ᐅᖃᓚᐅᑎᓯᐅᑏᑦ

You are here

ᑲᓇᑕᐅᑉ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᑮᓇᐅᔭᓕᐅᕈᑕᐅᓇᓱᒃᑐᑦ ᓄᑖᒥᒃ ᑎᒍᔭᐅᓯᒪᕝᕕᒃᓴᒥᑦ ᒪᒥᓴᕐᕕᒃᓴᒥᓪᓗ ᐃᖃᓗᖕᓂ

ᕕᕝᕗᐊᓕ 01, 2017

ᐱᕙᓪᓕᐊᔪᑦ ᐅᖃᐅᓯᐅᔪᑦ

ᑲᓇᑕᐅᑉ ᒐᕙᒪᒃᑯᑦ ᐊᒻᒪ ᓄᓇᕗᒻᒥ ᑮᓇᐅᔭᓕᐅᕈᑕᐅᓇᓱᒃᑐᑦ ᓄᑖᒥᒃ ᑎᒍᔭᐅᓯᒪᕝᕕᒃᓴᒥᑦ ᒪᒥᓴᕐᕕᒃᓴᒥᓪᓗ ᐃᖃᓗᖕᓂ

ᐃᖃᓗᐃᑦ, ᓄᓇᕗᑦ, ᕕᕝᕗᐊᕆ 1, 2017 — ᑮᓇᐅᔭᓕᐅᕈᑕᐅᓇᓱᒃᑐᖅ ᐃᓅᖃᑎᒌᓄᑦ ᑐᕌᖓᔪᓂᑦ ᐱᖁᑎᕐᔪᐊᓄᑦ, ᐱᓕᒻᒪᒃᓴᓂᒃᑯᑦ ᐱᓕᕆᔪᓐᓇᑦᑎᐊᕐᓂᕐᒧᓪᓗ ᐱᕚᓪᓕᕈᑎᒃᓴᓂᒃ ᐱᓕᕆᐊᒃᓴᓂᒃ ᓴᖅᑭᑎᑦᑎᖃᑦᑕᖅᐳᑦ, ᐱᕈᖅᐸᓪᓕᐊᑎᑦᑎᓪᓗᑎᒡᓗ ᐅᑭᐅᖅᑕᖅᑐᒥᐅᑦ ᒪᑭᒪᔾᔪᑎᒃᓴᖏᓐᓄᑦ. ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪ ᓄᓇᕗᑦ ᑮᓇᐅᔭᓕᐅᕋᓱᐊᖅᐳᑦ ᓄᑖᒥᒃ ᑎᒍᔭᐅᓯᒪᕝᕕᒃᓴᒥᑦ ᐊᑦᑕᕐᓇᙱᑦᑐᒦᙱᓐᓂᖅᓴᐅᓕᕐᓗᑎᒃ, ᑎᒍᔭᐅᓯᒪᔪᑦ ᑲᒪᒋᔭᐅᑦᑎᐊᒃᑲᓐᓂᓕᕐᓗᑎᒃ ᐊᒻᒪ ᐱᓕᕆᔭᕆᐅᖅᓴᑦᑎᐊᒃᑲᓐᓂᓕᕐᓗᑎᒃ.

ᒥᓂᔅᑕᐅᑉ ᐃᑲᔪᖅᑎᖓ ᑲᓇᑕᐅᑉ ᐊᖓᔪᖅᑳᕐᔪᐊᖓᓄᑦ (ᒪᒃᑯᒃᑐᖅ), ᐲᑕ ᓰᕝᑭ ᑭᒡᒐᖅᑐᐃᓪᓗᓂ ᒪᓕᒐᓕᐅᖅᑎ ᐊᒪᕐᔩᑦ ᓱᕼᐃᒥᑦ, ᒥᓂᔅᑕ ᐊᐅᓚᔪᓐᓇᐅᑎᓕᕆᔨᒃᑯᓐᓄᑦ ᐊᒻᒪ ᓄᓇᓕᖕᓄᑦ, ᒪᓕᒐᓕᐅᖅᑎ ᑮᑦ ᐲᑐᓴᓐ, ᓄᓇᕗᒻᒥ ᒥᓂᔅᑕ ᒪᓕᒐᓕᕆᓂᕐᒧᑦ ᐊᒻᒪ ᒪᓕᒐᓕᐅᖅᑎ ᔫ ᓴᕕᑲᑖᖅ, ᓄᓇᕗᒻᒥ ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ, ᐅᓪᓗᒥ ᑐᓴᖅᑎᑦᑎᖅᑲᐅᕗᑦ $75.8−ᒥᓕᐊᓂᒃ ᑐᕌᖓᔪᓂᒃ ᕿᑭᖅᑕᓂ ᑎᒍᔭᐅᓯᒪᕝᕕᖕᒥ ᐃᖃᓗᖕᓂ.

ᓯᕗᓪᓕᖅᐹᒥ ᐅᑯᐊ ᐱᓕᕆᐊᖑᓂᐊᖅᑐᑦ ᖁᓕᕇᓕᖕᒥᒃ ᐃᒡᓗᓕᐅᖅᑐᖃᕐᓗᓂ ᐊᑦᑕᕐᓇᙱᓐᓂᖅᐹᖑᔪᒥᑦ ᐃᒡᓗᒥᑦ. ᑐᒡᓕᐊᓂ ᓄᑖᙳᕆᐊᖅᑎᑦᑎᓗᑎᒃ ᑎᒍᔭᐅᓯᒪᕝᕕᑐᖃᕐᒥᑦ (ᑕᐃᔭᐅᕙᒃᖢᓂ ᕿᑭᖅᑖᓗᖕᒥ ᑎᒍᔭᐅᓯᒪᕝᕕᒃ) ᒪᕐᕉᓕᕐᓗᑎᒃ ᐊᑯᓐᓂᖅᓱᖅᑑᒃ ᐊᑦᑕᕐᓇᙱᑦᑐᒥᑦ ᐊᖏᕐᕋᕆᔭᐅᓂᐊᖅᑐᑦ, ᐊᒻᒪᓗᑦᑕᐅᖅ ᐱᓕᕆᕝᕕᖃᕐᓗᑎᒃ ᐃᓅᓯᓕᕆᕝᕕᖃᕐᓗᓂᓗ. ᐱᐊᓂᒃᑕᐅᒃᐸᑦ, 112−ᓂᒃ ᐃᒡᓕᖅᑖᖅᑎᑕᐅᓂᐊᖅᐳᖅ ᐊᒻᒪ ᓄᑖᓂᒃ ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒃᑕᐅᕙᒃᑐᓂᒃ ᒪᓕᒡᓗᑎᒃ, ᐃᖅᑲᓇᐃᔭᖅᑏᑦ ᐊᒻᒪ ᑎᒍᔭᐅᓯᒪᔪᑦ ᐊᑦᑕᕐᓇᙱᑦᑐᒦᓐᓂᖅᓴᐅᓕᕐᓗᑎᒃ. ᐃᑲᔪᖅᑕᐅᕕᖕᒥ ᑎᒍᔭᐅᓯᒪᔪᓂᒃ ᐊᑐᐃᓐᓇᐅᑎᑦᑎᖃᑦᑕᕐᓂᐊᕆᕗᑦ ᐃᓕᖅᑯᓯᑦᑎᓐᓄᑦ ᓈᒻᒪᒃᑐᓂᒃ ᐱᔨᑦᑎᕋᐅᑎᓂᒃ ᐊᒻᒪ ᐱᓕᕆᔭᕆᐅᖅᓴᔾᔪᑎᓂᒃ ᐅᑎᕈᓐᓇᖁᓪᓗᒋᑦ ᐱᓕᕆᖃᑕᐅᔪᓐᓇᑦᑎᐊᕐᓗᑎᒃ ᓄᓇᓕᖕᓄᑦ ᐊᒻᒪ ᐱᕋᔭᒃᑲᓐᓂᑐᐃᓐᓇᕆᐊᖃᕐᓂᖓ ᒥᒃᖠᕚᓪᓕᕐᓗᓂ.

ᐅᖃᐅᓯᐅᔪᑦ

"ᑲᓇᑕᐅᑉ ᒐᕙᒪᒃᑯᖏᑦ ᐃᓕᓴᖅᓯᕗᑦ ᑮᓇᐅᔭᓕᐅᕋᓱᐊᕐᓂᖅ ᐱᖁᑎᕐᔪᐊᓄᑦ ᐱᒻᒪᕆᐅᓂᖓᓂᒃ ᐃᑲᔪᖅᑐᐃᔪᓂᒃ ᐊᑦᑕᕐᓇᙱᑦᑐᒥᑦ, ᐋᖅᑭᑦᑎᐊᖅᓯᒪᔪᒥᑦ, ᐊᒻᒪ ᐆᒻᒪᕆᒃᑐᓂᒃ ᓄᓇᓕᖕᓂ. ᐅᑯᓂᖓᓗ ᐃᓄᐃᑦ ᐊᒻᒪ ᓄᓇᕘᓕᒫᒥ ᐱᓕᕆᖃᑎᒋᕙᒃᑕᕗᑦ, ᐊᖏᖅᓯᒪᕗᒍᑦ ᓇᓗᓇᐃᖅᓯᔪᒪᓪᓗᑕ ᐅᑭᐅᖅᑕᖅᑐᒥ ᓄᓇᓖᑦ ᐱᑎᑕᐅᖁᓪᓗᒋᑦ ᐃᑲᔫᑎᒃᓴᓂᒃ ᐱᔭᕆᐊᓕᖏᓐᓂᒃ ᐱᕈᖅᐸᓪᓕᐊᖁᓪᓗᒋᑦ ᑮᓇᐅᔾᔭᒃᓴᔾᔪᑎᒃᓴᖏᑦ ᐊᒻᒪ ᐅᖃᐅᓯᕆᓗᒋᑦ ᓄᓇᓕᖕᓂ ᐱᖁᑎᕐᔪᐊᑦ ᓯᕗᓪᓕᐅᑎᑕᐅᔪᒪᔪᑦ. ᑮᓇᐅᔭᓕᐅᕋᓱᐊᖅᑐᑦ ᕿᑭᖅᑕᓂ ᑎᒍᔭᐅᓯᒪᕝᕕᖕᒥ ᒪᒥᓴᕐᕕᒃᓴᒧᑦ ᑭᒃᑯᑐᐃᓐᓇᓂᒃ ᐊᑦᑕᕐᓇᙱᑦᑐᒦᑎᑦᑎᓂᖅᓴᐅᓂᐊᖅᐳᖅ ᐊᒻᒪ ᓇᓗᓇᐃᖅᓯᓗᑎᒃ ᐊᑦᑕᕐᓇᙱᑦᑐᒥᑦ ᐊᒻᒪ ᑲᔪᓯᑦᑎᑦᑎᓗᑎᒃ ᐃᓚᒋᓕᐅᔾᔭᐅᒃᑲᓐᓂᕈᓐᓇᕐᓗᑎᒃ ᐱᕋᔭᖅᐸᒃᑐᑦ ᓄᓇᓕᖕᓄᑦ."
ᐲᑕ ᓰᕝᑭ, ᒪᓕᒐᓕᐅᖅᑎᕐᔪᐊᖅ ᕙᐅᑐᕆᐅᓪᒧᑦ-ᓲᓪᓛᓐᔭᔅ, ᑯᐸᐃᒡ
ᑭᒡᒐᖅᑐᐃᓪᓗᓂ ᒪᓕᒐᓕᐅᖅᑎ ᐊᒪᕐᔩᑦ ᓲᕼᐃᒥᑦ, ᒥᓂᔅᑕ ᐱᖁᑎᕐᔪᐊᓄᑦ ᐊᒻᒪ ᓄᓇᓕᖕᓄᑦ

"ᕿᑭᖅᑕᓂ ᒪᒥᓴᕐᕕᒃ ᐊᑦᑕᕐᓇᙱᑦᑐᒥᑦ, ᓄᑖᑦᑎᐊᒥᒃ ᐃᓂᖃᖅᑎᑦᑎᓂᐊᖅᐳᑦ ᑎᒍᔭᐅᓯᒪᔪᓄᑦ ᐊᒻᒪ ᐃᖅᑲᓇᐃᔭᖅᑎᖏᓐᓄᑦ ᐃᖃᓗᖕᓂ. ᑎᒍᔭᐅᓯᒪᕝᕕᒃ ᐱᕕᒃᓴᖃᖅᑎᑦᑎᒃᑲᓐᓂᕐᓂᐊᖅᐳᖅ ᐱᓕᕆᐊᒃᓴᒃᑲᓐᓂᖏᓐᓄᑦ ᐊᒻᒪ ᐃᓅᓯᖃᑦᑎᐊᓕᒃᑲᓐᓂᕋᓱᖕᓂᕐᒧᑦ ᐱᔨᑦᑎᕋᐅᑎᓂᒃ ᐱᕋᔭᒃᐸᒃᑐᓄᑦ ᑕᒫᓂ ᓄᓇᕗᒻᒥ. ᓄᓇᕗᑦ ᒐᕙᒪᖓᑦ ᐅᐱᒍᓱᒃᐳᑦ ᐱᓕᕆᖃᑕᐅᖕᒪᑕ ᑖᔅᓱᒥᖓ ᓯᕗᓪᓕᐅᑎᑕᐅᔪᒪᔪᒥᑦ ᐱᓕᕆᐊᒃᓴᒥᑦ ᓇᓗᓇᐃᖅᓯᔪᒪᓪᓗᑎᒃ ᑎᒍᔭᐅᕙᒃᑐᑦ ᐃᓂᖃᑦᑎᐊᖅᑎᑕᐅᓂᖏᓐᓂᒃ ᐃᓕᖅᑯᓯᑦᑎᓐᓄᑦ ᓈᒻᒪᒃᑐᒥᑦ, ᒥᐊᓂᕆᔭᐅᑦᑎᐊᕐᓗᑎᒃ ᐊᒻᒪ ᐃᒃᐱᒋᔭᐅᑦᑎᐊᕐᓗᑎᒃ, ᐃᑲᔫᑕᐅᔪᓐᓇᕐᓂᐊᕐᓗᓂ ᐊᖏᕐᕋᒥᓄᑦ ᐅᑎᖅᐸᑕ ᐊᓂᑎᑕᐅᒍᑎᒃ."
ᒪᓕᒐᓕᐅᖅᑎ ᑮᑦ ᐲᑕᓴᓐ
ᓄᓇᕗᒻᒥ ᒥᓂᔅᑕ ᒪᓕᒐᓕᕆᔨᒃᑯᓐᓄᑦ

"ᑮᓇᐅᔭᓕᐅᕈᑕᐅᓇᓱᒃᑐᑦ ᐃᒡᓗᕐᔪᐊᓂᑦ ᓲᕐᓗ ᕿᑭᖅᑕᓂ ᑎᒍᔭᐅᓯᒪᕝᕕᖕᒥ ᒪᒥᓴᕐᕕᐅᓪᓗᓂ ᐊᑐᐃᓐᓇᐅᔾᔪᑎᒋᔪᓐᓇᖅᐸᕗᑦ ᐋᖅᑭᒋᐊᕈᑎᒃᓴᓂᒃ ᓄᓇᕗᒻᒥᐅᓄᑦ ᓄᓇᑦᑎᓐᓂ. ᓄᓇᕗᑦ ᒐᕙᒪᖓᑦ ᐃᓕᓴᖅᓯᕗᑦ ᑕᒪᑐᒥᖓ ᐱᔭᐅᔭᕆᐊᓕᖕᒥᑦ ᐊᒻᒪ ᖁᕕᐊᓱᒃᐳᑦ ᑮᓇᐅᔭᓕᐅᕈᑎᖃᕈᓐᓇᕐᒪᑕ ᑕᒪᑐᒥᖓ ᐱᒻᒪᕆᐊᓗᖕᒥᑦ ᐱᓇᔪᒃᑕᒥᓂᒃ."
ᒪᓕᒐᓕᐅᖅᑎ ᔫ ᓴᕕᑲᑖᖅ
ᓄᓇᕗᒻᒥ ᒥᓂᔅᑕ ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓂ

ᓱᓕᔪᑦ

  • ᑲᓇᑕᐅᑉᒐᕙᒪᒃᑯᖏᑦ180−ᒥᓕᐊᓐᐅᖓᑖᓂᑮᓇᐅᔭᖅᑖᖅᑎᑦᑎᓂᐊᖅᐳᑦᐱᖁᑎᕐᔪᐊᑦᑮᓇᐅᔭᖁᑎᖏᓐᓂᒃᐅᑭᐅᓂᑦ12−ᓂᑦᐊᑐᕐᓂᐊᖅᑐᓂᑦᑭᒃᑯᓕᒫᓄᑦᐃᖏᕐᕋᔾᔪᑎᒃᓴᓄᑦ ᐆᔭᐅᔭᐃᑦᐱᓕᕆᐊᑦᐱᖁᑎᕐᔪᐊᓄᑦ ᐃᓅᓯᓕᕆᓂᕐᒧᑦᑐᕌᖓᔪᑦᐱᖁᑎᕐᔪᐊᑦ ᐃᖏᕐᕋᔪᓕᕆᓂᖅᐃᑲᔪᖅᑐᐃᔪᑦᐃᖅᑲᓇᐃᔭᖅᑎᐅᓂᕐᒥᑦ, ᐊᒻᒪᑲᓇᑕᒥᓄᓇᓕᒡᔪᐊᒥᐅᑕᐅᙱᑦᑐᓂᑦᐊᒻᒪᐅᑭᐅᖅᑕᖅᑐᒥᓄᓇᓕᖕᓂ.
  • ᕿᑭᖅᑕᓂᑎᒍᔭᐅᓯᒪᕝᕕᒃᒪᒥᓴᕐᕕᐅᓪᓗᓂᐱᒋᐊᕐᕕᒃᓴᖃᕋᓱᒋᔭᐅᔪᖅᔪᓚᐃ2018−ᒥᑕᒪᕐᒥᒃᐱᓕᕆᐊᒃᓵᒃᐱᔭᕇᖅᑕᐅᕝᕕᒃᓴᖃᖅᖢᑎᒃᓄᕕᐱᕆ2020-ᒥᑦ$75,800,000−ᓂᒃᐊᑭᖃᕐᓂᐊᕋᓱᒋᔭᐅᔪᖅ.
  • ᑲᓇᑕᐅᑉᒐᕙᒪᒃᑯᖏᑦᐃᑲᔫᑎᖃᕐᓂᐊᖅᐳᑦ56,625,000−ᒧᑦᑎᑭᓪᓗᒍᒥᑭᑦᑐᑦᓄᓇᓖᑦᑮᓇᐅᔭᖏᑦᐊᑐᕐᓗᒋᑦᑖᔅᓱᒧᖓᐱᓕᕆᐊᒃᓴᒧᑦ.
  • ᓄᓇᕗᑦᒐᕙᒪᒃᑯᖏᑦᐃᑲᔫᑎᖃᕐᓂᐊᖅᐳᑦᐊᒥᐊᒃᑯᖓᓂᒃ19,175,000−ᓂᒃ.

ᐊᑦᑕᑕᕐᕕᐅᔪᓐᓇᖅᑐᑦ

ᑲᓇᑕᐅᑉᒐᕙᒪᒃᑯᖏᑦ$180-ᐱᓕᐊᓐ+ ᐱᖁᑎᕐᔪᐊᓄᑦᐸᕐᓇᒃᑕᐅᓯᒪᔪᑦ

ᒐᕙᒪᑐᖃᒃᑯᓐᓂᐱᖁᑎᕐᔪᐊᓄᑦᑮᓇᐅᔭᓕᐅᕈᑕᐅᓇᓱᒃᑐᑦᓄᓇᕗᒻᒥ

ᒥᑭᑦᑐᑦᓄᓇᓖᑦᑮᓇᐅᔭᖏᑦ

ᓄᑖᑦᐃᒡᓗᕐᔪᐊᑦᑲᓇᑕᒥᐸᕐᓇᒃᑕᐅᓯᒪᔪᑦ

- 30 -

ᖃᐅᔨᒋᐊᕐᕕᒃᓴᑦ

ᐳᕈᒃᓯᒻᓴᓐ
ᐱᕙᓪᓕᐊᔪᓕᕆᓂᕐᒧᑦᑎᑎᕋᖅᑎ
ᒥᓂᔅᑕᐱᖁᑎᕐᔪᐊᓄᑦᐊᒻᒪᓄᓇᓕᖕᓄᑦᐊᒡᓚᕝᕕᖓ
613-219-0149
brook.simpson@canada.ca

ᔮᔅᒦᓇᐱᐸ
ᑐᓴᐅᒪᖃᑦᑕᐅᑎᓕᕆᔨᒃᑯᑦᐊᖓᔪᖅᑳᖓ
ᓯᕗᓕᖅᑎᑕᑉᑑᓇᐊᒡᓚᕝᕕᖓ
867-975-5059
Ypepa@gov.nu.ca

ᑲᓇᑕᒥᐊᐅᓚᔪᓐᓇᐅᑎᓕᕆᔨᒃᑯᑦ
613-960-9251
ᐊᑭᖃᙱᑦᑐᖅ: 1-877-250-7154
media@infc.gc.ca

Twitter: @INFC_eng
ᐃᑭᐊᖅᑭᕕᒃᑯᑦ: Infrastructure Canada