ᐅᖃᓚᐅᑎᓯᐅᑏᑦ

You are here

ᒪᑭᒋᐊᖅᑕ ᑲᑎᒪᔨᖏᑕ ᑮᓇᔭᖃᖅᑎᑦᑎᒍᑎᖏᑦ ᓄᓇᓕᖕᓂ ᐱᓕᕆᐊᕆᔭᓄᑦ

ᕕᕝᕗᐊᓕ 06, 2017

ᐱᕙᓪᓕᐊᔪᑦ ᑐᓴᕋᒃᓴᑦ

ᓴᖅᑭᑕᐅᑦᑕᐅᑎᒋᔭᕆᐊᓖᑦ

ᒪᑭᒋᐊᖅᑕ ᑲᑎᒪᔨᖏᑕ ᑮᓇᔭᖃᖅᑎᑦᑎᒍᑎᖏᑦ ᓄᓇᓕᖕᓂ ᐱᓕᕆᐊᕆᔭᓄᑦ

ᐃᖃᓗᐃᑦ, ᓄᓇᕗᑦ (ᕕᕗᐊᕆ 6, 2017) −ᓄᓇᕗᑦ ᑐᙵᕕᒃ ᑎᒥᖓᑕ ᐊᖓᔪᖅᑳᖓ ᐊᓗᑭ ᑰᑦᑎᖅ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑕ ᐃᓕᓐᓂᐊᕐᓂᓕᕆᓂᕐᒧᑦ ᒥᓂᔅᑕᖓᑦ ᐹᓪ ᖁᐊᓴ ᐅᓪᓗᒥ ᑐᓴᖅᑎᑦᑎᕘᑦ ᑖᒃᑯᐊ ᒪᑭᒋᐊᖅᑕ ᐃᓄᐃᑦ ᐃᓕᓴᐃᓂᕐᒥᒃ ᑯᐊᐳᕇᓴᒃᑯᖏᑕ ᑲᑎᒪᔨᖏᑦ ᐊᖏᕈᑎᖃᓐᓂᖏᓐᓂᒃ $3 ᒥᓕᐊᖑᓗᐊᖅᑐᓂᒃ ᑮᓇᐅᔭᖃᖅᑎᑦᑎᒍᑎᐅᓪᓗᓂ 12-ᓂᒃ ᐊᔾᔨᒌᙱᑦᑐᓂᒃ ᐃᓕᓴᐃᒍᑎᐅᓂᐊᕐᑐᓂᒃ.

ᐊᑑᑎᒋᔭᖏᓪᓕ ᐃᓕᓴᐃᓂᕐᒥᒃ ᑯᐊᐳᕇᓴᖑᔫᑉ ᐱᕚᓪᓕᑲᓐᓂᖁᓪᓗᒍ ᐱᔭᕇᔭᐅᓂᖅ ᓄᓇᕗᑦ ᐃᓄᖏᓐᓂᒃ ᐃᖅᑲᓇᐃᔮᖃᓕᕐᓂᕐᒥᒃ, ᒐᕙᒪᒃᑯᓐᓂ ᐅᕝᕙᓗ ᐃᒻᒥᒃᑯᑦ ᐱᓕᕆᕕᐅᔪᓂ. ᓄᓇᕗᑦ ᑐᙵᕕᒃ ᑎᒥᖓ ᓴᖅᑮᓚᐅᕐᓯᒪᒻᒪᑕ ᒪᑭᒋᐊᖅᑕᑯᓐᓂᒃ ᔮᓐᓄᐊᕆ 2016-ᖑᑎᓪᓗᒍ ᑮᓇᐅᔭᖃᖅᑐᑎᒃ ᐋᖅᑭᖃᑎᒌᓐᓂᕐᒧᑦ ᐊᖏᕈᑎᑎᒍᑦ ᓄᓇᕗᑦ ᑐᙵᕕᒃ ᑎᒥᖓ ᐃᖅᑲᖅᑐᐃᕕᒃᑰᑎᑦᑎᒍᑎᖓᓂᒃ ᒐᕙᒪᑐᖃᒃᑯᓐᓂᒃ ᑲᒪᒋᔭᕆᐊᓕᖕᒥᓂᒃ ᓄᓇᕗᖕᒥ ᐊᖏᕈᑎᑎᒍᑦ ᑲᒪᒋᐊᕐᓯᒪᙱᓐᓂᖏᓐᓄᑦ. ᑕᐃᒪᙵᓂᑦ ᑎᒥᙳᖅᑎᑕᐅᔪᑎᓪᓗᒍ ᐊᕐᕌᓂ ᔮᓐᓄᐊᕆᒥ, ᒪᑭᒋᐊᖅᑕᒃᑯᑦ ᑲᑎᒪᔩᑖᔪᒻᒪᑕ, ᓴᖅᑮᓪᓗᑎᓪᓗ ᐱᓕᕆᔾᔪᑎᒃᓴᒥᓐᓂᒃ ᐸᕐᓇᒍᑎᓂ ᐊᒻᒪ ᐅᐸᓗᖓᐃᔭᐅᑎᓂᒃ ᐸᕐᓇᒍᑎᓂᒃ, ᐊᒻᒪᓗ ᐊᖏᕈᑎᖃᓚᐅᕐᐳᑦ ᑮᓇᐅᔭᓂᒃ ᑐᒃᓯᕋᕈᑎᓂᒃ ᐊᒥᓱᑲᓪᓚᓐᓂᒃ ᐃᓄᖕᓄᑦ ᖃᐅᔨᒪᓂᕐᑖᕈᑕᐅᓂᐊᕐᓗᑎᒃ ᐃᖅᑲᓇᐃᔭᕐᑎᐅᓂᕐᒧᑦ ᖃᐅᔨᒪᔭᕆᐊᖃᖅᑕᖏᓐᓂᒃ.

"ᑮᓇᐅᔭᖃᖅᑎᑕᐅᓪᓗᑎᒃ ᑖᒃᑯᐊ ᐱᒻᒪᕆᐅᔪᑦ ᐱᓕᕆᐊᕆᔭᐅᔪᑦ, ᒪᑭᒋᐊᖅᑕ ᓯᕗᒧᒃᐸᓪᓕᐊᓂᖃᕆᐊᖅᓯᒪᕗᑦ ᐃᑲᔪᓐᓂᖃᓐᓂᐊᖅᑐᓂᒃ ᓄᓇᕗᖕᒥ ᐃᓄᖕᓄᑦ ᖃᐅᔨᒪᔭᕆᐊᖃᖅᑕᖏᓐᓂᒃ ᕿᓂᕐᑎᓪᓗᒋᑦ ᐃᖅᑲᓇᐃᔮᒃᓴᒥᒃ ᐊᒻᒪᓗ ᐃᖅᑲᓇᐃᔭᐃᓐᓇᓕᕈᑎᒋᔪᓐᓇᕐᑕᖏᓐᓂᒃ ᓄᓇᕗᖕᒥ ᑮᓇᐅᔭᓕᐅᕐᕕᐅᔪᓂ ᐊᔾᔨᒌᙱᑦᑐᓂ. ᑕᒪᓐᓇ ᖃᓄᐃᖏᓂᕐᓴᓂᒃ ᐃᓛᔮᕇᓄᑦ/ᕿᑐᙵᕇᓄᑦ, ᓄᓇᓕᖕᓂ ᐊᒻᒪᓗ ᐃᓄᖕᓄᑦ. ᑕᒪᓐᓇ ᑕᑯᓐᓇᖑᐊᓚᐅᕐᓯᒪᒐᑦᑎᒍ ᐊᐃᕙᔾᔪᑎᒋᓕᕋᑦᑎᒍᑦ ᑎᑎᕋᖅᓯᒪᔪᖅ ᐃᓛᒃᑯᑦ 23 ᓄᓇᕗᖕᒥ ᐊᖏᕈᑎᓂ ," ᐅᖃᖅᑐᖅ ᐊᖓᔪᖅᑳᖓᑦ ᓄᓇᕗᑦ ᑐᙵᕕᒃ ᑎᒥᖓᑕ ᑰᑦᑎᖅ.

"ᒪᑭᒋᐊᖅᑕ ᐱᓂᐊᕐᓂᖃᕈᑎᖃᖅᓯᒪᒻᒪᑕ ᑲᔪᓯᓂᖃᑦᑎᐊᕈᓐᓇᕐᑐᓂᒃ ᐃᓕᓴᐃᒍᑎᓂᒃ ᐊᒻᒪᓗ ᖃᐅᔨᒪᓂᖅᑖᓂᕐᒥᒃ ᓄᓇᕗᖕᒥᐅᑦ ᐃᓄᐃᑦ ᐱᔪᓐᓇᕐᓯᖁᓪᓗᒋᑦ ᖃᐅᔨᒪᓂᖅᑖᕆᔪᓐᓇᕐᑕᒥᓂᒃ ᐊᒻᒪᓗ ᓯᕗᓂᕗᑦ ᖃᐅᔪᖅ ᑕᐅᑐᓪᓗᒍ ᓄᓇᒋᔭᑦᑎᓐᓂ. ᓄᓇᕗᑦ ᐊᒥᓲᓛᓂᒃ ᐃᓅᓱᒃᑐᖃᕐᒪᑦ ᐊᒻᒪᓗ ᐃᓄᒋᐊᒃᓯᕙᓪᓕᐊᓂᖅᐹᖑᓪᓗᓂ ᓱᑲᑦᑐᒥ ᑲᓇᑕᒥ ᐊᒻᒪ ᖃᐅᔨᒪᓂᖅᑖᓂᕐᒥᒃ ᐃᓕᓐᓂᐊᓂᒃᑯᑦ ᐱᒻᒪᕆᐅᖕᒪᑦ ᑮᓇᐅᔭᓕᐅᖅᐸᓪᓕᐊᒍᑎᑦᑎᓐᓄᑦ, ᐃᓕᖅᑯᓯᑦᑎᒋᑦ ᐊᒻᒪᓗ ᐃᓅᖃᑎᒌᑦ ᖃᑭᕙᓪᓕᐊᔭᕆᐊᖃᓐᓂᖏᓐᓄᑦ. ᐱᓕᕆᖃᑎᖃᖅᑐᑕ, ᐱᕕᖃᖅᑎᑦᑎᕗᒍᑦ ᓄᓇᓕᖕᓂᒃ ᐊᒻᒪᓗ ᓄᓇᕘᒥᒃ,"ᐅᖃᖅᑐᖅ ᒥᓂᔅᑕ ᖁᐊᓴ.

ᑮᓇᐅᔭᖃᖅᑎᑕᐅᔪᑦ ᐅᑯᐊᖑᕗᑦ ᖃᒡᒋᐊᕘᑦ, ᐃᓕᓴᕐᓯᕕᒃ, ᐊᕐᕕᐊᑦ ᐃᓅᓯᒋᑦᓯᐊᓂᕐᒧᑦ ᐱᓕᕆᕕᑦ, ᖃᐅᔨᒋᐊᖅᑏᑦ ᐋᓐᓂᐊᖃᓐᓇᖏᓐᓂᓕᕆᓂᕐᒥᒃ ᑲᐅᔨᓴᕐᕕᒃ, ᐃᓕᓐᓂᐊᐹ, ᐅᑭᐅᖅᑕᖅᑐᒥ ᓱᕈᓰᑦ ᐊᒻᒪ ᐃᓅᓱᒃᑐᑦ, ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᖅᑦ, ᐱᕈᕐᕕᒃ ᐃᓕᓐᓂᐊᕆᐊᕈᒫᓕᑕᐃᓐᓇᕐᑐᓂᒃ ᐃᓕᓴᕕᒃ, ᓯᕗᓂᒃᓴᕗᑦ, ᓄᓇᕗᖕᒥ ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᑐᓕᕆᔨᒃᑯᑦ ᐃᓕᓴᐃᒍᑎᖏᑦ, ᕼᐊᒻᓚᒃᑯᑦ ᑕᓗᕐᔪᐊᕐᒥ ᐊᒻᒪᓗ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ.

ᐱᓕᕆᐊᕆᔭᐅᔪᑦ ᑮᓇᐅᔭᖃᖅᑎᑕᐅᔪᑦ ᓂᕈᐊᖅᑕᐅᓚᐅᕐᐳᑦ ᒪᑭᒋᐊᖅᑕ ᓯᕗᓪᓕᕐᐸᐅᑎᑕᖏᓐᓂᒃ ᑲᒪᓂᖃᕐᒪᑕ, ᐅᑯᐊᖑᓪᓗᑎᒃ ᐃᓐᓇᕐᓂᒃ ᐃᓕᓴᐃᒍᑏᑦ, ᐱᒡᒐᓇᕐᓂᕐᓴᓂᒃ ᐃᓐᓇᕐᓄᑦ ᐃᓕᓴᐃᒍᑎᓂᒃ, ᐃᑲᔪᕐᓯᓂᖃᖅᑐᑦ ᐃᓄᖕᓂᒃ ᐃᓕᓐᓂᐊᕐᑎᓂᒃ ᐃᓕᓐᓂᐊᕆᐊᓕᓵᕐᑐᓄᑦ ᑎᑭᓪᓗᒍ ᒍᕋᐃᑦ 12 ᐊᒻᒪᓗ ᓯᓚᑦᑐᓴᕐᕕᖕᒥ, ᓱᕈᓯᓛᑦ ᐃᓕᓐᓂᐊᕐᑎᑕᐅᓂᖏᑦ ᐊᒻᒪ ᐃᓄᒃᑐᑦ ᐊᒻᒪ ᐃᓄᐃᑦ ᐃᓕᖅᑯᓯᖏᓐᓂᒃ ᐃᖅᑲᓇᐃᔭᕐᕕᓂ.

ᒪᑭᒋᐊᖅᑕ ᑲᑎᒪᔨᖏᑦ ᖁᕕᐊᒃᐳᑦ ᑐᓴᕐᑎᑦᑎᒐᒥᒃ ᑖᒃᑯᓂᖓ ᑮᓇᐅᔭᖃᖅᑎᑕᐅᔪᓂᒃ, ᐊᒻᒪᓗ ᐱᓕᕆᖃᑎᒥᓐᓂᒃ ᐱᓕᕆᖃᑎᖃᓐᓂᐊᕐᑐᑎᒃ ᓄᓇᕘᓕᒫᕐᒥ ᓇᓗᓇᐃᕆᓂᕐᒥᒃ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒥᒃ ᐃᓕᓴᔭᐅᒃᑲᓐᓂᕈᓐᓇᕐᑐᓂᒃ ᐅᑭᐅᓂ ᖃᐃᔪᓂ.

###

ᑐᑭᓯᒋᐊᑲᓐᓂᕈᓐᓇᕐᐳᑎᑦ ᖃᐅᔨᒃᑲᕈᓐᓇᕐᐸᑦ:

ᑭᐅᓚᓐ ᕙᓚᐅᕋᑎ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂ

ᓄᓇᕗᑦ ᑐᙵᕕᒃᑯᑦ ᑎᒥᖓᑦ

(867) 975-4914

1-888-646-0006

kmccluskey@tunngavik.com

 

ᑲᐃᑦ ᒪᑭᓚᐅᑦ

ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓕᕆᔨᒃᑯᑦ

ᓄᓇᕗᑦ ᒐᕙᒪᒃᑯᑦ

867-975-6049

CMacleod@gov.nu.ca