ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᒥᓂᔅᑕᐅᑎᑦ ᖃᓄᐃᓕᓂᕆᔭᖓᑦ ᐃᓄᐊᖅᑕᐅᓯᒪᔪᑦ ᐊᓯᐅᑐᐃᓐᓇᖅᓯᒪᔪᓪᓗ ᓄᓇᖃᖅᑳᖅᑐᒥᓃᑦ ᐊᕐᓇᐃᑦ(MMIW) ᖃᐅᔨᓇᓱᒃᑕᐅᓂᖏᑕ ᐅᖃᐅᓯᐅᓂᖏᓐᓄᑦ

ᐊᒐᓯ 03, 2016

ᓇᓗᓇᐃᕈᑎ

ᓄᓇᕗᒻᒥ ᒥᓂᔅᑕᐅᑎᑦ ᖃᓄᐃᓕᓂᕆᔭᖓᑦ ᐃᓄᐊᖅᑕᐅᓯᒪᔪᑦ ᐊᓯᐅᑐᐃᓐᓇᖅᓯᒪᔪᓪᓗ ᓄᓇᖃᖅᑳᖅᑐᒥᓃᑦ ᐊᕐᓇᐃᑦ(MMIW) ᖃᐅᔨᓇᓱᒃᑕᐅᓂᖏᑕ ᐅᖃᐅᓯᐅᓂᖏᓐᓄᑦ

ᒥᓂᔅᑕᐅᔪᖅ ᐱᓕᕆᐊᒃᓴᖃᖅᖢᓂ ᐊᕐᓇᐃᑦ ᐃᓕᓴᕆᔭᐅᓯᒪᓂᖏᓐᓄᑦ ᒫᓂᑲ ᐃᐊᓪ-ᑲᓇᔪᖅ ᐊᒻᒪᓗ ᒥᓂᔅᑕᐅᔪᖅ ᒪᓕᒐᓕᕆᔨᒃᑯᓐᓄᑦ ᑮᑦ ᐲᑐᓴᓐ ᑲᑐᔾᔨᓪᓗᑎᒃ ᐅᖃᐅᓯᖃᖅᐴᒃ ᐅᑯᓂᖓ:

"ᖁᕕᐊᓱᒃᐳᒍᑦ ᑖᓐᓇ ᑲᓇᑕᓕᒫᒥ ᖃᐅᔨᔭᐅᓇᓱᒃᓯᒪᔪᖅ ᐃᓄᐊᖅᑕᐅᕙᒃᑐᑦ ᐊᓯᐅᖃᑦᑕᖅᑐᓪᓗ ᐊᕐᓇᐃᑦ ᐅᖃᐅᓯᐅᑦᑎᐊᓕᑕᐃᓐᓇᕐᓂᖓᓂᒃ, ᓂᕆᐅᖕᓂᖃᖅᐳᒍᓪᓗ ᐱᓕᕆᖃᑎᒋᓂᐊᓕᕋᑦᑎᒍ ᑖᒃᑯᐊ ᑲᒥᓴᓐᑯᑦ ᑲᔪᓯᓕᕐᓗᑕ ᑐᑭᓯᐅᒪᓂᕐᒥᒃ ᑕᒪᑐᒥᖓ ᕿᒃᓵᖕᓇᒻᒪᕆᒃᑐᒥᑦ ᑲᓇᑕᒥᐅᑦ ᐊᑲᐅᙱᓕᐅᕈᑎᖓᓂᒃ ᐋᖅᑮᓕᕐᓗᑕᓗ ᐊᓯᔾᔨᖅᐸᓪᓕᐊᓕᕈᑎᒃᓴᒥᒃ.

ᖃᐅᔨᒪᕗᒍᑦ ᐃᓚᒌᒃᑐᓂᒃ ᐱᓂᕐᓗᖃᑦᑕᐅᑎᑦᑎᑎᑦᑕᐃᓕᒪᓂᖅ ᐱᒻᒪᕆᐊᓘᓂᖓᓂᒃ ᐅᓗᕆᐊᓇᖅᑐᒦᖁᓇᒋᑦ ᓄᓇᕗᒻᒥᐅᑦ ᐊᖏᕐᕋᒥᖕᓂ. ᑲᔪᓯᑦᑎᐊᕋᓱᖕᓂᐊᖅᐳᒍᑦ ᐱᓕᕆᖃᑎᒌᒡᓗᑕ ᐊᑦᑕᕐᓇᖏᑦᑐᓂᒃ ᓄᓇᓕᖃᓕᕋᓱᐊᕐᓂᕐᒧᑦ ᑲᔪᖏᖅᓴᐃᓕᕈᓐᓇᖅᑐᒥᒃ ᐃᒃᐱᒍᓱᑦᑎᐊᕐᓂᕐᒥᒃ ᖃᓄᐃᕈᔪᖏᑦᑎᐊᖅᑐᒥᒡᓗ ᐃᓚᒌᓕᕐᓂᕐᒥᒃ. ᓴᖅᑭᔮᖅᑐᒥᒃ ᐅᖃᖃᑎᖃᕈᓐᓇᕐᓂᖅ ᓄᓇᓕᖕᓂᓪᓗ ᐋᖅᑭᒃᑕᐅᔪᒥᒃ ᐋᖅᑭᒋᐊᕋᓱᐊᕈᑎᖃᕐᓂᖅ ᐊᑑᑎᖃᕈᓐᓇᒻᒪᕆᒃᐳᖅ ᐃᓚᒌᖑᔪᑦ ᐱᓂᕐᓘᑎᖃᑦᑕᖏᓐᓂᕐᓴᐅᔪᓐᓇᕐᓂᕐᒧᑦ ᓄᓇᕗᒻᒥ.

ᑎᒃᑯᐊᖅᑕᐅᔪᖃᕐᓂᖓ ᐅᑭᐅᖅᑕᖅᑐᒥᐅᑕᕐᒥᒃ ᑲᑎᒪᔨᓄᑦ ᑐᓴᕈᒥᓇᖅᑐᖅ. ᑭᓯᐊᓂᓕ, ᑕᒪᓐᓇ ᐃᑉᐱᓐᓇᖅᑐᒻᒪᕆᐅᓂᖓᓄᑦ, ᐃᓄᒻᒥᒃ ᑭᒡᒐᖅᑐᖅᑎᑖᕐᓂᖅᑲᑕ ᑲᑎᒪᔨᓄᑦ ᓇᓕᒧᒌᓕᖅᓯᒪᑦᓯᐊᕋᔭᖅᑐᑦ ᑐᕌᖓᓂᖃᑦᓯᐊᕈᓐᓇᕐᓂᖓ ᐃᓕᖅᑯᓯᑦᑎᓐᓄᑦ ᐊᑑᑎᒋᓯᒪᔭᑦᑎᓄᓪᓗ ᓄᓇᓕᑦᑎᓐᓂ.

ᑖᒃᑯᐊ ᓄᓇᕗᑦ ᒐᕙᒪᒃᑯᒋᑦ ᑭᒡᒐᖅᑐᐃᕗᑦ ᐃᓚᖃᖅᑐᓂᒃ ᐱᖃᓐᓇᕆᔭᖃᖅᑐᓂᒡᓗ ᐃᓄᐊᖅᑕᐅᓯᒪᔪᓂᒃ ᐊᓯᐅᓯᒪᔪᓂᒡᓗ ᐃᓄᖕᓂᒃ ᐊᕐᓇᓂᒃ. ᐃᓚᐅᖁᔨᒻᒪᕆᒃᐳᒍᑦ ᐃᓕᔅᓯᓐᓂᒃ ᑕᒪᑐᒥᖓ ᐱᕙᓪᓕᐊᓕᕐᓂᐅᔪᒥᒃ, ᐃᑲᔪᕋᓱᐊᖏᓐᓇᕐᓂᐊᖅᖢᑕᓗ ᐃᓕᔅᓯᓐᓂᒃ ᑕᒪᑐᒥᖓ ᐊᔪᕐᓇᖅᑐᒥᒃ ᐊᑐᖅᑎᓪᓗᓯ."

###

ᐱᕙᓪᓕᐊᔪᓕᕆᓂᕐᒧᑦ ᑐᑭᓯᒋᐊᕐᕕᒃᓴᖅ:

ᔮᔅᒦᓇ ᐱᐸ
ᐊᖏᔪᖅᑳᖅ, ᒐᕙᒪᒃᑯᓐᓂ ᐱᕙᓪᓕᐊᔪᓕᕆᓂᖅ
ᓯᕗᓕᖅᑎ ᑕᑉᑑᓇᑉ ᑎᑎᕋᕐᕕᐊᓄᑦ
867-222-0961
ypepa@gov.nu.ca