ᐅᖃᓚᐅᑎᓯᐅᑏᑦ

You are here

ᐅᖃᐅᓯᖅᐳᑦ ᓴᖅᑭᔮᖅᑎᒃᑲᓐᓂᕋᓱᒡᓚᕗᑦ ᐃᓄᐃᑦ ᐊᓐᓄᕌᖃᐅᓯᖏᑎᒍᑦ

ᕕᕝᕗᐊᓕ 03, 2016

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ 

ᐅᖃᐅᓯᖅᐳᑦ ᓴᖅᑭᔮᖅᑎᒃᑲᓐᓂᕋᓱᒡᓚᕗᑦ ᐃᓄᐃᑦ ᐊᓐᓄᕌᖃᐅᓯᖏᑎᒍᑦ 

ᐃᖃᓗᐃᑦ, ᓄᓇᕗᑦ (ᕕᕝᕗᐊᕆ 3, 2016) – ᐅᖃᐅᓯᕐᒧᑦ ᖁᕕᐊᓲᑎᖃᕐᓂᖅ, ᓄᓇᕗᒻᒥ ᐊᕐᕌᒍᑕᒫᖅᓯᐅᑎᒥᒃ ᖁᕕᐊᓲᑕᐅᕙᒃᐳᖅ ᐃᓄᒃᑐᑦ ᐊᒻᒪ ᐃᓄᐃᑦ ᐃᓕᖅᑯᓯᑐᖃᖓᓂᒃ, ᕕᕝᕗᐊᕆᓕᒫᑦᑎᐊᖅ. 

“ᐅᖃᐅᓯᓕᕆᔨᓂᒃ ᐱᓕᕆᖃᑎᖃᖃᑦᑕᖅᓯᒪᕗᒍᑦ ᓄᓇᕘᓕᒫᒥ ᑕᒪᑐᒪᓂ ᐊᕐᕌᒍᒥ ᐱᓕᕆᐊᕆᓂᐊᖅᑕᒥᓂᒃ ᓂᕈᐊᖅᖠᖁᓪᓗᒋᑦ, ᐃᓄᐃᑦ ᐊᓐᓄᕌᖃᐅᓯᖏᑦ ᐅᕝᕙᓘᓐᓃᑦ ᐃᓄᐃᑦ ᐊᓐᓄᕌᖏᑦ,” ᒥᓂᔅᑕ ᐅᖃᐅᓯᓕᕆᓂᕐᒧᑦ ᔪᐊᔾ ᖁᒃᓱᒃ ᐅᖃᖅᑐᖅ. “ᑖᓐᓇ ᐱᓕᕆᐊᒃᓴᖅ ᖁᕕᐊᓲᑎᖃᖅᐳᖅ ᐱᖅᑯᓯᑦᑎᓐᓂᒃ ᐊᒻᒪ ᓴᓇᑐᓂᑦᑎᓐᓂᒃ. ᓄᓇᕗᒻᒥᐅᓕᒫᑦ ᑐᙵᓱᖁᕙᒃᑲ ᖁᕕᐊᓱᖃᑕᐅᖁᓪᓗᒋᑦ ᐃᓕᓐᓂᐊᖁᓪᓗᒋᓪᓗ ᐃᓄᐃᑦ ᐊᓐᓄᕌᖏᓐᓂᒃ ᑕᐅᑦᑐᖏᓐᓂᒡᓗ ᐃᓱᒪᒃᓴᖅᓯᐅᕈᑕᐅᑦᑎᐊᖅᓯᒪᔪᓂᒃ, ᐊᒻᒪ ᑖᒃᑯᓄᖓ ᑐᕌᖓᔪᓂᒃ ᑕᐃᒎᓯᓕᕆᓂᕐᒥᒃ ᕕᕝᕗᐊᕆᓕᒫᑦᑎᐊᖅ.” 

ᑕᒪᑐᒪᓂ ᐊᕐᕌᒍᒥ ᖁᕕᐊᓲᑎᖃᖅᑎᓪᓗᑕ. ᐃᓕᖅᑯᓯᓕᕆᔨᒃᑯᑦ ᓂᐱᓕᐅᖅᓯᒪᔪᓂᒃ ᓴᖅᑭᑎᑦᑎᓂᐊᕆᕗᑦ 2015-ᒥᑦ ᓵᓚᖃᖅᑐᓂᒃ ᕿᓚᐅᑦ ᓄᓇᕗᒻᒥ ᐊᕐᕌᒍᑕᒫᖅᓯᐅᑦ ᐃᓄᒃᑐᑦ ᐃᖏᐅᑎᓂᒃ ᓵᓚᖃᕋᓱᒃᑐᓂᒃ. ᐃᖏᖅᑕᐅᔪᓂᒃ ᓵᓚᖃᕈᑕᐅᔪᑦ ᖃᕆᓴᐅᔭᒃᑯᑦ ᐊᑐᐃᓐᓇᐅᓕᓛᖅᐳᑦ ᐊᒻᒪ ᕿᓪᓕᖅᑐᒦᓪᓗᓂ. ᐃᓄᒃᑐᑦ ᐃᓕᓐᓂᐊᕈᑎᑦ ᕿᑐᑦᑐᒐᐅᔭᒦᑦᑐᑦ ᑐᓂᐅᖅᑲᖅᑕᐅᓛᕆᕗᑦ ᐃᓕᓐᓂᐊᕐᕕᓕᒫᓄᑦ, ᐸᐃᕆᕝᕕᖕᓄᑦ ᐊᒻᒪ ᐅᖃᓕᒫᒐᖃᕐᕕᖕᓄᑦ ᓄᓇᕗᒻᒥ. ᐅᑯᐊ ᕿᑐᑦᑐᒐᐅᔭᒦᓐᓂᐊᖅᐳᑦ ᐅᖃᓕᒫᒐᑦ, ᐃᓕᓐᓂᐊᕈᑎᑦ ᐸᑦᑕᐃᑦ, ᐊᑭᓐᓇᕐᒥᐅᑕᑦ ᐊᒻᒪ ᑐᑭᓯᒋᐊᕈᑎᒃᓴᐃᑦ 2016-ᒥ ᐱᓕᕆᐊᖑᓂᐊᖅᑑᑉ ᒥᒃᓵᓄᑦ. 

ᓄᓇᕗᑦ ᒐᕙᒪᖓᑦ ᓄᓇᕗᒻᒥᐅᓂᒃ ᑎᓕᐅᕆᕗᑦ ᑕᒪᑐᒪᓂ ᐊᕐᕌᒍᒥ ᖁᕕᐊᓲᑎᖃᓕᖅᐸᑕ ᐃᓚᐅᖁᔨᓪᓗᑎᒃ ᐃᓄᒃᑐᑦ ᐅᖃᓪᓚᖃᑦᑕᕐᓗᑎᒃ, ᐃᓕᓴᐃᖃᑦᑕᕐᓗᑎᒃ, ᐊᒻᒪ ᐃᓕᓐᓂᐊᖃᑦᑕᕐᓗᑎᒃ, ᐊᒻᒪ ᐋᖅᑭᒃᓱᐃᕙᒡᓗᑎᒃ ᐊᖏᕐᕋᒥᓂᒃ, ᓄᓇᓕᖕᓂ, ᐃᖅᑲᓇᐃᔭᕐᕕᖕᒥᓂ ᐊᒻᒪ ᐃᓕᓐᓂᐊᕐᕕᖕᒥ ᐱᓕᕆᐊᖑᖃᑦᑕᕐᓂᐊᖅᑐᓂᒃ ᐃᓄᒃᓯᐅᑎᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᖅᑑᑉ ᒥᒃᓵᓄᑦ, ᐊᒻᒪ ᐃᓄᒃᑐᑦ ᐱᓕᕆᐊᒃᓴᓂᒃ ᐊᒻᒪ ᐃᑲᔫᑎᒃᓴᓂᒃ, ᐅᕗᖓ ᑕᑯᒋᐊᕈᓐᓇᖅᐳᑎᑦ www.ch.gov.nu.ca

### 

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ: 

ᐃᓕᓴᐱ ᐊᓚᒃᑲᕆᐊᓪᓚᒃ ᕌᐳᑦᔅ
ᑐᓴᒐᒃᓴᓕᕆᔨ 
ᐃᓕᖅᑯᓯᓕᕆᔨᒃᑯᑦ 
867-975-5543 
EARoberts@gov.nu.ca