ᐅᖃᓚᐅᑎᓯᐅᑏᑦ

You are here

ᐸᖕᓇᑦᑎᐊᖅᓯᒪᓗᑎᑦ ᐅᑎᖕᓂᐊᖕᓂᖕᒧᑦ ᐊᐅᓪᓚᖅᓯᒫᓪᓚᓚᐅᕐᓗᑎᑦ ᓄᓇᐃᓐᓇᖕᒥᑦ

ᐄᐳᕈ 15, 2016

ᑭᒃᑯᓕᒫᓄᑦ ᑐᓴᒐᒃᓴᖅ 

ᐸᖕᓇᑦᑎᐊᖅᓯᒪᓗᑎᑦ ᐅᑎᖕᓂᐊᖕᓂᖕᒧᑦ ᐊᐅᓪᓚᖅᓯᒫᓪᓚᓚᐅᕐᓗᑎᑦ ᓄᓇᐃᓐᓇᖕᒥᑦ 

ᓅᙳᓱᓕᒑᕖᑦ? ᓄᓇᕘᒥ ᒐᕙᒪᒃᑯᑦ ᐃᖅᑲᐃᑎᑦᑎᒋᐊᕈᒪᕗᑦ ᓄᓇᕗᒻᒥᐅᓕᒫᓂᒃ ᒪᑯᓂᖓ ᐅᔾᔨᕐᓱᕐᓗᑎᒃ ᖁᐊᖅᓵᕐᓇᖅᑐᒦᑕᐃᓕᒪᓂᕐᒧᑦ ᐱᔭᕆᐊᖃᕐᓂᖏᓐᓂᒃ ᐊᐅᓪᓚᖅᓯᒪᓂᐊᖅᑎᓪᓗᒋᑦ ᓇᒧᑦ: 

  • ᐸᖕᓇᒃᓯᒪᐃᓐᓇᐅᔭᕐᓗᑎᑦ ᑐᐊᕕᖕᓇᖅᑐᖅᓯᐅᑎᓂᑦ ᑐᓴᐅᒪᔾᔪᑎᒋᓪᓗᑎᑦ ᐅᕙᓃᑉᐳᖔᕈᑎᓂᒡᓘᓐᓃᑦ ᐊᔪᙱᑦᑐᒥᑦ; 
  • ᐊᑎᓕᐅᕆᓗᑎᑦ ᐊᑭᖃᙱᑦᑐᓂᑦ ᐅᕙᓃᑉᐳᖔᕈᑎᒥᑦ ᕼᐋᒻᓚᑦᑯᓯ ᑎᑎᕋᕐᕕᐊᓂᑦ, ᐆᒪᔪᖕᓂᐊᖅᑎᒃᑯᑎᑦ ᑎᑎᕋᕐᕕᐊᓂᑦ ᐊᖑᓇᓱᒃᑐᓕᕆᔨᒃᑯᓐᓂᓪᓘᓐᓃᑦ; 
  • ᐃᓛᓐᓂᒃᑯᑦ ᐅᕙᓃᑦᐳᖔᕈᑏᑦ ᐊᔪᓕᓚᐅᓲᑦ. ᓇᐅᑦᑎᐅᒪᔾᔪᑎᒥᑦ ᓇᒃᓴᕐᓗᑎᑦ ᓲᕐᓗ ᑕᒻᒪᕇᒃᑯᑎᒥᑦ ᓄᓇᙳᐊᒥᒡᓗ, ᖃᐅᔨᒪᓗᑎᓪᓗ ᖃᓄᖅ ᐊᑐᖅᑕᐅᕙᖕᒪᖔᖏᑦ; 
  • ᐊᐅᓪᓚᖃᑎᖃᐃᓐᓇᐅᔭᕐᓗᑎᑦ ᐃᓄᒋᐊᒃᓗᓯᓘᓐᓃᑦ; 
  • ᐅᖃᐅᑎᕙᒡᓗᒋᑦ ᐃᓚᑎᑦ ᐱᖃᓐᓇᕆᔭᑎᓪᓗ ᓇᒧᙵᐅᓂᐊᖕᒪᖔᑦ ᖃᖓᓗ ᑕᐃᑯᙵᖕᓂᐊᖕᒪᖔᑦ; 
  • ᑐᓴᐅᒪᑎᑦᑎᓗᑎᑦ ᖃᖓ ᕿᓂᖅᑎᓂᑦ ᑐᓴᖅᑎᑦᑎᔭᕆᐊᖃᕋᔭᖕᒪᖔᑦ ᐅᑎᙱᔅᓲᔭᖅᑐᖃᓕᖅᐸᑦ; 
  • ᐅᐸᓗᖓᐃᔭᖅᓯᒪᕙᒡᓗᑎᑦ ᐃᑲᕐᕋᓄᑦ 72−ᓄᑦ ᓄᓇᐃᓐᓇᒧᙵᐅᓯᒪᑎᓪᓗᑎᑦ - ᐅᖅᓱᒡᒋᒃᑲᓐᓂᖅᐸᒡᓗᑎᑦ, ᓂᕿᒡᒋᒃᑲᓐᓂᖅᐸᒡᓗᑎᑦ, ᐊᓐᓇᕌᒡᒋᒃᑲᓐᓂᖅᐸᒡᓗᑎᑦ ᐊᐅᓪᓚᖅᓯᒪᔪᖅᓯᐅᑎᒡᒋᒃᑲᓐᓂᕐᐸᒡᓗᑎᓪᓗ, ᐅᓪᓗᐃᓐᓈᖕᓂᐊᕋᓗᐊᕐᓗᑎᑦ. 

ᐅᖄᓚᔭᕆᐊᖃᖅᑎᐅᒍᕕᑦ ᕿᓂᖅᑐᓕᕆᔨᒃᑯᓐᓄᑦ ᐅᑎᙱᔅᓲᔭᖅᑐᖃᓕᖅᐸᑦ, ᑐᐊᕕᖕᓇᖅᑐᓕᕆᔨᒃᑯᓐᓄᑦ ᐅᖄᓚᒋᑦ ᐅᕗᖓ 1-800-693-1666. 

ᐊᓯᐊᒍᕕᑦ, ᐊᔪᓕᕈᕕᓪᓘᓐᓃᑦ ᑐᐊᕕᖕᓇᖅᑐᖃᓕᕈᕕᓪᓘᓐᓃᑦ ᐊᐅᓪᓚᖅᓯᒪᓗᑎᑦ, ᐃᖅᑲᐅᒪᓂᐊᖅᐳᑎᑦ: 

  • ᕿᒪᒃᑕᐃᓕᓗᒋᑦ ᐱᖁᑎᑎᑦ ᓅᓯᒪᖃᑎᒋᔭᑎᓪᓗ – ᐃᖏᕐᕋᔪᓐᓃᕐᓗᑎᓪᓗ; 
  • ᓇᕿᓪᓗᒍ "Help"−ᓚᓯᒪᔪᖅ ᐅᕙᓃᑉᐳᖔᕈᑎᒥᑦ ᐊᔪᓕᕈᕕᑦ ᐊᓯᐅᒍᕕᓪᓘᓐᓃᑦ; ᐅᕝᕙᓘᓐᓃᑦ 
  • ᓇᕿᓪᓗᒍ "911" ᐅᕙᓃᑉᐳᖔᕈᑎᒥᑦ ᑐᐊᕕᖕᓇᖅᑐᖃᒻᒪᕆᓕᖅᐸᑦ. 

ᐃᓛᓐᓂᒃᑯᑦᑕᐅᖅ ᓅᓕᒪᔪᑦ ᐃᑲᔪᖅᑕᐅᔭᕆᐊᖃᓲᖑᖕᒪᑕ. ᐸᖕᓇᒃᓯᒪᒑᖓᕕᑦ ᒪᓕᒡᓗᒍᓗ ᐊᐅᓪᓚᖅᓯᒪᓂᕆᓂᐊᖅᑕᐃᑦ, ᐊᑲᐅᓈᑦᑎᐊᓛᖅᐳᑎᑦ ᐊᖏᕐᕋᑦᑎᐊᕈᕕᑦ. 

###

ᐱᕙᓪᓕᐊᔪᓕᕆᓂᖕᓄᑦ ᖃᐅᔨᒋᐊᕐᕕᒃᓴᖅ: 

ᒃᕆᔅ ᒧᓚᓕ 
ᐊᑐᐊᒐᓂᑦ ᖃᐅᔨᓴᖅᑎ/ᑐᓴᐅᒪᔪᓕᕆᔨᒻᒪᕆᒃ 
ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ 
867-975-5342 
kmullaly@gov.nu.ca