ᐅᖃᓚᐅᑎᓯᐅᑏᑦ

You are here

ᐊᕐᕕᐊᓂ ᕼᐋᒻᒪᓚᒃᑯᑦ ᑎᑎᕋᕐᕕᖓᑦ ᐅᒃᑯᐃᖅᑕᐅᓂᐊᕐᓂᖓ

ᓄᕕᐱᕆ 24, 2015

ᑐᓴᒐᒃᓴᖅ ᓴᖅᑭᑕᖅ

ᓴᖅᑭᑕᐅᑲᐅᑎᒋᔭᕆᐊᓕᒃ

ᐊᕐᕕᐊᓂ ᕼᐋᒻᒪᓚᒃᑯᑦ ᑎᑎᕋᕐᕕᖓᑦ ᐅᒃᑯᐃᖅᑕᐅᓂᐊᕐᓂᖓ

ᐊᕐᕕᐊᑦ, ᓄᓇᕗᑦ (ᓄᕕᐱᕆ 24, 2015) – ᐊᕐᕕᐊᕐᒥᐅᑦ ᐃᓚᒋᔭᐅᕗᑦ ᒥᓂᔅᑕᒧᑦ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᓐᓂᑦ ᔫ ᓴᕕᑲᑖᕐᒧᑦ ᐊᒻᒪᓗ ᐊᕐᕕᐊᓂ ᒪᐃᔭ ᐸᑉ ᓕᐊᓄᑦ ᐅᒃᑯᐃᖅᓯᓂᐊᖅᑎᓪᓗᒋᑦ ᕼᐋᒻᒪᓚᒃᑯᑦ ᑎᑎᕋᕐᕕᒃᑖᓵᖓᓐᓂᒃ ᐅᓪᓗᒥ.

"ᐃᖅᑲᓇᐃᔭᖅᑎᐅᓂᑰᑎᓪᓗᖓ ᕼᐋᒻᒪᓚᒃᑯᓐᓂ ᑎᑎᕋᕐᕕᑐᖃᕕᓂᐊᓂ, ᑐᑭᓯᕗᖓ ᐱᒻᒪᕆᐅᓂᖓᓄᑦ ᑖᓐᓇ ᓴᓇᔭᐅᓂᑰᔪᖅ ᓄᓇᓕᖕᓄᑦ, "ᐅᖃᖅᑐᖅ ᒥᓂᔅᑕ ᕼᐊᓐᑐ ᑑᑑ ᐃᒪᕐᒥᐅᑕᓕᕆᔨᒃᑯᓐᓄᑦ ᑲᓇᑕᒧᑦ, ᐅᖃᐅᓯᒃᓴᕆᔭᖏᑦ ᐅᖃᐅᓯᐅᔪᑦ ᖃᓄᐃᓕᐅᕐᓂᐅᔪᒥ. "ᐱᕈᖅᐸᓪᓕᐊᖕᒪᑦ ᓄᓇᓕᐅᔪᖅ ᐊᒻᒪᓗ ᓂᕆᐅᒃᐳᖓ ᑲᔪᓯᔪᒃᑯᑦ ᐱᕙᓪᓕᐊᓂᐅᓂᐊᖅᑐᓂᒃ ᑕᒪᐃᓐᓂ ᓄᓇᓕᐅᔪᓂ ᓄᓇᕘᒥ."

"ᖁᕕᐊᒋᑦᑎᐊᖅᐸᕋ ᑕᕝᕙᓃᑐᓐᓇᕋᒪ, ᓄᓇᓐᓂ ᐊᖏᕐᕋᕆᓪᓗᒍ, ᐅᒃᑯᐃᖅᓯᓂᐊᖅᑎᓪᓗᑕ ᐊᕐᕕᐊᓂ ᕼᐋᒻᒪᓚᒃᑯᑦ ᑎᑎᕋᕐᕕᖓᓐᓂᒃ,"ᐅᖃᖅᑐᖅ ᒥᓂᔅᑕ ᓴᕕᑲᑖᖅ. "ᐱᖏᖕᓇᐃᔭᐃᕙᓪᓕᐊᑎᓪᓗᑕ ᐱᐅᔪᑎᒍᑦ ᓇᑉᐸᖅᑎᕆᐊᓕᖕᓄᑦ ᓴᙱᓂᕆᖕᒪᒋᑦ ᓄᓇᓖᑦ ᒪᑭᒪᔾᔪᑎᒃᓴᖏᑦᑕ, ᖃᓄᐃᖏᓪᓗᑎᒃ ᐊᒻᒪᓗ ᐱᕈᖅᐸᓪᓕᐊᑦᑎᐊᕐᓗᑎᒃ ᐱᔭᕆᐊᖃᖅᑎᓪᓗᒋᑦ. ᓄᓇᕘᒥ ᒐᕙᒪᒃᑯᑦ ᐱᓕᕆᑦᑎᐊᕐᓂᐊᕐᓂᕋᖅᓯᒪᖕᒪᑕ ᓄᓇᓕᓕᒫᑦ ᑲᔪᓯᑎᑦᑎᐊᕐᓗᒋᑦ. ᖃᐅᔨᒪᑦᑎᐊᖅᐳᖓᓗ ᑖᓐᓇ ᐃᒡᓗᕐᔪᐊᖅ ᐱᔪᒥᒋᔭᐅᑦᑎᐊᕐᓂᐊᕐᒪᑦ ᐱᕙᓪᓕᐊᓂᒃᑯᑦ ᐱᓕᕆᐊᑎᒍᑦ ᐊᒻᒪᓗ ᐱᓕᕆᐊᖑᔪᒃᓴᓄᑦ ᐊᕐᕕᐊᓂ."

"ᐊᖏᓛᖑᖃᑕᐅᑎᓪᓗᒍ ᐊᒻᒪᓗ ᓱᒃᑲᓕᔪᒻᒪᕆᒃᑯᑦ ᐱᕈᖅᐸᓪᓕᐊᑎᓪᓗᒍ ᓄᓇᓕᒃ ᓄᓇᕘᒥ, ᐱᓕᕆᐊᒃᓴᖏᑦ ᕼᐋᒻᒪᓚᒃᑯᑦ ᐅᓄᖅᓯᕙᓪᓕᐊᖏᓐᓇᐅᔭᕐᒪᑕ, ᐊᒻᒪᓗ ᐃᓂᒃᓴᐃᕈᑎᓕᓚᐅᕋᑦᑕ ᓯᕗᓂᐊᒍᑦ, "ᐅᖃᖅᑐᖅ ᒪᐃᔭ ᓕᓇᑦ. "ᖁᔭᓕᔪᒪᕙᒃᑲ ᑭᒃᑯᓕᒫᑦ ᖃᐃᔪᑦ ᑕᕝᕗᖓ ᖃᓄᐃᓕᐅᕐᓂᐅᔪᒧᑦ – ᕼᐋᒻᒪᓚᒃᑯᑦ ᑲᑎᒪᔨᖏᑦ ᐊᒻᒪᓗ ᑎᑎᕋᕐᕕᖕᒥᐅᑕᑦ, ᓄᓇᕗᑦ ᒐᕙᒪᑯᑦ, ᑲᓇᑕᒥ ᒐᕙᒪᒃᑯᑦ, ᓴᓇᔨᐅᓚᐅᖅᑐᑦ, ᑳᓐᑐᓚᒃᑎᐅᓚᐅᖅᑐᓪᓗ, ᐊᒻᒪᓗ ᑭᒃᑯᑐᐃᓐᓇᐃᑦ ᐃᓚᐅᖃᑕᐅᓂᑰᔪᑦ ᑖᓱᒧᖓ ᓴᓇᔭᐅᑎᓪᓗᒍ."

ᐊᕐᕕᐊᕐᒥᐅᑦ ᕼᐋᒻᒪᓚᒃᑯᑦ ᑎᑎᕋᕐᕕᕕᓂᖓᑦ ᓄᑕᐅᖏᓗᐊᓕᓚᐅᕐᒪᑦ ᐊᒻᒪᓗ ᑲᒫᓂᔪᓐᓇᐃᓕᓚᐅᖅᖢᑎᒃ ᐱᓕᕆᐊᒃᓴᓂᒃ ᑕᐃᑲᓂ ᐱᕈᖅᐸᓪᓕᐊᔪᒥ ᓄᓇᓕᐅᔪᒥ. ᑖᓐᓇ ᓄᑖᖑᔪᖅ ᐆᒪᖅᑯᑎᑐᓗᐊᖏᑦᑐ ᓴᓇᔭᐅᓯᒪᔪᖅ ᐃᒡᓗᕐᔪᐊᖅ ᐃᖅᑲᓇᐃᔭᖅᑎᖏᑦ ᑎᑎᕋᕐᕕᖃᐅᕋᔭᖅᑐᑦ ᐊᒻᒪᓗ ᐊᖏᓂᖅᓴᒥᒃ ᑲᑎᒪᕕᖃᓕᕐᓗᑎᒃ, ᐃᓄᖕᓂᒡᓗ ᑭᒃᑯᑐᐃᓐᓇᕐᓂᑦ ᑲᑎᒪᕕᐅᔪᓐᓇᕐᓗᓂ ᐊᒻᒪᓗ ᐊᑭᓗᖕᓂᖅᓴᒃᑯᑦ ᐊᐅᓚᑦᑎᑕᐅᓇᔭᕐᓂᐊ ᕼᐋᒻᒪᓚᐅᔫᑉ.

ᐃᒃᓯᕙᐅᑕᖏᑦ ᐋᖅᑭᒃᑕᐅᒋᐊᖅᓯᒪᓕᕐᓂᖏᓐᓄᑦ ᓄᓇᓕᖕᒥᐅᑦ ᑲᑎᒪᔪᓂ ᐃᓚᐅᔪᓐᓇᓕᖅᑐᑦ ᑕᐅᑐᒋᐊᖅᑐᕐᓗᑎᒃ ᓈᓚᒋᐊᖅᑐᕐᓗᑎᒃ ᐊᒻᒪᓗ ᒫᓐᓇᓕᓴᐅᓚᓂᒃ ᖃᐅᔨᒪᕙᓕᕐᓗᑎᒃ ᖃᓄᐃᓕᐅᕐᓂᐅᔪᓂᒃ ᓄᓇᓕᖕᓂ. ᑕᐃᓐᓇ ᓄᑖᖅ 570-ᒥᒃ ᑭᑉᐹᕆᒃᖢᓂ ᒥᑕᓂᑦ ᐅᓄᖅᑎᒋᔪᑦ ᑎᑎᕋᕐᕕᒃᑖᓴᖓᑦ ᕼᐋᒻᒪᓚᒃᑯᑦ ᐱᐅᓂᖅᓴᕐᔪᐊᒃᑯᑦ ᐃᓂᖃᕈᓐᓇᕐᓂᐊᓕᖅᑐᑦ ᑲᑎᒪᕕᒃᓴᒥᒃ ᖃᓄᐃᓕᐅᕐᕕᒃᓴᒥᒃ ᓄᓇᓕᖕᒥᐅᓂᑦ.

ᑲᑎᖦᖢᒋᑦ ᑮᓇᐅᔭᑦ ᐊᑐᖅᑕᐅᓚᐅᖅᑐᑦ ᐱᓕᕆᐊᒧᑦ $10,082,000-ᒥᓕᐊᓐᓂᒃ ᐊᑐᖅᖢᑎᒃ. ᓄᓇᕘᒥ ᒐᕙᒪᒃᑯᑦ ᐃᑲᔪᖅᖢᑎᒃ $2,348,000 –ᒥᓕᐊᓐᓄᑦ ᐱᓕᕆᐊᒧᑦ, ᐊᒻᒪᓗ ᑲᓇᑕᒥ ᒐᕙᒪᒃᑯᑦ ᑐᓐᓂᖅᑯᑎᖃᖅᓯᒪᕗᑦ $7,734,000-ᒥᓕᐊᓐᓂᒃ ᑕᕝᕗᖓ.

###

ᑐᓴᒐᒃᓴᒧᑦ ᖃᐅᔨᒋᐊᕐᕕᒃ:

ᔫᑎ ᑑᑐᕐ-ᐊᕙ

ᑐᑭᒧᐊᒃᑎ ᐊᑐᐊᒐᕐᓄᑦ ᐸᕐᓇᐃᓂᕐᒧᓪᓗ ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ

867-975-5387

jdurdle-awa@gov.nu.ca