ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥ ᖃᐅᔨᓇᓱᖕᓂᖅ ᐃᓄᐊᖅᑕᐅᓯᒪᔪᓄᑦ ᐊᓯᐅᔨᔭᐅᓯᒪᔪᓄᓪᓗ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ

ᓯᑎᐱᕆ 14, 2016

ᑭᒃᑯᑐᐃᓐᓇᓄᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᐅᖃᐅᓯᐅᔪᖅ

ᑲᓇᑕᓕᒫᒥ ᖃᐅᔨᓇᓱᖕᓂᖅ ᐃᓄᐊᖅᑕᐅᓯᒪᔪᓄᑦ ᐊᓯᐅᔨᔭᐅᓯᒪᔪᓄᓪᓗ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ

ᑲᓇᑕᐅᑉ ᒐᕙᒪᖓ ᖃᖓᑦᑎᐊᓵᖅ ᐅᖃᐅᓯᖃᓚᐅᖅᑐᖅ ᑲᓇᑕᓕᒫᒥ ᖃᐅᔨᓇᓱᒃᑐᖃᕐᓂᐊᕐᓂᖓᓂᒃ ᐃᓄᐊᖅᑕᐅᓯᒪᔪᓄᑦ ᐊᓯᐅᔨᔭᐅᓯᒪᔪᓄᓪᓗ ᐊᕐᓇᓄᑦ ᓂᕕᐊᖅᓰᐊᓄᓪᓗ (MMIWG−ᖑᓂᕋᖅᑕᐅᒋᓪᓗᓂ).

ᑕᒪᑐᒪ ᖃᐅᔨᓇᓱᖕᓂᐅᑉ ᑲᒥᓯᓇᒋᔭᖏᑦ ᑲᑕᓕᒫᒥ ᓄᒃᑕᕐᓂᐊᖅᑐᑦ ᖃᐅᔨᓇᓱᒋᐊᖅᑐᕐᓗᑎᒃ ᐅᓂᒃᑲᐅᓯᖃᕆᐊᖅᑐᕐᓗᑎᒡᓗ ᐱᔾᔪᑕᐅᕙᒃᑐᓄᑦ ᐋᓐᓂᖅᓯᕆᔾᔪᑕᐅᕙᒃᑐᓄᑦ ᓄᓇᖃᖅᑳᖅᑐᓂᒃ ᐊᕐᓇᓂᒃ ᓂᕕᐊᖅᓰᐊᓂᒡᓗ, ᑭᓱᓪᓗ ᐊᑐᕐᓂᖃᑦᑎᐊᕈᓐᓇᕋᔭᕐᒪᖔᑕ ᒥᑭᒡᓕᒋᐊᖅᑎᑦᑎᓂᐊᕐᓗᓂ ᐋᓐᓂᖅᓯᕆᓂᕆᔭᐅᕙᒃᑐᒥᒃ.

ᑕᒪᓐᓇ ᖃᐅᔨᓇᓱᖕᓂᕆᔭᐅᔪᖅ ᐱᒻᒪᕆᐊᓘᕗᖅ ᐱᒋᐊᕐᕕᐅᓯᒪᓪᓗᓂ ᐃᓱᒪᒋᔪᓐᓃᖃᑎᒌᖕᓂᕐᒥᒃ ᐋᖅᑭᒃᓱᐃᕙᓪᓕᐊᓂᕐᒥᒡᓗ ᐅᒃᐱᕇᖃᑦᑕᐅᑎᑦᑎᐊᕋᔭᕐᓂᖏᓐᓂᒃ ᑲᓇᑕᐅᑉ ᒐᕙᒪᖓ ᓄᓇᖃᖅᑳᖅᑐᓪᓗ ᐃᓄᐃᑦ ᑲᓇᑕᒥᐅᑕᐃᑦ.

ᑖᒃᑯᐊ ᑲᒥᓯᓇᒋᔭᐅᔪᑦ ᐊᔾᔨᒌᙱᑦᑐᓄᑦ ᓄᓇᕘᒥ ᓄᓇᓕᖕᓄᐊᖃᑦᑕᕐᒃᓂᐊᖅᐳᑦ, ᐅᓪᓗᖏᑦ ᓇᓂᐅᓇᔭᕐᓂᖏᓪᓗ ᐋᖅᑭᒃᓯᒪᓕᖅᑎᑕᐅᓂᐊᖅᖢᑎᒃ ᑕᒪᑐᒪᓂ ᐅᑭᐊᖅᓵᒥ. ᓄᓇᕗᑦ ᒐᕙᒪᖓ ᐃᑲᔪᕈᒪᕗᑦᒃ ᑕᒪᑐᒧᖓ ᐱᓕᕆᐊᖑᓂᓕᒫᖓᓄᑦ.

ᑕᒪᑐᒥᖓ ᐊᓂᒍᐃᓯᒪᒍᕕᑦ, ᐃᓚᒋᔭᐅᒍᕕᑦ ᓇᒡᓕᒋᔭᖃᕈᕕᖕᓗᓂ ᐱᓂᕐᓗᒡᕕᐅᓯᒪᔪᒧᑦ, ᐅᖄᓚᕝᕕᒋᓗᒋᑦ ᓄᓇᕗᑦ ᒐᕙᒪᖓᑕ ᐱᓂᕐᓗᒡᕕᐅᓯᒪᔪᓄᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᐊᑭᖃᙱᑦᑐᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-866-456-5216 ᐅᖃᖃᑎᖃᕈᒪᓗᑎᓪᓗ ᐃᓄᖕᒧᑦ ᑕᒪᑐᒧᖓ ᖃᐅᔨᓴᕐᓂᕆᔭᐅᔪᒧᑦ ᖃᓄᕐᓗ ᐃᓚᐅᔪᓐᓇᕋᔭᕐᒪᖔᖅᐱᑦ.

ᐃᕝᕕᓪᓘᓐᓃᑦ ᖃᐅᔨᒪᔭᕐᓂᒡᓘᓐᓃᑦ ᐃᑲᔪᖅᑕᐅᔭᕆᐊᖃᖅᑐᖃᖅᐸᑦ ᐃᑲᔪᖅᑐᖅᑕᐅᔭᕆᐊᖃᖅᑐᖃᖅᐸᓪᓘᓐᓃᑦ, ᐅᖄᓚᔪᓐᓇᕆᕗᑎᑦᑕᐅᖅ ᑲᓇᑕᓕᒫᒥ, ᐊᑭᖃᙱᑦᑐᒧᑦ ᑐᐊᕕᕐᓇᖅᑐᓄᑦ ᐅᖄᓚᕝᕕᐅᔪᓐᓇᖅᑐᒧᑦ 24/7−ᓄᑦ ᐅᕗᖓ, 1-844-413-6649 ᐅᕗᖓᓘᓐᓃᑦ, ᓄᓇᕘᒥ ᑲᒪᑦᓯᐊᖅᑐᑦ ᐃᑲᔪᖅᑕᐅᔪᒪᓂᕐᒧᑦ ᐅᖄᓚᕝᕕᐅᔪᓐᓇᕐᓂᖏᓐᓄᑦ ᐅᕗᖓ 1-800-265-3333.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᑯᒃᓴᖅ:

ᑲᐃᑦ ᒪᒃᓚᐅᑦ
ᑐᑭᒧᐊᖅᑎᑦᑎᔨ ᑐᓴᐅᒪᑎᑦᑎᓂᕐᒧᑦ ᒐᕙᒪᓕᕆᔨᑯᑦ
867-975-6049
cmacleod@gov.nu.ca

 

ᐊᐱᖅᑯᑎᒃᓴᐃᑦ ᑭᐅᔭᐅᓂᖏᓪᓗ

ᑲᓇᑕᓕᒫᒥ ᖃᐅᔨᓇᓱᖕᓂᖅ ᐊᓯᐅᔨᔭᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓗ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ

ᑭᓲᕙ ᑲᓇᑕᓕᒫᒥ ᖃᐅᔨᓇᓱᖕᓂᖅ ᐊᓯᐅᔨᔭᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓗ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ (MMIWG−ᖑᓂᕋᖅᑕᐅᕙᒃᑭᓪᓗᓂ)?

ᓄᓇᖃᖅᑳᖅᑐᑦ ᐊᕐᓇᐃᑦ 16−ᐳᓴᖏᓐᓃᑉᐳᑦ ᑕᒪᐃᓐᓂ ᐊᕐᓇᓂ ᐃᓄᐊᖅᑕᐅᓯᒪᔪᓂ ᑲᓇᑕᒥ ᐊᕐᕌᒍᐃᑦ 1980 ᐊᒻᒪᓗ 2012 ᐊᑯᓐᓂᖏᓐᓂ, ᑭᓯᐊᓂ 4−ᐳᓴᖏᓐᓃᑐᐃᓐᓇᖅᐳᑦ ᑲᓇᑕᒥᐅᓂ ᐊᕐᓇᐃᑦ ᐊᒥᓲᓂᕆᔭᖏᓐᓂ. ᑐᐊᕕᕐᓇᖅᑐᒥᒃ ᐱᔭᕆᐊᖃᖅᑐᖃᓕᖅᐳᖅ ᐋᖅᑭᒃᓱᐃᓂᕐᒥᒃ ᑲᓇᑕᓕᒫᒥᑦ ᑭᐅᔭᐅᓂᕐᒥᒃ ᖁᐊᖅᓵᕐᓇᖅᑎᑦᑎᔪᓄᑦ ᑲᑉᐱᐊᓇᖅᑐᒦᙱᑦᑐᓐᓇᕐᓂᕐᒧᑦ ᐱᕝᕕᐅᔪᓐᓇᖅᑐᓄᓪᓗ ᐊᒃᑐᖅᑕᐅᓴᕋᐃᑦᑐᓐᓇᕐᓂᕐᒧᑦ ᓵᑦᑎᐊᕐᒥᐅᑕᕆᔭᐅᓕᖅᐸᒃᑐᓄᑦ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ.

ᐃᓚᖓᑦ ᓱᓕᔪᓄᑦ ᐊᑲᐅᓯᖃᑎᒌᖕᓂᕆᔭᐅᔪᓄᓪᓗ ᐱᓕᕆᐊᖃᖁᔨᓃᑦ ᐱᓕᕆᓂᐅᓇᔭᖅᐳᖅ ᑲᓇᑕᓕᒫᒥ ᖃᐅᔨᓴᕐᓂᕆᔭᐅᔪᒥᒃ. ᑕᒪᓐᓇ ᓯᕗᒻᒧᐊᖅᐸᓪᓕᐊᓂᐅᕗᖅ ᐊᑲᐅᓯᖃᑎᒌᖕᓂᕆᔭᐅᔪᒧᑦ ᐋᖅᑭᒃᓱᐃᓂᕐᒥᒡᓗ ᐅᒃᐱᕆᔭᖃᑦᑎᐊᕈᓐᓇᕐᓂᕐᒥᒃ ᐅᑯᖕᓄᙵ, ᒐᕙᒪᒃᑯᓐᓄᑦ ᓄᓇᖃᖅᑳᖅᑐᓄᓪᓗ ᐃᓄᖕᓄᑦ ᑲᓇᑕᒥ.

ᑕᒪᓐᓇ ᑲᓇᑕᓕᒫᒥ ᖃᐅᔨᓴᕐᓂᕆᔭᐅᔪᖅ ᓇᓗᓇᐃᖅᓯᕝᕕᐅᓂᐊᖅᐳᖅ ᖃᐅᔨᓴᕐᕕᐅᓗᓂᓗ ᐱᔾᔪᑕᐅᒐᔪᒃᐸᒃᑐᓂᒃ ᐋᓐᓂᖅᓯᕆᓂᕐᒥᒃ ᑕᒪᒃᑯᓄᖓ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ ᑲᓇᑕᒥ ᖃᓄᐃᓕᐅᖁᔨᕝᕕᐅᓗᓂᓗ ᑲᔪᓯᓂᖃᑦᑎᐊᖅᑐᓄᑦ ᐱᓕᕆᐊᖑᓇᔭᖅᑐᓄᑦ.

ᑲᒥᓴᓇᒋᔭᐅᔪᒥᒃ ᖃᐅᔨᓴᕐᓂᕐᒧᑦ ᐊᖅᑭᑕᐅᓯᒪᔪᖃᓕᖅᐳᖅ ᐃᓚᖃᕐᖢᓂ ᑕᓪᓕᒪᓂᒃ ᑲᒥᓯᓇᒋᔭᐅᔪᓂᒃ. ᑕᒪᓐᓇ ᖃᐅᔨᓇᓱᖕᓂᕆᔭᐅᔪᖅ ᐱᒋᐊᓛᖅᑐᖅ ᓯᑎᐱᕆ 1, 2016−ᒥ, ᑭᖑᓪᓕᖅᐹᖅᓯᐅᑎᒋᓂᐊᖅᑕᖓ ᐅᓂᒃᑲᐅᓯᖅ ᑐᓂᔭᐅᓯᒪᔭᕆᐊᖃᓛᖅᖢᓂ ᑎᓯᐱᕆ 31, 2018−ᒥ.

ᑖᓐᓇ ᑲᒥᓴᓇᒋᔭᐅᔪᖅ ᐱᔪᓐᓇᐅᑎᖃᖅᑎᑕᐅᕗᖅ ᐃᒪᓐᓇᐃᓕᐅᕈᓐᓇᖅᖢᓂ:

  • ᐋᖅᑭᒃᓯᔪᓐᓇᕐᓗᓂ ᖃᐅᔨᓴᖅᓂᕐᒧᑦ ᐊᑐᖅᑕᐅᓇᔭᖅᑐᒥᒃ ᐊᒃᓱᕈᕐᓇᖅᑐᓄᑦ-ᑐᓴᐅᒪᑦᑎᐊᖅᑎᑕᐅᓗᓂ ᐃᓕᖅᑯᓯᕆᔭᐅᔪᓄᓪᓗ ᓈᒻᒪᒡᓗᓂ, ᐃᓕᓴᖅᓯᓗᓂ ᐊᔾᔨᒌᙱᓐᓂᖏᓐᓂᒃ ᓄᓇᖃᖅᑳᖅᑐᑦ ᐃᓕᖅᑯᓯᕆᕙᒃᑕᖏᑦ ᑲᓇᑕᒥ;
  • ᐱᕕᒃᓴᖃᓕᖅᑎᑦᑎᔪᓐᓇᕐᓗᓂ ᐃᓄᑐᐃᓐᓇᓄᑦ, ᐃᓚᒌᓄᑦ ᓄᓇᓕᒥᐅᓄᓪᓗ ᐅᖃᐅᓯᖃᕈᓐᓇᕐᓗᑎᒃ ᐊᑐᖃᑦᑕᖅᓯᒪᔭᒥᓂᒃ ᖃᓄᕐᓗ ᐃᓱᒪᖃᕐᒪᖔᕐᒥᒃ, ᐃᓚᒋᔭᐅᓗᑎᒃ ᖃᓄᐃᓕᐅᖁᔨᓇᔭᕐᓃᑦ ᖁᐊᖅᓵᕐᓇᙱᓐᓂᖅᓴᐅᓕᖅᑎᑦᑎᓂᐊᕐᓗᓂ ᐱᑕᖃᖅᑎᑦᑎᑦᑕᐃᓕᒪᓂᐊᕐᓗᓂᓗ/ᐱᑕᖃᕈᓐᓃᖅᑎᑦᑎᓂᐊᕐᓗᓂ ᐋᓐᓂᖅᓯᕆᓂᐅᕙᒃᑐᓂᒃ ᐊᑐᖅᑎᖃᕐᓗᓂ ᐱᓪᓚᑲᐅᔭᖅᓯᒪᙱᑦᑐᓂᒃ ᐊᑐᖅᑕᐅᕙᓪᓕᐊᔪᓐᓇᖅᑐᓂᒃ; ᐊᒻᒪᓗ
  • ᐋᖅᑭᓱᐃᓗᑎ ᐱᓕᕆᓂᐅᓇᔭᖅᑐᓂᒃ ᓄᒃᑕᕐᓂᐅᓇᔭᖅᑐᓂᒡᓗ ᓄᓇᓕᖕᓄᑦ ᑐᓵᔭᖅᑐᕐᓗᑎᒃ ᐊᑐᖅᑕᐅᖃᑦᑕᖅᓯᒪᔪᓂᒃ ᑖᒃᑯᓄᖓ.

ᖃᓄᕐᓕ ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᑲᔪᓯᓂᖃᕐᓂᐊᖅᐸ ᓄᓇᕘᒥ?

ᑲᓇᑕᓕᒫᒥ ᓄᓇᖃᖅᑳᖅᑐᓄᑦ ᑲᑐᔾᔨᖃᑎᒌᑦ ᐊᐱᕆᔾᔪᑎᖃᓚᐅᖅᐳᑦ "ᑲᓇᑕᓕᒫᒥ ᖃᐅᔨᓴᕐᓂᐅᓇᔭᖅᑐᒥᒃ", ᑕᒪᒃᑯᐊᓗ ᐊᕕᒃᓯᒪᓂᕆᔭᐅᔪᑦ ᐅᑭᐅᖅᑕᖅᑐᒥᓗ ᐊᕕᒃᓯᒪᓃᑦ ᐃᑲᔪᖅᑐᐃᓯᒪᓪᓗᑎᒃ ᑕᒪᑐᒥᖓ ᐊᐱᖁᑕᐅᓯᒪᔪᒥᒃ. ᑭᐅᓯᓂᕐᒥᒍᑦ, ᑲᓇᑕ ᓯᕗᓕᖅᑎᒋᔭᐅᖃᑦᑕᖅᓯᒪᕗᖅ ᓴᖅᑭᑎᑦᑎᔪᒪᓪᓗᓂ "ᑲᓇᑕᓕᒫᒥ ᖃᐅᔨᓴᕐᓂᐅᓇᔭᖅᑐᒥᒃ", ᑖᓐᓇ ᓱᓕᓗᓂ ᑲᓇᑕᓕᒫᒥᒃ ᐱᓕᕆᕝᕕᖃᕐᓗᓂ, ᐃᒪᐃᑦᑕᕆᐊᖃᖅᖢᓂᓗ, ᑕᒪᒃᑯᐊ ᐊᑐᓂᑦ ᐊᕕᒃᓯᒪᓂᕆᔭᐅᔪᑦ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᑦ ᑕᒪᑐᒧᖓ ᐱᓕᕆᖃᑕᐅᓗᑎᒃ.

ᑕᐃᒪᐃᓐᓂᖓᓄᓪᓗ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᖏᑦ ᐃᖅᑲᖅᑐᐃᕕᓕᕆᓂᕐᒧᑦ, ᒐᕙᒪᓕᕆᔨᒃᑯᑦ ᐃᓄᓕᕆᔨᒃᑯᓪᓗ ᐱᓕᕆᖃᑎᖃᖅᐳᑦ ᐊᓯᓕᒫᖏᓐᓂᒃ ᐱᔪᓐᓇᕐᕕᒋᔭᐅᔪᓂ ᐃᓂᓂ ᓇᓗᙱᑦᑎᐊᕈᒪᓂᕐᒧᑦ ᑕᒪᓐᓇ ᑲᒥᓴᓇᒋᔭᐅᔪᖅ ᐱᓕᕆᔪᓐᓇᕋᔭᕐᒪᖔᑦ ᖃᐅᔨᓴᕐᓂᕆᔭᐅᔪᒥᒃ ᓄᓇᕘᒥ, ᑭᐅᓯᔪᒪᓂᕐᒧᓪᓗ ᐱᔭᐅᔭᕆᐊᓕᖕᓄᑦ ᐃᓄᖕᓄᑦ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᑦᑎᓐᓂ ᐃᓚᐅᔪᓐᓇᖅᖢᑎᒃ ᑕᒪᑐᒪᓂ ᑲᔪᓯᕙᓪᓕᐊᓂᕆᔭᐅᔪᒥ. 2

ᓂᕆᐅᒋᔭᖃᕐᓂᕐᒧᑦ ᖃᐅᔨᓴᕐᓂᕐᒧᑦ ᐅᖃᐅᓯᐅᓇᔭᖅᑐᒥᒃ, ᓄᓇᕗᑦ ᒐᕙᒪᒃᑯᖏᑦ ᐊᓯᖏᓪᓗ ᐱᖃᖅᑎᓪᓗᐊᑕᐅᖃᑕᐅᔪᑦ - ᖁᓪᓖᑦ ᓄᓇᕘᒥ ᖃᓄᐃᓕᖓᓂᖏᓐᓄᑦ ᐊᕐᓇᐃᑦ ᑲᑎᒪᔨᖏᑦ, ᓄᓇᕗᑦ ᑐᙵᕕᒃᑯᑦ, ᐸᓖᓯᒃᑯᑦ ᐊᓯᖏᓪᓗ - ᐋᖅᑭᒃᓱᐃᓯᒪᕗᑦ ᐱᓕᕆᖃᑎᒌᖕᓂᐊᖅᑐᓂᒃ ᖃᐅᔨᒪᑦᑎᐊᕈᒪᓂᕐᒥᓄᑦ ᐊᑐᖅᑕᐅᔪᓐᓇᑦᑎᐊᖅᑐᒥᒃ ᑭᐅᔾᔪᑎᒋᔭᐅᔪᒥᒃ ᖃᐅᔨᓴᕐᓂᕆᔭᐅᔪᒧᑦ ᓄᓇᕘᒥ. ᑖᒃᑯᐊ ᐱᓕᕆᖃᑎᒌᑦ ᐱᕙᒌᔭᖅᓯᓂᐊᖅᑐᑦ ᐃᓗᓕᖏᓐᓂᒃ, ᐃᑲᔪᖅᑐᐃᓗᑎᒃ ᐃᓚᒌᓂᒃ ᐃᑲᔪᕐᓗᑎᒡᓗ ᓈᒻᒪᒃᑐᒃᑯᑦ ᑭᖑᓂᖓᓂ ᐱᓕᕆᔪᖃᓕᕋᔭᕐᓂᖓᓂᒃ.

ᖃᓄᖅ ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᐊᑐᕐᓂᐊᖅᐸ ᐃᓄᖕᓄᑦ ᓄᓇᕘᒦᑦᑐᓄᑦ?

ᑲᓇᑕᒥᐅᑦ ᒐᕙᒪᖓ ᓇᓗᓇᐃᖅᓯᓪᓚᕆᒃᓯᒪᓕᖅᐳᖅ ᑖᓐᓇ ᑲᒥᓴᓇᒋᔭᐅᔪᖅ ᐋᖅᑭᒃᓯᔪᓐᓇᕐᓂᖓᓂᒃ ᐊᕕᒃᓯᒪᓂᕆᔭᐅᔪᓂ ᐃᓱᒪᒋᔭᐅᔪᓄᓪᓗ-ᑐᕌᖓᓪᓗᐊᑕᖅᑐᓂᒃ ᑲᑎᒪᔨᓂᒃ ᐅᖃᐅᔾᔪᖃᑦᑕᕈᒪᓪᓗᒋᑦ, ᑕᒪᓐᓇ ᐃᓚᖃᕈᓐᓇᖅᖢᓂ ᐃᓄᖕᓂᒃ ᓄᓇᕘᒧᓪᓗ-ᑐᕌᖓᓪᓗᐊᑕᖅᑐᓂᒃ ᑭᒡᒐᖅᑐᐃᔨᓂᒃ. ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᖏᑦ ᒪᓕᒐᓕᕆᓂᕐᒧᑦ, ᒐᕙᒪᓕᕆᔨᒃᑯᓐᓂ ᐃᓄᓕᕆᔨᒃᑯᓐᓂᓗ ᐃᑲᔪᕐᓂᐊᖅᐳᑦ ᑕᒪᑐᒧᖓ ᑲᒥᓴᓇᒋᔭᐅᔪᒧᑦ, ᐊᒻᒪᓗ ᑲᓇᑕᓕᒫᒧᑦ, ᐊᕕᒃᓯᒪᓂᐅᔪᓄᑦ ᐊᓯᖏᓐᓄᓪᓗ ᒐᕙᒪᒋᔭᐅᔪᓄᑦ ᓄᓇᕘᒥᐅᑦ ᐅᖃᐅᓯᖏᑦ ᐃᓄᐃᓪᓗ ᐃᓕᖅᑯᓯᖏᑦ ᐃᓱᒪᒋᔭᐅᑦᑎᐊᕐᓂᐊᕋᓗᐊᕐᒪᖔᑕ.

ᑲᑎᖦᖢᒋᑦ $16.17−ᖑᓪᓗᑎᒃ ᑐᓂᐅᖅᑲᐅᑕᐅᓂᐊᖅᑐᑦ ᑲᒥᓴᓇᒋᔭᐅᔪᒥᑦ ᐊᕐᕌᒍᑦ ᑎᓴᒪᐃᑦ ᐃᓗᐊᓂ ᓴᖅᑭᑦᑎᔾᔪᑕᐅᓂᐊᕐᓗᑎᒃ ᐃᓚᒌᓄᑦ ᑐᓴᐅᒪᑎᑦᑎᓂᕐᒧᑦ ᐱᓕᕆᖃᑎᖃᕕᑕᐅᖃᑦᑕᕐᓂᐊᖅᑐᓂᒃ ᑕᒪᐃᓐᓂ ᐊᕕᒃᓯᒪᓂᐊᑐᓂ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕐᓂ ᐊᖏᒡᓕᒋᐊᖅᑎᑦᑎᔪᒪᓂᕐᒧᓪᓗ ᐱᓂᕐᓗᒡᕕᐅᓯᒪᔪᑦ ᐱᔨᑦᑎᕋᕐᕕᐅᓂᖏᓐᓄᑦ ᑮᓇᐅᔭᖁᑎᒋᔭᐅᓇᔭᖅᑐᓂᒃ ᐃᓚᒋᔭᐅᔪᓄᑦ MMIWG−ᒧᑦ ᐊᓂᒍᐃᓯᒪᔪᓄᓪᓗ ᐋᓐᓂᖅᓯᕆᓂᐊᕙᒃᑐᓂᒃ. ᑕᒪᒃᑯᐊ ᐃᑲᔪᖅᑐᕈᑕᐅᕙᒃᑐᑦ ᒪᓂᒪᑎᑕᐅᓂᐊᖅᐳᑦ ᐃᓚᒌᓄᑦ, ᓇᒡᓕᒋᔭᐅᔪᓄᑦ, ᐊᓂᒍᐃᓯᒪᔪᓄᑦ, ᐃᓐᓇᕐᓄᑦ, ᒪᒃᑯᒃᑐᓄᑦ, ᓄᓇᓕᖕᓂ ᑲᑐᔾᔨᖃᑎᒌᓄᑦ, ᐊᓯᖏᓐᓄᓪᓗ.

ᐃᓚᒌᓄᑦ ᑐᓴᐅᒪᑎᑦᑎᓂᕐᒧᑦ ᐱᓕᕆᖃᑎᒋᔭᐅᕙᒃᑐᑦ ᐱᑎᑦᑎᓂᐊᖅᑐᑦ ᐊᑕᐅᓰᓐᓇᕐᒨᖅᑎᑕᐅᓯᒪᔪᓂᒃ, ᐱᓕᕆᔾᔪᑕᐅᓪᓚᕆᒍᓐᓇᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓚᒋᔭᐅᔪᓄᑦ ᐊᓯᐅᔨᔭᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓘᓐᓃᑦ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ, ᑲᑎᑦᑎᓗᑎᒡᓗ ᑐᓴᖅᑕᐅᔪᒃᓴᓂᒃ ᐃᓚᒌᑦ ᕿᓂᖃᑦᑕᖅᑕᖏᓐᓂᒃ. ᑕᒪᒃᑯᐊ ᐱᔨᑦᑎᕋᕐᓂᕆᔭᐅᔪᑦ ᐱᑎᑦᑎᔾᔪᑕᐅᖃᑦᑕᕐᓂᐊᖅᐳᑦ ᐃᒃᐱᒋᔭᖃᑦᑎᐊᕐᓗᓂ ᐊᐅᓚᑎᖃᑎᒌᒡᕕᐅᓗᓂᓗ ᖃᐅᔨᓴᖅᑐᖃᕐᓂᖓᓂ. ᐃᓗᓕᖏᑦ ᒪᓂᒪᑎᑕᐅᓕᕈᒫᖅᐳᑦ ᑖᒃᑯᐊ ᑲᒥᓴᓇᒋᔭᐅᔪᑦ ᐋᖅᑭᒃᑕᐅᕙᓪᓕᐊᓕᖅᐸᑕ ᐱᓕᕆᐊᒃᓴᒥᒡᓗ ᐱᓕᕆᓯᒋᐊᖅᓯᒪᓕᖅᐸᑕ.

ᓄᓇᕘᒥ, ᑕᐅᑐᒃᑕᐅᓪᓗᐊᑕᖅᑐᖅ ᑕᒪᑐᒪᓂ ᖃᐅᔨᓴᕐᓂᕆᔭᐅᔪᒥ ᐃᓚᖃᓪᓗᐊᖅᐳᖅ ᖃᐅᔨᓴᕐᓂᕆᔭᐅᔪᒥᒃ ᐱᔾᔪᑕᐅᓪᓗᐊᑕᖅᐸᒃᑐᓂᒃ ᐋᓐᓂᖅᓯᕆᕐᔪᐊᕐᓂᖅᓴᐅᕙᒃᑐᓂᒃ ᐱᑕᖃᕐᓂᖅᓴᐅᔪᓐᓇᑐᐃᓐᓇᕆᐊᖃᖅᐸᖕᓂᖓᓂᒡᓗ ᐋᓐᓂᖅᓯᕆᓂᕆᔭᐅᕙᒃᑐᓂᒃ ᑕᒫᓂ ᐅᑭᐅᖅᑕᖅᑐᒥ ᐊᕕᒃᓯᒪᓂᕆᔭᐅᔪᒥ.

ᒥᓂᔅᑕᒋᔭᐅᔪᖅ ᒪᓕᒐᓕᕆᓂᕐᒧᑦ, ᑮᑦ ᐲᑐᓴᓐ, ᒥᓂᔅᑕᕆᔭᐅᔪᕐᓗ ᑲᒪᒋᔭᒃᓴᖃᖅᑎᑕᐅᓪᓗᓂ ᐊᕐᓇᐃᑦ ᖃᓄᐃᓕᖓᓂᖏᓐᓄᑦ, ᒫᓂᒃᑲ ᐃᐅᓐ−ᑲᓇᔪᖅ, ᓯᕗᓕᖅᑎᒌᖃᑎᒌᒃᐳᒃ ᑕᒪᑐᒧᖓ ᐃᓱᒪᒋᔭᒃᓴᒧᑦ ᑭᒡᒐᖅᑐᐃᓪᓗᑎᒃ ᓄᓇᕗᑦ ᒐᕙᒪᖓᓂᒃ.

ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᖃᐅᔨᓴᖅᓯᔪᓐᓇᖅᐹ ᐃᓛᒃᑯᑦ ᐱᔾᔪᑕᐅᓯᒪᔪᓃᒃ ᐊᓯᐅᔨᔭᐅᓯᒪᔪᓄᑦ ᐃᓄᐊᖅᑕᐅᓯᒪᔪᓄᓪᓘᓐᓃᑦ ᐊᕐᓇᓄᑦ ᓂᕕᐊᖅᓰᐊᓄᓪᓘᓐᓃᑦ?

ᖃᓄᐃᓕᖓᓂᖓ ᑕᒪᑐᒪ ᖃᐅᔨᓴᕐᓂᕆᔭᐅᔫᑉ ᐱᔾᔪᑎᖃᓪᓗᐊᑕᕐᓂᐊᖅᑐᖅ ᑕᒪᑐᒧᖓ ᑲᒥᓴᓇᒋᔭᐅᔪᒧᑦ ᖃᓄᕐᓗ ᓂᕈᐊᕆᔭᖃᕋᔭᕐᒪᖔᑦ ᑲᔪᓯᓂᐊᕐᓗᓂ. ᖃᐅᔨᓇᓱᒡᕕᖃᑐᐃᓐᓇᕆᐊᖃᖅᐳᑦ ᐃᓛᒃᑰᖅᑐᓄᑦ ᐃᑲᔪᕈᒪᓪᓗᒋᑦ ᕿᒥᕐᕈᐊᒃᑲᓐᓂᖅᓯᓂᕐᒥᒃ ᐊᖏᓂᖅᓴᒥᒃ ᐃᓱᒪᒋᔭᒃᓴᒥᒃ MMIWG−ᒧᑦ ᑕᒪᓐᓇ ᐊᑕᖏᕐᓗᒍ. ᑭᓯᐊᓂᑦᑕᐅᖅ, ᐱᒻᒪᕆᐊᓘᕗᖅ ᐅᔾᔨᕆᔭᖃᕐᓂᐊᕐᓗᓂ ᑕᒪᓐᓇ ᐱᔾᔪᑕᐅᔪᖅ ᑭᒃᑯᑐᐃᓐᓇᓂᒃ ᖃᐅᔨᓇᓱᒡᕕᖃᕐᓂᕐᒥᒃ ᐋᖅᑭᒃᓯᒪᓕᖅᑎᑦᑎᔾᔪᑕᐅᙱᓚᖅ ᐅᕝᕙᓘᓐᓃᑦ ᐸᓯᒃᑎᕐᓂᕐᒥᒃ ᓵᙵᔭᖃᓕᕐᓗᓂ ᐱᑐᐃᓐᓇᐅᙱᑦᑐᓄᑦ ᐱᔾᔪᑕᐅᔪᓄᑦ.

ᑭᓱᓂᒃ ᑕᒪᓐᓇ ᖃᐅᔨᓴᖅᓯᓂᖅ ᑕᐅᑐᖕᓂᐊᖅᐸ?

ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᑕᐅᑐᖕᓂᐊᖅᑐᖅ ᐱᔾᔪᑕᐅᙱᓐᓇᐅᔭᖅᐸᒃᑐᓄᑦ ᖃᓄᕆᑦᑐᓕᒫᓄᑦ ᐋᓐᓂᖅᓯᕆᓂᐅᕙᒃᑐᓄᑦ ᓄᓇᖃᖅᑳᖅᑐᓄᑦ ᐊᕐᓇᓄᑦ ᓂᕕᐊᖅᓰᐊᓄᓪᓗ ᑲᓇᒥ. ᑕᒪᓐᓇᑦᑕᐅᖅ ᖃᐅᔨᓴᖅᓯᓂᐊᖅᑐᖅ ᐱᓕᕆᕝᕕᒋᔭᐅᕙᒃᑐᓂ ᐊᑐᐊᒐᕐᓂᒃ ᐊᑐᖅᑕᐅᕙᒃᑐᓂᒡᓗ ᑭᐅᔾᔪᑕᐅᕙᒃᑐᓂᒃ ᐋᓐᓂᖅᓯᕆᓂᐅᕙᒃᑐᒧᑦ ᐊᑐᖅᑕᐅᓕᖅᐸᒃᑐᒧᑦ ᓄᓇᖃᖅᑳᖅᑐᓂᑦ ᐊᕐᓇᓂᑦ ᓂᕕᐊᖅᓰᐊᓂᓪᓗ ᑲᓇᑕᒥ, ᐃᓚᒋᔭᐅᓗᓂ ᓇᓗᓇᐃᔭᐃᓂᖅ ᐱᐅᓛᓂᒃ ᐊᑐᖅᑕᐅᔪᓐᓇᖅᑐᓂᒃ ᒥᑭᖕᓕᒋᐊᖅᑎᑦᑎᓂᐊᕐᓗᓂ ᐋᓐᓂᖅᓯᕆᓂᐅᕙᒃᑐᓂᒃ ᐊᖏᒡᓕᒋᐊᖅᑎᑦᑎᓂᐊᖅᑐᓂᒡᓗ ᖁᐊᖅᓵᕐᓇᖅᑐᒦᕐᐸᙱᓐᓂᕐᒥᒃ.

ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᐊᔪᙱᓐᓂᖃᕐᕕᐅᓂᐊᖅᐳᖅ ᖃᐃᖁᔨᔪᓐᓇᕐᕕᖃᕐᓗᓂ ᓄᓇᕘᒥᐅᓂᒃ ᖃᐅᔨᓚᐅᖅᑐᓃᒃ?

ᐄ, ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᐊᔪᙱᓐᓂᖃᕐᓂᐊᖅᑐᖅ ᖃᐃᖁᔨᔪᓐᓇᕐᓗᓂ ᖃᐅᔨᓚᐅᖅᑐᓂᒃ, ᐃᓚᒋᔭᐅᓗᑎᒃ ᐸᓖᓯᒃᑯᑦ, ᒐᕙᒪᒃᑯᑦ ᐊᓯᖏᓪᓗ ᐅᖃᐅᓯᖃᕆᐊᖅᑐᖁᓗᒋᑦ ᖃᐅᔨᓚᐅᖅᑕᒥᓂ. ᓄᓇᕗᑦ ᒐᕙᒪᒃᑯᖏᑦ ᐃᑲᔪᕐᓂᐊᖅᐳᑦ ᐊᐅᓚᑦᑎᖃᑕᐅᓗᑎᒃ ᑕᒪᐃᓐᓂ ᐱᔪᓐᓇᕐᕕᖃᕐᓂᕆᔭᐅᔪᓂ ᐱᓕᕆᕝᕕᖃᕈᒪᓗᑎᒃ ᑲᔪᓯᕙᓪᓕᐊᓂᕐᒧᑦ ᐃᓱᒪᒋᔭᒃᓴᐅᕙᒃᑐᓂᒃ ᓵᑦᑎᐊᕐᒥᐅᑕᕆᔭᐅᓕᖅᐸᒃᑐᓂᑦ ᑲᒥᓴᓇᒋᔭᐅᔪᒥᑦ ᑲᔪᓯᑎᑦᑎᖁᓪᓗᒋᑦ ᐱᔭᒃᓴᕆᔭᒥᓂᒃ.

ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᐊᔪᙱᓐᓂᖃᕐᓂᐊᖅᐹ ᐱᑎᑦᑎᓪᓚᕆᒡᕕᐅᓕᕈᓐᓇᕐᓗᓂ ᐸᓖᓯᒃᑯᓐᓂᒃ ᒪᑐᐃᖅᓯᒃᑲᓐᓂᕈᓐᓇᓪᓚᕆᒡᓗᒋᑦ ᐱᓕᕆᐊᖑᔭᕆᐊᓕᖕᓃᒃ?

ᐋᒃᑲ, ᑭᓯᐊᓂ ᒪᓕᒃᑐᖃᕐᓗᓂ ᑲᓇᑕᓕᒫᒥ ᒪᓕᒃᑕᐅᔭᕆᐊᖃᖅᐸᒃᑐᓄᑦ ᖃᓄᐃᓕᐅᕆᐊᖃᕐᓂᕐᒧᑦ ᑕᒪᑐᒧᖓ ᖃᐅᔨᓴᕐᓂᕆᔭᐅᔪᒧᑦ ᑕᒪᓐᓇ ᖃᐅᔨᓴᕐᓂᕆᔭᐅᔪᖅ ᖃᐅᔨᕝᕕᐅᒃᐸᑦ ᖃᐅᔨᔾᔪᑕᐅᔪᓐᓇᖅᑐᓄᑦ, ᖃᓄᐃᓕᐅᖁᔨᔪᓐᓇᖅᓯᓇᔭᖅᐳᖅ ᐸᓖᓯᒃᑯᓐᓄᑦ ᑕᒻᒪᖅᓯᒪᔪᖅᓯᐅᖅᑎᕐᔪᐊᒧᓪᓘᓐᓃᑦ ᑕᒪᒃᑯᓂᖓ ᕿᒥᕐᕈᐊᖁᓗᒍ.

ᐃᓚᖓᑦ ᓇᒡᓕᒋᔭᕐᒪ ᐃᓄᐊᖅᑕᐅᓚᐅᖅᐳᖅ ᐊᓯᐅᓯᒪᓕᖅᖢᓂᓘᓐᓃᑦ. ᖃᓄᖅ ᑕᒪᓐᓇ ᐅᕙᓐᓄᑦ ᑐᑭᖃᖅᐸ?

ᓇᒡᓕᒋᔭᕐᓂᒃ ᐃᓄᐊᖅᑕᐅᓯᒪᔪᖃᖅᐸᑦ ᐊᓯᐅᔨᔭᐅᓯᒪᔪᖃᖅᐸᓪᓘᓐᓃᑦ, ᐱᕕᒃᓴᖃᑐᐃᓐᓇᕆᐊᖃᖅᐳᑎᑦ ᐃᓚᐅᔪᓐᓇᕐᓂᕐᒥᒃ ᑕᒪᑐᒧᖓ ᖃᐅᔨᓴᕐᓂᕆᔭᐅᔪᒧᑦ. ᐃᓗᓕᒃᓴᖏᑦ ᐅᓪᓗᓄᑦ, ᓇᓂᐅᓇᔭᕐᓂᖏᓐᓄᑦ ᐃᓚᐅᔪᓄᓪᓗ ᓱᓕ ᒫᓐᓇ ᑭᖑᓪᓕᖅᐹᖅᓯᐅᑎᒃᓴᖏᑦ ᐋᖅᑭᒃᓱᖅᑕᐅᕙᓪᓕᐊᕗᑦ, ᐃᓚᒋᔭᐅᓪᓗᓂ ᐋᖅᑭᒃᓱᐃᓂᖅ ᐃᓚᒌᓄᑦ ᑐᓴᐅᒪᑎᑦᑎᓂᕐᒧᑦ ᐱᓕᕆᖃᑎᒌᖃᑦᑕᕋᔭᕐᓂᕐᒧᑦ ᐊᑐᖅᑕᐅᖃᑦᑕᕋᔭᖅᑐᑦ.

ᑕᐃᒪᐃᓐᓂᖓᓄᓪᓗ, ᐅᖄᓚᕝᕕᒋᔪᓐᓇᖅᐸᑎᑦ ᓄᓇᕗᑦ ᒐᕙᒪᒃᑯᖏᑕ ᐱᓂᕐᓗᒡᕕᐅᓯᒪᔪᑦ ᐱᔨᑦᑎᕋᕐᕕᐅᕙᖕᓂᖏᓐᓄᑦ ᐊᑭᓕᕆᐊᖃᙱᑦᑐᒧᑦ ᐅᕗᖓ, 1-866-456-5216−ᒧᑦ ᐅᖃᓪᓚᖃᑎᖃᕈᒪᓗᑎᑦ ᐃᓄᖕᒧᑦ ᑕᒪᑐᒧᖓ ᖃᐅᔨᓴᓂᕆᔭᐅᔪᒧᑦ ᐅᓂᒃᑳᕆᔪᒪᔭᕐᓄᓪᓗ.

ᐃᕝᕕᓪᓘᓐᓃᑦ ᑭᓇᒥᒡᓘᓐᓃᑦ ᖃᐅᔨᒪᔭᖃᕈᕕᑦ ᐃᑲᔪᖅᑕᐅᔭᕆᐊᓕᖕᒥᒃ ᐃᑲᔪᖅᑐᖅᑕᐅᔭᕆᐊᓕᖕᒥᒡᓘᓐᓃᑦ, ᐅᖄᓚᔪᓐᓇᕆᕗᑎᑦᑕᐅᖅ ᑲᓇᑕᓕᒫᒥ, ᐊᑭᓕᕆᐊᖃᙱᑦᑐᒧᑦ ᑐᐊᕕᕐᓇᓪᓚᕆᓕᕐᑐᒧᑦ ᐅᖄᓚᕝᕕᐅᔪᓐᓇᖅᑐᒥᒃ 24/7−ᓄᑦ ᐅᕗᖓ, 1-844-413-6649 ᐅᓄᖓᓘᓐᓃᑦ, ᓄᓇᕘᒥ ᑲᒪᑦᓯᑎᐊᖅᑐᑦ ᐃᑲᔪᖅᑕᐅᓂᕐᒧᑦ ᐅᖄᓚᕝᕕᐅᔪᓐᓇᖅᑐᒧᑦ ᐅᕗᖓ, 1-800-265-3333.

ᑭᒃᑯᑦ ᐃᓚᐅᔪᓐᓇᕋᔭᖅᐸᑦ ᑕᒪᑐᒪᓂ ᖃᐅᔨᓴᕐᓂᕆᔭᐅᔪᒥ?

ᑕᒪᓐᓇ ᑲᒥᓴᓇᒋᔭᐅᔪᖅ ᐱᑎᑦᑎᔪᓐᓇᖅᐳᖅ ᑭᓇᑐᐃᓐᓇᕐᒥᒃ ᐊᖏᔪᒥᒃ ᖃᐅᔨᔪᒪᑲᐅᑎᒋᓂᕐᒥᒡᓗ ᐃᓱᒪᒋᔭᖃᖅᓯᒪᔪᓂᒃ ᑕᒪᑐᒧᖓ ᐃᓱᒪᒋᔭᒃᓴᒧᑦ ᐱᕕᒃᓴᖃᕐᓗᑎᒃ ᐃᓚᐅᔪᓐᓇᕐᓂᕐᒥᒃ. ᑲᒥᓴᒋᔭᐅᔫᑉ ᐃᓱᒪᖅᓲᑎᒋᓂᐊᖅᑕᖓ ᐋᖅᑭᒃᓯᓂᕐᒥᒃ ᑕᒪᓐᓇ ᖃᓄᖅ ᐋᖅᑮᒃᓯᒪᓂᐊᕐᒪᖔᑦ.

ᑕᒪᓐᓇ ᑲᒥᓴᓇᒋᔭᐅᔪᖅ ᑲᔪᓯᓯᒪᓕᖅᐸᑦ, ᐋᖅᑭᒃᓯᒪᓕᖅᑎᑦᑎᓂᐊᖅᐳᖅ ᑲᔪᓯᔾᔪᑎᒋᓂᐊᖅᑕᒥᓂᒃ ᐱᓕᕆᐊᖃᕐᓂᐊᕐᓗᓂ ᑕᒪᑐᒥᖓ ᖃᐅᔨᓴᕐᓂᕆᔭᐅᔪᒥᒃ. ᐱᑕᖃᓕᑐᐃᓐᓇᕆᐊᖃᖅᐳᖅ ᑭᒃᑯᑐᐃᓐᓇᓄᑦ ᑕᑯᔭᐅᔪᒃᓴᓂᒃ ᐊᒡᒋᖅᐸᓪᓕᐊᔪᓄᑦ ᐱᕕᒃᓴᐅᓇᔭᖅᑐᓄᑦ ᐃᓚᐅᓂᐊᕐᓂᕐᒧᑦ. ᑕᒪᒃᑯᐊ ᑕᑯᔭᐅᔪᒃᓴᐃᑦ ᓇᓗᓇᐃᖅᓯᓯᒪᑦᑎᐊᓪᓗᐊᕆᕗᑦ ᖃᓄᖅ ᐃᓄᐃᑦ ᐃᓚᐅᓕᕈᓐᓇᕋᔭᕐᒪᖔᑕ.

ᑭᓱᓂᒃ ᒪᓂᒪᔪᖃᕋᔭᖅᐸ ᖃᐅᔨᓴᕐᓂᕆᔭᐅᔪᒧᑦ ᐃᓚᐅᔪᓄᑦ?

ᑕᒪᓐᓇ ᑲᒥᓴᓇᒋᔭᐅᔪᖅ ᐱᔪᓐᓇᐅᑎᖃᖅᑎᑕᐅᕗᖅ ᐋᖅᑭᒃᓱᐃᔪᓐᓇᕐᓂᕐᒥᒃ ᐊᒃᓱᕈᕐᓇᖅᑐᒥᒃ-ᑐᓴᐅᒪᓂᕐᒥᒃ ᐃᓕᖅᑯᓯᔭᐅᔪᓄᓪᓗ ᓈᒻᒪᒋᔭᐅᔪᓂᒃ ᐅᖃᐅᔾᔪᐃᓂᕐᒧᑦ ᐱᔨᑦᑎᕋᕐᓂᕆᔭᐅᓇᔭᖅᑐᓂᒃ ᒪᓂᒪᑎᑕᐅᓪᓗᑎᒃ ᐃᓛᒋᓄᑦ ᐊᓂᒍᐃᓯᒪᔪᓄᓪᓗ ᓴᖅᑭᑦᑕᕆᐊᖃᖅᑎᓪᓗᒋᑦ ᑕᕝᕙᓂ ᖃᐅᔨᓴᕐᓂᕆᔭᐅᔪᒥ. ᐃᓚᐅᔪᖃᓚᐅᙱᓐᓂᖓᓂ ᐃᓚᐅᕌᓂᒃᓯᒪᓕᖅᑐᖃᖅᑎᓪᓗᒍᓗ ᐱᕙᒌᔭᕐᓂᖅ ᐅᖃᐅᔾᔪᐃᓂᕐᓗ ᐱᒻᒪᕆᐊᓘᒋᕗᖅᑕᐅᖅ ᐃᓚᒌᓄᑦ ᐊᓂᒍᐃᓯᒪᔪᓄᓪᓗ.

ᑖᓐᓇ ᑲᒥᓴᓇᒋᔭᐅᔪᖅ ᐱᔪᓐᓇᐅᑎᖃᖅᑎᑕᐅᒋᕗᖅᑕᐅᖅ ᐃᒪᓐᓇᐅᖁᔨᓇᔭᖅᖢᓂ, ᑮᓇᐅᔭᖃᖅᑎᑕᐅᓗᓂ ᑭᓇᑐᐃᓐᓇᒧᑦ ᐃᓚᐅᔪᓐᓇᙱᓐᓇᔭᖅᑑᒐᓗᐊᒧᑦ ᐃᓚᐅᔪᓐᓇᖅᓯᓗᓂ. ᓲᕐᓗ ᐃᒪᓐᓇ, ᐃᓚᐅᔪᑦ ᓄᒃᑕᕆᐊᖃᑐᐃᓐᓇᕆᐊᖃᖅᐳᑦ, ᐱᓕᕆᐊᖃᕐᓗᑎᒃ ᐃᓕᖅᑯᓯᑐᖃᕐᒥᒍᑦ ᖁᕕᐊᓱᒍᑎᖃᕐᓂᕐᒧᑦ ᐱᓕᕆᐊᖑᕙᒃᑐᓂᒃ, ᐸᐃᕆᔭᐅᔪᑎᖃᕆᐊᖃᖅᐸᒡᓗᑎᒃ, ᐊᓯᖏᓐᓂᒡᓘᓐᓃᑦ ᐃᓚᐅᔪᒪᓂᐊᕈᑎᒃ. ᐃᓱᓕᑦᑕᕐᕕᐅᓇᔭᖅᑐᑦ ᒪᓕᒋᐊᓖᖕᓗ ᑕᒪᑐᒧᖓ ᑮᓇᐅᔪᖁᑎᒋᔭᐅᔪᒧᑦ ᓱᓕ ᐋᖅᑭᒃᓯᒪᓕᖅᑎᑕᐅᔭᕆᐊᖃᖅᐳᑦ.

ᑲᓇᑕᐅᑉ ᒐᕙᒪᖓ ᓇᓗᓇᐃᖅᓯᓪᓚᕆᒃᓯᒪᕗᖅ ᑕᒪᓐᓇ ᖃᐅᔨᓴᕐᓂᕐᒧᑦ ᐱᓕᕆᐊᖑᔪᖅ ᐃᓕᖅᑯᓯᕆᔭᐅᔪᓄᑦ ᓈᒻᒪᒋᐊᖃᕐᓂᖓᓂᒃ ᓇᓗᓇᐃᖅᓯᓗᓂᓗ ᐃᑲᔪᕐᓂᕐᒥᓂᒃ, ᐃᒃᐱᒋᔭᖃᑦᑎᐊᕐᓂᕐᒥᓂᒃ ᐊᑐᕐᕕᖃᑦᑎᐊᕆᐊᖃᕐᓂᕐᒥᓂᒡᓗ ᐊᔾᔨᒌᙱᑦᑐᓂᒃ ᐃᓕᖅᑯᓯᕆᔭᐅᔪᓂᒃ, ᐅᖃᐅᓯᕐᓄᑦ ᐅᒃᐱᕐᓂᕆᔭᐅᕙᒃᑐᓄᓪᓗ ᐃᓕᖅᑯᓯᑐᖃᕆᔭᐅᔪᓂᒃ ᓄᓇᖃᖅᑳᖅᑐᓄᑦ ᐃᓄᖕᓄᑦ ᑲᓇᑕᓕᒫᒦᑦᑐᓄᑦ. ᓄᓇᕗᑦ ᒐᕙᒪᒃᑯᖏᑦ ᐃᑲᔪᕐᓂᐊᖅᐳᑦ ᑕᒪᑐᒧᖓ ᑲᔪᓯᑎᑦᑎᓗᑎᒃ ᑕᒪᑐᒥᖓ ᐱᓕᕆᐊᖑᕙᓪᓕᐊᓂᕆᔭᐅᔪᓂᒥᒃ.

ᓄᓇᕗᑦ ᒐᕙᒪᒃᑯᖏᑦ ᖃᓄᐃᓕᐅᖅᐸᑦ ᐱᕚᒌᔭᖅᐸᓪᓕᐊᓪᓗᑎᒃ ᑕᒪᑐᒧᖓ ᖃᐅᔨᓴᕐᓂᕆᔭᐅᓂᐊᖅᑐᒧᑦ?

ᐱᓕᕆᕝᕕᒋᔭᐅᔪᑦ ᒪᓕᒐᓕᕆᓂᕐᒧᑦ, ᐃᓄᓕᕆᔨᒃᑯᓐᓄᑦ, ᒐᕙᒪᓕᕆᔨᒃᑯᓐᓄᓪᓗ ᐊᐅᓚᑦᑎᖃᑕᐅᓂᐊᖅᐳᑦ ᐊᐅᓚᑦᑎᖃᑎᖃᕐᓗᑎᒃ ᑲᓇᑕᐅᑉ ᒐᕙᒪᖓᓂᒃ ᐊᕕᒃᓯᒪᓂᕆᔭᐅᔪᓂᒡᓗ ᐅᑭᐅᖅᑕᖅᑐᒥᓗ ᐊᕕᒃᓯᒪᓂᕆᔭᐅᔪᓂᒃ ᑲᓇᑕᓕᒫᒥ ᐱᓕᕆᖃᑎᒌᒃᐸᒃᓗᑎᒍᑦ ᑖᓐᓇ ᖃᐅᔨᓴᕐᓂᕆᔭᐅᔪᖅ ᐱᓕᕆᐊᖑᓂᓕᒫᖓᓂ ᑭᐅᓯᔪᒪᓗᑎᒃ ᖃᓄᑐᐃᓐᓇᖅ ᐃᓱᒪᒋᔭᒃᓴᓂᒃ ᐊᒃᑐᐊᓂᓕᖕᓂᒃ ᖃᓄᐃᓕᖓᑎᑕᐅᓇᔭᕐᒪᖔᑦ ᑕᒪᓐᓇ ᓄᓇᕗᒻᒥ ᖃᐅᔨᓴᕐᓂᕆᔭᐅᔪᖅ.

ᓄᓇᕗᑦ ᒐᕙᒪᒃᑯᖏᑦ ᐱᒋᐊᖅᑎᑦᑎᓚᐅᖅᐳᑦ ᐱᓕᕆᖃᑎᒌᖕᓂᐊᖅᑐᓂᒃ ᐊᔾᔨᒌᙱᑦᑐᓄᑦ ᐱᓕᕆᕝᕕᒋᔭᐅᔪᓄᑦ ᑖᒃᑯᓇᓂᕐᒥᐅᑕᐅᙱᑦᑐᓄᓪᓗ ᐱᖃᖃᑕᐅᔪᓄᑦ, ᐃᓚᒋᔭᐅᓪᓗᑎᒃ ᓄᓇᕗᑦ ᑐᙵᕕᒃᑯᑦ, ᐸᓖᓯᒃᑯᑦ, ᖁᓪᓕᖅ ᓄᓇᕘᒥ ᐊᕐᓇᐃᑦ ᖃᓄᐃᓕᖓᑎᑕᐅᓂᖏᓐᓄᑦ ᑲᑎᒪᔩᑦ, ᑭᒃᑯᑐᐃᓐᓇᓄᑦ ᐱᕋᔭᒃᑐᓕᕆᕙᖕᓂᕐᒧᑦ ᐱᔨᑦᑎᕋᕐᕕᖃᖅᖢᓂ ᑲᓇᑕᒥ, ᑎᑎᕋᕐᕕᒋᔭᐅᔪᒧᓪᓗ ᑭᒡᒐᖅᑐᐃᔨᒋᔭᐅᔪᒥᑦ ᓄᑕᖅᑲᓄᑦ ᒪᒃᑯᒃᑐᓄᓪᓗ ᐅᖃᖃᑎᒋᔪᒪᓗᒋᑦ ᐱᕙᒌᔭᕐᓂᕐᒧᑦ ᑕᒪᑐᖑᖓ ᖃᐅᔨᓴᕐᓂᕆᔭᐅᔪᒧᑦ ᓄᓇᕘᒥ.

ᖃᓄᐃᓕᐅᖅᐸᑦ ᓄᓇᕗᑦ ᒐᕙᒪᒃᑯᖏᑦ ᐃᑲᔪᕈᒪᓪᓗᑎᒃ?

ᓄᓇᕗᑦ ᒐᕙᒪᒃᑯᖏᑦ ᖃᔅᓯᑲᓪᓚᖏᓂᒃ ᐱᒋᐊᖅᑎᑦᑎᓯᒪᕗᑦ ᐱᓕᕆᕝᕕᖃᖅᑐᓂᒃ ᐋᓐᓂᖅᓯᕆᓂᐅᕙᒃᑐᓂᒃ ᐊᕐᓇᓂᒃ. ᑕᒪᒃᑯᐊ ᒪᑯᓂᖓ ᐃᓚᖃᖅᐳᑦ:

  • ᑮᓇᐅᔭᖃᖅᑎᑕᐅᓗᑎᒃᓄᓇᓕᖕᓂᒪᓕᒐᓕᕆᓂᕐᒧᑦᐱᓕᕆᕙᒃᑐᑦᐃᑲᔪᖁᓪᓗᒋᑦᐃᓄᑐᐃᓐᓇᓂᒃᐱᓇᔪᒡᕕᖃᖅᑎᓪᓗᒋᑦᑎᓕᔭᐅᓯᒪᔪᒥᒃᐃᖅᑲᖅᑐᐃᔨᕋᓛᒥᒃᑐᐊᕕᕐᓇᖅᑐᒃᑯᑦᓴᐳᔾᔨᓯᒪᓂᕐᒥᒃᑎᓕᓯᓪᓚᕆᒍᑕᐅᓇᔭᖅᑐᒥᒃ(EPO−ᒥᒃ) ᐅᕝᕙᓘᓐᓃᑦᓄᓇᓕᖕᓂᐱᓕᕆᕝᕕᖃᖔᓕᕐᓂᕐᒧᑦᑎᓕᓯᓪᓚᕆᒍᑕᐅᓇᔭᖅᑐᒥᒃ(CIO−ᒥᒃ).
    • EPO−ᒋᔭᐅᔪᑦᐊᑐᖅᑕᐅᕙᒃᐳᑦᓄᖅᑲᖅᑎᑦᑎᔾᔪᑕᐅᓪᓗᑎᒃᐱᓂᕐᓗᒃᓯᓂᐅᕙᒃᑐᓂᒃᑕᒪᒃᑯᐊᑲᔪᓯᑎᑦᑐᒪᔪᓐᓃᖅᖢᒋᑦᖃᐅᔨᒪᑦᑎᐊᕈᒪᓂᕐᒧᓪᓗᑕᒪᕐᓂᑦᑎᐊᖅᐱᓕᕆᖃᑎᒌᒃᑐᑦ"ᐅᐃᒪᔪᓐᓃᕐᓯᕝᕕᖃᖅᑎᖦᖢᒋᑦ" ᐋᖅᑭᒃᓯᒪᓕᖅᑎᑦᑎᖁᓪᓗᒋᑦᖃᓄᐃᓕᐅᕆᐊᖃᕐᓂᕐᒥᒃᑕᒪᑐᒧᖓᓈᒻᒪᙱᑦᑐᒧᑦᐃᓅᖃᑎᒌᖕᓂᕆᔭᐅᔪᒧᑦ. ᐱᒻᒪᕆᐊᓘᓂᖓᐃᓚᒋᓇᔭᖅᑕᖓEPO−ᒋᔭᐅᔫᑉᑖᓐᓇᑭᐅᓯᔪᖅᑕᒪᑐᒧᖓ"ᖁᐊᖅᓵᖅᓵᕆᙱᓪᓗᓂ, ᖀᒥᓇᙱᓪᓗᓂᐸᒡᕕᓴᒡᕕᖃᙱᓪᓗᓂᓗ".
    • CIO−ᒋᔭᐅᔪᑦᐊᑐᖅᑕᐅᕙᒃᐳᑦᐃᑲᔪᕈᑕᐅᓪᓗᑎᒃᑕᒪᒃᑯᓂᖓᓂᕈᐊᕆᔭᖃᖅᑐᓂᒃᑲᔪᓯᑎᑦᑎᔪᒪᓪᓗᑎᒃᐃᓅᖃᑎᖃᕐᓂᕆᕙᒃᑕᒥᓂᒃᐱᓇᔪᖁᓪᓗᒋᑦᐅᖃᐅᔾᔪᖅᑕᐅᓂᕐᒥᒃᑕᓯᐅᖅᑕᐅᓂᕐᒥᒡᓗᐱᔭᐅᔭᕆᐊᓕᖕᓄᑦᐋᖅᑭᒃᓯᔾᔪᑕᐅᓪᓗᑎᒃᑭᖑᓂᑦᑎᓐᓂᐊᑲᐅᙱᓕᐅᕐᓂᐅᓚᐅᖅᑐᓂᒃᐃᓕᑦᑎᖁᓪᓗᒋᓪᓗᐋᖅᑭᒃᓯᒪᓕᖅᑎᑦᑎᓇᔭᕐᓂᕐᒥᒃᐃᓱᒪᖏᑦᐊᔾᔨᒌᖃᑦᑕᐅᑎᙱᓐᓂᖏᓐᓄᑦᐱᐅᓂᖅᓴᑎᒍᑦᐊᑐᖅᑕᐅᔪᓐᓇᖅᑐᑎᒍᑦ.
  • ᑮᓇᐅᔭᖃᖅᑎᑕᐅᓗᑎᒃᑭᓇᑐᐃᓐᓇᒧᑦ, ᐱᓕᕆᖃᑎᒌᓄᑦᑲᑐᔾᔨᖃᑎᒌᓄᓪᓘᓐᓃᑦᐃᓚᐅᔪᓄᑦᐱᑎᑦᑎᖃᑦᑕᖃᑕᐅᓪᓗᑎᒃᐱᔨᑦᑎᕋᕐᓂᕆᔭᐅᕙᒃᑐᓂᒃᐱᓂᕐᓗᒡᕕᐅᓯᒪᔪᓄᑦᐱᕋᔭᒡᕕᐅᓯᒪᓪᓗᑎᒃᓄᓇᕘᒥᐅᑯᑎᒎᓇᖅ, ᐱᓂᕐᓗᒡᕕᐅᓯᒪᔪᑦᐃᑲᔪᖅᑕᐅᕙᖕᓂᖏᓐᓄᑦᑮᓇᐅᔭᖁᑎᒋᔭᐅᔪᑦ.
  • ᐱᓕᕆᖃᑎᒌᒃᑐᑦᓴᖅᑭᑎᑦᑎᔪᒪᓪᓗᑎᒃᓄᓇᕘᒥᐅᑦᓯᕗᓪᓕᖅᐹᑦᑎᐊᖓᓂᒃᓄᑕᖅᑲᓂᒃᑭᒡᒐᖅᑐᐃᓂᕐᒧᑦᐃᓂᒋᔭᐅᔪᒥᒃ. ᐱᓕᕆᖃᑎᖃᖅᖢᑎᒃᐅᑭᐅᖅᑕᖅᑐᒥᓄᑕᖅᑲᓄᑦᒪᒃᑯᒃᑐᓄᓪᓗᑐᑦᑕᕐᕕᒋᔭᐅᔪᒥᒃ, ᐱᔭᐅᔭᕆᐊᓕᖕᓄᑦᖃᐅᔨᓴᖅᓯᓂᖅᓈᒻᒪᒐᔭᕐᒪᖔᓪᓗᖃᐅᔨᓴᖅᓯᓇᔭᕐᓂᖅᓴᖅᑭᑎᑕᐅᓯᒪᕗᖅᖃᓄᐃᓕᐅᖅᑕᐅᓇᔭᓕᕐᒥᔪᓂᓗᓴᖅᑭᑎᑦᑎᔪᒪᓪᓗᑎᒃᐆᒃᑑᒪᔭᒍᒪᓗᑎᒡᓗᐆᒥᖓ, ᐅᒥᖕᒪᒃᓄᑕᖅᑲᓄᑦᒪᒃᑯᒃᑐᓄᓪᓗᓴᐳᔾᔨᓯᒪᓂᕐᒧᑦᐃᓂᒋᔭᐅᓇᔭᖅᑐᒥᒃ.
  • ᐅᔾᔨᕐᓇᖅᓯᑎᑦᑎᓂᖅᐃᓚᒌᓂᓄᓇᖅᑲᑎᒌᓂᓗᐋᓐᓂᖅᓯᕆᔪᖃᖅᐸᖕᓂᖓᓄᑦ, ᐋᖅᑭᒃᓱᐃᓗᑎᒃᓄᓇᓕᖕᓂᐊᑐᖅᑕᐅᔪᓐᓇᖅᑐᓄᑦᑐᓴᖅᑕᐅᔪᒃᓴᓄᑦᐊᒃᑐᐊᓂᓕᖕᓄᑦᐃᓚᒌᓂᐋᓐᓂᖅᓯᕆᔪᖃᖅᐸᖕᓂᖓᓄᑦᓄᓇᓕᖕᓂ−ᑐᙵᕕᓕᖕᓄᑦᑐᑦᑕᕐᕕᒋᔭᐅᕙᒃᑐᓄᑦ.
  • ᕿᓂᕐᓂᖅᐊᑐᖅᑕᐅᖔᕈᓐᓇᖅᑐᓂᒃᐋᖅᑭᒃᓱᐃᔪᖃᕐᓂᐊᕐᓗᓂᐊᐃᑉᐸᖓᓄᑦᐱᓕᕆᓂᐅᓇᔭᖅᑐᒧᑦᐃᒡᓗᖃᖅᑎᑦᑎᓂᕐᒧᑦᐱᑎᑦᑎᔪᒪᓂᕐᒧᑦᐊᑯᓂᐅᒃᑲᓐᓂᕐᓂᖅᓴᖅᐃᑲᔪᖅᑐᖅᑕᐅᓇᔭᕐᓂᖏᓐᓂᒃᐊᕐᓇᐃᑦᓄᑕᖅᑲᓪᓗᕿᒫᔪᑦᐃᓚᒌᓂᐋᖅᓂᖅᓯᕆᓂᐅᕙᒃᑐᒥᒃ.
  • ᕿᓂᖅᐸᒡᓗᓂᐊᑐᖅᑕᐅᔪᓐᓇᖅᑐᓂᒃᒥᑭᒡᓕᒋᐊᖅᑎᑦᑎᓂᐊᕐᓗᓂᐋᓐᓂᖅᓯᕆᓂᐅᕙᒃᑐᓂᒃᐊᕐᓇᓄᑦᓄᑕᖅᑲᓄᓪᓗᐃᒪᐃᓕᐅᕐᓗᓂ:
    • ᐱᓯᒪᓗᑎᒃᒪᕐᕉᖕᓂᒃᐅᓪᓗᓕᒫᖅᐱᓕᕆᕙᒃᑑᖕᓂᒃ, ᐃᖅᑲᓇᐃᔭᐃᓐᓇᕋᔭᖅᑑᖕᓂᒃᐃᓚᒌᓂᐋᓐᓂᖅᓯᕆᔪᖃᖅᐸᖕᓂᖓᓄᑦᐱᓕᕆᔪᓐᓇᓪᓚᕆᒃᑑᖕᓂᒃᐱᓕᕆᐊᖃᖅᑐᓂᒃᐃᓚᒌᓂᐋᓐᓂᖅᓯᕆᔪᖃᖅᐸᖕᓂᖓᓄᑦᑎᑎᕋᖅᓯᒪᔪᖁᑎᒋᔭᐅᔪᓂ, ᐱᔾᔪᑎᖃᓪᓗᐊᑕᕐᓗᑎᒃᑕᐃᒪᐃᑎᑦᑎᑦᑕᐃᓕᒪᕙᖕᓂᕐᒥᒃ;
    • ᐱᑎᑦᑎᓂᖅᑮᓇᐅᔭᑎᒍᑦᐃᑲᔪᖅᑐᐃᓂᕐᒥᒃᐃᑲᔪᖅᑐᐃᔪᒪᓪᓗᓂᐊᔪᙱᓐᓂᕆᔭᐅᕙᒃᑐᓂᒃᐊᖑᑎᓄᑦᓄᑲᑉᐱᐊᓄᓪᓗᐱᓕᕆᐊᒃᓴᕆᔭᐅᕙᒃᑐᓂᒃ;
    • ᐱᑎᑦᑎᕙᓗᑎᒃᑮᓇᐅᔭᖁᑎᒋᔭᐅᓂᐊᖅᑐᓂᒃᑕᓪᓕᒪᓄᑦᐃᓚᒌᓂᐋᓐᓂᖅᓯᕆᔪᖃᖅᐸᖕᓂᖓᓄᑦᕿᒫᕝᕕᐅᖃᑦᑕᕋᔭᖅᑐᓂᒃᓄᓇᕘᓕᒫᒥ, ᐱᑎᑦᑎᓂᕐᒥᒡᓗᖃᕆᑕᐅᔭᒃᑯᑦᐃᑭᐊᖅᑭᕕᒃᑯᑦᑕᐃᑲᓃᓪᓚᕆᒡᓗᓂᓗᐊᔪᕈᓐᓃᖅᓴᖅᑎᑕᐅᓇᔭᕐᓂᖏᓐᓄᑦᑕᒪᒃᑯᓇᓂᐃᓚᒌᓂᐋᓐᓂᖅᓯᕆᔪᖃᖅᐸᖕᓂᖓᓄᑦᕿᒫᕝᕕᒋᔭᐅᕙᒃᑐᓂ; ᐊᒻᒪᓗ
    • ᐱᑎᑦᑎᕙᒡᓗᑎᒃᑮᓇᐅᔭᖁᑎᒋᔭᐅᓂᐊᖅᑐᓂᒃᐃᑲᔪᖅᑐᐃᔪᒪᓪᓗᑎᒃᖁᓪᓖᑦᓄᓇᕘᒥᐊᕐᓇᐃᑦᖃᓄᐃᓕᖓᓂᖏᓐᓄᑦᑲᑎᒪᔨᒃᑯᓐᓄᑦ.