ᐅᖃᓚᐅᑎᓯᐅᑏᑦ

You are here

ᒪᒃᑯᓐᓂᖅᓴᐃᑦ ᕿᑐᕐᖓᖃᖅᑐᑦ ᐃᓕᓐᓂᐊᒃᑲᓐᓂᕈᒪᔪᑦ

ᒪᒃᑯᓐᓂᖅᓴᐃᑦ ᕿᑐᕐᖓᖃᖅᑐᓄᑦ ᐃᓕᓐᓂᐊᒃᑲᓐᓂᕈᒪᔪᓄᑦ ᐱᓕᕆᐊᖅ ᐸᐃᕆᕕᒃᑯᑦ ᐃᑲᔪᖅᓲᑕᐅᕗᖅ ᒪᒃᑯᓐᓂᖅᓴᓄᑦ ᐃᓕᓐᓂᐊᖅᑎᓄᑦ ᑮᓇᐅᔭᑎᒍᑦ ᐃᑲᔪᖅᐸᑦᑐᑎᒃ ᐸᐃᕆᕕᓐᓄᑦ ᕿᑐᕐᖓᖃᖅᑐᑦ ᐃᓕᓐᓂᐊᖅᑎᓪᓗᖏᑦ.  

 

ᑭᒃᑯᑦ ᐃᓚᐅᖃᑕᐅᔪᓐᓇᖅᐸᑦ? 

ᑭᓇᑐᐃᓐᓇᖅ ᐃᓕᓐᓂᐊᖅᑎᐅᔪᖅ ᕿᑐᕐᖓᖃᖅᑐᖅ ᒥᑭᔫᑕᐅᓂᖅᓴᓄᑦ, ᐊᑯᓐᓈᕿᔪᓄᑦ ᐅᕝᕙᓘᓐᓃᑦ ᐃᓕᓐᓂᐊᕐᕕᔾᔪᐊᕐᒥ ᐃᓕᓐᓂᐊᖅᑐᓄᑦ (ᐅᕝᕙᓘᓐᓂᑦ ᐃᓕᓐᓂᐊᖅᑎᓄᑦ 18-ᓂᑦ ᐅᑭᐅᖃᖅᑐᑦ ᑐᖔᓂᑦ ᐃᓕᓐᓂᐊᒃᑲᓐᓂᖅᑐᓄᑦ) ᓄᓇᕗᓕᒻᒥ ᕿᑐᕐᖓᖃᖅᑐᓄᑦ. 

 

ᐊᔪᙱᑎᑕᐅᔪᑦ: 

  • ᐱᖃᑦᑕᙱᑐᐊᖅᑲᑦ ᑕᐃᒃᑯᓂᖓ ᑐᓂᔭᐅᖃᑦᑕᖅᑐᓂᑦ ᐃᑲᔫᑎᓂᒃ ᐸᐃᕆᕕᓐᓄᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ
  • ᕿᑐᕐᖓᖃᕆᐊᖃᖅᐳᑎᑦ ᐅᕝᕙᓘᓐᓃᑦ ᐱᓯᒪᑦᑎᓗᑎᑦ ᓱᕈᓯᕐᒥᑦ ᓱᕈᓯᕐᓂᓪᓘᓐᓃᑦ ᑲᒪᒋᔭᐅᑦᑎᐊᕆᐊᓕᓐᓂᑦ
  • ᐃᓕᓐᓂᐊᖅᑎᐅᖃᑕᐅᓗᑎᑦ ᐃᓕᓐᓂᐊᖏᓐᓇᖅᑐᓄᑦ ᐊᑯᓐᓈᕿᔪᒃᑯᑦ ᐅᕝᕙᓘᓐᓃᑦ ᐃᓕᓐᓂᐊᕐᕕᔾᔪᐊᕐᒥ ᓄᓇᕗᑦ ᐃᓗᐊᓂ ᐅᕝᕙᓘᓐᓂᑦ 18 ᑐᖔᓂ ᐅᑭᐅᖃᕈᕕᑦ ᐃᓕᓐᓂᐊᒃᑲᓐᓂᕈᒪᓗᑎᑦ ᓄᓇᕗᑦ ᐃᓗᐊᓂ
  • ᐃᓕᓐᓂᐊᖅᑏᑦ ᑎᑎᕋᕐᓗᑎᒃ ᓱᒻᒪᑦ ᐃᓕᓐᓂᓐᐊᖅᑎᐅᓪᓗᑎᑦ ᓱᒻᒪᑦ ᐱᒻᒪᕆᐅᓱᒋᒻᒪᖔᖅᐱᐅᒃ ᐃᑲᔫᓯᐊᖃᑦᑕᕐᓂᖅ
  • ᑕᑕᑎᒐᖅ ᑐᒃᓯᕋᐅᑦ ᐊᑎᓕᐅᖅᑕᐅᓯᒪᓗᓂ ᐃᓕᓐᓂᐊᕐᕕᒻᒥ ᐃᑲᔪᖅᑎᒧᑦ ᐅᕝᕙᓘᓐᓃᑦ ᐃᓕᓴᐃᔩᑦ ᐊᖓᔪᖅᑳᖓᓄᑦ
  • ᐊᑎᓕᐅᕆᓗᑎᑦ ᐊᖏᕈᒻᒥᑦ ᐃᓕᓐᓂᐊᖅᑎᐅᖏᓐᓇᖅᑐᓄᑦ (ᐅᓪᓗᓕᒫᖅ ᐃᓕᓐᓂᐊᖅᑎᓄᑦ) ᑲᔪᓯᑦᑎᐊᕈᒪᓂᖃᕐᓗᑎᓪᓗ ᐃᓕᓐᓂᐊᖅᑕᕐᓂᑦ
  • ᑮᓇᐅᔭᖅᑖᕈᓯᐊᖃᑦᑕᖏᒃᑯᕕᑦ ᓄᓇᕗᒻᒥ ᐊᕕᑦᑐᖅᓯᒪᔪᑎᒍᑦ ᐃᓄᐃᑦ ᑲᑐᔾᔨᖃᑎᒌᖏᑎᒍᑦ
  • ᐊᑐᐃᓐᓇᖅᑕᖃᖅᐸᑦ ᓚᐃᓴᖃᖅᑐᓂᑦ ᐸᐃᕆᕕᓐᓂᑦ ᐅᕝᕙᓘᓐᓃᑦ ᓇᒻᒥᓂᖅ ᓚᐃᓴᖃᙱᑦᑐᓄᑦ ᐸᐃᕆᔨᖃᕈᕕᑦ (ᐊᖏᕈᑕᐅᔪᓐᓇᖅᐳᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑭᓯᐊᓂ ᓚᐃᓴᖃᖅᑐᓂᒃ ᐸᐃᕆᕕᓐᓂᑦ ᐊᑐᐃᓐᓇᖅᑕᖃᓐᖏᑉᐸᑦ)
  • ᓇᓗᓇᐃᖅᓯᓯᒪᓗᑎᑦ ᐃᓕᓐᓂᐊᕆᐊᖏᓐᓇᖃᑦᑕᕐᓂᓐᓂᑦ ᐅᐸᐃᓐᓇᖃᑦᑕᕐᓗᑎᑦ
  • ᓇᓗᓇᐃᖅᓯᓯᒪᔪᒥᒃ ᐃᓕᓐᓂᐊᕐᓂᕐᓂᑦ ᖁᕝᕙᐸᓪᓕᐊᑦᑎᐊᕐᓂᓐᓂᑦ

 

ᖃᓄᖅ ᑐᒃᓯᕋᐅᑎᓕᐅᕈᓐᓇᖅᐱᑦ: 

ᑐᒃᓯᕋᐅᑎᓕᐅᕐᓗᑎᑦ, ᐃᓗᓐᓂᐊᖅᑎ ᑕᑕᑎᕆᒋᐊᖃᖅᐸᖅ ᑕᑕᑎᒐᕐᒥᑦ ᑐᒃᓯᕋᐅᒻᒥᑦ. ᐃᓚᓕᐅᔾᔨᕗᒍᑦ ᓇᒧᑦ ᑐᔪᐃᔪᓐᓇᕐᒪᖔᖅᐱᑦ.