ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᑕᑉᑑᓇ ᓂᓪᓕᐅᑎᖃᖅᐳᖅ ᓱᓕᔪᓄᑦ ᑭᒡᓕᓯᓂᐊᖅᑎᒃᑯᑦ ᖃᐅᔨᓴᖅᑎᖏᑕ ᑭᖑᓪᓕᖅᐹᖅᓯᐅᑦ ᐅᓂᒃᑳᓕᐊᖓᓂᒃ

ᑎᓯᐱᕆ 16, 2015

ᐅᖃᐅᓯᐅᔪᖅ 

ᓯᕗᓕᖅᑎ ᑕᑉᑑᓇ ᓂᓪᓕᐅᑎᖃᖅᐳᖅ ᓱᓕᔪᓄᑦ ᑭᒡᓕᓯᓂᐊᖅᑎᒃᑯᑦ ᖃᐅᔨᓴᖅᑎᖏᑕ ᑭᖑᓪᓕᖅᐹᖅᓯᐅᑦ ᐅᓂᒃᑳᓕᐊᖓᓂᒃ 

ᓯᕗᓕᖅᑎ ᐲᑕ ᑕᑉᑑᓇ ᐅᑯᓂᖓ ᐅᖃᐅᓯᐅᔪᓂᒃ ᓴᖅᑭᑎᑦᑎᖅᑲᐅᕗᖅ: 

“ᓂᕆᐅᒃᐳᖓ ᑭᖑᓪᓕᖅᐹᖅᓯᐅᑦ ᐅᓂᒃᑳᓕᐊᒥᒃ ᕿᒥᕐᕈᓂᐊᕐᓂᓐᓂᒃ ᓱᓕᔪᓄᑦ ᑭᒡᓕᓯᓂᐊᖅᑎᒃᑯᑦ ᖃᐅᔨᓴᖅᑎᖏᓐᓂ ᒃ (TRC) ᓇᓗᓇᐃᔭᖅᓯᒪᑦᑎᐊᖅᑐᓂᒃ, ᐱᓕᕆᖃᑎᖃᖅᖢᑎᒡᓗ ᒐᕙᒪᑐᖃᒃᑯᓐᓂ ᓯᕗᒻᒧᐊᒃᐸᓪᓕᐊᖁᓪᓗᒋᑦ ᓄᑖᙳᕆᐊᖅᓯᒪᔪᒥᒃ ᐊᖏᕈᑎᖃᕐᓗᑎᒃ ᒪᒥᓴᕐᓂᕐᒧᑦ ᐊᒻᒪ ᓴᙱᒃᑎᒋᐊᒃᑲᓐᓂᕈᒪᓂᕐᒧᑦ. 

ᐃᓕᓐᓂᐊᕆᐊᖅᐸᓚᐅᖅᓯᒪᔪᑦ ᐃᖅᑲᐅᒪᓪᓗᒋᑦ ᓄᓇᖃᖅᑳᖅᓯᒪᔪᓄᑦ ᐊᒃᑐᐃᓂᖃᖅᓯᒪᓪᓚᕆᒃᐳᖅ ᖁᐊᖅᓵᖅᑎᑦᑎᓯᒪᓪᓗᓂᓗ ᑲᓇᑕᓕᒫᒥ, ᐊᒻᒪ ᐊᒃᑐᐃᓂᕆᓯᒪᔭᖏᑦ ᖃᐅᑕᒫᑦᑎᐊᖅ ᓄᓇᕗᒻᒥ ᑕᑯᔭᐅᖃᑦᑕᖅᐳᑦ. ᐃᓄᐃᑦ ᑕᑯᑎᑦᑎᖃᑦᑕᐃᓐᓇᖅᓯᒪᕗᑦ ᓴᙱᔫᓂᑦᑎᓐᓂᒃ ᐊᒻᒪ ᖃᓄᐃᑦᑐᓐᓃᖅᐸᓪᓕᐊᔪᓐᓇᕐᓂᑦᑎᓐᓂᒃ. ᒫᓐᓇᓕ ᐊᑲᐅᙱᓕᐅᕈᑎᒋᖃᑦᑕᖅᓯᒪᔭᑦᑎᓐᓂᒃ ᐋᖅᑭᒃᓯᓇᓱᒋᐊᖃᓕᖅᐳᒍᑦ, ᐊᒻᒪ ᓂᕆᐅᖕᓂᖃᑦᑎᐊᕋᓱᒡᓗᑎᒃ ᓯᕗᓂᒃᓴᑦᑎᓐᓂ. 

ᓱᓕᔪᓄᑦ ᑭᒡᓕᓯᓂᐊᖅᑎᒃᑯᑦ ᖃᐅᔨᓴᖅᑎᖏᑦ ᖁᔭᓕᔪᒪᕙᒃᑲ ᐊᒃᓱᕈᖅᖢᑎᒃ ᐱᓕᕆᓚᐅᕐᒪᑕ ᑲᓇᑕᒥ ᐊᑐᖅᑕᐅᓯᒪᔪᒥᒃ ᐋᓐᓂᕐᓇᖅᑐᒥᒃ ᓴᖅᑭᑎᑦᑎᔪᒪᓪᓗᑎᒃ ᐊᖏᖅᓯᒪᑦᑎᐊᖅᖢᑎᒡᓗ ᑕᒪᑐᒥᖓ ᐱᒻᒪᕆᐅᔪᒥᒃ ᑲᔪᓯᕙᓪᓕᐊᑎᓪᓗᒋᑦ ᐊᕐᕌᒍᓂ ᐊᒥᓱᓂᒃ. 

ᓄᓇᕗᒻᒥ ᑲᔪᓯᑎᑦᑏᓐᓇᕐᓂᐊᖅᐳᑦ ᐃᓕᓐᓂᐊᕆᐊᖅᐸᓚᐅᖅᑐᑦ ᐊᑐᖅᐸᓚᐅᖅᓯᒪᔭᖏᓐᓂᒃ ᐃᓕᓐᓂᐊᕕᑦᑎᓐᓂᒃ ᐃᓕᓐᓂᐊᖅᑎᑦᑎᖃᑦᑕᖁᓪᓗᒋᑦ ᐃᓕᓐᓂᐊᖅᑏᑦ ᑐᑭᓯᐅᒪᖁᓪᓗᒋᑦ ᐊᑕᖏᕐᓗᒋᑦ ᐊᑐᖅᑕᐅᓚᐅᖅᓯᒪᔪᓂᒃ ᐊᕕᒃᑐᖅᓯᒪᓂᕆᔭᑦᑎᓐᓂ ᐊᓂᒍᖅᑐᓂ.” 

### 

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ: 

ᑮᑦ ᒪᒡᓚᐅᑦ 
ᑐᑭᒧᐊᒃᑎᑦᓯᔨ ᑐᓴᐅᒪᖃᑦᑕᐅᑎᓕᕆᓂᕐᒧᑦ
ᒐᕙᒪᓕᕆᔨᒃᑯᑦ
867-975-6049 
cmacleod@gov.nu.ca