ᐅᖃᓚᐅᑎᓯᐅᑏᑦ

You are here

15−ᒋᓕᖅᑕᖓᓂ ᓇᓪᓕᐅᓐᓂᖅᓯᐅᕐᓂᐊᖅᑐᑦ ᐱᖓᓱᓂ ᓯᕿᓃᑦ ᐃᓕᓐᓂᐊᕐᕕᐊ

ᔫᓂ 05, 2017

ᒪᓕᒐᓕᐅᖅᑎ ᐹᓪ ᖁᐊᓵᖅ
ᒥᓂᔅᑕ ᐃᓕᓐᓂᐊᖅᑐᓕᕆᔨᒃᑯᓐᓄᑦ

15−ᒋᓕᖅᑕᖓᓂ ᓇᓪᓕᐅᓐᓂᖅᓯᐅᕐᓂᐊᖅᑐᑦ ᐱᖓᓱᓂ ᓯᕿᓃᑦ ᐃᓕᓐᓂᐊᕐᕕᐊ

ᐅᖃᖅᑎ, ᐅᓪᓗᒥᑦ ᓂᑯᕕᑉᐳᖓ ᐅᖃᐅᑎᔪᒪᕙᔅᓯ ᒪᓕᒐᓕᐅᖅᑎᐅᖃᑎᒃᑲ ᐱᖓᓱᒋᓕᖅᑕᖓᓂ ᐃᓕᓐᓂᐊᕐᕕᐊ ᓇᓪᓕᐅᓐᓂᖅᓯᐅᕐᓚᐅᖅᑐᑦ ᑕᖅᑭᐅᓚᐅᖅᑐᒥᑦ.

ᐅᖃᖅᑎ, ᓇᓪᓕᐅᓐᓂᖅᓯᐅᓚᐅᖅᑐᑦ ᐄᑉᐳ 27−ᒥᑦ ᐅᐸᐅᓚᕆᕗᖓᓗ ᐃᓚᒋᔭᐅᔪᓪᓗ ᓄᓇᓕᖕᓃᖓᖅᑐᒐᓚᑦ. ᓇᓪᓕᐅᓐᓂᖅᓯᐅᑐᐃᓐᓇᓚᐅᖏᑦᑐᑦ ᐃᓕᓐᓂᐊᕐᕕᖕᒥᑦ ᑭᓯᐊᓂ ᓇᓪᓕᐅᓐᓂᖅᓯᐅᓚᐅᕆᕗᑦ ᐃᓕᓴᕆᔭᐅᓯᒪᓂᖓ ᓯᕗᓪᓕᕐᒥᑦ ᐅᐃᕖᑎᑐᑦ ᐃᓕᓐᓂᐊᕐᓂᖅ ᓄᓇᕗᒻᒥᑦ. ᐅᐃᕖᑦᑎᑐᑦ ᐃᓕᓐᓂᐊᖏᓐᓇᖅᓯᒪᕗᑦ ᐊᒻᒪ ᓄᓇᕘᑕ ᐊᕐᕌᒍᓂ 25−ᓂᑦ.

ᐅᖃᖅᑎ, ᐊᕐᕌᒍᓂ 15−ᓂᒃ, ᐱᖓᓱᑦ ᓯᕿᓃᑦ ᐃᓕᓐᓂᐊᕐᕕᒃ ᐅᐃᕖᑎᑐᑦ ᐃᓕᓐᓂᐊᖅᑎᑦ ᐃᓚᖏᓪᓗ ᐃᓕᓐᓂᐊᕈᓐᓇᕐᒪᑕ ᐅᖃᐅᓯᒥᖕᓂᑦ ᐊᑐᖅᖢᑎᒃ. ᐅᐃᕖᑎᑐᑦ ᐅᖃᐅᓯᖏᓐᓂᑦ ᐃᓕᓐᓂᐊᕈᓐᓇᖅᑎᑕᐅᖕᒪᑕ ᒥᑭᓛᓄᑦ ᖁᑦᑎᖕᓂᓖᑦ 12−ᒧᑦ 84−ᖑᔪᑦ ᐃᓕᓐᓂᐊᖅᑎᐅᓯᒪᕗᑦ ᐅᓪᓗᒥᑦ.

ᐅᖃᖅᑎ, ᐃᖅᑲᓇᐃᔭᕐᕕᖕᓂᑦ ᑕᑯᓯᒪᕗᑦ ᐃᓕᓐᓂᐊᕐᕕᐅᑉ ᐱᓇᓱᖏᓐᓇᖅᑕᖏᓐᓂᑦ ᐅᐃᕖᑐᑦ ᓄᓇᖓᓂ. ᐊᖓᔪᖅᑳᖑᔪᑦ, ᐃᓕᓐᓂᐊᖅᑎᑦ ᐊᒻᒪ ᐃᖅᑲᓇᐃᔭᖅᑎᑦ ᐱᖓᓱᑦ ᓯᕿᓃᑦ ᐃᓕᓐᓂᐊᕐᕕᐊᓂ ᐃᓕᖅᑯᓯᕐᒥᓂᒃ ᐊᒻᒪ ᐅᖃᐅᓯᓕᕆᓂᕐᒧᑦ ᐱᓇᓱᐊᖅᑕᖏᑦ ᓄᓇᑦᑎᓐᓂᑦ. ᖃᖓᒍᓪᓗ, ᐃᓕᓐᓂᐊᖅᑎᒐᓚᑦ ᐃᓕᓐᓂᐊᕆᐊᖃᑦᑕᖅᑐᑦ ᐃᓚᒋᔭᐅᑦᑎᐊᖅᓯᒪᕗᑦ ᓄᓇᑦᑎᓐᓂᑦ. 

ᐅᖃᖅᑎ ᐊᒻᒪ ᒪᓕᒐᓕᐅᖅᑎᐅᖃᑎᒃᑲ, ᐊᓕᓇᐃᒍᓱᖃᑎᒋᔪᒪᕙᒃᑲ ᐱᖓᓱᑦ ᓯᕿᓃᑦ ᐃᓕᓐᓂᐊᕐᕕᐊᓂ.

ᖁᔭᓐᓇᒦᒃ, ᐅᖃᖅᑎ.