ᐅᖃᓚᐅᑎᓯᐅᑏᑦ

ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ (PASS)

ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ (PASS) ᐊᑐᖅᑕᐅᔪᓐᓇᖅᐳᖅ ᐃᓐᓇᕐᓄᑦ ᐃᓕᓐᓂᐊᖅᑎᓄᑦ ᓄᑖᖑᓪᓗᓂ ᐊᔾᔨᒋᓪᓗᓂᐅᒃ ᓄᓇᕗᒻᒥ ᐃᓕᓐᓂᐊᒃᑲᓐᓂᕈᒪᔪᓄᑦ ᐃᓕᓐᓂᐊᕋᔅᓴᖅ ᐃᓕᓴᕆᔭᐅᔾᔪᑎᑖᕐᓂᕐᒧᑦ (ᑕᐃᔭᐅᖃᑦᑕᖅᑐᖅ ᖁᑦᑎᓐᓂᓕᒻᒥᑦ 12 ᐃᓕᑕᕆᔭᐅᔾᔪᑎᑖᕐᓂᖅ) ᑕᐃᒃᑯᓄᖓ ᖁᑦᑎᓐᓂᓕᒃ 12-ᒥ ᐱᔭᕇᖅᓯᔪᓄᑦ. 

ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ ᐋᖅᑭᓱᖅᑕᐅᓯᒪᕗᖅ ᐃᓐᓇᕐᓄᑦ ᐃᓕᓐᓂᐊᖅᑎᓄᑦ ᐅᖓᑖᓂ ᐅᑭᐅᖃᖅᑐᓄᑦ 19 ᐃᓕᓐᓂᐊᕈᑎᖏᓐᓂᑦ ᐃᓚᒋᐊᖅᓯᒋᐊᓕᓐᓄᑦ ᐱᔭᕇᖅᓯᔪᓐᓇᖁᓪᓗᒋᑦ.

 

ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒻᒥ​ ᐃᓕᓴᐃᔩᑦ ᐊᑐᐃᓐᓇᐅᑎᑦᑎᕗᑦ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᔅᓴᓂᓕᑦ ᐋᓪᕘᑕᒥ ᓄᓇᖓᑕ ᓯᓚᑖᓂ ᐃᓕᓐᓂᐊᕋᔅᓴᒃᑯᑦ, ᐊᒻᒪᓗ ᐊᔾᔨᒋᓪᓗᓂᐅᒃ ᓄᓇᕗᒻᒥ ᐃᓕᓐᓂᐊᕐᕕᓐᓂ ᐃᓕᓐᓂᐊᖁᑕᐅᕙᑦᑐᓂᒃ. 

 

ᐃᓕᓐᓂᐊᖅᑎᑕᐅᓯᒪᒧᑦ ᐃᓕᓴᐃᔩᑦ, ᖃᕋᓴᐅᔭᐃᑦ, ᖃᕋᓴᐅᔭᒃᑯᑦ ᑐᔪᐃᔾᔪᑏᑦ, ᐱᑐᐃᓐᓇᐅᓐᖏᑦᑐᒃᑯᑦ ᐃᓕᓐᓂᐊᕋᔅᓴᐃᑦ ᐊᑐᖅᑕᐅᔪᓐᓇᖅᑐᑦ, ᐊᒻᒪᓗ ᐱᕕᔅᓴᖃᖅᑎᑕᐅᓂᖅ ᐃᓕᓐᓂᐊᒃᑲᓐᓂᕈᒪᔪᓄᑦ ᐊᑐᐃᓐᓇᐅᑎᑕᐃᓐᓇᐅᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᓐᓂᑦ ᐃᑲᔫᑕᐅᔪᒫᕐᓂᐊᖅᑐᑎᒃ ᐃᓕᓐᓂᐊᖅᑎᓄᑦ ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ ᐃᓕᓐᓂᐊᕋᔅᓴᒃᑯᑦ ᐱᔭᕇᖅᓯᔪᓐᓇᖁᓪᓗᒋᑦ ᖁᑦᑎᓐᓂᓕᒻᒥᑦ 12. 

 

ᐊᖅᑯᑎ ᐃᓐᓇᕐᓄᑦ ᐃᓕᓐᓂᐊᖃᑦᑕᖅᑐᓄᑦ ᐱᔭᕇᖅᓯᓂᕐᒧᑦ ᐊᑐᐃᓐᓇᐅᑎᑕᐅᓕᕈᒫᖅᐳᖅ 25-ᓂᑦ ᓄᓇᓕᐅᔪᓂᑦ ᓄᓇᕗᒻᒥ, ᐃᓕᓐᓂᐊᖅᑏᑦ ᐊᓯᖏᓐᓂᑦ ᐃᓕᓐᓂᐊᖅᑎᐅᖃᑎᒥᓐᓂᑦ ᐅᖃᓪᓚᖃᑎᖃᕈᓐᓇᕐᓗᑎᒃ ᖃᕋᓴᐅᔭᒃᑯᑦ, ᐃᓕᓴᐃᔨᓄᑦ ᐊᒻᒪᓗ ᐃᓗᓕᖏᓐᓂᑦ ᖃᕋᓴᐅᔭᒃᑯᑦ ᐊᑐᐃᓐᓇᐅᑎᑕᐅᓂᖏᓐᓂᓪᓗ ᓄᓇᕗᒻᒧᑦ ᑐᕌᖓᔪᓂᑦ. ᐃᓕᓐᓂᐊᖅᑏᑦ ᓇᒥᑐᐃᓐᓈᕋᓗᐊᖅᐸᑕ ᓄᓇᓕᒻᒥ ᓄᓇᕗᒻᒥ ᐃᓕᓐᓂᐊᕈᓐᓇᖅᐳᑦ - ᐊᓯᐊᓄᑦ ᓅᒃᑲᓗᐊᖅᐸᑕ ᐃᓕᓐᓂᐊᖅᑎᓪᓗᒋᑦ ᓱᓕ. 

 

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᓇ ᓇᕿᓪᓗᒍ.