ᐅᖃᓚᐅᑎᓯᐅᑏᑦ

You are here

ᐊᖓᔪᖅᑲᐅᑎᑦ ᐊᐅᓚᑦᑎᕕᖕᒥᑦ ᐊᓯᔾᔨᖕᓂᖏᑦ

ᔫᓂ 24, 2016

ᐱᕙᓪᓕᐊᔪᑦ ᓴᖅᑭᑕᑦ

ᐊᖓᔪᖅᑲᐅᑎᑦ ᐊᐅᓚᑦᑎᕕᖕᒥᑦ ᐊᓯᔾᔨᖕᓂᖏᑦ

ᐃᖃᓗᐃᑦ, ᓄᓇᕗᑦ (ᔫᓐ 24, 2016) – ᓯᕗᓕᖅᑎ ᐲᑕ ᑕᑉᑑᓇ ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐊᓯᔾᔨᖕᓂᐅᔪᓂᑦ ᓄᓇᕗᑦ ᒐᕙᒪᒃᑯᖏᑦᑕ ᐊᖓᔪᖅᑲᐅᑎᑦ ᐊᐅᓚᑦᑎᕕᖕᒥᐅᓂᑦ, ᐊᖓᔪᖅᑳᙳᖅᑎᑦᑎᓪᓗᓂᓗ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄᑦ.

"ᓄᒃᑕᖅᑕᐅᒃᑲᓐᓂᖕᓂᖏᑦ ᐊᖓᔪᖅᑲᐅᑎᑦ ᑲᑎᒪᔨᖏᑦ, ᐊᓯᔾᔨᖕᓂᓪᓗᐊᑕᐅᔪᑦ ᒐᕙᒪᑦᑕ ᐊᖓᔪᖅᑲᐅᑎᑦ ᐊᐅᓚᑦᑎᕕᐊᓂᑦ ᓈᒻᒪᐃᓐᓇᖕᓂᐊᖅᐳᑦ ᐊᑐᓕᖅᑎᑕᐅᑦᑎᐊᕐᓗᑎᒡᓗ ᓯᕗᓕᖅᑎᐅᓂᖕᒥᑦ ᓯᕗᒧᑦ ᐊᑉᓗᖅᑕᒧᑦ," ᐅᖃᑦᑐᕕᓂᖅ ᓯᕗᓕᖅᑎ ᑕᑉᑑᓇ. "ᑖᒃᑯᐊ ᐱᔭᒃᓴᖅᑖᑎᑕᑦ ᐃᑲᔪᖅᑐᐃᕗᑦ ᖃᐅᔨᒪᓂᕆᔭᓂ ᐊᔪᙱᓐᓂᕆᔭᓂᒡᓗ ᑭᒃᑯᓕᒫᓄᑦ ᓯᕗᓕᖅᑎᑦᑎᓐᓄᑦ, ᐊᓕᐊᓇᐃᒍᓱᒃᐳᖓᓗ ᐃᓕᒃᑲᓐᓂᕆᐊᖏᑦ ᓴᙱᓂᕆᔭᑦ ᐱᓕᕆᕕᕝᕕᑦᑎᓐᓂᑦ."

ᐱᒋᐊᕐᓗᓂ ᔪᓚᐃ 5, 2016, ᑉᕉᓅ ᐳᕆᐅᕋ ᐊᖓᔪᖅᑳᙳᖕᓂᐊᓕᖅᑐᖅ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓄ, ᑲᓇᑕᓕᒫᒥᑦ ᐱᓇᓱᐊᖅᑐᖃᓚᐅᖅᑳᖅᖢᓂ. ᐳᕆᐅᕋ ᐱᓕᕆᔨᒻᒪᕆᐅᕗᖅ ᐱᓕᕆᔾᔪᑎᓄᑦ ᐱᖃᖅᖢᓂ ᓇᖕᒥᓂᓕᕆᔪᓐᓇᖕᓂᖕᒥᑦ, ᐃᖅᑲᓇᐃᔭᖅᓯᒪᓂᑰᓪᓗᓂᓗ ᐊᕐᕌᒍᑦ 25 ᐅᖓᑖᓄᑦ ᐋᓐᑎᐅᕆᐅᑉ ᐆᒻᒪᖅᑯᓯᓕᕆᔨᒃᑯᖏᓐᓂᑦ.

ᐱᒋᐊᕐᓗᓂ ᔪᓚᐃ 29, 2016 ᐅᑯᐊ ᐊᓯᔾᔨᖕᓂᐅᔪᑦ ᐊᑐᓕᖕᓂᐊᖅᑐᑦ:

ᒃᕆᔅ ᑖᓯ, ᒥᓂᔅᑕᐅᑉ ᑐᒡᓕᖓ ᑮᓇᐅᔭᓕᕆᔨᒃᑯᓐᓄᑦ, ᒥᓂᔅᑕᐅᑉ ᑐᒡᓕᒋᓕᖅᑕᖓ ᒐᕙᒪᓕᕆᔨᒃᑯᓐᓄᑦ, ᒥᓂᔅᑕᐅᑉ ᑎᑎᕋᖅᑎᖓ ᑎᑎᕋᖅᑎᐅᓪᓗᓂᓗ ᐊᖓᔪᖅᑲᐅᑎᓄᑦ.

ᑕᐃᕕᑎ ᐊᕿᐊᕈᖅ, ᒥᓂᔅᑕᐅᑉ ᑐᒡᓕᖓ ᒐᕙᒪᓕᕆᔨᒃᑯᓐᓄ, ᒥᓂᔅᑕᓄᑦ ᑎᑎᕋᖅᑎ ᑎᑎᕋᖅᑎᐅᓪᓗᓂᓗ ᐊᖓᔪᖅᑲᐅᑎᓄᑦ ᐅᑎᖅᑐᖅ ᒥᓂᔅᑕᐅᑉ ᑐᒡᓕᖓᓄᑦ ᐊᕙᑎᓕᕆᔨᒃᑯᓄᑦ.

ᓴᐃᒪᓐ ᐊᕙ, ᒥᓂᔅᑕᐅᑉ ᑐᒡᓕᕆᓚᐅᑲᒃᑕᖓ ᐊᕙᑎᓕᕆᔨᒃᑯᓐᓄᑦ ᐅᑎᖅᐳᖅ ᓇᖕᒥᓂᖅᓱᖕᓂᖕᒧᑦ ᐋᔩᖃᑎᓪᓗᐊᑕᐅᓕᖅᖢᓂ, ᓇᖕᒥᓂᖅᓱᖕᓂᖕᒧᑦ.

ᔭᕗᓕ ᓴᐅᓐ, ᓄᓇᕗᒻᒥᑦ ᑮᓇᐅᔭᓕᕆᔨᒻᒪᕆᒃ, ᒥᓂᔅᑕᐅᑉ ᑐᒡᓕᖓᓄᐊᖅᑕᖅ ᑮᓇᐅᔭᓕᕆᔨᒃᑯᓐᓄᑦ ᑎᑎᕋᖅᑎᐅᓕᖅᖢᓂᓗ ᑮᓇᐅᔭᓂᑦ ᐊᐅᓚᑦᑎᔨᑦ ᑲᑎᒪᔨᖏᓐᓄᑦ.

ᐋᓪᒪ ᐸᐅᐊ, ᑮᓇᐅᔭᓕᕆᔨᒻᒪᕆᐅᑉ ᑐᒡᓕᐊ, ᑮᓇᐅᔭᓕᕆᔨᒻᒪᕆᙳᑲᐃᓐᓇᖅᑐᖅ.

###

ᐱᕙᓪᓕᐊᔪᓕᕆᓂᖕᓄᑦ ᖃᐅᔨᒋᐊᕐᕕᒃᓴᖅ:

ᔭᔅᒦᓇ ᐱᐸ
ᐊᑲᔪᖅᑳᖅ, ᑭᒃᑯᓕᒫᓕᕆᓂᖕᓄᑦ
ᑎᑎᕋᕐᕕᐊᓂᑦ ᓯᕗᓕᖅᑎ ᑕᑉᑑᓇᐅᑉ
ᐅᖄᓚᐅᑖ: 867-975-5059
Email: ypepa@gov.nu.ca