ᐅᖃᓚᐅᑎᓯᐅᑏᑦ

You are here

ᑕᓪᓕᒪᑦ ᓄᓇᓖᑦ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᑦ ᓄᓇᕗᒻᒥ ᑲᑐᔾᔨᓂᒃᑯᑦ ᑮᓇᐅᔭᖅᑖᖅᑎᑕᐅᕗᑦ

ᕕᕝᕗᐊᓕ 29, 2016

ᐱᕙᓪᓕᐊᔪᑦ ᐅᖃᐅᓯᐅᔪᑦ 

ᑕᓪᓕᒪᑦ ᓄᓇᓖᑦ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᑦ ᓄᓇᕗᒻᒥ ᑲᑐᔾᔨᓂᒃᑯᑦ ᑮᓇᐅᔭᖅᑖᖅᑎᑕᐅᕗᑦ 
ᐱᓕᕆᐊᒃᓴᑦ ᐊᖏᖅᑕᐅᓯᒪᔪᑦ ᓄᑖᑦ ᐃᒡᓗᕐᔪᐊᑦ ᑲᓇᑕᒥ ᑮᓇᐅᔭᖁᑎᖏᓐᓂᒃ ᒥᑭᑦᑐᓄᑦ ᓄᓇᓕᖕᓄᑦ ᑮᓇᐅᔭᖏᑦ ᐊᑐᖅᖢᒋᑦ 

ᕕᕝᕗᐊᕆ 29, 2016 ᐃᖃᓗᐃ, ᓄᓇᕗᑦ 

ᒪᓕᒐᓕᐅᖅᑎ ᕼᐊᓐᑐ ᑑᑑ, ᒥᓂᔅᑕ ᐃᒪᕐᒥᐅᑕᓕᕆᔨᒃᑯᓐᓄᑦ, ᐊᒻᒪ ᑲᓇᑕᒥ ᖃᐅᔨᓴᖅᑏᑦ ᐃᒪᕐᒥᐅᑕᓄᑦ ᐊᒻᒪ ᑭᒡᒐᖅᑐᐃᔨᐅᓪᓗᓂ ᓄᓇᕗᒻᒧᑦ, ᐅᓪᓗᒥ ᐃᖃᓗᖕᓃᖅᑲᐅᕗᑦ ᑐᓴᖅᑎᑦᑎᔭᖅᑐᖅᖢᑎᒃ ᑮᓇᐅᔭᓂᒃ ᑕᓪᓕᒪᓄᑦ ᐱᓕᕆᐊᒃᓴᓄᑦ ᑐᕌᖓᔪᓂᒃ ᓄᓇᕗᒻᒥ ᕼᐋᒻᓚᑦᑯᖏᓐᓄᑦ ᑲᓇᑕᐅᑉ ᒐᕙᒪᒃᑯᑦ ᓄᓇᓕᕋᓛᖑᓂᖅᓴᓄᑦ ᑮᓇᐅᔭᖁᑎᖏᑦ ᐊᑐᖅᖢᒋᑦ. ᒥᓂᔅᑕ ᑑᑑ ᐱᖃᑎᖃᖅᑲᐅᕗᖅ ᓄᓇᕗᒻᒥ ᓯᕗᓕᖅᑎᖓᓂᒃ ᐲᑕ ᑕᑉᑑᓇᒥ ᐊᒻᒪ ᔫ ᓴᕕᑲᑖᕐᒥ, ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ. 

ᐅᑯᓂᖓ ᐱᓕᕆᐊᒃᓴᖃᕐᓂᐊᖅᐳᑦ ᓄᓇᓖᑦ ᐊᐅᓚᔪᓐᓇᐅᑎᓪᓗᐊᑕᖏᑦ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂ, ᐅᑯᓂᖓᓗ ᐱᖅᑯᓯᕐᓄᑦ ᑐᑦᑕᕐᕕᒃ ᑭᙵᕐᓂ, ᐃᖃᓗᒃᑑᑦᑎᐊᒥ ᓯᐊᕐᕆᔮᕐᕕᖓᓂ ᓱᕋᒃᓯᒪᔪᑦ ᓴᓇᔭᐅᔾᔪᑎᖏᑦ ᐊᒻᒪ ᐃᖃᓗᖕᓂ ᐴᔾᔪᕌᕐᕕᒃᓴᖅ. ᐅᑯᐊᑦᑕᐅᖅ ᐱᖃᓯᐅᔾᔭᐅᖕᒥᔪᑦ ᐊᔾᔨᒌᙱᑦᑐᑦ ᓄᓇᓕᖕᓂ ᓯᐊᕐᕆᔮᕐᕕᖏᑦ ᓴᓇᔭᐅᔭᕆᐊᓖᑦ ᓄᑖᙳᕆᐊᖅᑕᐅᔭᕆᐊᓖᓪᓗ, ᐊᒻᒪᑦᑕᐅᖅ ᓄᑕᐅᙱᓗᐊᓕᖅᑐᖅ ᐱᖁᑏᑦ ᐊᔾᔨᒌᙱᑦᑐᑦ ᐃᓕᓐᓂᐊᕐᕖᑦ ᐱᙳᐊᕐᕕᖏᑦ ᐊᓯᔾᔨᖅᑕᐅᓗᑎᒃ. ᐱᐊᓂᒃᑕᐅᒃᐸᑕ, ᑖᒃᑯᐊ ᐱᓕᕆᐊᒃᓴᑦ ᐃᑲᔫᑕᐅᓕᒃᑲᓐᓂᕐᓂᐊᖅᐳᑦ, ᓈᒪᓂᖅᓴᒥᒃ ᐊᒻᒪ ᑲᔪᓯᑎᑕᐅᔪᓐᓇᖅᑐᓂᒃ ᓄᓇᓕᖕᓂ ᐅᑭᐅᖅᑕᖅᑐᒥ. 

ᓄᓇᓕᕋᓛᖑᓂᖅᓴᑦ ᑮᓇᐅᔭᖏᑦ ᐊᑐᕐᓗᒋᑦ, ᑲᓇᑕᐅᑉ ᐊᒻᒪ ᓄᓇᕗᑦ ᒐᕙᒪᒃᑯᖏᑦ ᐱᓕᕆᖃᑎᒌᒃᐳᑦ ᑮᓇᐅᔭᓂᒃ ᐊᑐᐃᓐᓇᕈᖅᑎᑦᑎᔪᒪᓪᓗᑎᒃ ᓯᕗᓪᓕᐅᑎᑕᐅᔪᒪᔪᓄᑦ ᑭᒃᑯᑐᐃᓐᓇᑦ ᓄᓇᓖᑦ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᓐᓄᑦ ᓄᓇᓕᖕᓂ ᐱᔭᐅᔭᕆᐊᓕᖕᓂᒃ ᓴᖅᑭᑎᑦᑎᕙᒃᑐᓂᒃ ᓄᓇᓕᖕᓂ ᓄᓈᕘᓕᒫᒥ. 

ᑲᓇᑕᐅᑉ ᒐᕙᒪᒃᑯᖏᑦ $25,363,862-ᓂᒃ ᐊᑐᐃᓐᓇᕈᖅᑎᑦᑎᓂᐊᖅᐳᑦ ᑲᑎᖦᖢᒋᑦ ᐊᑭᓕᖅᑕᐅᔪᓐᓇᖅᑐᑦ $49,919,318-ᖑᓪᓗᑎᒃ ᑖᒃᑯᓄᖓ ᑕᓪᓕᒪᓄᑦ ᐱᓕᕆᐊᒃᓴᓄᑦ. ᓄᓇᕗᑦ ᒐᕙᒪᖓᑦ ᐃᑲᔫᑎᖃᕐᓂᐊᕆᕗᑦ $6,540,600-ᓂᒃ. ᑭᙵᕐᒥᐅᑦ ᕼᐋᒻᓚᑦᑯᖏᑦ ᐊᒻᒪ ᓄᓇᓕᐸᐅᔭᒃᑯᑦ ᐃᖃᓗᖕᓂ ᐃᔫᑎᖃᕐᓂᐊᕆᕗᑦ ᑲᑎᖦᖢᒋᑦ $18,100,918-ᓂᒃ ᓇᖕᒥᓂᖅ ᓄᓇᓕᖕᓂ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᓐᓄᑦ ᑐᕌᖓᔪᓂᒃ. ᓄᓇᓕᕋᓛᖑᓂᖅᓴᓄᑦ ᑮᓇᐅᔭᖁᑎᒋᔭᐅᔪᑦ ᓄᓇᕗᒻᒧᑦ ᓴᓂᕐᕙᒃᑕᐅᔪᑦ $25,620,000-ᖑᔪᑦ. 

ᓇᓗᓇᐃᒃᑯᑕᖏᑦ 

“ᐅᐱᒍᓱᑦᑐᖓ ᓇᓗᓇᐃᖅᓯᒍᓐᓇᕋᒪ ᑮᓇᐅᔭᖃᖅᑎᑕᐅᓂᐊᕐᓂᖏᓐᓂᒃ ᑖᒃᑯᐊ ᐱᓕᕆᐊᑦ ᑭᒡᒐᑐᖅᑐᒍ ᒥᓂᔅᑕᐅᖃᑎᒐ ᐊᒫᔩᑦ ᓱᕼᐃ, ᒥᓂᔅᑕ ᐱᖁᑎᕐᔪᐊᓕᕆᔨᒃᑯᓐᓄᑦ ᓄᓇᓕᓐᓄᓪᓗ. ᒐᕙᒪᔭᕗᑦ ᐃᑲᔪᕐᓂᖃᖅᐸᓪᓕᐊᔪᑦ ᑮᓇᐅᔭᖃᖅᑎᑦᓯᓂᒃᑯᑦ ᓄᓇᓕᑦᑎᓐᓄᑦ, ᒪᒃᑯᑦᑐᑦᑎᓐᓄᑦ, ᐃᓕᖅᑯᓯᑦᑎᓐᓄᑦ ᑮᓇᐅᔭᓕᐅᕈᑎᒋᒍᓐᓇᖅᑕᑎᓐᓄᓪᓗ. ᑲᑐᔾᔨᖃᑎᖃᕐᒥᔪᒍᑦ ᓄᓇᕗᒻᒥ ᒐᕙᒪᒃᑯᖏᓐᓂᒃ ᓄᓇᓕᓐᓂᓪᓗ ᓄᓇᕗᓕᒫᒥ.” 

ᒪᓕᒐᓕᐅᖅᑎ ᕼᐊᓐᑐ ᑑᑑ, 
ᒥᓂᔅᑕ ᐃᒪᕐᒥᐅᑕᓕᕆᔨᒃᑯᓐᓄᑦ, ᐊᒻᒪ ᑲᓇᑕᒥ ᖃᐅᔨᓴᖅᑏᑦ ᑭᒡᒐᖅᑐᐃᔨᐅᓪᓗᓂᓗ ᓄᓇᕗᒻᒧᑦ 

“ᓄᓇᕗᑦ ᒐᕙᒪᒃᑯᑦ ᓯᕗᓪᓕᐅᑎᑦᑎᔪᒪᕗᑦ ᓄᓇᓖᑦ ᐊᐅᓚᔪᓐᓇᐅᑎᖏᓐᓂᒃ ᓄᑖᙳᕆᐊᖅᑎᑦᑎᔪᒪᓪᓗᑎᒃ. ᑲᓇᑕᒥ ᐱᓕᕆᖃᑎᖃᐃᓐᓇᖅᐳᒍᑦ ᑮᓇᐅᔾᔭᒃᓴᕈᑎᒃᓴᑦ ᐋᖅᑭᒃᑕᐅᖁᓪᓗᒋᑦ ᓄᓇᕘᓕᒫᒧᑦ ᐃᑲᔫᑕᐅᖁᓪᓗᒋᑦ. ᐅᓪᓗᒥ ᐃᑲᔫᑎᒋᔭᐅᔪᑦ ᐊᑯᓂᒻᒪᕆᐊᓗᒃ ᐃᑲᔫᑕᐅᓂᐊᖅᐳᑦ ᓄᓇᓕᖕᓄᑦ ᐃᓂᒋᔭᐅᓕᖅᑐᓂᒃ ᐊᑐᖃᑦᑕᓕᖅᐸᑕ ᐱᓕᕆᑎᓪᓗᒋᑦ ᐅᖓᑖᓅᕋᔪᒃᑐᑦ ᖃᐅᑕᒫ ᑭᓱᓕᕆᕝᕕᖏᑕ ᐊᐅᓚᓂᕆᒐᔭᖅᑕᖏᓐᓄᑦ.” 

ᒪᓕᒐᓕᐅᖅᑎ ᐲᑕ ᑕᑉᑑᓇ 
ᓯᕗᓕᖅᑎ ᓄᓇᕗᒻᒧᑦ 

“ᓂᕆᐅᓇᑦᑎᐊᖅᑐᖅ ᐃᑲᔪᖅᑐᖅᑕᐅᓪᓗᓂ ᓄᓇᓖᑦ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᓐᓄᑦ ᐊᑐᕈᓐᓇᖅᓯᑦᑎᐊᒃᑲᓐᓂᕈᑎᒋᓂᐊᖅᑕᑦᑎᓐᓂᒃ ᐃᓕᖅᑯᓯᑦᑎᓐᓄᑦ ᐊᒻᒪ ᐱᙳᐊᕐᕕᖕᓄᑦ. ᑖᒃᑯᐊ ᐱᓕᕆᐊᒃᓴᑦ ᐊᑑᑎᖃᑦᑎᐊᕐᓂᐊᖅᐳᑦ ᓄᓇᓕᖕᓄᑦ ᖃᓄᐃᙱᑦᑎᐊᒃᑲᓐᓂᕈᑕᐅᓗᓂ ᓄᓇᕘᓕᒫᒥ ᐊᕐᕌᒍᓄᑦ ᐅᓄᖅᑐᓄᑦ.” 

ᒪᓕᒐᓕᐅᖅᑎ ᔫ ᓴᕕᑲᑖᒃ 
ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ 

ᐊᒃᑐᐊᓂᖃᖅᑐᑦ ᑲᓱᕐᕖᑦ 

ᖃᓄᐃᓕᐅᕐᓂᐅᓚᐅᖅᑐᖅ ᑕᑯᓗᒍ http://news.gc.ca/web/article-en.do?nid=1036559 ᐱᓕᕆᐊᒃᓴᑦ ᑎᑎᕋᖅᓯᒪᑦᑎᐊᖅᑐᑦ ᑮᓇᐅᔭᕐᒧᑦ ᐊᖏᖅᑕᐅᓯᒪᔪᑦ. 

ᖃᐅᔨᒋᐊᒃᑲᓐᓂᕈᒪᒍᕕᑦ ᓄᓇᓕᕋᓛᖑᓂᖅᓴᓄᑦ ᑐᕌᖓᔪᑦ ᑮᓇᐅᔭᑦ ᒥᒃᓵᓄᑦ, ᐅᕗᖓ ᑕᑯᒋᐊᕈᓐᓇᖅᐳᑎᑦ http://www.infrastructure.gc.ca/plan/sc-cp-eng.html

- 30 - 

ᖃᐅᔨᒋᐊᕐᕕᐅᔪᓐᓇᖅᑐᑦ 

ᐳᕈᒃ ᓯᒻᓴᓐ 
ᐱᕙᓪᓕᐊᔪᓕᕆᔨᑦ ᑎᑎᕋᖅᑎᖓ 
ᒥᓂᔅᑕ ᓄᓇᓖᑦ ᐊᐅᓚᔪᓐᓇᐅᑎᖏᓐᓄᑦ ᐊᒻᒪ ᓄᓇᓕᖕᓄᑦ ᐊᒡᓚᕝᕕᖓ 
613-219-0149 
Brook.Simpson@Canada.ca 

ᑯᕆᔅ ᒧᓪᓚᓕ 
ᐊᑐᐊᒐᓕᕆᔨ/ᑐᓴᒐᒃᓴᓕᕆᔨ 
ᓄᓇᕗᑦ ᒐᕙᒪᖓᑦ 
867- 975-5342 
kmullaly@gov.nu.ca 

ᓄᓇᓖᑦ ᐊᐅᓚᔪᓐᓇᐅᑎᓕᕆᔨᖏᑦ ᑲᓇᑕᒥ 613-960-9251 
ᐊᑭᖃᙱᑦᑐᖅ: 1-877-250-7154 
media@infc.gc.ca 

Twitter: @INFC_eng 

ᐃᑭᐊᖅᑭᕕᒃ: Infrastructure Canada

 

ᖃᐅᔨᒃᑲᐃᒋᐊᕈᑎ

 

 ᑲᓇᑕᐅᑉ ᐊᒻᒪ ᓄᓇᕗᑦ ᒐᕙᒪᒃᑯᖏᑦ ᑐᓴᖅᑎᑦᑎᓕᖅᐳᑦ ᑮᓇᐅᔭᖅᑖᖅᑎᑕᐅᓂᐊᖅᑐᓂᒃ ᑕᓪᓕᒪᓄᑦ ᓄᓇᓖᑦ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᓐᓄᑦ ᑐᕌᖓᔪᓂᒃ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᑕ ᓄᓇᓕᖏᓐᓂ ᓄᑖᖅ ᐃᒡᓗᕐᔪᐊᓕᕆᔨᑦ ᑲᓇᑕᒥ ᐸᕐᓇᐅᑦ ᓄᓇᓕᕋᓛᖑᓂᖅᓴᓄᑦ ᑮᓇᐅᔭᖁᑎᖏᑦ ᐊᑐᖅᖢᒋᑦ. ᑲᓇᑕᐅᑉ ᒐᕙᒪᒃᑯᖏᑦ ᑐᓂᓯᓂᐊᖅᐳᑦ ᑲᑎᖦᖢᒋᑦ $25,363,863-ᓂᒃ ᑕᓪᓕᒪᓄᑦ ᐱᓕᕆᐊᒃᓴᓄᑦ ᑐᕌᖓᔪᓂᒃ, ᑲᑎᖦᖢᒋᑦ ᐊᑭᒋᔭᐅᔪᓐᓇᖅᑐᑦ $49,919,318-ᖑᕗᑦ. 

ᓄᓇᓕᕋᓛᖑᓂᖅᓴᓄᑦ ᑮᓇᐅᔭᖁᑎᒋᔭᐅᔪᑦ ᐃᑲᔪᖅᑐᐃᖃᑦᑕᖅᐳᑦ ᓯᕗᓪᓕᐅᔾᔭᐅᔪᒪᔪᓂᒃ ᑭᒃᑯᑐᐃᓐᓇᓄᑦ ᓄᓇᓖᑦ ᐊᐅᓚᔪᓐᓇᐅᑎᖏᑕ ᐱᓕᕆᐊᒃᓴᖏᓐᓄᑦ ᑲᔪᓯᑎᑦᑎᕙᒃᑐᓄᑦ ᓄᓇᓕᖕᓂ ᐱᔭᐅᔭᕆᐊᓕᖕᓂᒃ ᑲᓇᑕᓕᒫᒥ 100,000 ᑐᖔᓂ ᐃᓄᓕᖕᓄᑦ. ᒫᓐᓇᒧᑦ ᑎᑭᖦᖢᒍ, ᐱᓕᕆᐊᒃᓴᑦ 82-ᐳᓴᓐᖏᓐᓂᒃ ᐊᖏᖅᑕᐅᓯᓚᔪᑦ ᑮᓇᐅᔭᑦ ᐊᑐᖅᖢᒋᑦ ᓄᓇᓕᖕᓂ 25,000 ᑐᖔᓂ ᐃᓄᖃᖅᐳᑦ. 

ᐅᓪᓗᒥ ᐅᑯᐊ ᐱᓕᕆᐊᒃᓴᑦ ᐅᖃᐅᓯᐅᖅᑲᐅᔪᑦ:

ᐱᑎᑕᐅᔪᑦ

ᐱᓕᕆᐊᒃᓴᐅᑉ ᑕᐃᔭᐅᓂᖓ 

ᑲᑎᖦᖢᒍ ᐊᑭᒐ* 

ᕼᐋᒻᓚᑦᑯᑦ ᑭᙵᕐᓂ

ᕿᓐᓄᐊᔪᐊᖅ ᐃᓕᖅᑯᓯᓕᕆᕝᕕᒃ ᐱᕙᓪᓕᐊᓂᖓ 

 

$10,020,000 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ 

ᐃᖃᓗᒃᑑᑦᑎᐊᑉ ᓯᐊᕐᕆᔮᕐᕕᖓᑕ ᓄᑖᙳᕆᐊᖅᑕᐅᓂᖓ 

 

$4,200,000 

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

ᓄᓇᓕᖕᓂ ᓯᐊᕐᕆᔮᕐᕖᑦ ᓄᑖᙳᕆᐊᖅᑕᐅᔪᑦ 

$19,918,400 

ᐃᓕᓐᓂᐊᖅᑐᓕᕆᔨᒃᑯᑦ 

ᐃᓕᓐᓂᐊᕐᕖᑦ ᓯᓚᑖᓂ ᐱᙳᐊᕐᕖᑦ ᐊᓯᔾᔨᖅᑕᐅᓂᖏᑦ 

$1,700,000 

ᓄᓇᓕᐸᐅᔭᖅ ᐃᖃᓗᖕᓂ 

ᐃᖃᓗᖕᓂ ᐴᔾᔪᕌᕐᕕᒃᓴᖅ ᐱᖓᔪᖓᓂ ᐱᕙᓪᓕᐊᑎᑕᐅᓂᖓ 

$14,080,918 

*ᑲᑎᖦᖢᒋᑦ ᐱᓕᕆᐊᕆᔭᐅᔪᑦ ᖃᔅᓯᑐᕐᓂᐊᕋᓱᒋᔭᐅᓂᖓ. 

ᑐᑭᓯᒋᐊᒃᑲᓐᓂᕈᒪᒍᕕᑦ ᓄᓇᓕᕋᓛᖑᓂᖅᓴᑦ ᑮᓇᐅᔭᖁᑎᖏᑕ ᒥᒃᓵᓄᑦ, ᐅᕗᖓ ᑕᑯᒋᐊᕈᓐᓇᖅᐳᑎᑦ: http://www.infrastructure.gc.ca/plan/sc-cp-eng.html.