ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᐃᑲᔪᕐᓂᐊᖅᐳᖅ ᕗᐊᑦ ᒪᒃᒨᕆᒥ ᓇᐹᖅᑐᖃᖅᓂᖓᓂ ᐃᑭᖅᑐᖃᕐᓂᖓᓄᑦ ᐊᒃᑐᖅᑕᐅᖅᔪᐊᖅᑐᓄᑦ

ᒪᐃ 05, 2016

ᐅᖃᐅᓯᐅᔪᖅ 

ᓄᓇᕗᑦ ᐃᑲᔪᕐᓂᐊᖅᐳᖅ ᕗᐊᑦ ᒪᒃᒨᕆᒥ ᓇᐹᖅᑐᖃᖅᓂᖓᓂ ᐃᑭᖅᑐᖃᕐᓂᖓᓄᑦ ᐊᒃᑐᖅᑕᐅᖅᔪᐊᖅᑐᓄᑦ 

ᓯᕗᓕᖅᑎ ᐲᑕ ᑕᑉᑑᓇ ᓴᖅᑭᑎᑦᑎᕗᖅ ᐆᒥᖓ ᐅᖃᐅᓯᕆᔭᒥᓂᒃ: 

“ᓄᓇᕗᑦ ᒐᕙᒪᖓ ᐱᓕᕆᐊᖃᖃᑕᐅᓕᖅᐳᖅ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᕗᐊᑦ ᒪᒃᒨᕆᒥ ᑐᓂᓯᓪᓗᑎᒃ $25,000−ᓂᒃ ᐅᑯᓄᖓ, ᑲᓇᑕᒥ ᖃᓄᐃᕐᔪᐊᖅᑐᓕᕆᔨᑦ, ᐃᑲᔪᕈᒪᓪᓗᑎᒃ ᑕᐃᒃᑯᓂᖓ ᑕᒪᑐᒧᖓ ᓇᐹᖅᑐᓕᖕᒥᒃ ᐃᑭᑦᑐᖅᑕᖃᖅᑎᓪᓗᒍ ᐊᖅᑐᖅᑕᐅᕐᔪᐊᓯᑲᐅᑎᒋᓯᒪᔪᓄᑦ ᕗᐊᑦ ᒪᒃᒨᕆᒥ. 

ᐱᓪᓗᐊᑕᐅᓂᕆᕙᐅᒃ ᒐᕙᒪᒃᑯᑦ ᐱᔭᒃᓴᕆᔭᖏᓐᓂ ᐃᓚᒌᓂᒃ ᖃᓄᐃᙱᑦᑎᐊᖅᑎᑦᑎᔪᒪᓪᓗᑎᒃ ᐋᖅᑭᒃᓱᐃᕙᓪᓕᐊᔪᒪᓪᓗᑎᒡᓗ ᐊᓯᐊᒎᖔᓕᕈᓐᓇᖅᓴᕋᐃᑦᑐᓂᒃ ᐊᑐᕆᐊᓕᖕᓄᑦ ᓄᓇᓕᖕᓂᒃ. ᑭᒡᒐᖅᑐᖅᖢᒋᑦ ᓄᓇᕗᒻᒥᐅᑦ, ᐱᒃᑯᓕᕗᖓ ᐃᑲᔪᕈᓐᓇᕋᑦᑕ ᑲᓇᑕᒥᐅᑕᐅᖃᑎᒃᑲᓐᓂᑦᑎᓐᓂᒃ ᐃᓄᒋᐊᖕᓂᖅᓴᓂᒃ, ᐱᑎᑦᑎᔪᓐᓇᕋᑦᑕᓗ ᐃᑲᔪᖅᓯᓂᕐᒥᒃ ᑕᐃᑯᓄᖓ ᐃᓂᖃᕈᓐᓃᖅᑎᑕᐅᔪᓄᑦ. 

ᑕᐃᒪᐃᓐᓂᖓᓄᓪᓗ, ᓄᓇᕗᒻᒥ ᓴᐳᔾᔨᓯᒪᓂᕐᒧᑦ ᐱᔨᑦᑎᕋᖅᐸᒃᑐᑦ ᖃᐅᔨᒋᐊᕐᕕᖃᖅᓯᒪᓕᖅᐳᑦ ᐋᓪᐴᑕᒥ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᐊᐅᓚᑦᑎᕝᕕᖃᖅᐸᖕᓂᕐᒧᑦ ᑐᑦᑕᕐᕕᒋᔭᐅᔪᒥᒃ ᒪᓂᒪᑎᑦᑎᔪᒪᓪᓗᑕ ᖃᓄᑐᐃᓐᓇᖅ ᐊᑐᖅᑕᐅᔭᕆᐊᓕᖕᓄᑦ ᐊᐅᓚᑦᑎᓂᕐᒧᓪᓘᓐᓃᑦ ᐃᑲᔪᕈᑎᒋᔪᓐᓇᖅᑕᑦᑎᓐᓂᒃ ᐱᓯᒪᕙᒌᖅᑕᑦᑎᓐᓂᒃ. 

ᐃᓅᓪᓗᑕ ᐃᓅᖃᑎᒌᒃᐸᖕᓂᕐᒧᑦ ᐊᓐᓂᕆᔭᕗᑦ ᐅᕙᑦᑎᓐᓂᑦ ᐃᓕᑎᑦᑎᕙᒃᐳᑦ ᐱᔨᑦᑎᕋᖃᑦᑕᕆᐊᖃᕐᓂᕐᒥᒃ ᐱᑎᑦᑎᖃᑦᑕᕆᐊᖃᕐᓂᕐᒥᒡᓗ ᐃᓚᒌᓄᑦ ᓄᓇᓕᖕᒥᐅᓄᓪᓗ. ᓄᓇᕗᒻᒥᐅᓕᒫᑦ ᑭᒡᒐᖅᑐᖅᖢᒋᑦ, ᐃᓱᒪᒋᔭᖃᖅᐳᒍᑦ ᑕᒪᐃᓐᓂᑦᑎᐊᖅ ᕗᐊᑦ ᒪᒃᒨᕆᒥᐅᑕᓂᒃ. ᖁᐊᖅᓵᕐᓇᖅᑐᒦᙱᓪᓗᓯ ᓴᙱᓗᓯᓗ; ᐃᓅᖃᑎᒋᕙᔅᓯ ᐃᓱᒪᒃᑯᑦ.” 

### 

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ: 

ᑲᑐᕆᐅᓇ ᒪᒃᓚᐅᑦ 
ᑐᑭᒧᐊᖅᑎᑦᑎᔨ ᑐᓴᐅᒪᑎᑦᑎᓂᕐᒧᑦ 
ᒐᕙᒪᓕᕆᔨᒃᑯᑦ 
867-975-6049 
cmacleod@gov.nu.ca