ᐅᖃᓚᐅᑎᓯᐅᑏᑦ

You are here

ᓄᓇᑦᓯᐊᕐᒥᑦ ᓄᓇᕗᒻᒥᓪᓗ ᓯᕗᓕᖅᑏᑦ ᑭᐅᔾᔪᑎᖃᖅᑐᑦ ᒐᕙᒪᑐᖃᒃᑯᑦ ᑕᐃᓯᓂᖓᓄᑦ ᐅᑭᐅᖅᑕᖅᑐᒥᑦ ᐅᖅᓱᖅᑎᕈᑦ ᐅᖅᓱᐊᓗᓪᓗ ᓄᖅᑲᖅᑎᑕᐅᓂᖓᓄᑦ

ᔭᓐᓄᐊᓕ 04, 2017

ᓄᓇᑦᓯᐊᕐᒥᑦ ᓄᓇᕗᒻᒥᓪᓗ ᓯᕗᓕᖅᑏᑦ ᑭᐅᔾᔪᑎᖃᖅᑐᑦ ᒐᕙᒪᑐᖃᒃᑯᑦ ᑕᐃᓯᓂᖓᓄᑦ ᐅᑭᐅᖅᑕᖅᑐᒥᑦ ᐅᖅᓱᖅᑎᕈᑦ ᐅᖅᓱᐊᓗᓪᓗ ᓄᖅᑲᖅᑎᑕᐅᓂᖓᓄᑦ

ᐃᖃᓗᐃᑦ (ᑏᓯᒻᕙ 22, 2016) − ᓯᕗᓕᖅᑏᑦ ᓄᓇᕗᒻᒥᑦ ᓄᓇᑦᓯᐊᕐᒥᓪᓗ ᐃᓱᒫᓘᑎᖃᕐᓂᕋᖅᑐᑦ ᑕᕝᕙᓂ ᐱᓇᓱᐊᕈᓯᕐᒥᑦ ᑕᐃᔭᐅᔪᒥᑦ ᓇᓗᓇᐃᖅᑕᐅᓯᒪᖏᑦᑐᒧᑦ ᓄᖅᑲᖅᑎᑕᐅᓯᒪᓂᖓᓄᑦ ᐃᒪᕕᒻᒥᑦ ᐅᖅᓱᖅᑎᕈᑦ ᐅᖅᓱᐊᓗᓪᓗ ᐱᕙᓪᓕᐊᑎᑕᐅᓂᖓ ᒐᕙᒪᒃᑯᓐᓄᑦ ᑲᓇᑕᒥ.

ᑮᓇᐅᔭᓕᐅᕐᓂᖅ ᓄᓇᑦᓯᐊᕐᒥᑦ ᓄᓇᕗᒻᒥᓪᓗ ᒥᑭᔫᒻᒪᑕ ᑐᙵᕕᖃᓪᓚᕆᖃᑦᑕᖅᓱᑎᓪᓗ ᐃᑲᔫᑎᓂᑦ ᐱᕙᓪᓕᐊᔾᔪᑎᓂᑦ ᐃᑲᔪᕐᔪᐊᖅᑐᒻᒪᕆᐅᔪᓂᑦ ᑲᑎᑦᓱᒋᑦ ᐃᓗᐊᓂᑦ ᓂᐅᕕᐊᖑᔪᓐᓇᖅᑐᑦ ᐱᔭᐅᔪᓐᓇᖅᑐᓂᓪᓗ ᐃᖅᑲᓇᐃᔮᓂᑦ ᑮᓇᐅᔭᓕᐅᕈᑎᓂᓪᓗ ᓄᓇᓕᒻᒥᐅᓂᑦ ᒫᓐᓇᐅᔪᖅ. ᓇᓗᓇᐃᖅᓯᓂᕐᒥᑦ ᓇᓕᕌᕈᓐᓇᑎᑦᓯᓂᕐᒥᑦ ᐅᑭᐅᖅᑕᖅᑐᕐᒥᐅᓂᑦ ᐱᕙᓪᓕᐊᔪᓕᕆᓂᕐᒥᓪᓗ ᐊᓯᐊᒎᖅᑎᑦᓯᓂᕐᒥᑦ ᓄᓇᑦᓯᐊᕐᒥᑦ ᓄᓇᕗᒻᒥᓪᓗ ᐃᓚᒋᔭᐅᒋᐊᖃᕐᓂᖓᓄᑦ ᐃᓱᒪᓕᐅᕆᐊᖃᕐᓂᕐᒧᑦ ᐱᓕᕆᔾᔪᓯᐅᔪᒃᑯᑦ, ᐱᓗᐊᖅᑐᒥᑦ ᐃᓱᒪᓕᐅᕆᐊᖃᕐᓂᖅ ᖃᓂᒋᔭᖃᖅᐸᑦ ᐱᕙᓪᓕᐊᑎᑦᓯᓂᕐᒥᑦ ᐱᕙᓪᓕᐊᔪᓕᕆᓂᕐᒥᑦ ᓂᕆᐅᓇᖅᑐᓂᑦ ᓯᕗᓂᑦᓴᕐᒥᑦ.

"ᐅᑭᐅᖅᑕᖅᑐᒥᐅᑦ ᓇᓖᕌᕈᓐᓇᕆᐊᖃᖅᒪᑕ ᒫᓐᓇ," ᐅᖃᖅᑐᖅ ᓯᕗᓕᖅᑎ ᓄᓇᑦᓯᐊᕐᒥᑦ ᐹᑉ ᒪᒃᓚᐅᑦ. "ᐃᓄᐃᑦ ᖃᐅᔨᒪᒋᐊᖃᕐᒪᑕ ᓂᕈᐊᕐᕕᖃᕈᓐᓇᕆᐊᒥᑦ ᐱᕕᖃᕐᓂᐅᔪᒥᓪᓗ ᐃᑲᔪᕈᓐᓇᓂᕐᒥᑦ ᐃᒻᒥᓂᒃ ᐃᓚᖏᓐᓂᓪᓗ. ᑕᑯᖃᑦᑕᖏᒻᒪᑕ ᐱᕕᖃᕐᓂᐅᔪᑦᓴᕋᓴᕐᓂᑦ ᒫᓐᓇᐅᔪᖅ, ᑖᓐᓇᓗ ᐃᓱᒪᓕᐅᕈᑕᐅᔪᖅ ᖃᓄᐃᓕᐅᓗᐊᔾᔮᖏᑦᑐᖅ ᓯᕗᓂᑦᓴᖏᓐᓄᑦ ᕿᑐᖓᖏᑦᑕᓗ ᓯᕗᓂᑦᓴᖏᓪᓗᑦ."

ᓯᕗᓕᖅᑏᑦ ᐅᖃᐅᓯᖃᓚᐅᕐᒥᔪᑦ ᓈᒻᒪᑦᓴᖏᓐᓂᕐᒥᑦ ᒐᕙᒪᑐᖃᒃᑯᑦ ᐅᖃᖃᑎᖃᖃᑦᑕᖏᓐᓂᖏᓐᓄᑦ ᒐᕙᒪᐅᖃᑎᒥᓂᑦ ᐃᓱᒪᓂᐅᖅᐸᓪᓕᐊᓂᖏᓐᓄᑦ ᐊᑦᑐᐃᓂᖃᓪᓚᕆᒍᓐᓇᖅᑐᓂᑦ ᓯᕗᓂᑦᓴᐅᑉ ᐱᕙᓪᓕᐊᓂᖓᓂᑦ ᓄᓇᑦᓯᐊᕐᒥᑦ ᓄᓇᕗᒻᒥᓪᓗ ᐃᓅᓯᖏᓐᓂᓪᓗ ᓄᓇᓕᓖᑦ.

"ᓄᖅᑲᑎᑦᓯᓂᖅ ᐅᑭᐅᖅᑕᖅᑐᒥᑦ ᐃᑰᑕᕐᓂᕐᒧᑦ ᐱᔪᓐᓇᐅᑎᓂᑦ ᑕᐃᔭᐅᔪᒥᑦ ᑕᕝᕙᓂ ᐱᓇᓱᐊᕈᓯᕐᒥᑦ ᒐᕙᒪᒃᑯᓐᓄᑦ ᑲᓇᑕᒥ, ᐱᒻᒪᕆᐅᓂᖓᓄᑦ ᐊᕙᑎᒥᑦ ᓴᐳᔾᔨᓂᕐᒥᑦ, ᖃᐃᖁᔨᓯᒪᖏᑦᑐᑦ ᐃᓚᒋᔭᐅᖁᔨᓂᕐᒥᑦ ᒐᕙᒪᒃᑯᓐᓂᑦ ᓄᓇᕗᒻᒥᑦ (GN). ᐱᒻᒪᕆᐅᕗᖅ ᓄᓇᕗᒻᒥᐅᑦ ᐱᖃᑕᐅᓂᕐᒥᑦ ᐃᓚᒋᔭᐅᓂᕐᒥᓪᓗ ᐅᖃᖃᑎᒌᓐᓂᕐᒧᑦ ᓇᓗᓇᐃᖅᓯᓂᕐᒥᑦ ᓄᓇᕗᑦ ᐊᕙᑎᖓᓂᑦ ᑮᓇᐅᔭᓕᐅᕐᓂᕐᒧᓪᓗ ᓯᕗᓂᕐᓴᖓᓄᑦ. ᐅᑭᐅᖅᑕᖅᑐᒥᐅᓂᑦ ᐅᖃᖃᑎᖃᕐᓂᖅ ᐱᒻᒪᕆᐅᕗᖅ," ᐅᖃᖅᑐᖅ ᓯᕗᓕᖅᑎ ᓄᓇᕗᒻᒥᑦ ᐲᑕ ᑕᑉᑑᓇ.

ᓯᕗᓕᖅᑏᑦ ᐊᖏᖅᓯᒪᓂᖃᖅᑎᓪᓗᒋᑦ ᐱᕙᓪᓕᐊᑎᑦᓯᖃᑎᒌᓐᓂᕐᒥᑦ ᓄᑖᒧᑦ ᐅᑭᐅᖅᑕᖅᑐᒥᑦ ᐊᑐᐊᒐᓕᕆᓂᕐᒧᑦ ᐊᑐᖅᑕᐅᖃᑦᑕᕐᓂᐊᖅᑐᒧᑦ, ᓄᓇᕗᑦ ᓄᓇᑦᓯᐊᕐᓗ ᐊᐅᓚᐃᓐᓇᑎᑦᓯᖏᓐᓇᕆᐊᖃᕐᓂᕐᒥᑦ ᐱᕙᓪᓕᐊᔪᓕᕆᓂᕐᒥᓪᓗ ᐊᑦᓱᕉᑕᐅᔪᓂᑦ ᐅᑕᖅᑭᒍᓐᓇᖏᓐᓂᑎᓐᓄᑦ ᐅᖃᐅᓯᖃᓂᕐᒥᑦ.

ᓯᕗᓕᖅᑏᑦ ᖃᐃᖁᔨᔪᑦ ᐊᖓᔪᖅᑳᕐᔪᐊᕐᒥᑦ ᐃᓚᒋᔭᐅᖁᔨᑦᓱᑎᒃ ᓴᖅᑭᑎᑦᓯᓂᕐᒥᑦ ᑕᑯᓐᓇᒐᖓᓂᑦ ᓄᓇᕗᑦ ᐱᕈᖅᐸᓪᓕᐊᓂᖓᓄᑦ ᐊᐅᓚᐃᓐᓇᑎᑦᓯᓂᕐᒥᓪᓗ, ᓄᓇᕗᒻᒥᑦ ᐅᖃᖃᑎᖃᕐᓂᕐᒥᑦ ᒐᕙᒪᒃᑯᓐᓂᑦ ᑲᓇᑕᒥᑦ, ᐊᑐᐃᓐᓇᐅᑎᑦᓯᓂᕐᒥᑦ ᓴᓇᔭᐅᔪᓂᑦ ᐅᑭᐅᖅᑕᖅᑐᒥᑦ ᐱᔭᕆᐊᖃᖅᑐᓂᑦ ᐅᔾᔨᕈᓱᑦᑎᑦᓯᓂᕐᒥᑦ ᐊᐅᓚᐃᓐᓇᕆᐊᖃᕐᓂᖏᓐᓄᑦ ᐅᑭᐅᖅᑕᖅᑐᒥᑦ ᓄᓇᓖᑦ, ᓴᐳᔾᔨᓂᕐᒥᑦ ᐊᕙᑎᒥᑦ ᐅᔾᔨᕈᓱᑎᑦᓯᓂᕐᒥᓪᓗ ᑮᓇᐅᔭᑎᒍᑦ ᒪᑭᒪᔾᔪᑎᓂᑦ ᐊᓯᐊᒎᓕᕈᓐᓇᕐᓂᕐᒥᓪᓗ. ᑲᓇᑕᒥᐅᓕᒫᑦ ᐱᖃᑕᐅᔭᕆᐊᓖᑦ ᐱᕕᖃᕐᓂᐅᔪᓂᑦ ᐃᑲᔫᑎᓂᓪᓗ ᐃᓅᓯᖃᕐᓂᕐᒥᑦ ᐊᐅᓚᐃᓐᓇᓂᕐᒥᑦ ᐱᕙᓪᓕᐊᑦᓯᐊᖅᑐᒥᓪᓗ ᑲᓇᑕᒥ, ᐅᖃᖅᑐᐃᑦ ᓯᕗᓕᖅᑏᑦ. ᐅᑭᐅᖅᑕᖅᑐᒥᐅᑦ ᐅᖃᐅᔾᔭᐅᑲᓐᓂᕈᒪᔪᑦ ᒐᕙᒪᑐᖃᒃᑯᓐᓂᑦ ᐊᔾᔨᒌᑦᑐᒥᑦ ᐊᑐᐃᓐᓇᐅᓂᕐᒥᑦ ᐅᖃᖃᑎᖃᕐᓂᕐᒥᑦ ᐱᔭᕆᐊᓕᖏᓐᓂᑦ ᐊᖏᖅᓯᒪᓂᕐᒥᓪᓗ ᖃᓄᐃᓕᐅᕆᐊᕐᓂᕐᒥᑦ ᐱᕙᓪᓕᐊᑎᑦᓯᓂᐅᓂᐊᖅᑐᒥᑦ ᐊᐅᓚᐃᓐᓇᕈᓐᓇᖅᑐᓂᑦ ᐃᖅᑲᓇᐃᔮᓂᑦ ᐱᕕᖃᕐᓂᐅᔪᓂᓪᓗ ᒫᓐᓇᐅᔪᖅ ᐊᑐᐃᓐᓇᐅᑎᑕᐅᔪᓂᑦ ᒫᓐᓇ, ᐊᑕᐅᑦᓯᒃᑯᑦ ᒫᓐᓇᐅᔪᖅ ᓴᐳᔾᔨᓂᕐᒥᑦ ᐅᑭᐅᖅᑕᖅᑑᑉ ᐊᕙᑎᖓᓂᑦ ᐱᒐᓱᐊᕐᓂᕐᒥᓪᓗ ᑲᓇᑕᐅᑉ ᑐᕌᒐᖏᓐᓂᑦ. ᓯᕗᓕᖅᑏᑦ ᓂᕆᐅᒋᔭᖃᖅᑐᑦ ᐅᖃᖃᑎᖃᕐᓂᕐᒥᑦ ᑖᒃᑯᓇᖓᑦ ᐃᓱᒫᓘᑎᓂᑦ ᐊᖓᔪᖅᑳᕐᔪᐊᕐᒥᑦ ᑲᑎᐸᓪᓕᐊᑎᓪᓗᒋᑦ ᐱᒋᐊᖓᕐᓂᖓᓂᑦ 2017.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᐅᔪᓐᓇᖅᑐᖅ:

ᐋᓐᑐᕉ ᓕᕕᖕᓯᑕᓐ
ᒪᓕᒐᓕᐅᕐᕕᒻᒥᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᐅᖃᐅᔾᔨᒋᐊᖅᑎᒻᒪᕆᒃ
ᒐᕙᒪᒃᑯᓐᓄᑦ ᓄᓇᑦᓯᐊᕐᒥᑦ
ᐅᖄᓚᐅᑎᖓ: 867-767-9140, ext. 11091
ᐅᖄᓚᐅᑎᕋᓛᖅ: 867-447-0443
ᐃᕐᖐᓐᓇᖅᑕᐅᑦ: andrew_livingstone@gov.nt.ca  
ᐃᑭᐊᖅᑭᕕᒃ: www.gov.nt.ca

ᔭᔅᒦᓇ ᐱᐸ
ᐊᖓᔪᖅᑳᖅ, ᑐᓴᐅᒪᓕᕆᓂᕐᒧᑦ
ᐊᓪᓚᕝᕕᐊ ᓯᕗᓕᖅᑎᐅᑉ
ᒐᕙᒪᒃᑯᑦ ᓄᓇᕗᒻᒥᑦ
867-222-0961
ypepa@gov.nu.ca