ᐅᖃᓚᐅᑎᓯᐅᑏᑦ

You are here

ᐃᓄᐃᑦ ᒪᑭᒪᔾᔪᑎᒃᓴᖏᓐᓄᑦ ᐊᑐᖅᐸᓪᓕᐊᓂᖅ ᓴᙱᒃᑎᕆᔪᑕᐅᓪᓗᑎᒃ ᓄᓇᓕᖕᓂᒃ ᐊᒻᒪᓗ ᐱᕈᕈᑕᐅᕙᓪᓕᐊᕗᑦ ᓄᓇᕘᒥ ᒪᑭᒪᔾᔪᑎᒃᓴᓄᑦ

ᓄᕕᐱᕆ 03, 2016

ᓴᖅᑭᑕᐅᑲᐅᑎᒋᔭᕆᐊᓕᒃ

ᐃᓄᐃᑦ ᒪᑭᒪᔾᔪᑎᒃᓴᖏᓐᓄᑦ ᐊᑐᖅᐸᓪᓕᐊᓂᖅ ᓴᙱᒃᑎᕆᔪᑕᐅᓪᓗᑎᒃ ᓄᓇᓕᖕᓂᒃ ᐊᒻᒪᓗ ᐱᕈᕈᑕᐅᕙᓪᓕᐊᕗᑦ ᓄᓇᕘᒥ ᒪᑭᒪᔾᔪᑎᒃᓴᓄᑦ  

 

ᓄᕕᐱᕆ 3, 2016, ᐃᖃᓗᐃᑦ, ᓄᓇᕗᑦ – ᑲᑎᒪᔨᕐᔪᐊᖅ ᔩᓐ-ᐃᕝᔅ ᑐᑯᓗᔅ, ᒐᕙᒪᑐᖃᒃᑯᓐᓂ ᒥᓂᔅᑕᐅᔪᖅ ᐃᓄᓕᕆᓂᕐᒧᑦ ᐊᒻᒪᓗ ᐃᓄᐃᑦ ᐱᕙᓪᓕᐊᔪᑎᒃᓴᖏᓐᓄᑦ, ᐊᒻᒪᓗ ᑲᑎᒪᔨᕐᔪᐊᖅ ᔪᐊᔨ ᑯᒃᓱᒃ, ᒥᓂᔅᑕ ᑲᒪᒋᔭᓕᒃ ᓄᓇᕘᒥ ᐃᒡᓗᓕᕆᔨᕐᔪᐊᒃᑯᓐᓄᑦ, ᐅᓪᓗᒥᐅᔪᖅ ᑐᓴᖅᑎᑦᑎᕗᑦ ᑲᓇᑕᒥᐅᑦ ᐱᑎᑕᐅᖁᓪᓗᒋᑦ ᐱᔪᓐᓇᕐᓂᕐᓂᒃ ᐊᑭᑐᓗᐊᖏᑦᑐᓂᒃ ᐃᒡᓗᓂᒃ, ᐱᖃᓯᐅᑎᓪᓗᒋᑦ ᑮᓇᐅᔭᖃᖅᑎᑦᑎᒃᑲᓐᓂᕐᓗᑎᒃ ᖄᖓᒍᑦ ᐱᖃᑦᑕᖅᑕᖏᑦᑕ ᑮᓇᐅᔭᓂᒃ ᑕᐃᑰᓇ ᓴᖅᑭᑦᑎᕙᓪᓕᐊᓂᐊᕐᓗᑎᒃ ᐊᑭᑐᓗᐊᙱᑦᑐᓂᒃ ᐃᒡᓗᒃᓴᓄᑦ ᐱᓕᕆᐊᖑᔪᒃᓴᓂᒃ, ᑲᒪᔪᑕᐅᓗᓂ ᐊᑭᑐᓗᐊᖅᑐᓄᑦ ᐃᒡᓗᖃᖅᑎᑦᑎᓂᒃᑯᑦ ᐅᑭᐅᖅᑕᖅᑐᒥ, ᐃᑲᔪᖅᑐᐃᓂᖅ ᐊᑭᑐᓗᐊᙱᑦᑐᒃᑯᑦ ᐃᒡᓗᓂᒃ ᐃᓐᓇᕐᓄᑦ, ᓄᑖᙳᖅᑎᕆᓂᖅ ᐅᐸᒃᑕᕐᕕᐅᔪᓂᒃ ᐱᓂᕐᓗᒃᑕᐅᓯᒪᔪᓄᑦ ᐃᓚᒌᓂ ᐱᑦᑎᐊᖏᓴᐅᑎᕙᒃᑐᓄᑦ ᐊᒻᒪᓗ ᑲᒪᔭᕆᐊᖃᕐᓃᑦ ᓱᕋᒃᓯᒪᔪᓕᕆᔭᕆᐊᖃᕐᓂᕐᒧᑦ ᐃᓄᐃᑦ ᐃᒡᓗᖁᑎᒋᓐᓂᒃ.     

ᒐᕙᒪᑐᖃᒃᑯᑦ ᐊᑐᖅᑐᒃᓴᖁᑎᖏᑦ 2016-ᒥ  ᑮᓇᐅᔭᓂᒃ ᐊᑐᖅᐸᓪᓕᐊᔪᑎᒃᓴᑦ ᐊᑭᑐᓗᐊᙱᑦᑐᓄᑦ ᐃᒡᓗᓄᑦ ᐃᒪᐃᑎᑦᑎᓂᐊᕐᒪᑦ ᐃᑲᔫᑎᓗᓂ ᑕᐃᒃᑯᓄᖓ ᐱᔭᕆᐊᖃᓗᐊᖅᑐᓄᑦ, ᐱᖃᓯᐅᑎᓪᓗᒍ ᓄᓇᕗᑦ, ᐊᒻᒪᓗ ᐃᖅᑲᓇᐃᔮᒃᓴᓂᒃ ᓴᖅᑭᑦᑎᓂᐅᓇᔭᖅᑐᑦ ᐃᑲᔫᑎᓇᔭᕐᒪᑕ ᐱᕈᖅᐹᓪᓕᖅᑎᑦᑎᓗᑎᒃ ᑲᓇᑕᒥ ᒪᑭᒪᔾᔪᑎᒃᓴᓄᑦ ᓴᓗᒪᔪᒃᑯᑦ ᐊᒻᒪᓗ ᑲᔪᓯᔪᓐᓇᖅᑐᑎᒍᑦ. ᒐᕙᒪᑐᖃᒃᑯᑦ ᐊᒻᒪᓗ ᓄᓇᕘᒥ ᒐᕙᒪᐅᔪᑦ ᐱᓕᕆᖃᑎᒌᖕᓂᐊᕐᒪᑕ ᑲᑐᔾᔨᓗᑎᒃ ᑐᐊᕕᕐᓂᖅᓴᒃᑯᑦ ᐃᖏᕐᕋᑎᑦᑎᓗᑎᒃ ᓄᑖᓂᒃ ᑮᓇᐅᔭᓂᒃ ᐊᑐᖅᑐᒃᓴᓂᒃ.     

 

ᐅᖃᖅᑕᐅᔪᑦ

“ᑕᒪᕐᒥᑦᑎᐊᖅ ᑲᓇᑕᒥᐅᑦ ᐱᔪᓐᓇᕆᐊᖃᕐᒪᑕ ᐊᒻᒪᓗ ᖁᐊᖅᓵᕐᓇᙱᑦᑐᒥ ᐃᒡᓗᖃᕐᓗᑎᒃ, ᓈᒪᒃᑐᓂ ᐊᒻᒪᓗ ᐊᑭᑐᓗᐊᖏᓪᓗᑎᒃ. ᑕᒪᒃᑯᑎᒎᓇᖅ ᓄᑖᑎᒍᑦ ᐊᑐᖅᑐᒃᓴᑎᒍᑦ ᐃᒡᓗᓄᑦ, ᑖᒃᑯᐊ ᒐᕙᒪᒃᑯᑦ ᐃᑲᔪᕐᒪᑕ ᓴᙱᒃᑎᕆᓇᓱᒃᖢᑎᒃ ᒪᑭᒪᔾᔪᑎᒃᓴᓄᑦ ᐊᒻᒪᓗ ᐱᐅᓯᒋᐊᖅᑎᑦᑎᔪᒪᓂᕐᒧᑦ ᐃᓅᓯᑦᑎᐊᕆᒋᐊᖃᕐᓂᕐᒧᑦ ᑲᓇᑕᒥᐅᓄᑦ, ᐃᓂᖃᖅᑎᑦᑎᑦᑎᐊᕐᓂᒃᑯᑦ ᐊᒻᒪᓗ ᐱᕈᕐᕕᖃᑦᑎᐊᕐᓂᒃᑯᑦ.” - ᔩᓐ-ᐃᕝᔅ ᑐᑯᓗᔅ, ᒐᕙᒪᑐᖃᒃᑯᓐᓂ ᒥᓂᔅᑕᐅᔪᖅ ᐃᓄᓕᕆᓂᕐᒧᑦ ᐊᒻᒪᓗ ᒥᓂᔅᑕᐅᔪᖅ ᑲᓇᑕᒥ ᓇᖕᒥᓂᖅᑖᖅᐸᓪᓕᐊᓂᕐᒧᑦ ᐊᑭᓪᖅᓱᒐᒃᓴᓄᑦ ᐊᒻᒪᓗ ᐃᒡᓗᓕᕆᓂᕐᒧᑦ  

“ᑮᓇᐅᔭᖃᖅᑎᑦᑎᔾᔪᑕᐅᔪᑦ ᓄᓇᕘᒥ ᐃᒡᓗᓄᑦ ᐃᒪᐃᑑᖕᒪᑦ ᑮᓇᐅᔭᖃᖅᑎᑦᑎᓂᖅ ᑲᓇᑕᐅᑉ ᓯᕗᓂᒃᓴᖓᓄᑦ.   ᐊᑭᑐᓗᐊᖏᓐᓂᖅᓴᐅᔪᓂᒃ ᐃᒡᓗᒃᓴᖅᑕᐅᖃᐅᕐᓂᖅᓴᐅᓕᕐᓗᓂ ᐊᒻᒪᓗ ᐱᐅᓯᒋᐊᖅᓯᒪᔪᒃᑯᑦ ᐃᓄᑦᑎᐊᕐᓂᖅᓴᐅᓕᕐᓗᑎᒃ ᑕᒪᓐᓇ ᓯᕗᓪᓕᐅᔭᐅᔪᒪᖕᒪᑦ ᒐᕙᒪᑦᑎᓐᓂᑦ. ᓄᓇᕗᑦ ᒐᕙᒪᖓᑦ ᑐᙵᓱᒃᑎᑦᑎᕗᑦ ᐃᓚᒋᐊᕈᑎᓂᒃ ᑮᓇᐅᔭᓂᒃ ᐃᑲᔫᑎᓂᐊᕐᒪᑕ ᖁᕝᕙᖅᑎᑦᑎᕚᓕᕐᓗᑎᒃ ᐊᒃᓱᕉᑕᐅᖃᑦᑕᖅᑐᓄᑦ ᐃᒡᓗᓄᑦ ᓄᓇᕘᒥ.”–ᔪᐊᔨ ᑯᒃᓱᒃ, ᒥᓂᔅᑕ ᑲᒪᒋᔭᓕᒃ ᓄᓇᕘᒥ ᐃᒡᓗᓕᕆᔨᕐᔪᐊᒃᑯᓐᓄᑦ  

 

ᓱᓕᔪᑦ

  • ᑲᓇᑕᒧᑦ ᑐᓂᓯᓂᐊᖅᑐᑦ ᐃᓚᒋᐊᕈᑎᓂᒃ $84 ᒥᓕᐊᓐᓂᒃ ᐊᕐᕌᒎᒃ ᒪᕐᕈᒃ ᐃᓗᐊᓂ ᐃᑲᔪᕈᒪᓪᓗᑎᒃ ᐃᓄᖕᓂᒃ ᓄᓇᕘᒥ ᐱᔪᓐᓇᕐᕕᖃᖁᓪᓗᒋᑦ ᐊᑭᑐᓗᐊᖏᑦᑐᓂᒃ ᐃᒡᓗᖃᕐᓂᕐᒧᑦ.   
  •  ᒪᕐᕉᒃ ᐃᓗᐊᓂ, ᒐᕙᒪᒃᑯᑦ ᑲᓇᑕᒧᑦ, ᑖᑯᑎᒎᓇᖅ IAH-ᑯᑦ, ᑐᓂᓯᓂᐊᖅᑐᑦ ᓄᓇᕘᒧᑦ ᐅᑯᓂᖓ: 
    -$1.2 ᒥᓕᐊᓐ ᐅᖓᑖᓃᑦᑐᓂᒃ ᐃᑲᔫᑎᖃᕐᓗᑎᒃ ᓴᓇᔭᐅᔭᕆᐊᓕᖕᓄᑦ, ᓱᕋᒃᓯᒪᔪᓕᕆᔭᐅᔭᕆᐊᓕᖕᓄᑦ ᐊᒻᒪᓗ ᐊᑐᖔᓕᖅᐸᓪᓕᐊᓂᕐᒧᑦ ᐊᑭᑐᓗᐊᙱᑦᑐᓂᒃ ᐃᒡᓗᓂᒃ ᐃᓐᓇᕐᓄᑦ;  
    -ᓇᑉᐸᑲᓴᖏᑦ ᑮᓇᐅᔭᑦ ᐃᑲᔫᑕᐅᓂᐊᖅᑐᑦ ᓄᑖᙳᖅᑎᕆᓂᕐᒧᑦ ᐃᒡᓗᖃᙱᑦᑐᓂᑦ ᐅᐸᒃᑕᕐᕕᐅᕙᒃᑐᓄᑦ ᐊᒻᒪᓗ ᐅᐸᒃᑕᕐᕕᐅᕙᒃᑐᓄᑦ ᐱᓂᕐᓗᒃᑕᐅᓯᒪᔪᓄᑦ ᐃᓚᒌᔭᐅᔪᓂᑦ ᐱᑦᑎᐊᖏᓴᒃᑐᖃᖅᓯᒪᔭᕌᖓᑦ;
    - ᐊᒻᒪᓗ  $2.6 ᒥᓕᐊᓐ ᑮᓇᐅᔭᑦ ᐃᑲᔫᑕᐅᓂᐊᖅᑐᑦ ᑲᒪᔾᔪᑕᐅᓗᑎᒃ ᐅᓄᖅᓯᕙᓪᓕᐊᑐᐃᓐᓇᖅᑐᓄᑦ ᓱᕋᒃᓯᒪᔪᓕᕆᓂᕐᒧᑦ ᐃᓄᖕᓂᑦ ᐃᒡᓗᒋᔭᐅᔪᑦ ᓄᑕᐅᔪᓐᓃᖅᐸᓪᓕᐊᑎᓪᓗᒋᑦ.  
  • ᐱᑕᓖᑦ ᑮᓇᐅᔭᑦ ᑕᐃᑰᓇ ᐃᐊᔅ-ᑯᑎᒍᑦ, ᑮᓇᐅᔭᖃᖅᑎᑕᐅᔪᑕᐅᕙᒃᑐᑦ ᒐᕙᒪᐅᔪᓂᑦ ᑲᓇᑕᒥ ᐊᒻᒪᓗ ᓄᓇᕘᒥ ᑕᐳᖦᖢᒋᑦ ᐅᓄᖅᓯᒋᐊᖅᑐᑦ $6 ᒥᓕᐊᓐᓂᒃ ᐊᕐᕌᒎᒃ ᒪᕐᕉᒃ ᐃᓗᐊᓂ ᐊᑐᖅᑕᐅᓇᔭᖅᑐᑦ.     
  • ᐊᑭᑐᓗᐊᙱᑦᑐᓂᒃ ᐃᒡᓗᓂᒃ ᑕᐃᒪᐃᓕᖓᑎᓪᓗᒍ ᖁᑦᑎᒃᑐᒦᖢᓂ ᐅᑭᐅᖅᑕᖅᑐᒥ ᓄᓇᓕᐅᔪᓂ, ᒐᕙᒪᒃᑯᑦ ᑲᓇᑕᒧᑦ ᐃᓚᒋᐊᖅᑎᑦᑎᕗᑦ $76.7 ᒥᓕᐊᓐᓂᒃ ᐊᕐᕌᒎᖕᓄᑦ ᒪᕐᕉᖕᓄᑦ ᑲᒪᔪᑕᐅᓂᐊᖅᑐᑦ ᑐᐊᕕᕐᓇᖅᑐᓄᑦ ᐃᒡᓗᖃᖅᑎᑦᑎᔭᕆᐊᖃᕐᓂᕐᒧᑦ ᐱᔭᐅᔭᕆᐊᓕᖕᓂᒃ ᓄᓇᕘᒥ.    
  • ᒐᕙᒪᒃᑯᑦ, ᓄᓇᕘᒥ ᐃᒡᓗᓕᕆᔨᕐᔪᐊᒃᑯᑎᒍᑦ, ᑲᒪᒋᔭᖃᕐᒪᑕ ᓂᕈᐊᕈᓐᓇᕐᓂᕐᒥᒃ ᐱᓕᕆᐊᒃᓴᐅᓇᔭᖅᑐᓄᑦ ᐃᒻᒥᖕᓂᒃ ᐋᖅᑭᒃᑕᒥᖕᓄᑦ ᐊᒻᒪᓗ ᑲᔪᓯᑎᓪᓗᒍ, ᐊᒻᒪᓗᑦᑕᐅᖅ ᖃᓄᖅᑑᖓᕈᓐᓇᕋᔭᕆᓪᓗᑎᒃ ᑮᓇᐅᔭᑦ ᐊᑐᖔᕈᓐᓇᖅᖢᓂᔾᔪᒃ ᐊᑭᑐᓗᐊᙱᑦᑐᓄᑦ ᐃᒡᓗᖃᖅᑎᑦᑎᓂᕐᒧᑦ ᐱᓕᕆᐊᓂᒃ ᐱᔭᐅᔪᒪᕙᒃᑐᑦ ᐱᔭᐅᑦᑎᐊᖁᓪᓗᒋᑦ. ᐆᒃᑑᑎᒋᓗᒍ, ᐱᓕᕆᐊᒃᓴᑦ ᒪᑯᐊ ᐃᓚᒋᔪᓐᓇᖅᑕᖏᑦ ᓄᑖᓂᒃ ᓴᓇᑎᑦᑎᓗᑎᒃ, ᓄᑖᙳᖅᑎᕆᓗᑎᒃ, ᐊᑭᑐᓗᐊᙱᑦᑐᒃᑯᑦ ᐃᑲᔪᖅᑕᐅᔪᑎᑦ ᐊᒻᒪᓗ ᐃᒻᒥᒃᑯᑦ ᐃᓛᒃᑯᑦ ᐃᓅᓇᓱᖕᓂᕐᒧᑦ (ᐱᕗᓐᓇᕐᕕᖃᕐᕕᐆᓐᓇᕐᓗᑎᒃ, ᐊᖅᑭᒋᐊᖅᑕᐅᔪᓐᓇᕐᓗᑎᒃ ᐃᓄᖕᓄᑦ ᐊᔪᕈᑎᓕᖕᓄᑦ ᐊᒻᒪᓗ ᐃᓐᓇᐅᔪᓄᑦ ᐊᑲᐅᓇᔭᖅᑐᑦ), ᐊᒻᒪᓗ ᐃᑲᔪᖅᑐᐃᓗᑎᒃ ᐃᓂᖃᖅᑎᑦᑎᔪᓐᓇᕐᓂᕐᒧᑦ ᐱᓂᕐᓗᒃᑕᐅᓯᒪᔪᓂᒃ ᐱᑦᑎᐊᖏᓴᖕᓂᕐᓂᑦ.

 

ᑲᓲᑎᓯᒪᒋᑦ ᐊᑕᓗᑎᑦ

  • ᑲᓇᑕᒥ ᐃᒡᓗᒥᒃ ᐊᑭᓕᖅᓱᐃᓂᕐᒧᑦ ᐊᒻᒪᓗ ᐃᒡᓗᓕᕆᔨᕐᔪᐊᒃᑯᑦ (CMHC) ᐃᑲᔪᖃᑦᑕᖅᓯᒪᖕᒪᑕ ᑲᓇᑕᒥᐅᓂᒃ ᐱᔪᒪᔭᖏᓐᓂᒃ ᐱᑎᑦᑎᕙᒃᖢᑎᒃ ᐊᕐᕌᒍᓄᑦ 70 ᐅᖓᑖᓃᓕᖅᑐᑦ. ᑲᓇᑕᐅᑉ ᐱᔪᓐᓇᖅᑎᑦᑎᓂᕆᕙᒃᑕᖏᑦ ᐃᒡᓗᖃᖅᑎᑦᑎᓂᕐᒧᑦ, CMHC-ᑯᑦ ᐃᑲᔪᖅᓯᒪᕗᑦ ᐊᑦᑕᕐᓇᖅᑐᒦᑎᑦᑎᓇᑎᒃ ᐃᒡᓗᓂᒃ ᓂᐅᕕᖅᑎᑦᑎᕙᖕᓂᖅ ᐱᓪᓗᒍ ᐊᒻᒪᓗ ᑮᓇᐅᔭᓕᕆᔪᓯᒃᑯᑦ, ᐃᑲᔪᖅᑐᐃᔪᑕᐅᔪᑦ ᑲᓇᑕᒥᐅᓄᑦ ᐃᒡᓗᖃᕆᐊᖃᕐᓂᖏᓐᓄᑦ, ᐊᒻᒪᓗ ᒪᓂᒪᑎᑦᑎᓂᖅ ᓇᓕᐊᖕᓅᖓᙱᑦᑐᒃᑯᑦ ᐃᒡᓗᓕᕆᓂᕐᒧᑦ ᖃᐅᔨᓴᕐᓂᕐᓂᒃ ᐊᒻᒪᓗ ᐅᖃᐅᔨᒋᐊᕐᓂᖅ ᑲᓇᑕᒥᐅᑦ ᒐᕙᒪᖏᓐᓂᒃ, ᓂᐅᕕᖅᐸᒃᑐᓂᒃ ᐊᒻᒪᐅ ᐃᒡᓗᓂᒃ ᓴᓇᑎᑦᑎᖃᑦᑕᕐᓂᕐᒧᑦ. ᐅᔾᔨᖅᓱᕕᒡᔪᐊᕐᓗᒋᑦ ᐊᑦᑕᕐᓇᖅᑐᒃᑯᑦ ᐊᐅᓚᑎᓃᑦ, ᓴᙱᔪᒃᑯᓪᓗ ᐊᐅᓚᑎᕕᓖᑦ ᐊᐅᓚᑎᓂᖏᑦ ᐊᒻᒪᓗ ᐃᓚᐃᓐᓈᖅᑕᐃᓕᒪᓂᕐᒧᑦ ᖃᓄᐃᓕᖓᔪᑕᐅᕗᑦ CMHC-ᑯᑦ ᐊᐅᓚᑦᑎᓂᖏᑦᑎᒍᑦ. ᑐᑭᓯᒋᐊᒃᑲᓐᓂᕈᒪᓗᓂ, ᐅᖄᓚᔪᓐᓇᖅᑐᑦ 1-800-668-2642 ᐅᕝᕙᓘᓐᓃᑦ ᑕᑯᒋᐊᕐᓗᑎᒃ ᐅᕗᖓ www.cmhc.ca ᐅᕝᕙᓘᓐᓃᑦ ᒪᓕᒃᑕᐅᓗᑕ ᐅᕘᓇ Twitter, YouTube, LinkedIn ᐅᕝᕙᓘᓐᓃᑦ Facebook
  • ᓄᓇᕘᒥ ᐃᒡᓗᓕᕆᔨᕐᔪᐊᒃᑯᑦ (NHC) ᑭᒃᑯᑐᐃᓐᓇᕐᓂᑦ ᑐᑦᑕᕐᕕᐅᖕᒪᑕ ᓄᓇᕗᑦ ᒐᕙᒪᒃᑯᓐᓂ, ᓴᖅᑭᑕᐅᓂᑯ ᓄᓇᕘᒥ ᒪᓕᒐᓕᐅᕐᕕᒃᑯᑦ ᓄᓇᕘᒥ ᐃᒡᓗᓕᕆᔨᕐᔪᐊᒃᑯᑦ ᒪᓕᒐᖏᑦᑎᒍᑦ. ᓄᓇᕘᒥ ᐃᒡᓗᓕᕆᔨᕐᔪᐊᒃᑯᑦ ᑕᐅᑐᙳᐊᖅᑕᖓᑦ ᐃᒪᐃᑎᑦᑎᑎᐊᕆᐊᖃᕐᓂᕐᒧᑦ ᐃᓚᒌᑦ ᐊᒻᒪᓗ ᐃᓄᑐᐊᖑᒐᓗᐊᑦ ᓄᓇᕘᒥ ᐊᔪᙱᓪᓗᑎᒃ ᐃᒡᓗᖃᖅᑎᑕᐅᔪᓐᓇᕐᓂᕐᒧᑦ ᐊᑭᑐᓗᐊᖏᑦᑐᑎᒍᑦ ᓇᓪᓖᕌᕈᓐᓇᕐᓂᒃᑯᑦ. ᑐᒃᓯᓯᒋᐊᒃᑲᓐᓂᕈᒪᓗᓂ ᑕᒪᒃᑯᐊ ᐱᓕᕆᐊᑦ ᒥᒃᓵᓄᑦ ᐊᒻᒪᓗ ᐱᔨᑦᑎᕈᑎᑦ, ᐅᕗᖓ ᖃᐅᔨᒋᐊᕈᓐᓇᖅᐳᑦ www.nunavuthousing.ca.

 

ᑐᓴᒐᒃᓴᓂᒃ ᖃᐅᔨᒋᐊᕐᕕᐅᔪᓐᓇᖅᑐᑦ

ᒫᑎᐅ ᕕᓕᐊᓐ

ᑐᑭᒧᐊᒃᑎ ᑐᓴᒐᒃᓴᓕᕆᓂᕐᒧᑦ

ᑎᑎᕋᕐᕕᐊ ᒥᓂᔅᑕ ᑐᑯᓗᔅ   Duclos

ᐅᖄᓚᐅᑖ.: 819-654-5546

ᐃᕐᖐᓐᓈᖅᑕᐅᑖ: Mathieu.filion@hrsdc-rhdcc.gc.ca

 

ᐊᕆᐅᓪ ᓯᑖᒃᑎᐅᓪ 

ᑐᑭᒧᐊᒃᑎᐅᓚᐅᑲᒃᑐᖅ, ᐊᑐᐊᒐᕐᓄᑦ ᐊᒻᒪ ᖃᓄᐃᓕᐅᕈᑎᒃᓴᓄᑦ ᐱᕙᒌᔭᐃᓂᕐᒧᑦ 

ᓄᓇᕘᒥ ᐃᒡᓗᓕᕆᔨᕐᔪᐊᒃᑯᑦ

ᐅᖄᓚᐅᑦ: 867-975-7200, ᑐᕋᕐᕕᐊ. 7217

ᐃᕐᖐᓐᓈᖅᑕᐅᑖ: astockdale@gov.nu.ca

 

 

ᐅᖃᐅᓯᐅᔪᑦ ᐅᓂᒃᑲᐅᓯᐅᓪᓗᑎᒃ

ᑮᓇᐅᔭᖃᖅᑎᑦᑎᓂᖅ ᐊᑭᑐᓗᐊᙱᑦᑐᓂᒃ ᐃᒡᓗᖃᖅᑎᑦᑎᓂᕐᒧᑦ ᑲᓇᑕᒥ 

ᐊᑐᖅᑕᐅᓂᐊᖅᑐᑦ ᐊᕐᕌᒎᒃ ᒪᕐᕉᒃ ᐃᓗᐊᓂ ᑲᓇᑕᒥᐅᑦ ᐱᔪᓐᓇᕐᓂᖅᓴᐅᖁᓪᓗᒋᑦ ᐊᑭᑐᓗᐊᙱᑦᑐᓂᒃ ᐃᒡᓗᓂᒃ ᒪᑯᐊᖑᕗᑦ:

  • < >-ᑯᑦ ᑮᓇᐅᔭᖁᑎᖏᑦᑎᒍᑦ ᐅᓄᖅᓯᑎᑕᐅᒋᐊᕐᓂᖏᑦ ᓇᓕᒧᑕᖏᑦᑎᒍᑦ ᒐᕙᒪᐅᔪᓂᑦ ᑲᓇᑕᒧᑦ ᐊᒻᒪᓗ ᐊᕕᒃᑐᖅᓯᒪᐅᖅᑐᑦ ᓄᓇᓕᕐᔪᐊᑦ ᐊᒻᒪᓗ ᓄᓇᕗᑦ, ᐅᖓᑖᓃᑐᑦ $1 ᐱᓕᐊᓐ ᐅᖓᑖᓃᑐᑦ ᐊᕐᕌᒎᒃ ᒪᕐᕈᒃ ᐃᓗᐊᓂ, ᐱᒋᐊᕐᓗᑎᒃ 2016-2017 ᐊᒻᒪᓗ 2017-2018-ᒧᑦ. < > ᐃᐊᔅ-ᑯᑎᒍᑦ, ᑲᓇᑕᒧᑦ ᒐᕙᒪᒃᑯᑦ ᐱᑎᑦᑎᓂᐊᕐᒥᔪᑦ ᐊᕐᕌᒎᒃ ᒪᕐᕉᒃ ᐃᓗᐊᓂ: 
    -$200.1 ᒥᓕᐊᓐ ᐃᑲᔫᑕᐅᓂᐊᖅᖢᑎᒃ ᐃᒡᓗᓕᐅᕐᓂᕐᒧᑦ, ᓱᕋᒃᓯᒪᔪᓕᕆᓂᕐᒧᑦ ᐊᒻᒪᓗ ᐊᑐᓕᖔᕐᓂᕐᒧᑦ ᐊᑭᑐᓗᐊᙱᑦᑐᓂᒃ ᐃᒡᓗᓂᒃ ᐃᓐᓇᕐᓄᑦ;    
    -$89.9 ᒥᓕᐊᓐ ᐃᑲᔫᑕᐅᓂᐊᖅᑐᑦ ᐱᓂᕐᓗᒃᑕᐅᓯᒪᔪᓄᑦ ᐱᑦᑎᐊᖏᓴᖕᓂᕐᒥᑦ, ᐊᒻᒪᓗ ᓴᓇᑎᑦᑎᓗᑎᒃ ᐊᒻᒪ ᓄᑖᙳᖅᑎᕆᓗᑎᒃ ᐊᖏᕐᕋᖃᙱᑦᑐᓂᑦ ᐅᐸᒃᑕᕐᕕᒃᓴᓂᒃ ᐊᒻᒪᓗ ᐃᓂᒋᔭᐅᔪᓐᓇᖃᑦᑕᕋᔭᖅᑐᓂᒃ ᐃᒡᓗᓂᒃ; ᐊᒻᒪᓗ   
    -$177.7 ᒥᓕᐊᓐ[i] ᐱᓕᕆᔪᑕᐅᓂᐊᖅᑐᑦ ᐃᒡᓗᖃᖅᑎᑦᑎᓂᕐᒧᑦ ᐱᔭᕆᐊᓕᖕᓂᒃ ᐅᑭᐅᖅᑕᖅᑑᑉ ᓄᓇᓕᖏᓐᓂ. 
    -$490 ᒥᓕᐊᓐ  ᐱᐅᓯᑎᑦᑎᒋᐊᕈᑕᐅᓗᑎᒃ ᐊᒻᒪᓗ ᓄᑖᙳᖅᑎᕆᔾᔪᑕᐅᓗᑎᒃ ᑭᒃᑯᑐᐃᓐᓇᐃᑦ ᐃᒡᓗᖏᓐᓂᒃ ᑲᓇᑕᒥ. ᑖᒃᑯᐊ ᑮᓇᐅᔭᑦ ᐃᓚᒋᐊᕈᑏᑦ ᑖᒃᑯᓄᖓ $77.7 ᒥᓕᐊᙳᔪᓄᑦ ᑐᓐᓂᖅᑯᑕᐅᓂᐊᖅᑐᓄᑦ ᒐᕙᒪᐅᔪᓂᑦ ᑲᓇᑕᒥ, ᑖᑯᑎᒎᓇᖅ ᑲᓇᑕᒥ ᐃᒡᓗᑖᕐᓂᕐᒧᑦ ᐊᑭᓕᖅᓱᐃᓂᕐᒧᑦ ᐊᒻᒪᓗ ᐃᒡᓗᓕᕆᔨᐅᔪᓄᑦ.

 

[i] ᐃᓚᖓ ᑮᓇᐅᔭᑦ ᐊᑐᖅᑕᐅᑐᐃᓐᓇᕆᐊᓖᑦ ᑲᔪᓯᑎᑕᐅᓗᑎᒃ ᒐᕙᒪᑐᖃᒃᑯᑎᒍᑦ (INAC).