ᐅᖃᓚᐅᑎᓯᐅᑏᑦ

You are here

ᓯᕗᓪᓕᖅᐹᒥ ᓯᕗᓕᖅᑏᑦ ᑲᑎᒪᓂᖏᑦ ᐱᔭᕇᖅᐳᑦ

ᒫᑦᓯ 04, 2016

ᐅᖃᐅᓯᐅᔪᖅ

ᓯᕗᓪᓕᖅᐹᒥ ᓯᕗᓕᖅᑏᑦ ᑲᑎᒪᓂᖏᑦ ᐱᔭᕇᖅᐳᑦ

ᒫᔾᔨ 4, 2016

ᕚᖕᑰᕗ, ᐲᓰ

ᓯᕗᓕᖅᑎ ᐲᑕ ᑕᑉᑑᓇ ᐅᓪᓗᒥ ᐱᔭᕇᖅᑲᐅᕗᖅ ᓯᕗᓪᓕᖅᐹᒥ ᓯᕗᓕᖅᑏᑦ ᑲᑎᒪᓂᖏᓐᓂ ᕚᖕᑰᕗᒥ ᑲᓇᑕᒥ ᓯᕗᓕᖅᑎᑦ, ᓄᓇᖃᖅᑳᖅᓯᒪᔪ ᑦ ᓯᕗᓕᖅᑎᖏᑦ ᐊᒻᒪ ᑲᓇᑕᐅᑉ ᐊᖓᔪᖅᑳᕐᔪᐊᖓ ᔭᔅᑎᓐ ᑐᕉᑑ ᑲᑎᒪᖃᑎᒋᓪᓗᓂᒋᑦ. ᐅᖃᐅᓯᖃᓪᓗᐊᑕᓚᐅᖅᐳᑦ ᓴᓗᒪᔪᒥᒃ ᐆᒻᒪᖅᑯᑎᖃᕐᓂᕐᒥᒃ ᐊᒻᒪ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ, ᑮᓇᐅᔭᓕᐅᕈᑎᒃᓴᓂᒃ ᐊᒻᒪ ᓯᕗᓪᓕᐅᔾᔭᐅᔪᒪᔪᓂᒃ ᐱᕈᖅᐸᓪᓕᐊᓂᖏᑦ ᐃᑲᔪᖅᑐᕈᒪᓪᓗᒋᑦ.

"ᐊᓕᐊᓇᐃᒍᓱᒃᐳᖓ ᐃᖅᑲᓇᐃᔭᖃᑎᒋᕙᒃᑕᒃᑲ ᑲᑎᒪᖃᑎᒋᔪᓐᓇᓚᐅᕋᒃᑭᑦ ᐊᑐᓪᓚᑦᑖᖅᑐᓪᓗ ᓇᓗᓇᐃᑦᑎᐊᖅᖢᑎᒍᑦ ᓄᓇᕗᒻᒥ ᐊᔾᔨᖃᙱᑦᑐᑦ ᖃᓄᐃᓕᖓᓂᕆᕙᒃᑕᖏᑦ ᐊᒻᒪ ᐊᒃᓱᕈᕐᓇᖅᑐᑦ. ᓄᓇᕗᒻᒥ ᐊᑐᖃᑦᑕᖅᐳᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᑕ ᐊᒃᑐᐃᓂᖓᓂᒃ. ᓯᕗᒻᒧᐊᒃᐸᓪᓕᐊᑎᓪᓗᑕ ᑲᓇᑕᐅᑉ ᐊᖏᕈᑎᒋᓯᒪᔭᖓ ᐃᑲᔪᖅᑐᖅᖢᒍ COP21 ᐱᐅᕆᔅ-ᒥ ᐊᖏᕈᑕᐅᓚᐅᖅᑐᒥᒃ, ᐱᕙᓪᓕᐊᑎᑕᐅᔪᓂᒃ ᐃᑲᔪᖅᑐᐃᕗᒍᑦ ᑲᓇᑕᐅᑉ ᐸᕐᓇᒍᑎᖓᓂᒃ ᐃᓅᓯᕐᒧᑦ-ᑮᓇᐅᔭᓕᐅᕋᓱᖕᓂᕐᒧᓪᓗ ᐱᔾᔪᑕᐅᔪᓂᒃ ᐅᑭᐅᖅᑕᖅᑐᒥ ᐊᒻᒪ ᐅᖓᓯᒋᔭᐅᓂᖅᓴᓂᒃ ᓄᓇᓕᖕᓂ ᐊᑐᒃᑲᓐᓂᕈᓐᓇᖅᑐᑦ ᐆᒻᒪᖅᑯᑎᐅᖔᕈᓐᓇᖅᑐᑦ ᐱᑕᖃᑦᑎᐊᖏᑎᓪᓗᒋᑦ.

ᓄᓇᕗᑦ ᐱᓕᕆᓪᓚᑦᑖᕈᒪᕗᑦ ᓯᓚᕐᔪᐊᑉ ᐅᔅᓯᒃᓯᕙᓪᓕᐊᔾᔪᑎᖏᑦ ᐃᓯᐊᕿᔪᑦ ᒥᒃᖠᒋᐊᖅᑎᑦᑐᒪᓪᓗᒋᑦ ᐋᖅᑭᑦᑎᐊᖅᓯᒪᓂᖅᓴᓂᒃ ᐆᒻᒪᖅᑯᑎᓕᕆᕝᕕᒃᑎᒍᑦ; ᑕᒪᓐᓇ ᐊᖏᔪᒻᒪᕆᖕᒥᒃ ᑮᓇᐅᔭᓕᐅᕈᑎᖃᕋᓱᒋᐊᖃᖅᐳᖅ ᒐᕙᒪᑐᖃᒃᑯᓐᓂ ᐱᓕᕆᖃᑎᖃᕐᓗᑎᒃ. ᓄᓇᕗᑦ ᓱᓕ ᐅᔾᔨᕈᓱᑦᑎᐊᖏᓐᓇᕋᓱᒃᐳᑦ ᐃᑲᔪᖅᑐᐃᔪᒪᓪᓗᑎᒃ ᐊᓯᔾᔨᕆᐊᖅᑎᑦᑎᓂᕐᒥᒃ ᐋᖅᑭᒋᐊᖅᑎᑦᑎᓂᕐᒥᓪᓗ ᐱᓕᕆᓗᑎᒃ ᓄᓇᕗᑦ ᐊᕕᒃᑐᖅᓯᒪᓂᖏᓐᓂ, ᐱᕙᓪᓕᐊᑎᑦᑎᓗᑎᒡᓗ ᑎᑭᐅᑎᓇᓱᒡᓗᑎᒃ ᑲᔪᓯᑎᑕᐅᔪᓐᓇᖅᑐᒥᒃ, ᓴᓗᒪᓂᖅᓴᒥᒃ ᐆᒻᒪᖅᑯᑎᓕᐅᕐᕕᖕᒥ.

ᓄᓇᕗᑦ 0.1-ᐳᓴᓐᑐᐃᓐᓇᕐᒥᒃ ᑲᓇᑕᒥ ᑲᑎᖦᖢᒋᑦ GHG ᐃᓯᐊᖅᑭᑎᑦᑎᕙᒃᐳᑦ, ᐱᔭᒃᓴᖃᖅᐸᒃᖢᑕᓗ ᑐᐊᕕᕐᓇᕐᓂᖅᐹᖑᖃᑕᐅᔪᓂᒃ, ᐊᒃᑐᖅᑕᐅᓯᒪᔪᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ. ᒐᕙᒪᑐᖃᒃᑯᑦ ᓯᕗᓪᓕᐅᑎᔪᒪᔭᖏᑦ, ᖃᓄᐃᓕᐅᕈᑎᖏᑦ ᐊᒻᒪ ᑮᓇᐅᔭᓂᒃ ᓴᖅᑭᑦᑎᕙᓪᓕᐊᓂᖅ ᓄᓇᕗᒻᒥ ᐊᑯᓂᐊᓗᒃ ᐊᕙᑎᒥ ᑲᔪᓯᑎᑦᑎᑐᐃᓐᓇᔾᔮᙱᓚᖅ, ᑭᓯᐊᓂ ᑎᑭᐅᑎᔪᓐᓇᖅᓯᓂᐊᖅᐳᑦ ᐊᑲᐅᓂᖅᓴᒥᒃ ᐃᒻᒥᒃᑰᕈᓐᓇᖅᓯᓗᑎᒃ ᐊᒻᒪ ᐃᓂᖃᑦᑎᐊᕐᓂᖅᓴᐅᓕᕐᓗᑕ ᓯᕗᒻᒧᐊᒐᓱᒃᑎᓪᓗᑕ ᑮᓇᐅᔭᓕᐅᕈᑎᒃᓴᑦᑎᓐᓂᒃ ᐊᒻᒪ ᐃᖅᑲᓇᐃᔮᒃᓴᓂᒃ ᓯᕗᓂᒃᓴᒥ."

###

ᐱᕙᓪᓕᐊᔪᓕᕆᔨ ᖃᐅᔨᒋᐊᕐᕕᒃᓴᖅ:

ᔭᔅᒥᓇ ᐱᐸ

ᐊᐅᓚᑦᑎᔨ, ᑐᓴᐅᒪᖃᑦᑕᐅᑎᓕᕆᔨᑦ

ᐲᑕ ᑕᑉᑑᓇᐅᑉ ᐊᒡᓚᕝᕕᖓ

867-975-5059

ypepa@gov.nu.ca