐸᑎᑦ ᑐᑭᓯᒋᐊᕐᕕᒋᒃᑲᓐᓂᕈᒪᒍᕕᒋᑦ.

ᐅᔾᔨᕆᔭᐅᑎᑦᑎᓂᖅ: ᑲᑐᔾᔨᓂᒃᑯᑦ ᑕᐅᑐᒐᕆᔭᐅᔪᑦ

ᐊᑐᐊᒐᐃᑦ: “ᐃᓄᐃᑦ ᐃᓄᓕᕆᓂᒃᑯᑦ ᐱᒻᒪᕆᐅᒋᔭᖏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᑦ-ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᑐᓕᖅᑎᑦᑎᓂᖅ ᓄᓇᕘᒥ ᐃᓕᓐᓂᐊᕐᕕᓕᒫᓂᑦ, ᖃᐅᔨᒪᓂᑐᖃᕆᔭᐅᔪᓂᒃ, ᓄᓇᒥᒃ ᐃᒻᒥᖕᓄᓪᓗ ᐅᐱᒋᔭᖃᑦᑎᐊᕈᓐᓇᕐᓗᑎᒃ”

ᒪᕐᕈᐃᓄᑦ ᐅᖃᐅᓯᖃᕐᓂᒃᑯᑦ ᐃᓕᓐᓂᐊᕐᑎᑦᑎᓂᖅ ᐊᒻᒪᓗ ᐅᖃᐅᓯᕐᒥᒃ ᐃᓕᓐᓂᐊᕐᑎᑦᑎᓂᖅ: “ᓴᖅᑮᓗᑎᒃ ᐃᓕᓐᓂᐊᕐᑎᑦᑎᓂᕐᒥᒃ ᐊᒻᒪᓗ ᐃᓕᓐᓂᐊᕈᑎᒃᓴᓕᐅᓂᕐᒧᑦ ᐱᐅᓯᕚᕐᑎᓯᒪᔪᖅ ᐋᖅᑭᒃᓯᒪᓂᕆᔭᖓᒍᑦ”

ᐃᓚᓕᐅᔾᔨᓯᒪᔪᖅ ᐃᓕᓐᓂᐊᕐᓂᓕᕆᓂᖅ: “ᐃᓕᓐᓂᐊᖅᑎᓕᒫᑦ ᐱᕕᒃᓴᖃᖅᑎᑕᐅᑦᑎᐊᕐᓗᑎᒃ ᐃᓚᐅᔪᓐᓇᓂᕐᒧᑦ, ᐃᓚᒋᓕᐅᔾᔭᐅᓂᕐᒧᑦ. ᐱᕈᖅᐸᓪᓕᐊᓂᕐᒧᑦ ᐃᓕᓐᓂᐊᓂᕐᒧᓪᓗ”

ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᐊᑐᕐᓂᖃᐅᑎᖏᑦ ᑲᒪᒋᔭᒃᓴᕆᔭᖏᓪᓗ: “ᐃᓚᓕᒋᓕᐅᑎᑦᑎᓗᑎᒃ ᓄᓇᓕᐅᔪᓂᒃ-ᐃᓕᓐᓂᐊᕐᑎᑦᑎᔾᔪᓯᑎᓐᓂᒃ ᓴᓐᖏᓪᓕᑎᑦᑎᓂᖅ”

ᓴᓐᖏᓂᖃᓕᖅᑎᑦᑎᓂᖅ ᐅᐃᕖᒃᑯᑦ ᓯᕗᓪᓕᖅᐹᖑᓪᓗᓂ ᐅᖃᐅᓯᖃᕐᓂᕆᔭᖓᓄᑦ ᐃᓕᓐᓂᐊᕐᑎᑦᑎᓂᕐᒥᒃ: “ᐊᑕᖏᕐᓗᑕ/Tous ensemble!”

ᒪᓕᒐᓕᐊᕆᔭᐅᔪᒥᒃ ᓴᓐᖏᓕᕐᑎᑦᑎᓂᖅ: “ᓇᓗᓇᐃᔭᖅᓯᒪᑦᑎᐊᕐᓗᓂ, ᓵᑕᒃᓴᐅᔪᓐᓇᕐᓗᓂ ᐊᒻᒪᓗ ᐃᓗᓕᖃᓕᖅᑎᑦᑎᓗᓂ ᐃᓗᓕᖃᖏᓐᓂᐅᔪᓂᒃ.”

ᑐᑭᓕᐅᖅᓯᒪᔪᑦ: ᑕᐃᒎᓰᑦ ᓇᐃᓈᖅᓯᒪᔪᑎᒍᑦ ᑎᑎᕋᖅᓯᒪᓂᖏᑦ ᐊᑐᖅᑕᐅᕙᒃᑐᑦ

ᐃᑭᐊᖅᑭᕕᒃᑯᑦ ᐱᑐᕝᕕᒋᔪᓐᓇᕐᐸᑦ ᐅᕙᓂ ᐊᑕᖏᐅᒪᔪᖅ ᐊᑐᐊᒐᓕᐊᕆᔭᐅᓇᓱᐊᕐᓯᒪᔪᑦ ᑎᑎᖅᑲᖁᑎᑦ

 

ᐊᐱᖅᑯᑎᓄᑦ ᑭᐅᔭᐅᔪᒪᓂᖅ  

  • ᖃᓄᖅ ᓴᖅᑮᔪᓐᓇᖅᐱᑕ ᐃᓕᓐᓂᐊᕐᕖᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪᓗ ᐃᓄᐃᑦ ᐃᓄᓕᕆᓂᖓᒍᑦ ᐱᒻᒪᕆᐅᒋᔭᖏᓐᓂᒃ ᐱᑕᖃᕐᑎᑦᑎᓂᕐᓴᐅᓕᕈᓐᓇᕐᐱᑕ? ᖃᓄᖅ ᖃᐅᔨᓴᑦᑎᐊᕈᓐᓇᕐᐱᑕ ᐃᓕᓐᓂᐊᕐᕕᒻᒥᑦ ᐊᖓᔪᖅᑳᑦ, ᐃᓕᓐᓂᐊᕐᓂᓕᕆᓂᕐᒥ ᐃᖅᑲᓇᐃᔭᖅᑏᑦ ᐊᒻᒪᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᑕᑯᒃᓴᐅᑎᑦᑎᒐᓗᐊᕐᒪᖔᑕ ᐃᓄᐃᑦ ᐃᓄᓕᕆᓂᕐᒧᑦ ᐱᒻᒪᕆᐅᒋᔭᖏᓐᓂᒃ ᐊᒻᒪᓗ ᐃᓕᓐᓂᐊᕐᕕᖕᓂ ᐊᑐᓕᖅᑕᐅᕙᓪᓕᐊᒐᓗᐊᕐᐹᑦ?
  • ᐋᖅᑭᒃᓯᒪᓂᕆᔭᖓᓂᒃ ᐱᐅᓯᖃᓕᖅᑎᑦᑎᓂᖅ ᒪᕐᕈᐃᓄᑦ ᐃᓕᓐᓂᐊᕐᑎᑦᑎᕙᖕᓂᖅ ᓄᓇᕘᓕᒫᒥ, ᐊᑐᖅᑕᐅᓐᖏᖔᓕᕐᓗᓂ ᐱᖓᓱᑦ ᐊᕕᒃᑐᖅᓯᒪᔪᑦ ᐃᔾᔪᐊᒐᒃᓴᐃᑦ, ᐱᓕᕆᔾᔪᑎᐅᔪᓐᓇᓕᒑᒻᒪᑦ ᐃᓄᒃᑎᑐᑦ ᐅᖃᓪᓚᒍᓐᓇᖅᑐᓄᑦ ᐊᒥᒐᒻᒪᕆᖕᓂᖓᓄᑦ, ᐃᓕᓐᓂᐊᕐᑎᑦᑎᓂᕐᒧᑦ ᐊᔾᔨᒌᖏᓐᓂᕆᔭᖏᑦ ᐊᑦᑎᒃᓯᒋᐊᖅᑕᐅᑉᐸᑦ ᐱᐅᓯᕚᓪᓕᖅᑎᑕᐅᓗᓂᓗ ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᔭᒃᓴᖃᓕᖅᑎᑦᑎᕙᖕᓂᖓᑦ ᐃᓕᓴᐃᔨᓄᑦ ᐊᑐᕐᓂᖃᐅᑎᒋᔭᐅᔪᓂᒃ. ᑕᒪᑐᒥᖓ ᐊᓯᔾᔨᖅᑕᐅᔪᒥᒃ ᐊᖏᖃᑎᖃᕐᐲᑦ?
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ ᑭᓱᑦ ᐱᒡᒐᓇᕈᑎᐅᕙᒃᐸᑦ?
  • ᐊᖏᖃᑎᖃᖅᐲᑦ ᐊᑦᑎᒃᓯᒋᐊᖅᑕᐅᑉᐸᑦ ᐊᐅᓚᑦᑎᔨᐅᓐᓂᖅ ᐊᒻᒪᓗ ᑮᓇᐅᔭᓕᕆᓂᕐᒧᑦ ᐊᒃᓱᕈᓐᓇᕈᑎᒋᔭᐅᕙᒃᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ, ᐊᑐᕐᓂᖃᐅᑎᖃᕋᓱᒋᔪᓐᓇᑦᑎᐊᕐᓗᑎᒃ ᓄᓇᓕᖁᑎᒋᔭᒥᖕᓄᑦ ᐃᑲᔪᖅᓱᐃᑎᓪᓗᒋᑦ?
  • ᖃᓄᖅ ᐃᓱᒪᒋᔭᖃᕐᐱᑦ ᑐᒃᓯᕋᐅᑕᐅᔪᑦ ᐊᓯᔾᔨᖅᑕᐅᔪᒪᔪᓂᒃ? ᐊᓯᖏᓐᓂᒃ ᐱᔾᔪᑎᒃᓴᖅᑕᖃᑲᓐᓂᕐᐹ ᐱᒻᒪᕆᐅᒋᓇᓱᒋᔭᕐᓂᒃ?

 

ᓂᓪᓕᐊᔾᔪᑎᒋᔪᒪᔭᐃᑦ ᑐᓴᖅᑕᐅᑎᓚᐅᕈᒃ!

ᑭᒃᑯᓕᒫᓂᑦ ᑭᐅᔾᔪᑎᐅᔪᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐃᑲᔫᑎᐅᓂᐊᖅᐳᖅ ᑐᑭᓯᕚᓪᓕᕈᑕᐅᓗᑎᒃ ᐃᒻᒥᒃᑰᕐᑐᓂᑦ, ᑲᑐᔾᔨᖃᑎᒌᓂ ᓄᓇᓕᐅᔪᓂᓗ ᐃᓱᒪᒋᔭᐅᔪᓂᒃ ᑖᒃᑯᓂᖓ ᑐᒃᓯᕋᐅᑕᐅᓯᒪᔪᑎᒍᑦ ᐊᓯᔾᔨᖅᑕᐅᓯᒪᔪᒪᔪᑦ, ᑭᖑᓂᖔᖓᒍᑦ ᐃᑲᔫᑎᐅᖔᕈᓐᓇᕐᓂᐊᕐᓗᓂ ᒪᓕᒐᓕᐅᕐᓂᕐᒧᑦ ᑖᓐᓇ ᖃᐅᔨᓴᖅᑕᐅᒐᔭᖅᑐᑕᖅ ᓂᕈᐊᕈᑕᐅᓗᓂ ᒪᓕᒐᓕᐅᕐᕕᒻᒥ ᑲᑎᒪᔨᓄᑦ.

 

ᐅᓇ ᓇᕿᓪᓗᒍ ᖃᕋᓴᐅᔭᒃᑯᑦ ᑐᕌᕈᑎᖓᓅᕐᑎᓯᒪᔪᖅ ᑭᐅᔾᔪᑎ/ᐊᐱᖅᑯᑎᑦ

ᐅᖃᐅᓯᒃᓴᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑭᒃᑯᓕᒫᓄᑦ ᐅᖃᖃᑎᖃᓕᖅᐸᑕ.

ᐅᕝᕙᓘᓐᓃᑦ ᐅᖃᐅᓯᒃᓴᓯ ᓇᒃᓯᐅᑎᓗᒋᑦ ᐅᕗᖓ:

Department of Education, Education Act Consultation       ᐃᓕᓐᓂᐊᕐᓂᓕᕆᔨᒃᑯᑦ, ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᒥᑦ ᑐᓴᐅᒪᑎᑦᑎᓂᖅ
PO Box 1000 Stn. 900   ᑎᑎᖅᑲᓂᐊᕐᕕᒃ 1000, ᑐᕌᕈᑎᖓ 900
Iqaluit, NU       ᐃᖃᓗᐃᑦ, ᓄᓇᕗᑦ
X0A 0H0        X0A 0H0

 

ᖃᖓᒃᑯᑦ ᑭᒡᓕᖃᕐᕕᖃᕐᐸᑦ ᑭᒃᑯᓕᒫᓄᑦ ᐅᖃᖃᑎᖃᓕᖅᐸᑕ?

  • ᑲᑎᒪᑎᑦᑎᓂᖅ ᑭᖑᓪᓕᕐᒥᑦ ᑐᓴᖅᑎᑦᑎᓂᕐᒥᑦ ᐱᒋᐊᓛᓕᕐᒥᔪᑦ ᐋᒡᒌᓯ 15ᒥᑦ ᓰᑏᕝᕙ 2, 2016ᒧᑦ

  • ᐃᓄᓕᒫᖅᑎᑦᑎᓂᖅ ᐊᐃᑉᐸᖓᓂ ᐱᒋᐊᓛᖅᑐᖅ ᐋᒌᓯ 15−ᒥ, ᑭᒃᑯᑐᐃᓐᓇᑦ ᑲᑎᒪᓛᖅᑐᑦ:

     ᐊᕐᕕᐊᓂᐋᒌᓯ16-ᒥᑦ6-ᒧᐊᖅᐸᑦ, (ᓇᓗᓇᐃᖅᑕᐅᓛᖅᑐᖅ ᓇᒥ ᑲᑎᒪᓛᕐᒪᖔᑕ)

      ᐸᓐᓂᖅᑑᒥᐋᒌᓯ24-ᒥᑦ6-ᒧᐊᖅᐸᑦ, ᐊᓗᑭᐃᓕᓐᓂᐊᕐᕕᖕᒥ

     ᐃᒃᐱᐊᕐᔪᖕᒥᐋᒌᓯ30-ᒥᑦ6-ᒧᐊᖅᐸᑦ, ᐃᓅᔭᖅᐃᓕᓐᓂᐊᕐᕕᖕᒥ

     ᖁᕐᓗᖅᑐᕐ ᓯᑎᐱᕆ1-ᒥᑦ6-ᒧᐊᖅᐸᑦ, ᔨᒥᕼᐃᑯᒃᐃᓕᕼᐊᕐᕕᖕᒥ

         ᓂᐊᖁᙴᒥ 2-ᒥᑦ6-ᒧᐊᖅᐸᑦ, ᓇᑲᓱᒃᐃᓕᓐᓂᐊᕐᕕᖕᒥ

  • ᐃᓱᓕᕝᕕᐊ ᑭᒃᑯᑐᐃᓐᓇᕐᓄᑦ ᑭᐅᔭᐅᓛᖅᑐᑦ ᓯᑎᑉᐱᕆ 2, 2016−ᒥᑦ

 

ᐅᖃᓕᒫᒃᑲᓐᓂᕈᒪᒍᕕᑦ, ᐅᑯᐊ ᐃᓱᒪᒋᓂᐊᖅᐸᑎᑦ: