ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᑕᑉᑑᓇ ᓇᓗᓇᐃᖅᓯᔪᖅ ᐊᓯᔾᔨᖅᑕᐅᓂᖏᓐᓂᒃ ᐊᖏᔪᖅᑲᐅᑏᑦ ᐃᖅᑲᓇᐃᔭᖅᑎᖏᑦ

ᓄᕕᐱᕆ 27, 2015

ᐱᕙᓪᓕᐊᔪᑦ ᑐᓴᕋᑦᓴᑦ 

ᓯᕗᓕᖅᑎ ᑕᑉᑑᓇ ᓇᓗᓇᐃᖅᓯᔪᖅ ᐊᓯᔾᔨᖅᑕᐅᓂᖏᓐᓂᒃ ᐊᖏᔪᖅᑲᐅᑏᑦ ᐃᖅᑲᓇᐃᔭᖅᑎᖏᑦ 

ᐃᖃᓗᐃᑦ, ᓄᓇᕗᑦ (ᓄᕕᐱᕆ 27, 2015) – ᓯᕗᓕᖅᑎ ᑕᑉᑑᓇ ᐅᓪᓗᒥ ᓇᓗᓇᐃᖅᓯᖅᑲᐅᔪᖅ ᐊᓯᔾᔨᖅᑕᐅᓂᖏᓐᓂᒃ ᓄᓇᕗᑦ ᒐᕙᒪᒃᑯᖏᑕ ᐊᖏᔪᖅᑲᐅᑏᑦ ᐃᖅᑲᓇᐃᔭᖅᑎᖏᑦ. 

“ᐊᓯᔾᔨᖅᑕᐅᕋᑖᓚᐅᖅᑎᓪᓗᒋᑦ ᐊᐅᓚᑦᓯᔩᑦ ᑲᑎᒪᔨᖏᑦ, ᓈᒻᒪᓈᖅᓯᒻᒪᑦ ᖃᓄᖅᑑᕈᑎᐅᓯᒪᑎᓪᓗᒋᑦ ᐋᖅᑭᒋᐊᖅᑕᐅᒋᐊᖃᕐᓂᖏᑦ ᐊᖏᔪᖅᑲᐅᑏᑦ ᐃᖅᑲᓇᐃᔭᖅᑎᖏᑦ ᒐᕙᒪᒃᑯᓐᓂ ᐱᓕᕆᕕᑦᑎᓐᓂ,” ᐅᖃᖅᓯᒪᔪᖅ ᓯᕗᓕᖅᑎ ᑕᑉᑑᓇ. “ᑕᒪᒃᑯᐊ ᐊᓯᔾᔨᖅᑕᐅᔪᑦ ᑐᕌᖓᓂᖃᑦᓯᐊᖅᑐᑦ ᓴᙱᓂᖏᓐᓄᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᕐᕕᑎᓐᓂ ᓯᕗᓕᖅᑎᖏᓐᓄᑦ ᐱᒻᒪᕆᐅᓂᖏᓐᓄᓪᓗ ᑐᕌᒐᖅᑖᖅᑎᑕᐅᒃᑲᓐᓂᕐᓂᖏᑦ ᐱᕚᓪᓕᕈᑎᑦᓴᐅᖁᓪᓗᒋᑦ ᐱᓕᕆᕕᑦᑎᓐᓂ.” 

ᐱᒋᐊᕐᓗᓂ ᑎᓯᐱᕆ 7, 2015: 

  • ᓯᐅᕆ ᕈᐅ ᓄᑦᑎᕐᓂᐊᖅᑐᖅ ᐃᓂᖓᓂᒃ ᐊᐅᓚᑦᓯᔨᒻᒪᕆᐅᓪᓗᓂ ᓄᓇᕗᒻᒥ ᓇᒻᒥᓂᖃᖅᑎᐅᔪᓄᑦ ᐊᑐᖅᑐᐊᖅᑎᑦᓯᔨᒃᑯᑦ ᑎᒥᖁᑎᖏᓐᓂᒃ ᒥᓂᔅᑕᐅᑉ ᑐᒡᓕᖅᑖᕆᓗᓂᐅᒃ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ; 
  • ᐸᐅᓗᓯ ᓱᕕᒐ ᓄᑦᑎᕐᓂᐊᖅᑐᖅ ᒥᓂᔅᑕᐅᑉ ᑐᒡᓕᐊᓂᒃ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓄᓪᓗ ᒥᓂᔅᑕᐅᑉ ᑐᒡᓕᐊᓄᑦ ᐃᓕᖅᑯᓯᓕᕆᔨᒃᑯᓐᓄᑦ; 
  • ᔫ ᐊᓪᓚ ᑯᓄᒃ ᓄᑦᑎᕐᓂᐊᖅᑐᖅ ᒥᓂᔅᑕᐅᑉ ᑐᒡᓕᐊᓂᒃ ᐃᓕᖅᑯᓯᓕᕆᔨᒃᑯᓐᓄᑦ ᐊᖏᔪᖅᑳᖑᓕᕐᓗᓂ ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ; ᐊᒻᒪᓗ 
  • ᐲᑕ ᒫ ᓄᑦᑎᕐᓂᐊᖅᑐᖅ ᐊᖏᔪᖅᑳᖑᓂᕐᒥᒃ ᓄᓇᕗᑦ ᓯᓚᑦᑐᓴᕐᕕᒃᑯᓐᓄᑦ ᐊᐅᓚᑦᓯᔨᒻᒪᕆᐅᓂᕐᒧᑦ ᓄᓇᕗᒻᒥ ᓇᒻᒥᓂᖃᖅᑎᐅᔪᓄᑦ ᐊᑐᖅᑐᐊᖅᑎᑦᓯᔨᒃᑯᑦ ᑎᒥᖁᑎᖏᓐᓄᑦ. 

ᐱᒋᐊᕐᓗᓂ ᔭᓐᓄᐊᓕ 11, 2016, ᑎᐅᕆ ᐊᐅᓪᓚ, ᐃᓄᐃᑦ ᑕᐱᕇᑦ ᑲᓇᑕᒥ ᐊᖏᔪᖅᑳᕆᓚᐅᖅᑕᖓ, ᐊᖏᔪᖅᑳᙳᓛᖅᑐᖅ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ. 

ᐱᒋᐊᕐᓗᓂ ᔭᓐᓄᐊᓕ 18, 2016, ᓗᐊᕆ ᑭᒻᐹᓪ ᓄᑦᑎᕐᓂᐊᖅᑐᖅ ᐊᖏᔪᖅᑳᖑᕕᖓᓂᒃ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᒥᓂᔅᑕᒧᖅ ᑐᒡᓕᖅᑖᖑᓗᓂ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᓐᓄᑦ. ᕈᐃ ᒍᕇᓐ, ᒫᓐᓇ ᒥᓂᔅᑕᐅᑉ ᑐᒡᓕᐊ ᓄᓇᓕᓐᓂ ᒐᕙᒪᒃᑯᓂᓪᓗ ᐱᔨᑦᓯᕋᖅᑎᒃᑯᑦ, ᓄᖅᑲᕕᓛᓕᕐᓂᕋᖅᑐᖅ, ᐱᒋᐊᕐᓗᓂ ᔭᓐᓄᐊᓕ 30, 2016.

ᐱᒋᐊᕐᓗᓂ ᔭᓐᓄᐊᓕ 25, 2016, ᐅᐃᓕᐊᒻ ᒪᑲᐃ, ᒥᓂᔅᑕᐅᑉ ᑐᒡᓕᐊᓄᑦ ᐃᑲᔪᖅᑎ ᒐᕙᒪᓕᕆᔨᒃᑯᓐᓄᑦ, ᒥᓂᔅᑕᒧᑦ ᑐᒡᓕᐅᑲᐃᓐᓇᓛᖅᑐᖅ ᑕᖅᑭᓄᑦ ᐱᖓᓲᔪᖅᑐᓄᑦ, ᑲᓇᑕᓕᒫᒥ ᕿᓂᕐᓂᖏᓐᓂ ᒥᓂᔅᑕᐅᑉ ᑐᒡᓕᖅᑖᑦᓴᖓᓐᓂᒃ. ᐃᓕᓴᐱ ᓵᓐᑐᓴᓐ, ᒫᓐᓇ ᒥᓂᔅᑕᐅᑉ ᑐᒡᓕᐊ ᒪᓕᒐᓕᕆᔨᒃᑯᓐᓄᑦ, ᐃᓱᓕᒍᑎᓛᖅᑐᖅ ᐃᓂᒋᑲᐃᓐᓇᖅᓯᒪᔭᒥᓂ, ᐱᒋᐊᕐᓗᓂ ᔭᓐᓄᐊᓕ 25, 2016. 

### 

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓴᖅ: 

ᔮᔅᒦᓇ ᐱᐸ 
ᐊᖏᔪᖅᑳᖅ, ᑐᓴᕋᑦᓴᓕᕆᓂᖅ 
ᓯᕗᓕᖅᑎ ᑕᑉᑑᓇᐅᑉ ᑎᑎᕋᕐᕕᖓᓂ 
867-975-5059 
ypepa@gov.nu.ca