ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎ ᐄᕙ ᐋᕆᐊᒃ ᑭᐅᔾᔪᑎᖃᖅᐳᖅ ᐸᓯᔭᐅᔾᔪᑎᐅᔪᓄᑦ ᐃᓕᓴᐃᔨᓄᑦ

ᐄᐳᕈ 09, 2013

ᓯᕗᓕᖅᑎ ᐄᕙ ᐋᕆᐊᕐᒧᑦ ᐅᑯᐊ ᐅᖃᐅᓯᐅᓯᒪᔪᑦ:

“ᐃᓱᒫᓘᑎᖃᓪᓚᑦᑖᓱᖑᔪᖓ ᐱᒻᒪᕆᐅᔪᓂᒃ ᐸᓯᔭᒃᓴᙳᖅᑎᓯᒪᔪᖃᖅᑎᓪᓗᓂ ᓄᓇᕗᑦ ᐃᓕᓴᐃᔨᖏᓐᓄᑦ. ᑕᑎᖃᕐᓂᐅᔪᖅ ᐃᓕᓐᓂᐊᕐᕕᖕᓂᑦ ᓄᓇᓕᐅᔪᓂᓪᓗ ᐊᒻᒪ ᐊᖓᔪᖅᑳᕆᔭᐅᔪᓂᒃ ᐃᓕᓴᐃᔨᓂᓪᓗ ᐱᒻᒪᕆᐅᖕᒪᑦ ᑭᒃᑯᑐᐃᓐᓇᕐᓄᑦ. ᐱᒻᒪᕆᐅᓪᓚᕆᖕᒥᔪᖅ ᑕᑎᖃᕐᓂᐅᔪᖅ ᐃᓕᓴᐃᔨᐅᔪᓂᒃ ᐊᒻᒪ ᐃᓕᓐᓂᐊᖅᑎᖁᑎᖏᓐᓂᒃ.

ᑐᑭᓯᕗᖓ ᑕᒪᓐᓇ ᑕᑎᖃᕐᓂᐅᔪᖅ ᐊᓯᔾᔨᕈᑕᐅᓯᒪᔪᖅ. ᖃᐅᔨᒪᖁᔨᓪᓚᕆᒃᐳᖓ ᓄᓇᕗᒻᒥᐅᓂᑦ ᑖᒃᑯᐊ ᐃᓕᓐᓂᐊᖅᑐᓕᕆᔨᒃᑯᑦ ᐊᔪᙱᓐᓂᓕᒫᖏᓐᓂᒃ ᐊᑐᖅᖢᑎᒃ ᐃᑲᔪᕐᒪᑕ ᐸᓖᓯᒃᑯᓐᓂᑦ ᖃᐅᔨᓴᖅᑎᓪᓗᒋᑦ ᐊᒻᒪ ᐃᑲᔪᕐᒥᔪᑦ ᐃᓄᒋᔭᐅᔪᓂᒃ ᐃᓕᓐᓂᐊᕐᕕᐅᔪᓂᑦ.

ᐃᖅᑲᓇᐃᔭᖅᑏᑦ ᐃᓚᒋᔭᐅᓯᒪᔪᑦ ᒫᓐᓇᑦᑕᐅᑎᒋ ᐃᖅᑲᓇᐃᔭᖅᑎᑕᙱᑦᑐᑦ ᐸᓯᔭᐅᔾᔪᑎᖏᑦ ᖃᐅᔨᓴᖅᑕᐅᓪᓗᑎᑦ.

ᒫᓐᓇᐅᔪᖅ, ᐸᓖᓯᒃᑯᑦ ᐱᓕᕆᑎᒋᐊᖃᖅᑕᕗᑦ. ᐃᓕᓐᓂᐊᖅᑐᓕᕆᔨᒃᑯᑦ, ᐃᓕᓐᓂᐊᕐᕖᓪᓘᓐᓃᑦ ᐊᐱᖅᑯᑕᐅᔪᑦ, ᐅᖃᓪᓚᒋᐊᖃᙱᑦᑐᑦ ᐸᓯᔭᐅᔾᔪᑏᑦ ᒥᒃᓵᓄᑦ.

ᐃᓕᓐᓂᐊᖅᑐᓕᕆᔨᒃᑯᑦ ᐊᒥᓱᓂᑦ ᒪᓕᒃᑕᐅᕙᒃᑐᓂᑦ ᐃᓕᓯᒪᔪᖃᖅᑐᖅ ᐃᑲᔪᕐᓂᕐᒥᒃ ᐊᑦᑕᕐᓇᙱᑦᑐᒥᑦ ᐃᓕᓐᓂᐊᕐᓂᖃᖅᑎᑦᑎᓂᕐᒥᑦ. ᑖᒃᑯᐊ ᒪᓕᒃᑕᐅᕙᒃᑐᑦ ᐋᖅᑭᒃᑕᐅᓯᒪᔪᑦ ᓴᐳᔾᔨᓂᕐᒥᑦ ᐊᒻᒪ ᖃᓄᐃᙱᑦᑎᐊᓂᕐᒧᑦ ᐃᓚᒋᔭᐅᔪᓕᒫᑦᑎᐊᓄᑦ ᐃᓕᓐᓂᐊᕐᕕᖕᓂᑦ. ᑕᐃᒪᐃᑦᑐᑦ ᓴᖅᑭᑎᓪᓗᒋᑦ, ᕿᒥᕐᕈᐊᖅᐸᒃᑕᕗᑦ ᒪᓕᒃᑕᐅᕙᒃᑐᑦ ᒪᓕᑦᑕᐅᑦᑎᐊᕋᓗᐊᕐᒪᖔᑕ ᐊᒻᒪ ᐱᓕᕆᒍᓐᓇᖅᑕᓕᒫᑦᑎᓐᓂᒃ ᐱᓕᕆᓗᑕ. ᑕᑯᓇᓲᖑᖕᒥᔪᒍᑦ ᓇᐅᒃᑯᑦ ᐋᖅᑭᒋᐊᕈᓐᓇᕐᒪᖔᑕ ᖃᖓᓕᒫᒃᑯᑦ ᓇᐅᒃᑯᓕᒫᒃᑯᓪᓗ.

ᓯᕗᒻᒧᐊᒃᐸᓪᓕᐊᑎᓪᓗᑕ, ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᖃᑎᖃᑦᑎᐊᕐᓂᐊᖅᑐᑦ ᐊᖓᔪᖅᑳᕆᔭᐅᔪᓂᒃ, ᐃᓕᓐᓂᐊᕐᕕᖕᓂᒃ ᐊᒻᒪ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂ ᓄᓇᓕᐅᔪᓂᑦ ᑕᑎᖃᑦᑎᐊᒃᑲᓐᓂᕈᓐᓇᕐᓂᕐᒥᒃ ᐃᓕᓴᐃᔩᑦ ᐱᓕᕆᑦᑎᐊᕐᓂᕆᖃᑦᑕᖅᑕᖏᑦ ᐱᒻᒪᕆᐅᓂᖓᓄᑦ.”

 

ᐱᕙᓪᓕᐊᔪᓄᑦ ᑐᑭᓯᒋᐊᕐᕕᒃ:

ᐃᒪᓕ ᕗᑦᔅ
ᐱᕙᓪᓕᐊᔪᓕᕆᓂᕐᒧᑦ ᑎᑎᕋᖅᑎ
ᓯᕗᓕᖅᑎᐅᑉ ᐊᒡᓚᕝᕕᐊ
867-975-5059
ewoods@gov.nu.ca
www.premier.gov.nu.ca