ᐅᖃᓚᐅᑎᓯᐅᑏᑦ

You are here

ᓇᖕᒥᓂᖅ ᐱᓕᕆᐊᖃᖕᓂᒃᑰᖓᔪᑦ (SEO)

ᐃᖅᑲᓇᐃᔭᙱᓪᓗᑎᑦᐊᒻᒪᓗ ᐃᓕᖕᓂᑦ ᓴᓈᖅᑖᖅᑎᑦᑐᒪᒍᕕᑦ ᓇᖕᒥᓂᖅᑖᓂᒃᑯᑦ, ᑖᓐᓇ ᓇᖕᒥᓂᖅ ᐱᓕᕆᐊᖃᖕᓂᒃᑰᒐᒃᓴᐃᑦ ᐃᑲᔪᕈᓐᓇᖅᐳᑦ.  ᑖᓐᓇ ᑕᒪᐃᓐᓂᒃ ᐃᑲᔪᖃᑦᑕᕐᐳᑦ ᑮᓇᐅᔭᑎᒍᑦ ᓇᖕᒥᓂᖃᕋᓱᐊᖕᓂᒃᑯᓪᓗ ᐱᔪᓐᓇᖅᑐᓄᑦ.  ᐃᑲᔪᖅᑕᐅᓃᒃ ᒪᑯᐊᖑᔪᓐᓇᖅᐳᑦ ᐃᖅᑲᓇᐃᔭᙱᑦᑐᖅᓯᐅᑎᑖᖃᑦᑕᖕᓂᖅ ᐱᒋᐊᕋᓱᒃᓗᒍ ᓇᖕᒥᓂᖁᑎᒃᓴᐃᑦ ᐊᒻᒪᓗᑦᑕᐅᖅ ᐸᐃᕆᔭᐅᔾᔪᑎᓂᒃ.

 

ᐱᔪᓐᓇᖕᓂᖕᒧᑦ ᖃᐅᔨᒪᔭᒃᓴᑦ

 

ᐱᔪᓐᓇᖁᓪᓗᒋᑦ, ᐃᖅᑲᓇᐃᔭᕆᐊᖃᙱᓚᑎᑦ ᐊᒻᒪᓗ ᐃᓱᒪᒃᓴᖅᓯᐅᖅᓯᒪᓕᕐᓗᑎᒃ ᓇᖕᒥᓂᖃᕆᐊᒃᓴᖅ ᐃᓕᖕᓂᑦ ᓴᓈᕆᓂᐊᖅᑕᖕᓄᑦ.

 

ᑲᓇᑕᒥᐅᑕᐅᔭᕆᐊᖃᖅᐳᑎᑦ ᐅᕝᕙᓘᓐᓃᑦ ᓄᓇᖃᓪᓚᕆᒃᓯᒪᓗᑎᒃ ᒪᓕᒐᑎᒍᑦ ᓴᓇᔭᕆᐊᒃᓴᖅ ᑲᓇᑕᒥᑦ.

 

ᐊᒻᒪᓗᑦᑕᐅᖅ, ᐅᑯᐊ ᐃᓚᖓᓐᓂᑦ ᐊᑐᕆᐊᖃᖅᐳᑎᑦ:

 

  • ᐅᓪᓗᒥᒨᖓᔪᒥᑦ ᐃᖅᑲᓇᐃᔭᙱᑦᑐᖅᓯᐅᑎᑖᖅᑐᖅᐸᒃᓗᑎᑦ
  • ᐃᖅᑲᓇᐃᔭᙱᑦᑐᖅᓯᐅᑎᑖᖃᑦᑕᖅᑕᕕᓃᑦ ᐃᓱᓕᓯᒪᓕᕐᓗᓂ ᐊᕐᕌᒍᑦ ᐱᖓᓲᓕᖅᓗᑎᒃ
  • ᐃᖅᑲᓇᐃᔭᙱᑦᑐᖅᓯᐅᑎᑖᖅᓯᒪᓂᑰᓗᑎᑦ ᕿᑐᙵᖅᑖᓵᖕᓂᖕᒧᑦ ᐃᑲᔫᓯᐊᓂᑦ ᐊᕐᕌᒍᑦ ᑕᓪᓕᒪᐅᓕᖅᑐᓂ, ᐃᖅᑲᓇᐃᔭᙲᓐᓇᕆᓪᓗᑎᑦ ᐸᖅᑭᓂᖕᒧᑦ ᐃᓅᓵᒥᑦ ᐅᕝᕙᓘᓐᓃᑦ ᑎᒍᐊᖅᑖᓵᒥᑦ, ᐊᒻᒪᓗ ᐃᖅᑲᓇᐃᔭᒃᑲᓐᓂᕈᒪᓕᕐᓗᑎᑦ
  • ᐊᑭᓕᒃᓴᖃᙱᓪᓗᑎᑦ ᓄᓇᕗᑦ ᒐᕙᒪᒃᑯᖏᓐᓄᑦ

 

ᐱᓇᔪᖕᓂᖅ ᓇᖕᒥᓂᖅ ᐱᓕᕆᐊᖃᖕᓂᒃᑰᖓᔪᓂᑦ

 

ᐱᓇᔪᒍᓐᓇᖅᐳᑎᑦ ᐅᖃᖃᑎᖃᓚᐅᕐᓗᑎᑦ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨᒥᑦ. ᓇᓗᓇᕈᓐᓃᕈᓂ ᓇᓕᐊᒃ ᓈᒻᒪᓛᖑᖕᒪᖔᑦ ᐃᓕᖕᓄᑦ ᐊᒻᒪᓗ ᑎᑎᕋᖅᑕᐅᓗᓂ ᐃᖅᑲᓇᐃᔮᕆᔪᒪᔭᒧᑦ ᐱᓕᕆᓂᖕᓄᑦ ᐸᖕᓇᐅᑎᖃᓕᕐᓗᑎᑦ, ᑖᓐᓇ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨ ᐱᓕᕆᔨᐅᖃᑎᑦᑎᓐᓄᐊᖁᔨᓂᐊᖅᐳᖅ ᓇᖕᒥᓂᕋᓛᖃᖕᓂᖕᒧᑦ ᐃᑲᔪᖅᑕᐅᔾᔪᑎᒃᓴᓄᑦ.

 

ᓄᓇᕗᑦ ᒐᕙᒪᒃᑯᖏᑦ ᑲᑐᔾᔨᖃᑎᖃᖅᓯᒪᕗᐃᑦ ᒪᕐᕉᖕᓂᒃ ᓄᓇᓕᖕᓂᑦ ᑲᑐᔾᔨᖃᑎᒌᒃᓴᓂ ᕿᑭᖅᑖᓗᖕᒥᑦ ᐊᒻᒪᓗ ᕿᑎᖕᒥᐅᓂᑦ ᐱᓕᒻᒪᒃᓯᒪᓂᑎᒃ ᐊᑐᕆᐊᕈᒪᓪᓗᓂᔾᔪᒃ ᐱᓕᒻᒪᒃᓯᒪᓂᒃᑯᑦ ᐃᑲᔪᕈᒪᓪᓗᑎᒃ ᐊᒻᒪᓗ ᐅᖃᐅᔾᔪᐃᖃᑦᑕᕈᒪᓪᓗᑎᒃ ᓇᖕᒥᓂᖃᖅᑎᓄᑦ.  ᕿᑭᖅᑖᓗᖕᒥᑦ ᐱᓕᕆᕝᕖᑦ ᐱᕙᓪᓕᐊᑎᑕᐅᓂᖏᓐᓄᑦ ᑕᑐᔾᔨᖃᑎᒌᒃᑯᖏᑦ ᐅᕝᕙᓘᓐᓃᑦ ᕿᑎᖕᒥᐅᑦ ᓄᓇᓕᖕᓂᑦ ᓯᕗᓂᒃᓴᓕᕆᔨᒃᑯᑦ ᐊᑐᐃᓐᓇᐅᓂᐊᕐᓗᑎᒃ ᐃᑲᔪᕆᐊᒃᓴᖅ ᓇᖕᒥᓂᖃᖕᓂᖕᓂᑦ ᐃᑲᔪᖕᓂᒃᑯᑦ ᐊᒻᒪᓗ ᐃᑲᔪᖅᑐᐃᓗᑎᒃ ᐱᕙᓪᓕᐊᔭᐅᔪᓂᑦ ᓇᖕᒥᓂᖁᑎᒋᔭᐅᔫᑉ ᐸᖕᓇᐅᑖᓂᑦ.  ᑖᒃᑯᐊ ᑲᑐᔾᔨᖃᑎᕗᑦ ᐃᓱᒪᒃᓴᖅᓯᐅᕌᓂᒃᓯᒪᓕᖅᐸᑕ ᓇᖕᒥᓂᖃᖕᓂᖕᒧᑦ ᐸᖕᓇᐅᑎᒥ ᑲᔪᓯᔪᓐᓇᓕᕐᓗᓂᓗ ᐃᑲᔪᖅᑐᐃᔪᓐᓇᕐᓯᓗᑎᒃ ᐱᓇᔫᑎᖕᓂ ᓇᖕᒥᓂᖕᒧᑦ ᐱᓕᕆᐊᖃᕋᓱᐊᖅᑎᓄᑦ ᐊᒻᒪᓗ ᑲᔪᓯᑎᓪᓗᒍ ᖃᑕᙳᑎᒌᒃᑐᓕᕆᔨᒃᑯᓐᓄᑦ ᑭᖑᓪᓕᖅᐹᒥ ᕿᒥᕐᕈᔭᐅᓂᒃᓴᖓᓄᑦ.

 

ᑖᒃᑯᐊ ᑲᑐᔾᔨᖃᑎᒌᑦ ᓇᖕᒥᓂᖅ ᖃᐅᔨᒋᐊᕐᕕᒋᔪᓐᓇᖅᑕᑎᑦ ᐅᕘᓇ:

 

http://www.baffinbdc.ca/

www.kcfi.ca/

 

ᐊᑕᐅᑦᑎᒃᑯᑦ ᑲᑐᔾᔨᖃᑎᒋᔭᑦᑎᒍᑦ ᐃᓱᒪᒋᓯᒪᔭᐃᑦ ᐊᑲᐅᒐᓗᐊᕆᐊᒃᓴᖓᓂ ᓈᒻᒪᒃᑲᓗᐊᕆᐊᒃᓴᑲᓂᒃ ᖃᐅᔨᓇᓱᐊᖕᓂᐊᖅᐳᑎᑦ.  ᖃᐅᔨᓴᑦᑎᐊᖕᓂᐊᕐᕆᕙᐃᑦ ᓇᖕᒥᓂᖁᑎᒋᔪᒪᔭᕕᑦ ᐸᖕᓇᐅᑖ ᓯᕗᓪᓕᐅᑎᔭᕆᐊᓕᖏᓐᓂᑦ, ᑖᓐᓇ ᓇᖕᒥᓂᖁᑎᒋᓂᐊᖅᑕᐃᑦ ᒪᑭᒪᓂᐊᕋᓗᐊᖕᒪᖔᑦ ᑮᓇᐅᔭᒃᓴᕕᖕᒥᑦ, ᐊᒻᒪᓗ ᖃᓄᖅ ᐊᒃᑐᐃᓂᖃᕋᔭᖕᒪᖔᑦ ᓴᖅᑭᔮᕌᓂᒃᑐᓂᑦ ᓇᖕᒥᓂᖁᑎᒋᔭᐅᔪᓂᑦ.

 

ᐱᓇᔪᓚᐅᙱᓐᓂᖕᓂᑦ ᓇᖕᒥᓂᖅ ᐱᓕᕆᐊᖃᖕᓂᖕᒥᑦ, ᐃᒡᕕᑦ ᐊᒻᒪᓗ ᑭᒡᒐᖅᑐᖅᑎᒋᔭᖕᓂᑦ ᑲᑐᔾᔨᖃᑎᒌᒃᑯᑦᑎᓐᓂᙶᖅᑐᒥᑦ ᐊᖏᕆᐊᖃᖅᐳᓯ ᑕᒪᓐᓇ ᓇᖕᒥᓂᖅ ᐱᓕᕆᐊᖃᖕᓂᖅ ᐱᐅᓛᖑᓂᖓᓂ ᐃᓕᖕᓄᑦ.

 

ᐊᖏᖅᓯᒪᓕᕈᕕᑦ, ᑎᑎᖅᑲᒥᑦ ᐃᑲᔪᖅᑐᐃᔾᔪᑎᑖᖅᑎᑕᐅᓂᐊᖅᐳᑎᑦ.  ᑖᓐᓇ ᑎᑎᖅᑲᖅ ᐅᖃᖅᓯᒪᓂᐊᖅᑐᖅ ᑎᑎᕋᖅᓯᒪᓕᖕᓂᕋᕐᓗᑎᑦ ᓇᖕᒥᓂᖁᑎᒃᓴᕕᒃ ᒥᒃᓵᓄᑦ ᐊᒻᒪᓗ ᐃᑲᔪᖅᑕᐅᓯᒪᔪᒫᓂᒃᖢᑎᑦ ᐱᒋᐊᒃᑲᓐᓂᕈᑎᒃᓴᖕᓂ ᐊᒻᒪᓗ ᐅᕝᕙᓘᓐᓃᑦ ᑲᔪᓯᓕᖁᓪᓗᒋᑦ ᐸᖕᓇᐅᑎᖕᓂᑦ.  ᑕᐃᒪᐃᕌᓂᒃᑯᕕᑦ ᐱᓇᔪᓪᓚᕆᓕᑕᐃᓐᓇᖕᓂᐊᖅᐳᑎᑦ ᓇᖕᒥᖃᐅᑎᒃᓴᒥᑦ ᑎᑎᕋᖕᓂᒃᑯᑦ ᐃᖅᑲᓇᐃᔭᖕᓂᖕᒧᑦ ᐃᑲᔪᖅᑐᐃᕕᒃᑯᑦ ᐊᒻᒪᓗ ᓇᖕᒥᓂᖅ ᐱᓕᕆᐊᖃᕋᓱᖕᓂᒃᑯᑦ ᐱᓇᔫᑎᒃᑯᑦ ᐊᒻᒪᓗ ᓇᒃᓯᐅᑎᓗᒋᑦ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨᒧᑦ.

 

ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨ ᕿᒥᕐᕈᓂᐊᖅᐸᐅᒃ ᐱᓇᔫᑏᑦ ᐃᓚᖃᕐᓗᓂ ᖃᐅᔨᓴᕈᑎᓂ ᖃᓄᐃᓕᐅᕆᐊᖁᔨᔾᔪᑎᓂᒃᓗ ᑐᓂᔭᐅᔪᑦ ᑲᑐᔾᔨᖃᑎᒋᔭᖕᓂᑦ.  ᐱᓇᔫᑏᑦ ᖃᐅᔨᓴᖅᑕᐅᓕᖕᒥᓗᓂ ᖃᐅᔨᓇᓱᒃᓗᑎᒃ ᐱᔪᓐᓇᕋᔭᕆᐊᒃᓴᖕᓂᑦ ᐱᓕᕆᐊᒃᓴᓂ ᐊᒻᒪᓗ ᑮᓇᐅᔭᓂᑦ.

 

Back to top

 

ᖃᐅᔨᒪᔭᐅᔭᕆᐊᓕᒃ:

 

  • ᐅᓪᓗᖓᓂ ᐱᐊᓂᑦᑎᐊᖅᓯᒪᔭᐃᑦ ᐱᓇᔫᑏᑦ ᐱᔭᐅᒍᓂ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨᒧᑦ ᐃᓱᒪᒋᔭᐅᓂᐊᖅᐳᖅ ᐅᓪᓗᖓᓂ ᐃᑲᔪᖅᑕᐅᔪᒪᓂᕆᔭᕕᑦ.  ᑖᓐᓇ ᐅᓪᓗᖓ ᖃᐅᔨᔾᔪᑕᐅᓂᐊᖅᐳᖅ ᐱᔪᓐᓇᖕᒪᖔᑦ ᑕᐃᒫᒃ ᐊᑯᓂᐅᑎᒋᔪᑎᒍᑦ ᓇᓗᓇᐃᖅᓯᒪᔪᒥ ᐱᔪᓐᓇᖕᓂᕐᒧᑦ ᑐᑭᓯᒋᐊᕐᕕᖓᓂᑦ ᑎᑎᕋᖅᓯᒪᔪᖅ ᖁᓛᓂ.  ᐱᓇᔫᑏᑦ ᐅᑎᖅᑎᑕᐅᒃᐸᑦ ᓇᓗᓇᐃᔭᐃᒃᑲᓐᓂᖁᔭᐅᓗᑎᑦ ᐃᓚᒋᐊᖅᓯᑯᔭᐅᓗᑎᓪᓘᓐᓃᑦ, ᐃᓱᒪᒋᔭᐅᔾᔮᙱᑦᑐᖅ ᐱᐊᓂᒃᓯᒪᔪᑎᑐᑦ ᑭᓯᐊᓂ ᑕᒪᐃᓐᓂ ᐱᔭᐅᔭᕆᐊᓖᑦ ᐱᔭᐅᓯᒪᓕᖅᐸᑕ.
  • ᓇᖕᒥᓂᖁᑏᑦ, ᓇᖕᒥᓂᖅ ᐃᖅᑲᓇᐃᔮᖃᖕᓂᒃᑰᖓᔪᖅ, ᓄᑖᖑᔭᕆᐊᓕᒃ ᐅᕝᕙᓘᓐᓃᑦ ᐱᑕᖄᓂᒃᓗᓂ ᓇᖕᒥᓂᖁᑎᒋᔭᐅᔪᒥ ᐃᒡᕕᑦ ᐱᖃᖃᑕᐅᕝᕕᒋᓇᒍ.
  • ᐊᑯᓂᐅᓂᖅᐹᖅ ᐃᑲᔪᖅᑕᐅᔪᓐᓇᖅᑐᑎᑦ ᑮᓇᐅᔭᓄᑦ ᑐᓂᔭᐅᕙᒃᓗᑎᑦ 52-ᓄᑦ ᐱᓇᓱᐊᕈᓯᓄᑦ.
  • ᑮᓇᐅᔭᑎᒍᑦ ᐃᑲᔪᖅᑕᐅᓂᖅ ᑐᕌᖓᓇᓱᒃᐳᖅ ᐃᓅᔾᔪᑎᒃᓴᓄ ᐊᑭᓕᕆᐊᓕᖕᓂ ᐱᒋᐊᓕᓵᖅᑎᓪᓗᑎ ᓇᖕᒥᓂᖁᑎᖕᓂᑦ.  ᑐᕌᙱᑦᑐᖅ ᓇᖕᒥᓂᖁᑎᒧᑦ.
  • ᐃᑲᕐᕋᓄᑦ 35-ᓄᑦ ᐱᓕᕆᖃᑦᑕᓪᓗᐊᖅᐳᑎᑦ ᓇᖕᒥᓂᖁᑎᖕᓄᑦ ᐱᓇᓱᐊᕈᓯᑕᒫᑦ ᑲᔪᓯᑎᓐᓇᓱᒃᓗᒍ ᓇᖕᒥᓂᖁᑎᕕᑦ ᐸᖕᓇᐅᑖ.  ᓴᖅᑭᑎᑦᑎᔭᕆᐊᖃᕆᓪᓗᑎᓪᓗ ᑮᓇᐅᔭᓂ ᓇᖕᒥᓂᖁᑎᖕᓂᑦ ᐃᓕᐅᖅᑲᐃᓂᖕᓄᑦ ᓇᖕᒥᓂᖁᑎᒃᓴᖕᓄᑦ.

 

ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒋᔪᓐᓇᒐᓚᒃᑕᑎᑦ ᒪᑯᐊᖑᕗᑦ:

 

  • ᐃᓅᔾᔪᑎᒃᓴᓂ.
  • ᐸᐃᕆᔭᐅᔾᔪᑎᒃᓴᓂ
  • ᐃᖏᕐᕋᔾᔪᑎᓄᑦ
  • ᐱᓕᕆᔾᔪᑎᒃᓴᓄᑦ.
  • ᐃᓕᓐᓂᐊᕈᑎᒃᓴᓄᑦ ᓇᖕᒥᓂᖃᖕᓂᕐᒧᓪᓗ ᐃᑲᔪᖅᑕᐅᓂᖕᒧᑦ.
  • ᓇᖕᒥᓂᖕᒧᑦ ᐸᖕᓇᐅᑎᓕᐅᖕᓂᖕᒥᑦ.

 

ᐱᓇᔪᒃᑐᑦ ᐱᔪᒃᓯᔭᕆᐊᖃᖅᑐᑦ ᐅᖃᖃᑎᖃᕆᐊᒃᓴᖅ ᓇᖕᒥᓂᖁᑎᒃᓴᒥ ᐃᓱᒪᒋᔭᖏᓐᓂᑦ ᑎᓕᔭᐅᓯᒪᔪᒧᑦ ᓇᖕᒥᓂᖁᑎᓕᕆᔨᒻᒪᕆᖕᒧᑦ.

 

ᓇᖕᒥᓂᖁᑎᓕᕆᔨᒻᒪᕆᒃ ᐊᖏᖅᐸᑦ ᐃᓱᒪᒋᔭᐅᔪᒥᑦ ᓇᖕᒥᓂᖁᑎᒃᓴᐅᔪᖅ ᓈᒻᒪᒃᑲᓗᐊᕆᐊᒃᓴᖓᓂ, ᑖᓐᓇ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨᒧᐊᖅᑕᐅᓗᓂ ᖃᐅᔨᓴᖕᓂᐊᖅᑐᒥᑦ ᑕᒪᐃᓐᓂ ᐱᔭᕆᐊᓖᑦ ᐱᔭᐅᓯᒪᒋᐊᒃᓴᖏᓐᓂᑦ ᐊᒻᒪᓗ ᖃᐅᔨᓇᓱᒃᓗᓂ ᐱᓇᔪᒃᑖ ᐊᖏᖅᑕᐅᔪᓐᓇᖕᒪᖔᑦ.

 

ᐱᓇᔪᖕᓂᖅ:

 

ᐱᓇᔪᒃᓗᑎ ᓇᖕᒥᓂᖅ ᐱᓕᕆᐊᖃᖕᓂᒃᑰᖓᔪᒥ ᑎᑎᕋᕐᓗᑎᑦ ᐃᖅᑲᓇᐃᔮᖅᑖᕋᓱᖕᓂᕐᒧᑦ ᐃᑲᔪᖅᑕᐅᔪᓐᓇᕐᓂᕐᒧᑦ ᐱᔨᑦᑎᕋᖅᕕᒃᑯᑦ ᐅᕝᕙᓘᓐᓃᑦ ᐅᖃᓗᒃᓗᑎᑦ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨᒧᑦ ᑐᑭᓯᒋᐊᒃᑲᓐᓂᕐᓗᑎᑦ ᐅᕗᖓ:

 

ᕿᑎᖕᒥᐅᑦ- 1-800-661-0845

ᑭᕙᓪᓕᖅ - 1-800-953-8516

ᕿᑭᖅᑕᓂ - 1-800-567-1514

 

ᐱᔪᓐᓇᕆᕙᐃᑦ ᓄᓇᓕᔅᓯᓐᓂᑦ ᓄᓇᓖᑦ ᓯᕗᓂᒃᓴᖏᓐᓂᙶᖅᑐᓂᑦ ᐃᓚᒋᔭᐅᔪᐃᑦ ᖃᑕᙳᑎᒌᒃᑐᓕᕆᔨᒃᑯᓐᓄᑦ ᑖᒃᑯᓄᖓ ᓇᖕᒥᓂᖅ ᐱᓕᕆᐊᖃᖕᓂᒃᑰᖓᔪᑎᒍᑦ.

ᐃᓚᓕᐅᑎᓯᒪᔪᐃᑦ ᑎᑎᖅᑲᐃᑦ:

 

ᖃᐅᔨᒋᐊᕐᕕᑦᓴᑦ

ᐃᑲᔪᖅᑕᐅᔪᒪᓗᑎᑦ ᑐᑭᓯᒋᐊᒃᑲᓐᓂᕈᒪᒍᕕᓪᓗ ᖃᐅᔨᒋᐊᕐᕕᒋᓗᒍ ᐃᖅᑲᓇᐃᔮᓂ ᐱᕙᓪᓕᐊᔪᓕᕆᔨᒧᑦ ᖃᑕᙳᑎᒌᒃᑐᓕᕆᔨᒃᑯᑦ ᑎᑎᕋᕐᕕᐊᓄᑦ:

 

ᕿᑭᖅᑕᓂ ᐊᑭᖃᙱᑦᑐᒃᑯᑦ: 1-800-567-1514

ᑭᕙᓪᓕᖅ, ᐊᑭᖃᙱᑦᑐᒃᑯᑦ: 1-800-953-8516

ᕿᑎᖕᒥᐅᑦ, ᐊᑭᖃᙱᑦᑐᒃᑯᑦ: 1-800-661-0845

ᐃᖃᓗᐃᑦ: (867) 975-6564 ᐅᕝᕙᓘᓐᓃᑦ (867) 975-6539

 

Back to top

I Am: 
an artist
a business
an investor
I Need: 
business info
ᐱᓕᕆᕕᒃ: