ᐅᖃᓚᐅᑎᓯᐅᑏᑦ

You are here

ᑐᓴᒐᒃᓴᖅ ᐅᑯᓇᙶᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑦ

ᑐᓴᒐᒃᓴᖅ ᐅᑯᓇᙶᖅᑐᖅ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑦ

ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑦ ᐅᖃᐅᔾᔪᖅᓱᐃᖃᑦᑕᖁᔭᐅᕗᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ (QEC) ᒥᓂᔅᑕᖓᓐᓄᑦ ᐱᔾᔪᑎᒋᓗᒋᑦ ᐱᓇᔫᑕᐅᖃᑦᑕᖅᑐᑦ ᐆᒻᒪᖅᑯᑎᓕᕆᔨᒃᑯᓐᓄᑦ ᐊᖏᖅᑕᐅᒋᐊᓕᑦ ᐱᓕᕆᐊᒧᑦ ᐱᔪᓐᓇᐅᑎᑖᕋᓲᑎᓄᑦ, ᓴᓇᔭᐅᔾᔪᑎᓄᑦ ᐊᑭᑐᔪᓄᑦ ᐱᓕᕆᐊᓄᑦ, 18.1 ᑎᑎᕋᖅᓯᒪᔪᖅ ᒪᓕᒃᖢᒍ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖓᑦᑕ ᐱᖁᔭᖓ, ᐆᒻᒪᖅᑯᑎᓕᕆᔨᒃᑯᑦ ᐱᓇᔫᑎᓕᐅᕆᐊᖃᖅᐳᑦ ᒥᓂᔅᑕᒧᑦ ᐱᓕᕆᐊᒧᑦ ᐱᔪᓐᓇᐅᑎᒥᒃ ᓇᓕᐊᖕᓄᑐᐃᓐᓇᖅ ᐱᓕᕆᐊᒧᑦ 5 ᒥᓕᐊᓐ ᐊᑭᖃᖅᑎᒋᔪᒧᑦ ᐅᖓᑖᓄᑦ. 

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᑎᕋᖅᓯᒪᓕᖅᑐᑦ ᐱᕐᔪᐊᓄᑦ ᐱᓕᕆᐊᓄᑦ ᐱᔪᓐᓇᐅᑎᓂᒃ (MPPA) ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᒥᓂᔅᑕᖓᓐᓄᑦ. ᐃᓚᓕᐅᔾᔭᐅᓯᒪᔪᑦ ᐱᕐᔪᐊᓄᑦ ᐱᓕᕆᐊᓄᑦ ᐱᔪᓐᓇᐅᑎᓄᑦ ᐸᕐᓇᐅᑎᑕᖃᖅᐳᖅ ᐊᐅᓚᐅᑎᖃᕐᕕᖕᒥ ᐊᓯᔾᔨᖅᑕᐅᒋᐊᓕᖕᒥᒃ ᖁᕐᓗᖅᑑᒥ. ᐱᕐᔪᐊᓄᑦ ᐱᓕᕆᐊᓄᑦ ᐱᔪᓐᓇᐅᑎᓂᒃ ᑐᑦᓯᕋᐅᑎ ᐊᖏᖅᑕᐅᒍᒪᓂᕐᒧᑦ ᐱᑕᖃᕇᖅᑐᒧᑦ 2.2MW ᐅᖅᓱᐊᓗᑐᐃᓐᓇᕐᒨᕐᑐᑦ ᐊᐅᓚᐅᑎᖃᕐᕕᒻᒥᑦ 2.6MW ᐅᖅᓱᐊᓗᑐᐃᓐᓇᕐᒨᕐᑐᑦ ᐊᐅᓚᐅᑎᖃᕐᕕᒻᒥᑦ, ᓄᑖᒥ ᐃᓂᒥᑦ ᖁᕐᓗᖅᑑᖅᒥᑦ. ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᓇᓗᓇᐃᖅᓯᕗᑦ ᑐᒃᓯᕋᐅᑕᐅᓯᒪᔪᖅ ᐱᓕᕆᐊᖅ ᓴᖅᑭᑦᑎᓂᐊᕐᓂᖓᓐᓂᒃ ᓈᒻᒪᙱᓪᓕᐅᕈᑎᓂᒃ ᐅᑭᐅᓄᑦ 50-ᐸᓗᑦᑎᐊᓄᑦ ᓇᐸᓕᖅᑐᒧᑦ ᐊᐅᓚᐅᑎᖃᕐᕕᑐᖃᕐᒧᑦ.

ᐱᓕᕆᐊᒧᑦ ᐊᑭᒋᓂᐊᕋᓱᒋᔭᐅᔪᖅ $31.4 ᒥᓕᐊᓐ.

ᓄᓇᕗᒥᐅᑦ ᑎᑎᕋᖅᓯᒪᔪᓂᒃ ᑐᓂᓯᔪᓐᓇᖅᐳᑦ ᐱᔾᔪᑎᖃᕐᓗᑎᒃ ᑖᔅᓱᒥᖓ ᐱᓕᕆᐊᒧᑦ ᐱᔪᓐᓇᐅᑎᒧᑦ.

ᑎᑎᕋᖅᓯᒪᔪᑦ ᑐᓂᔭᐅᖃᑦᑕᕐᓂᐊᖅᑐᑦ ᐃᓱᓕᕝᕕᒃᓴᐅᑎᖓ:

5:00-ᒧᐊᖅᐸᑦ ᐅᓐᓄᒃᓴᒃᑯᑦ (ᑲᓇᖕᓇᒥ) ᐆᑦᑑᕝᕙ 18, 2017.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐱᓇᔫᑎᖓ ᓇᓂᔭᒃᓴᐅᔪᖅ ᐅᕙᓂ ᐃᑭᐊᖅᑭᕕᖕᒥ www.nunavutpower.com ᑐᒃᓯᕋᐅᑕᐅᑐᐊᖅᐸᓪᓗ ᐱᔭᒃᓴᐅᓪᓗᓂ ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᐅᕝᕙᓘᓐᓃᑦ ᐆᒻᒪᖅᑯᑎᓕᕆᔨᒃᑯᓐᓄᑦ.

ᓇᒃᓯᐅᔾᔭᐅᔪᒃᓴᑦ ᐅᑯᓄᖓ ᐊᐅᓪᓚᖅᑎᑕᐅᔪᓐᓇᖅᑐᑦ:

ᐃᕐᖐᓐᓈᖅᑕᐅᑦ – URRC@gov.nu.ca 

ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᓐᓄᑦ ᑐᑭᒧᐊᒃᑎᑦᑎᔨᒻᒪᕆᖕᒧᑦ,
ᑎᑎᖅᑲᒃᑯᕕᐊ 1000, ᐃᓂᐊ 200
ᐃᖃᓗᐃᑦ, ᓄᓇᕗᑦ  X0A 0H0

ᐆᒻᒪᖅᑯᑎᑦ ᐊᑭᖏᓐᓄᑦ ᕿᒥᕐᕈᔩᑦ ᑲᑎᒪᔨᖏᑦ ᐃᓛᒃᑰᖅᖢᑎᒃ ᑲᑎᒪᔨᐅᕗᑦ ᐅᖃᐅᔾᔪᖅᓱᐃᔨᒋᔭᐅᓪᓗᑎᒃ ᓄᓇᕗᑦ ᒐᕙᒪᒃᑯᓐᓄᑦ ᐆᒻᒪᖅᑯᑎᓕᕆᔨᒃᑯᓐᓂ ᐊᑭᓕᒐᒃᓴᙳᖅᑎᑕᐅᓲᓂᒃ