ᐅᖃᓚᐅᑎᓯᐅᑏᑦ

You are here

ᐋᖅᑭᐅᒪᑎᑦᑎᔨᐅᑉ ᐱᓕᕆᐊᖏᑦ

ᐋᖅᑭᐅᒪᑎᑦᑎᔨᐅᑉ ᐱᓕᕆᐊᖏᑦ

ᐋᖅᑭᐅᒪᑎᑦᑎᔨ ᑎᓕᔭᐅᓲᖑᕗᖅ ᒪᓕᒐᓕᐅᕐᕕᖕᒥᐅᓂᒃ (ᓯᕗᓕᖅᑏᑦ ᑲᑎᒪᔨᖓᑦᑕ ᑲᒥᓯᓇᖓᓐᓄᑦ) ᑮᓇᐅᔭᓕᕆᔨᒃᑯᑦ ᒥᓂᔅᑕᖓᑦᑕ ᐱᖁᔨᕗᖔᓕᐊᕆᑐᐊᖅᐸᒍ. ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᙱᑦᑐᖅ ᑎᑎᕋᕐᕕᖃᖅᖢᓂᓗ ᐃᖅᑲᓇᐃᔮᕇᓐᓇᖅᖢᓂᐅᒡᓗ ᐊᕐᕌᒍᓄᑦ ᑕᓪᓕᒪᓄᑦ.

 

ᐋᖅᑭᐅᒪᑎᑦᑎᔨᐅᑉ ᐱᔪᓐᓇᕐᓂᖏᑦ

ᐋᖅᑭᐅᒪᑎᑦᑎᔨ ᐱᔪᓐᓇᕐᓂᖃᕐᔪᐊᖅᑐᐊᓗᒃ ᖃᐅᔨᓴᕈᓐᓇᑦᑎᐊᖅᖢᓂ. ᐱᔪᓐᓇᕐᓂᖃᖃᑕᐅᔪᖅ ᐃᖅᑲᖅᑐᐃᕕᒃᑰᕆᐊᓕᖕᓂᒃ ᑎᑎᖅᑲᓂᒃ ᐅᖃᖅᓯᒪᔪᓂᒃ ᖃᐅᔨᔾᔪᑎᒃᓴᓂᒡᓗ ᑎᑎᕋᖃᑦᑕᖁᔨᓪᓗᓂ ᐱᔪᓐᓇᕐᓂᖃᖅᖢᓂᓗ ᑎᑎᖅᑲᑦ ᓴᖅᑭᑕᐅᖁᔪᓐᓇᖅᖢᓂᒋᑦ.

 

ᐋᖅᑭᐅᒪᑎᑦᑎᔨ ᐃᒪᐃᓕᐅᑐᐃᓐᓇᕆᐊᖃᖅᐳᖅ, ᖃᓄᑐᐃᓐᓇᖅ ᖃᐅᔨᓴᖅᑎᓪᓗᒍ, ᐃᓯᕈᓐᓇᖅᐳᖅ ᓄᓇᕗᑦ ᒐᕙᒪᒃᑯᑦ ᓇᓕᐊᑐᐃᓐᓇᖅ ᐃᖅᑲᓇᐃᔭᕐᕕᖓᓐᓄᑦ.

 

ᐋᖅᑭᐅᒪᑎᑦᑎᔨ ᐃᓱᒪᓕᐅᕆᖃᑦᑕᕐᓂᐊᖅᐳᖅ ᖃᐅᔨᓴᖅᑕᐅᔭᕆᐊᓕᒃ ᐱᓕᕆᐊᖑᓂᐊᕐᒪᖔᑦ ᐃᓄᑑᓗᑎᒃ ᐅᕝᕙᓘᓐᓃᑦ ᐃᓄᖕᓂᒃ ᐃᓚᖃᕐᓗᑎᒃ.

 

ᐊᖓᔪᖅᑳᑉ ᑐᒡᓕᐊ ᐃᓚᐅᑦᑎᐊᕆᐊᖃᖅᐳᖅ ᖃᐅᔨᒪᔨᒋᔭᐅᓂᐊᕐᒪᑦ ᐃᖅᑲᓇᐃᔭᖅᑎᖓ ᐃᓚᐅᑦᑎᐊᕋᓗᐊᕐᒪᖔᑦ ᐋᖅᑭᐅᒪᑎᑦᑎᔨ ᖃᐅᔨᓴᖅᐸᓪᓕᐊᑎᓪᓗᒍ. ᐃᓚᐅᙱᑐᐊᖅᐸᑦ ᐱᕋᔭᖕᓂᐅᓇᔭᕐᒪᑦ ᐊᑭᓖᑎᑕᐅᔭᕆᐊᖃᕋᔭᖅᖢᓂᓗ $10,000.-ᒧᑦ ᑎᑭᓪᓗᒍ.

 

ᐃᖅᑲᓇᐃᔭᖅᑎᒥᒃ ᑐᑭᓯᒋᐊᒐᒃᓴᖅᑕᖃᑦᑎᐊᕆᐊᖃᖅᐳᖅ ᐋᖅᑭᐅᒪᑎᑦᑎᔨᒧᑦ ᑐᒃᓯᕋᐅᑕᐅᓯᒪᔪᓂᒃ. ᑐᑭᓯᒋᐊᕈᑎᒃᓴᖃᙱᑉᐸᑦ ᐱᕋᔭᖕᓂᐅᓇᔭᕐᒪᑦ ᐊᑭᓖᑎᑕᐅᒃᑲᓐᓂᕆᐊᖃᕋᔭᖅᐳᕐᓗ $5,000.-ᒧᑦ ᑎᑭᓪᓗᒍ.


 

ᒫᓐᓇ ᐋᖅᑭᐅᒪᑎᑦᑎᔨᒋᔭᐅᔪᖅ ᐊᑎᖃᖅᑐᖅ ᔭᕝᕆ ᓯᓄᐊᕐ, ᕿᑭᖅᑖᓗᖕᒥ ᑯᐊᐳᕇᓴᒃᑯᓐᓂ. ᔭᓄᐊᕆ 5, 2015-ᖑᑎᓪᓗᒍ ᑎᓕᔭᐅᓚᐅᖅᑐᖅ. 1978-ᖑᑎᓪᓗᒍ Manitoba Bar-ᒧᑦ ᑎᓕᔭᐅᓚᐅᖅᓯᒪᓪᓗᓂ ᐃᓚᒋᔭᐅᓪᓗᓂᓗ ᒪᓕᒐᓕᕆᔨᒃᑯᓐᓂ ᓄᓇᕘᒥ. 2013-ᒥ ᐃᓐᓇᐅᓗᐊᓕᖅᑎᓪᓗᒍ ᓱᓕ ᐃᖅᑲᓇᐃᔭᓗᐊᓱᖔᕐᔪᒃᑎᓪᓗᒍ, ᒥᔅᑕ ᓯᓄᐊᕐ ᒥᓂᔅᑕᐅᑉ ᑐᒡᓕᕆᓚᐅᖅᓯᒪᔭᖓ ᐊᒻᒪ ᒪᓕᒐᓕᕆᔨᕐᔪᐊᒃᑯᑦ ᑲᓇᑕᒥ ᒫᓂᑑᐸᒥ.

 

 

ᐋᖅᑭᐅᒪᑎᑦᑎᔨ ᐃᒪᐃᑦᑕᕆᐊᖃᖅᐳᖅ, ᐱᓕᕆᐊᕆᔭᒃᓴᐅᑐᐊᖅᐸᑦ, ᓴᐳᔾᔨᓇᓱᒋᐊᖃᖅᐳᖅ ᐃᖅᑲᓇᐃᔭᖅᑎ ᖃᐅᔨᔭᐅᕈᓘᔭᖅᑎᙱᓪᓗᓂᐅᒃ ᐅᖃᐅᓯᖃᓚᐅᖅᑐᒧᑦ, ᑭᓇᑐᐃᓐᓇᑦᑎᐊᖅ ᐱᔾᔪᑕᐅᔪᖅ ᐅᖃᐅᓯᐅᓗᓂ ᑭᒃᑯᑐᐃᓐᓇᑦᑎᐊᓪᓗ ᑕᐅᑐᒃᑏᑦ.

 

ᐋᖅᑭᐅᒪᑎᑦᑎᔨᐅᑉ ᐅᐸᒡᕕᖓᐋᖅᑭᐅᒪᑎᑦᑎᔨᐅᑉ ᐱᓕᕆᐊᖏᑦ
ᑭᓱᑦ ᐱᕋᔭᖕᓂᐅᖕᒪᑕ?ᐅᖃᐅᓯᖃᕐᓂᖅ ᐱᕋᔭᒍᑕᐅᔪᓂᒃ
ᖃᓄᐃᓕᐅᖅᑐᖃᕋᔭᕐᒪᑦ ᐅᖃᐅᓯᖃᖅᑐᖄᓪᓚᓚᐅᖅᑎᓪᓗᒍ?ᐃᖅᑲᓇᐃᔭᕐᕕᖕᓂ ᐊᖓᔪᖅᑳᓄᑦ ᑐᑭᓯᒋᐊᒐᒃᓴᑦ

ᐊᑦᑕᑕᕐᕕᒃᓴᖏᑦ

ᖃᐅᔨᒋᐊᕐᕕᒃᓴᖅ
ᓴᖅᑭᑕᐅᓂᐊᖅᑐᒧᑦ ᑎᑎᕋᕐᕕᒃᓴᑦ

ᐊᐱᖅᑯᑕᐅᒐᔪᒃᑐᑦ