ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᑕᑉᑑᓇ ᓇᓗᓇᐃᖅᓯᔪᖅ ᒥᓂᔅᑕᐅᕕᐅᓂᐊᖅᑐᓂᒃ

ᒫᑦᓯ 07, 2016

ᐱᕙᓪᓕᐊᔪᑦ ᑐᓴᕋᑦᓴᑦ 

ᓯᕗᓕᖅᑎ ᑕᑉᑑᓇ ᓇᓗᓇᐃᖅᓯᔪᖅ ᒥᓂᔅᑕᐅᕕᐅᓂᐊᖅᑐᓂᒃ 

ᐃᖃᓗᐃᑦ, ᓄᓇᕗᑦ (ᒫᑦᓯ 7, 2016) - ᓄᖅᑲᖅᑐᖃᓚᐅᕐᓂᖓᓄᑦ ᒥᓂᔅᑕᒥᒃ ᐊᐅᓚᑦᓯᔩᑦ ᑲᑎᒪᔨᖏᓐᓂᒃ ᐱᓇᓱᐊᕈᓯᐅᓚᐅᖅᑐᒥ, ᓯᕗᓕᖅᑎ ᑕᑉᑑᓇ ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᐅᑯᓂᖓ ᒥᓂᔅᑕᐅᕕᐅᔪᑦ ᐊᓯᔾᔨᖅᑕᐅᓂᖏᓐᓂᒃ. 

ᒫᓐᓇᑲᐅᑎᒋ ᐱᒋᐊᕐᓗᓂ, ᓯᕗᓕᖅᑎ ᑕᑉᑑᓇ ᒥᓂᔅᑕᐅᓂᕐᒧᑦ ᑲᒪᒋᔭᖃᕐᓂᐊᓕᖅᑐᖅ ᑲᓇᑕᐅᑉ ᓯᓚᑖᓃᖔᖅᑐᓕᕆᓂᕐᒧᑦ. 

ᒫᓂᑲ ᐃᐅᓪ-ᑲᓇᔪᖅ ᐱᓕᕆᐊᑦᓴᖅᑖᕐᓂᐊᖅᑐᖅ ᒥᓂᔅᑕᐅᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕᐅᓂᕐᒧᓪᓗ ᑲᒪᒋᔭᖃᕐᓗᓂ ᐃᒻᒥᓃᖅᑕᐃᓕᔪᓕᕆᓂᕐᒧᑦ. 

ᑮᑦ ᐲᑐᓴᓐ ᐱᓕᕆᐊᑦᓴᖃᕐᓂᐊᓕᖅᑐᖅ ᒥᓂᔅᑕᐅᓂᕐᒧᑦ ᒪᓕᒐᓕᕆᔨᒃᑯᓐᓄᑦ, ᒥᓂᔅᑕᐅᓂᕐᒧᓪᓗ ᑲᒪᒋᔭᖃᕐᓗᓂ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑭᒡᓕᓯᓂᐊᖅᑎᒃᑯᑦ ᐊᒻᒪᓗ ᒥᓂᔅᑕᐅᓂᕐᒧᑦ ᑲᒪᒋᔭᖃᕐᓗᓂ ᐃᖅᑲᓇᐃᔭᖅᑎᓄᑦ ᐊᑐᐊᒐᓕᕆᔨᒃᑯᑦ ᑲᑎᒪᔨᖏᓐᓄᑦ. 

“ᑕᒪᒃᑮᒃ ᒥᓂᔅᑖᒃ ᐊᑕᖏᖅᑐᒥᒃ ᓱᓕᔪᕆᔮᒃᑲ ᑐᙵᕕᖃᑦᓯᐊᖅᑐᒥᓪᓗ ᑐᑭᓯᐅᒪᓂᖃᖅᑐᑎᒃ ᒥᓂᔅᑕᐅᕕᑦᑖᒥᓂᒃ,” ᐅᖃᖅᓯᒪᔪᖅ ᓯᕗᓕᖅᑎ ᑕᑉᑑᓇ. “ᐱᓕᕆᐊᑦᓴᖃᖅᑎᑕᐅᒐᑦᑕ ᐱᓇᓱᐊᕈᑎᖃᕆᐊᖃᕐᓂᑎᓐᓂᒃ ᑭᒡᒐᑐᖅᑕᑦᑎᓐᓄᑦ ᓂᕈᐊᖅᑎᓄᑦ ᒐᕙᒪᒋᔭᕗᓪᓗ ᖃᓄᐃᓕᐅᕈᑎᖃᖅᐸᓪᓕᐊᖏᓐᓇᕐᓗᑎᒃ ᑐᕌᒐᑦᑎᓐᓂᒃ ᐋᖅᑭᑦᑕᐅᓯᒪᔪᓂᒃ - ᓯᕗᒧᑦ ᐊᑉᓗᖅᑕ.” 

ᒫᓐᓇᐅᔪᖅ ᐊᓯᖏᓐᓂᒃ ᐊᓯᔾᔨᖅᑕᐅᔪᖃᙱᑦᑐᖅ, ᐊᓯᓕᒫᖏᑦ ᒥᓂᔅᑕᐅᕕᐅᔪᑦ ᓱᕐᕋᔾᔮᙱᑦᑐᑦ. 

### 

ᐱᕙᓪᓕᐊᔪᓕᕆᔨᓄᑦ ᖃᐅᔨᓴᒋᐊᕐᕕᑦᓴᖅ: 

ᔮᒦᓇ ᐱᐸ 
ᐊᖏᔪᖅᑳᖅ, ᐱᕙᓪᓕᐊᔪᓕᕆᓂᖅ 
ᓯᕗᓕᖅᑎᐅᑉ ᐊᓪᓚᕝᕕᖓᓂ 
ᓄᓇᕗᑦ ᒐᕙᒪᖓ 
867-975-5059 
ypepa@gov.nu.ca