ᐅᖃᓚᐅᑎᓯᐅᑏᑦ

You are here

ᑐᐊᕕᖕᓇᖅᑐᖃᖅᐸᑦ ᐅᐸᓗᖓᐃᔭᖅᓯᒪᓂᖕᒧᑦ ᐱᓇᓱᐊᕈᓯᖅ 2016ᒥ

ᐄᐳᕈ 29, 2016

ᑭᒃᑯᓕᒫᓄᑦ ᑐᓴᒐᒃᓴᖅ 

ᑐᐊᕕᖕᓇᖅᑐᖃᖅᐸᑦ ᐅᐸᓗᖓᐃᔭᖅᓯᒪᓂᖕᒧᑦ ᐱᓇᓱᐊᕈᓯᖅ 2016ᒥ 

ᐅᐸᓗᖓᐃᔭᖅᓯᒪᕖᑦ ᑐᐊᕕᕐᓇᖅᑐᖃᓕᕐᓂᖅᐸᑦ? ᒪᐃ 1ᒥᑦ -7ᒧᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᓇᓱᐊᕈᓯᐅᖕᒪᑦ ᑲᓇᑕᓕᒫᒥᑦ. ᑕᒪᑐᒪᓂ ᐊᕐᕌᒍᒥᑦ ᐱᔾᔪᑕᐅᓂᐊᖅᑐᖅ “ᐱᕙᒌᔭᖅᓯᒪᓂᖅ. ᐅᐸᓗᖓᐃᔭᖅᓯᒪᓂᖅ. ᐅᔾᔨᖅᓴᑦᑎᐊᕐᓂᕐᒥᓪᓗ.” 

ᓄᓇᕗᑦ ᒐᕙᒪᖓ ᐃᖅᑲᐃᑎᑦᑎᒋᐊᖅᐳᖅ ᐃᓄᖕᓂᑦ ᐅᐸᓗᖓᐃᔭᖅᓯᒪᖁᔨᓪᓗᑎᒃ ᐅᓗᕆᐊᓇᖅᑐᒦᖁᓇᒋᓪᓗ ᑐᐊᕕᖕᓇᖅᑐᖃᓕᖅᐸᑦ ᓄᓇᓕᖕᓂᑦ ᓄᓇᐃᓐᓇᖕᒥᓪᓘᓐᓃᑦ. 

ᐊᒋᕐᕋᕐᓂᑦ, ᑐᐊᕕᖕᓇᖅᑐᖅᓯᐅᑎᖃᐃᓐᓇᐅᔭᓪᓗᐊᕋᕕᑦ ᐃᑲᕐᕋᓄᑦ 72−ᓄᑦ ᓈᒻᒪᒃᑐᓂᑦ. ᐅᑯᐊ ᑐᐊᕕᖕᓇᖅᑐᖅᓯᐅᑏᑦ ᐊᑐᐃᓐᓇᕆᔭᕆᐊᖃᖅᑕᑎᑦ: 

  • ᐃᒪᖃᒃᑲᓐᓂᕐᓗᑎᑦ (2 ᓖᑕᑦ ᐃᓄᒧᑦ ᐊᑕᐅᓯᕐᒧᑦ, ᐅᓪᓗᓕᒫᖅ ᐊᑐᕋᔭᖅᑐᖅ) 
  • ᓱᕈᖅᓴᕋᐃᙱᑦᑐᑦ ᓂᖀᑦ ᐅᒃᑯᐃᖅᓯᓯᒥᒃᓗ ᐃᐳᐃᑦᑐᒧᑦ (ᖁᓚᐃᑦᑎᓯᒥᒃ) 
  • ᖃᐅᒻᒪᒃᑕᔫᖅ ᐃᖑᓚᕐᓗᒍ ᓄᒃᑭᒃᓴᕈᓐᓇᖅᑐᒥᒃ ᐅᕝᕙᓗᓃᑦ ᓄᒃᑭᒃᓴᐅᑎᓕᓐᓂᒃ ᕚᑐᕇᓂᒃ ᐃᑭᑦᑕᖅᑐᒥᑦ 
  • ᐃᖑᓚᕐᓗᒍ ᓄᒃᑭᒃᓴᕈᓐᓇᖅᑐᒥᒃ ᐅᕝᕙᓗᓃᑦ ᓄᒃᑭᒃᓴᐅᑎᓕᓐᓂᒃ ᕚᑐᕇᓂᒃ ᓈᓚᐅᑎᒥᑦ 
  • ᓄᒃᑭᒃᓴᐅᑎᓂᒃ ᕚᑐᕇᓂᑦ ᐊᑐᐃᓐᓇᖃᒃᑲᓐᓂᕐᓗᑎᑦ 
  • ᐃᓅᓕᓴᐅᑎᒃᑲᓐᓂᖕᓂᑦ 
  • ᐅᖅᑰᔪᓂᑦ ᐊᓐᓄᕌᓂᑦ 
  • ᑮᓇᐅᔭᓂᑦ ᐊᒥᓲᓗᐊᖏᑦᑑᒐᓗᐊᓂᑦ ᓯᖃᓕᓐᓂᓪᓗ 

ᓄᓇᑐᐃᓐᓇᒨᖓᐅᔭᕌᖓᕕᑦ ᑐᓴᐅᒪᔾᔪᑎᒋᐊᕆᔭᑎᑦ ᐱᔪᓐᓇᑦᑎᐊᕋᓗᐊᕐᒪᖔᑕ ᖃᐅᔨᒋᐊᖄᖅᐸᓪᓗᑎᑦ : 

  • ᐅᓪᓗᓕᒫᑐᐃᓐᓇᖅ ᐊᐅᓪᓚᖅᓯᒪᓂᐊᕋᓗᐊᕈᕕᑦ. ᐊᑐᖅᑕᐅᔪᓐᓇᖅᑐᑦ ᐊᕿᖃᕐᓇᑎᒃ ᐃᑲᔪᖅᑕᐅᔪᒪᔪᒧᑦ ᓴᓗᓇᐃᖅᓯᔾᔪᑦ SPOT ᕼᐋᒻᓚᑦᑯᓂᑦ ᐆᒪᔪᕐᓂᐊᖅᑎᐊᓛᓂᓪᓗᓃᑦ. 
  • ᑐᓴᐅᒪᔾᔪᑎᑦ ᐃᓛᓐᓂᒃᑯᑦ ᐱᐅᔪᓐᓃᖅᐸᒻᒪᑕ. ᓇᒃᓴᖅᐸᓪᓗᑎᑦ ᑕᒻᒪᕇᒃᑯᑎᓂᑦ ᓄᓇᙴᐊᓂᒡᓗ, ᐅᔾᔨᖅᓱᑦᑎᐊᕆᐊᕐᓗᑎᑦ ᐊᑐᕈᓐᓇᑦᑎᐊᕋᓗᐊᕐᒪᖔᖅᐱᒋᑦ. 
  • ᐊᐅᓪᓚᕆᐊᕌᖓᕕᑦ ᐱᖃᑎᖃᖅᐸᓪᓗᑎᑦ ᐅᕝᕙᓗᓃᑦ ᐃᓄᒋᐊᓂᑦ ᐃᓚᒋᔭᐅᕙᓪᓗᑎᑦ. ᐃᓚᑎᑦ ᐱᖃᓐᓇᕆᔭᑎᓪᓗ ᐅᖃᐅᑎᕙᒃᓗᒋᑦ ᓇᒧᙵᐅᓂᖕᓂᑦ ᖃᖓᓗ ᐅᑎᕋᔭᖕᒪᖔᑦ. 
  • ᐅᐸᓗᖓᐃᔭᖅᓯᒪᓗᑎᑦ ᖃᖓᒃᑯᑦ ᐸᖅᓴᐃᔩᑦ ᐅᖄᓚᕕᒋᔭᕆᐊᖃᕋᔭᕐᒪᖔᖅᐱᒋᑦ ᐃᓚᓐᓂᑦ ᐅᑎᖏᑦᑐᖃᖅᐸᑦ ᐅᑎᕐᕕᒋᒐᔭᖅᑕᖓᒍᑦ. 
  • ᐅᐸᓗᖓᐃᔭᖅᓯᒪᕙᒃᓗᑎᒃ ᐃᑲᕐᕋᓄᑦ 72−ᓄᑦ ᓄᓇᐃᓐᓇᖕᒥᑦ. ᐅᖅᓱᒃᑲᓐᓂᖕᓂᑦ, ᓂᕿᒃᑲᓐᓂᖕᓂᑦ, ᐊᓐᓄᕌᒃᑲᓐᓂᖕᓂᑦ ᐱᖁᑎᒃᑲᓐᓂᖕᓂᓪᓗ ᓇᒃᓴᖃᑦᑕᕐᓗᑎᒃ, ᐅᓗᐃᓐᓈᖕᓂᐊᕋᓗᐊᕐᓗᑎᑦ.

ᐊᐃᓯᒪᓗᑎᑦ ᓄᓇᐃᓐᓇᖕᒦᓪᓗᑎᓪᓘᓐᓃᑦ, ᐊᑦᑕᖕᓇᖕᓂᖅᓴᒦᑦᑕᐃᓕᕙᒃᓗᓯ ᐊᑕᐅᑦᑎᒃᑯᑦ ᐊᔭᐅᖅᑐᐃᓂᒃᑯᑦ ᐱᖃᓐᓇᕆᔭᑎᑦ, ᐃᓚᑎᑦ ᓄᓇᓕᖕᒥᐅᓪᓗ ᐅᐸᓗᖓᐃᔭᖅᓯᒪᖁᓗᒋᑦ ᑐᐊᕕᖕᓇᖅᑐᖃᓕᖕᓂᖅᐸᑦ. ᖃᐅᒋᐊᕈᓐᓇᖅᐳᑎᑦ ᐅᒃᑐᕐᓗᑎᑦ ᑐᑭᓯᒋᐊᖅᑕ ᐊᐱᖅᓱᖅᓯᒪᔪᑦ ᖃᐅᔨᒪᔾᒧᑏᑦ ᐅᕙᓂ: http://climatechangenunavut.ca ᐊᒻᒪᓗ ᓄᒡᓗᒐᒃᓴᖅᑕᓕᒃ ᓵᓚᒃᓴᖃᑕᐅᓇᓱᒍᒪᒍᕕᑦ. 

ᑐᐊᕕᖕᓴᖅᑐᓄᑦ ᐅᐸᓗᖓᐃᔭᐃᓂᕐᒧᑦ ᖃᐅᔨᒋᐊᒃᑲᓐᓂᕈᒪᒍᕕᑦ ᖃᐅᔨᒋᐊᕈᑏᑦ ᐃᑲᔫᑎᓪᓗ, ᐅᕗᙵᐅᓗᑎᑦ www.getprepared.ca. ᓄᓇᐃᓐᓇᖕᒥᑦ ᓯᓚᒥᓪᓗ ᐅᓗᕆᐊᓇᖅᑕᐃᓕᒪᔾᔪᑎᓂᑦ, ᐅᕗᙵᐅᓗᑎᑦ www.northernsar.ca. ᓄᓇᕗᑦ ᒐᕙᒪᖓᑕ ᖃᕆᓴᐅᔭᒃᑯᑦ ᑕᑯᒃᓴᐅᑲᐅᑎᒋᔪᓄᑦ ᐊᑐᐃᓐᓇᐅᑎᑕᐅᔪᖅ ᑐᓴᐅᒪᔾᔪᑎᒃᓴᒃᑲᓃᑦ ᐊᒻᒪᓗ ᐅᐸᓗᖓᐃᔭᐅᑏᑦ ᑐᐊᕕᖕᓇᖅᑐᖃᖅᐸᑦ ᐅᐸᓗᖓᐃᔭᖅᓯᒪᓂᖕᒧᑦ 2016ᒥ 

### 

ᑐᓴᐅᒪᔪᓕᕆᓂᖕᓄᑦ ᖃᐅᔨᒋᐊᕐᕕᒃ: 

ᑯᕆᔅ ᒧᓪᓚᓕ 
ᐊᑐᐊᒐᓕᕆᔨ/ᑐᓴᐅᒪᔪᓕᕆᔨᒻᒪᕆᒃ 
ᓄᓇᓕᖕᓄᑦ ᒐᕙᒪᒃᑯᓐᓄᓪᓗ ᐱᔨᑦᑎᕋᖅᑎᒃᑯᑦ 
867-975-5342 
kmullaly@gov.nu.ca

 

SPOT Inustructions

SPOT Sign-out Sheet