ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᓄᓇᓕᕆᓂᕐᒧᑦ ᓂᕈᐊᕈᑎᖃᓛᖅᑐᑦ ᒪᐃ 2016

ᑎᓯᐱᕆ 29, 2015

ᐱᕙᓪᓕᐊᔪᑦ ᑐᓴᕋᑦᓴᑦ

ᓴᖅᑭᑎᑕᐅᑲᐅᑎᒋᔭᕆᐊᓕᒃ

ᓄᓇᕗᒻᒥ ᓄᓇᓕᕆᓂᕐᒧᑦ ᓂᕈᐊᕈᑎᖃᓛᖅᑐᑦ ᒪᐃ 2016

ᐃᖃᓗᐃᑦ, ᓄᓇᕗᑦ (ᑎᓯᐱᕆ 29, 2015) – ᓄᓇᕗᒻᒥᐅᑦ ᓂᕈᐊᖃᑕᐅᔪᓐᓇᓛᓕᖅᐳᑦ ᓄᓇᕘᓕᒫᒥ ᓄᓇᓕᕆᓂᕐᒧᑦ ᓂᕈᐊᕈᑎᖃᓕᖅᐸᑕ ᒪᐃ 9, 2016-ᒥᑦ. ᓂᕈᐊᓕᖅᐸᑕ ᐅᑯᐊ ᐊᐱᖅᑯᑕᐅᓛᖅᑐᑦ: "ᓄᓇᓕᓐᓂ ᒐᕙᒪᖏᑦ ᐅᕙᓂ (ᓄᓇᓕᐸᐅᔭᖓ ᐅᕝᕙᓘᓐᓃᑦ ᕼᐊᒪᓚᒃᑯᑦ ᐊᑎᖓ) ᓂᐅᕐᕈᑎᖃᕈᓐᓇᖅᓯᖁᕕᒌᑦ ᓄᓇᓕᓐᓂ ᒐᕙᒪᒃᑯᑦᑦ ᓄᓇᖁᑎᖏᓐᓂᒃ?"

"ᓂᕈᐊᕈᑕᐅᔪᑦ ᑐᑭᓯᔾᔪᑕᐅᓂᐊᖅᐳᑦ ᓄᓇᕗᒻᒥ ᓄᓇᓕᓐᓂ ᒐᕙᒪᖏᑦ ᓂᐅᕐᕈᑎᖃᕈᓐᓇᖅᓯᓂᐊᕐᒪᖔᑕ ᓄᓇᓕᓐᓂ ᒐᕙᒪᐃᑦ ᓄᓇᖁᑎᖏᓐᓂᒃ ᐅᕝᕙᓘᓐᓃᑦ ᐊᑐᖅᑐᐊᖅᑎᑦᑎᖃᑦᑕᐃᓐᓇᕐᓂᐊᕐᒪᖔᑕ ᒫᓐᓇ ᐊᑐᖅᑕᐅᕙᒃᑐᒥ," ᐅᖃᖅᓯᒪᔪᖅ ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ ᔫ ᓴᕕᑲᑖᖅ "ᑭᖑᓪᓕᖅᐹᒥ ᓄᓇᓕᕆᓂᕐᒧᑦ ᓂᕈᐊᖅᑎᑦᑎᓚᐅᖅᓯᒪᕗᑦ 1995-ᖑᑎᓪᓗᒍ. ᓄᓇᓕᖕᓂ ᓂᕈᐊᖅᑎᐅᔪᑦ ᓂᕈᐊᕆᐊᖃᓕᕐᒥᖕᒪᑕ ᐲᖅᑕᐅᖁᔨᖕᒪᖔᑕ ᐅᕝᕙᓘᓐᓃᑦ ᐱᓯᒪᐃᓐᓇᕈᒪᖕᒪᖔᑕ ᓄᓇᓂᒃ ᓂᐅᕐᕈᑎᖃᕐᓂᕐᒧᑦ ᐊᔪᕐᓇᖅᑎᑦᑎᕙᒃᑐᓂᒃ."

ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᖃᑎᒌᒍᑎ ᒪᓕᒃᖢᒍ, ᖃᖓᑐᐃᓐᓇᑦᑎᐊᖅ ᐅᑭᐅᑦ ᐊᕙᑎᑦ ᖄᖏᖅᐸᑕ, ᓄᓇᓕᖕᓂ ᓂᕈᐊᖅᑏᑦ ᓂᕈᐊᕈᓐᓇᖅᐳᑦ ᓂᕈᐊᖅᑎᑕᐅᓗᑎᒃ ᐱᓯᒪᐃᓐᓇᕈᒪᒃᐸᑕ ᐊᓯᔾᔩᔪᒪᒃᐸᑕᓘᓐᓃᑦ ᒫᓐᓇ ᐊᑐᖅᑐᐊᕐᓂᒃᑯᑦ ᓇᖕᒥᓂᖃᕈᑎᒥᒃ.

"ᐊᖏᖅᑲᑕ", ᕼᐋᒻᓚᑦᑯᑦ ᐅᕝᕙᓘᓐᓃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᐃᓄᖕᒧᑦ ᑲᒻᐸᓂᒧᓪᓘᓐᓃᑦ ᓂᐅᕐᕈᑎᖃᕈᓐᓇᖅᓯᓂᐊᖅᐳᑦ ᓄᓇᓕᓐᓂ ᒐᕙᒪᒃᑯᑦ ᓄᓇᖁᑎᖏᓐᓂᒃ.

"ᐋᒃᑳᖅᐸᑕ", ᕼᐋᒻᓚᑦᑯᑦ ᐅᕝᕙᓘᓐᓃᑦ ᓄᓇᓕᐸᐅᔭᒃᑯᑦ ᑲᑎᒪᔨᖏᑦ ᓄᓇᓕᓐᓂ ᒐᕙᒪᒃᑯᑦ ᓄᓇᖁᑎᖏᓐᓂᒃ ᓇᖕᒥᓂᖃᖅᑎᐅᖏᓐᓇᕐᓂᐊᖅᐳᑦ ᐊᒻᒪ ᐊᑐᖅᑐᐊᖅᑎᑦᑎᖃᑦᑕᐃᓐᓇᕐᓗᑎᒃ. ᑲᑎᒪᔩᑦ ᐃᓄᖕᒥᒃ ᑲᒻᐸᓂᒥᓪᓘᓐᓃᑦ ᐊᑐᕈᓐᓇᖅᑎᑦᑎᖃᑦᑕᕐᓂᐊᖅᐳᑦ ᓇᓗᓇᐃᖅᑕᐅᓯᒪᔪᓂᒃ ᓄᓇᖁᑎᖏᓐᓂᒃ ᐊᑐᖅᑐᐊᕈᑎᒥᓄᑦ ᐊᑭᓕᖅᓱᐃᓗᑎᒃ.

ᓄᓇᓕᖕᓂ ᖃᐅᔨᒋᐊᖅᑎᑦᑎᓗᑎᒃ ᑲᑎᒪᑎᑦᑎᑲᑕᓛᖅᑐᑦ ᑕᒪᐃᓐᓂᒃ ᓄᓇᓕᖕᓂ ᕕᕝᕗᐊᕆ 2016-ᒥ ᐱᒋᐊᕐᓗᑎᒃ. ᓄᓇᕗᒻᒥ ᓄᓇᓕᕆᓂᕐᒧᑦ ᓂᕈᐊᕐᓂᐅᑉ ᒥᒃᓵᓄᑦ ᑐᑭᓯᒋᐊᕈᑎᒃᓴᐃᑦ ᐊᒻᒪ ᓄᓇᓕᖕᓂ ᖃᐅᔨᒋᐊᖅᑎᑦᑎᓗᑎᒃ ᑲᑎᒪᓂᐅᓂᐊᖅᑐᑦ ᒥᒃᓵᓄᑦ ᑎᑎᕋᖅᓯᒪᔪᑦ ᖃᑯᒍᒃᑲᓐᓂᖅ ᓴᖅᑭᑕᐅᓛᖅᑐᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃ:

ᕌᕝ ᕉᑎᒍᐃ

ᐃᑲᔪᖅᑎᐅᓚᐅᑲᒃᑐᖅ ᒥᓂᔅᑕᐅᑉ ᑐᒡᓕᐊᓄᑦ

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

867-645-8153

rruediger@gov.nu.ca