ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᓄᓇᒥᒃ ᓂᕈᐊᕈᑎᒋᔭᐅᔪᑦ

ᒪᐃ 10, 2016

ᐱᕙᓪᓕᐊᔪᑦ ᐅᖃᐅᓯᐅᔪᑦ

ᓴᖅᑭᑎᑕᐅᑲᐅᑎᒋᔭᕆᐊᓕᒃ

ᓄᓇᕗᒻᒥ ᓄᓇᒥᒃ ᓂᕈᐊᕈᑎᒋᔭᐅᔪᑦ

ᐃᖃᓗᐃᑦ, ᓄᓇᕗᑦ (ᒪᐃ 10, 2016) – ᓄᓇᕗᒻᒥᐅᑦ ᓂᕈᐊᕆᐊᖅᑐᓚᐅᖅᐳᑦ ᓄᓇᓕᖕᓂᑦ-ᓄᓇᓕᖕᓄᑦ ᓂᕈᐊᖅᑎᑦᑎᓪᓗᑎᒃ ᒪᐃ 9, 2016-ᒥ, ᑐᑭᑖᕋᓱᒃᖢᑎᒃ ᓄᓇᓕᖕᓂ ᓄᓇᖁᑎᒋᔭᐅᔪᑦ ᓂᐅᕐᕈᑕᐅᔪᓐᓇᕐᒪᖔᑦ ᓄᓇᕘᓕᒫᒥ.

"ᓄᓇᕗᑦ ᒐᕙᒪᖓᑦ ᖁᕕᐊᓱᒃᐳᑦᓄᓇᕗᒻᒥᐅᑦ ᐃᓱᒪᒋᔭᒥᓂᒃ ᐅᖃᐅᓯᖃᕈᓐᓇᓚᐅᕐᒪᑕ ᓄᓇᒥᖕᓂ ᓂᕈᐊᕈᑎᒋᔭᐅᔪᑎᒍᑦ, "ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ ᔫ ᓴᕕᑲᑖᖅ ᐅᖃᖅᑐᖅ. "ᑕᒪᓐᓇ ᑲᔪᓯᕙᓪᓕᐊᑎᓪᓗᒍ ᑐᑭᓯᓂᐊᖅᐳᒍᑦ ᓯᕗᓂᒃᓴᑦᑎᓐᓂ ᖃᓄᖅ ᓄᓇᓖᑦ ᐋᖅᑭᒃᓱᐃᓂᐊᕐᒪᖔᑕ ᐊᒻᒪ ᐊᑐᖃᑦᑕᕐᓂᐊᕐᒪᖔᑦ ᓄᓇᖁᑎᒥᖕᓂᒃ"

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᓂᕈᐊᕐᓂᕐᒧᑦ ᐱᔪᓐᓇᐅᑎᖃᖅᑎᑕᐅᓚᐅᖅᐳᑦ ᑖᔅᓱᒧᖓ ᓂᕈᐊᕈᑎᒋᔭᐅᔪᒧᑦ ᑭᒃᑯᑐᐃᓐᓇᓂᒡᓗ ᑐᑭᓯᑎᑦᑎᓇᓱᒃᖢᑎᒃ ᓄᓇᕗᒻᒥᐅᑦ ᐃᓕᓐᓂᐊᖅᑎᑕᐅᓪᓗᑎᒃ ᓴᖅᑭᓐᓇᔭᖅᑐᓂᒃ "ᐊᖏᕐᓗᑎᒃ" ᐅᕝᕙᓘᓐᓃᑦ "ᐋᑳᕐᓗᑎᒃ" ᓂᕈᐊᕈᑎᒃ.

"ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᑲᔪᖅᑐᐃᔾᔪᑎᓂᒃ ᓴᖅᑭᑎᑦᑎᖃᑦᑕᖅᐳᑦ ᓄᓇᓕᖕᓄᑦ ᓄᓇᒥᒃ ᐊᐅᓚᑦᑎᓂᕐᒧᑦ, ᐊᒻᒪ ᐃᑲᔪᖅᑐᐃᖏᓐᓇᓪᓚᕆᒋᐊᖃᕐᓂᐊᖅᐳᑦ ᐱᕙᓪᓕᐊᑎᓪᓗᒋᑦ ᓄᓇᕘᒥ," ᒥᓂᔅᑕ ᓴᕕᑲᑖᖅ ᐅᖃᖅᑐᖅ. "ᓄᓇᒥᒃ ᐊᐅᓚᑦᑎᔾᔪᑎᑦ ᐊᐅᓚᓂᕆᔭᖏᑦ ᐃᓚᖏᓐᓂᒃ ᓄᓇᓕᖕᓂ ᐊᓯᔾᔨᑐᐃᓐᓇᕆᐊᖃᕋᓗᐊᖅᑎᓪᓗᒋᑦ ᓂᕈᐊᓚᐅᖅᑎᓪᓗᒋᑦ, ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐃᑲᔪᖅᑐᐃᔾᔪᑎᖏᑦ ᓄᓇᓕᖕᓄᑦ ᓄᓇᕗᒻᒥ ᑲᔪᓰᓐᓇᕐᓂᐊᖅᐳᑦ."

ᓂᕈᐊᕈᑕᐅᔪᑦ ᐊᑐᐃᓐᓇᐅᕗᑦ ᓂᕈᐊᕐᓂᖅ ᓄᓇᕗᑦ ᐃᑭᐊᖅᑭᕕᖓᓂ ᐅᕙᓂ http://www.elections.nu.ca. ᑐᑭᓯᒋᐊᒃᑲᓐᓂᕈᒪᒍᕕᑦ, ᕼᐋᒻᓚᑦᑯᑦ ᑎᑎᕋᕐᕕᖓᓄᑦ ᖃᐅᔨᒋᐊᕈᓐᓇᖅᐳᑎᑦ ᐅᕝᕙᓘᓐᓃᑦ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ landreferendum@gov.nu.ca ᐅᕝᕙᓘᓐᓃᑦ 1-844-544-7409.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃ:

ᑯᕆᔅ ᒧᓛᓕ

ᐊᑐᐊᒐᕐᓂᒃ ᓇᓗᓇᐃᔭᐃᔨ/ᑐᓴᒐᒃᓴᓕᕆᔨ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

867-975-5342

kmullaly@gov.nu.ca