ᐅᖃᓚᐅᑎᓯᐅᑏᑦ

You are here

ᐱᓕᕆᕕᕗᑦ ᑭᓱᓂᒃ ᐱᓇᓱᐊᒐᒃᓴᖅᑖᖅᑎᑦᑎᔪᓐᓇᖅᐸᑦ ᐊᒻᒪᓗ ᑮᓇᐅᔭᖃᖅᑎᑦᓯᔪᓐᓇᖅᐸᑦ?

ᐱᓕᕆᕕᕗᑦ ᑭᓱᓂᒃ ᐱᓇᓱᐊᒐᒃᓴᖅᑖᖅᑎᑦᑎᔪᓐᓇᖅᐸᑦ ᐊᒻᒪᓗ ᑮᓇᐅᔭᖃᖅᑎᑦᓯᔪᓐᓇᖅᐸᑦ?

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᑮᓇᐅᔭᖃᖅᑎᑦᓯᓲᑦ ᐊᔾᔨᒌᖏᑦᑑᑏᓄᑦ ᐱᓇᓱᐊᒐᒃᓴᖃᖅᑎᑦᑎᓗᑎᒃ ᐃᒻᒥᒎᓇᖅᑐᓄᑦ, ᓇᒻᒥᓂᖃᖅᑐᓄᑦ, ᑎᒥᐅᔪᓄᑦ ᐊᒻᒪᓗ ᓄᓇᓕᓐᓂ ᒪᑯᓂᖓ ᐱᕕᒃᓴᖃᖅᑎᑦᓯᓱᑦ:

ᓄᓇᓕᖕᒥ ᐳᓚᕋᖅᑐᓕᕆᓂᖅ ᐃᓕᖅᑯᓯᓕᕆᓂᕐᒧᓪᓗ ᐱᖁᑎᓕᐅᕐᓂᕐᒥᒃ

ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᑲᔫᓯᐊᖅᑎᑦᓯᔪᓐᓇᖅᑐᑦ ᑕᕝᕗᓇ ᐱᓇᓱᐊᒐᒃᓴᒃᑯᑦ ᓄᓇᓕᖕᓅᖓᔪᓂᒃ ᐱᓇᓱᐊᒐᒃᓴᐅᔪᓐᓇᖅᑐᓂᒃ ᐃᑲᔪᖅᑐᐃᓂᐊᖅᓗᑎᒃ ᐳᓚᕋᖅᑐᓕᕆᓂᕐᒥᒃ ᐃᓕᖅᑯᓯᓕᕆᓂᕐᒧᓪᓗ ᐱᖁᑎᓕᐅᕐᓂᕐᒥᒃ ᒪᑯᓄᖓ ᐱᓕᕆᐊᒃᓴᐅᔪᓐᓇᖅᑐᓄᑦ:

  • ᑮᓇᐅᔭᓕᐅᕈᑕᐅᓇᓱᐊᕈᓐᓇᕐᓂᐊᖅᑐᓂᒃ ᐃᓕᖅᑯᓯᓕᕆᓂᒃᑯᑦ ᐱᖁᑎᓕᐅᖅᑎᓄᑦ ᐳᓚᕋᖅᑐᓕᕆᔨᓄᓪᓗ, ᐊᒻᒪᓗ
  • ᑮᓇᐅᔭᓕᐅᕈᑕᐅᓇᓱᐊᕈᓐᓇᕐᓂᐊᖅᑐᓂᒃ ᓄᓇᓕᖕᒥᑦ ᐳᓚᕋᖅᑐᓕᕆᓂᕐᒧᑦ ᐱᒋᐊᕐᖓᕈᑎᒃᓴᓄᑦ.

ᐃᓄᒃᓯᐅᑎᓂᒃ ᓂᕿᓂᒃ ᑐᓂᐅᖃᐃᔾᔪᑎᒃᓴᑦ

ᑮᓇᐅᔭᖃᖅᑎᑕᐅᔾᔪᑏᑦ ᐊᑐᐃᓐᓇᐅᔪᑦ ᐃᓄᒃᓯᐅᑎᓂᒃ ᓂᕿᓂᒃ ᑐᓂᐅᖃᐃᔾᔪᑎᒃᓴᓄᑦ ᐱᓕᕆᐊᒃᓴᖅ ᐃᑲᔪᖅᑐᐃᓂᐊᕐᓗᓂ ᓄᓇᕗᒻᒥᐅᓂᒃ ᐱᔭᐅᔭᕆᐊᓕᖕᓂᒃ ᐃᑲᔪᕐᓗᓂ ᓂᕿᖃᖅᑎᑦᓯᓂᕐᒥᒃ ᐱᐅᓯᐅᒥᑎᑦᓯᓗᓂᓗ ᐱᑕᖃᖅᑎᑦᓯᓂᕐᒥᒃ, ᐊᑭᑭᑑᓗᓂ, ᖃᓄᐃᖏᑦᓯᐊᕐᓇᕐᑐᒥᒃ ᐃᓄᒃᓯᐅᑎᓂᒃ ᓂᕿᖃᖅᑎᑦᓯᓂᕐᒥᒃ.

ᓴᓇᙳᐊᖅᑎᓂᒃ ᐱᕙᓪᓕᐊᑎᑦᓯᓂᖅ

ᐱᖃᑕᐅᔪᓐᓇᖅᑎᑕᐅᔪᑦ ᓴᓇᖑᐊᖅᑏᑦ ᐊᒻᒪᓗ ᓴᓇᖑᐊᖅᑐᓕᕆᓂᕐᒧᑦ ᑎᒥᐅᔪᐃᑦ ᑐᒃᓯᕋᐅᑎᓕᐅᕈᓐᓇᖅᑐᑦ ᐊᔾᔨᒌᖏᑦᑑᑎᑎᒍᑦ ᑮᓇᐅᔭᖃᖅᑎᑕᐅᔾᔪᑎᒃᓴᓂᒃ ᑕᓐᓇ ᐱᓇᓱᐊᕐᕕᒃᓴᐅᔪᖅ ᐊᔾᔨᒌᖏᑦᑑᑎᓄᑦ ᓱᑎᑦᑎᔾᔪᑎᒃᓴᓄᑦ ᐃᓚᖃᖅᑐᖅ ᒪᑯᓂᖓ, ᐊᐅᓪᓚᕈᑎᒃᓴᓄᑦ, ᑐᓴᕐᓂᔮᕈᑎᓂᒃ ᓴᕿᑎᑦᓯᓂᕐᒧᑦ, ᓂᐅᕐᕈᓴᐃᔨᐅᓂᕐᒧᑦ ᐊᒻᒪᓗ ᓄᑖᓂᒃ ᓴᕿᑎᑦᑎᓂᕐᒥᒃ ᐊᓯᔾᔨᕈᑕᐅᓂᐊᖅᑐᓄᑦ.

ᐃᒻᒥᒎᖅᖢᓂ ᑭᓱᑐᐃᓐᓇᓂᒃ ᖃᐅᔨᓴᕐᓂᕐᒥᒃ ᐱᓕᕆᐊᒃᓴᑦ ᒪᒃᑯᑦᑐᓄᑦ (I-SPY) ᑮᓇᐅᔭᐃᑦ ᐊᑐᖅᑕᐅᔪᓐᓇᖅᑐᑦ

ᐃᒻᒥᒎᖅᖢᓂ ᑭᓱᑐᐃᓐᓇᓂᒃ ᖃᐅᔨᓴᕐᓂᕐᒥᒃ ᐱᓕᕆᐊᒃᓴᑦ ᒪᒃᑯᑦᑐᓄᑦ (I-SPY) ᑮᓇᐅᔭᖃᖅᑎᑦᑎᔪᓐᓇᖅᑐᖅ ᓴᕿᑎᑦᑎᔾᔪᑎᒃᓴᐅᓂᐊᖅᑐᓄᑦ ᐊᒻᒪᓗ ᑭᓱᑐᐃᓐᓇᓂᒃ ᖃᐅᔨᓴᕐᓂᕐᒨᖓᔪᓄᑦ ᐃᓕᓐᓂᐊᕈᑎᒃᓴᓕᐅᕈᑕᐅᓂᐊᖅᑐᓄᑦ ᓄᓇᕗᒻᒥ ᒪᒃᑯᒃᑐᓄᑦ.

ᒥᑭᓐᓂᖅᓴᓄᑦ ᓇᖕᒥᓂᕆᔭᐅᔪᓄᑦ ᐃᑲᔫᓯᐊᒃᓴᐃᑦ

ᑖᓐᓇ ᐱᓇᓱᐊᒐᒃᓴᐅᔪᓐᓇᖅᑐᖅ ᑐᕌᖓᓗᐊᖑᐊᖅᑐᖅ ᐱᒋᐊᖅᐸᓪᓕᐊᓕᓵᖅᑐᓄᑦ ᒥᑭᓐᓂᖅᓴᓄᑦ ᓇᖕᒥᓂᕆᔭᐅᔪᓂᒃ, ᓄᓇᓕᖕᓂ ᑎᒥᐅᔪᓄᑦ ᐊᒻᒪᓗ ᐃᒻᒥᒎᓇᖅᑎᖅᑐᓄᑦ ᐃᑲᔫᓯᐊᒃᓴᖅ ᐱᕈᖅᐸᓪᓕᐊᔪᓐᓇᖁᓪᓗᒋᑦ.

ᑮᓇᐅᔭᓕᐅᕋᓱᐊᕈᓐᓇᕐᓂᕐᒧᑦ ᐋᕿᒃᓯᒪᐅᑎᒃᓴᐃᑦ s

ᑖᓐᓇ ᐱᓇᓱᐊᒐᒃᓴᖅ ᐱᕕᖃᖅᑎᑦᓯᕗᖅ ᐃᑲᔫᑎᐅᓂᐊᕐᑐᓂᒃ ᓇᖕᒥᓂᕆᔭᐅᔪᓄᑦ, ᓄᓇᓕᖕᓂᑦ ᒐᕙᒪᒃᑯᓐᓄᑦ, ᓇᖕᒥᓂᖅ ᑮᓇᐅᔭᓕᐅᕋᓱᐊᕈᑎᒋᓂᐊᖏᓪᓗᒍ ᑎᒥᐅᔪᓄᑦ ᐊᒻᒪᓗ ᑲᑐᔾᔨᖃᑎᒌᖑᔪᓄᑦ. ᑕᕘᓇ ᐱᓇᓱᐊᒐᒃᓴᐅᔪᓐᓇᖅᑐᒃᑯᑦ, ᓇᖕᒥᓂᖁᑎᓖᑦ ᑐᓂᕐᕈᓯᐊᕈᓐᓇᖅᑐᑦ ᓂᕈᑦᑐᕆᐊᕈᑎᒃᓴᓄᑦ ᐅᕝᕙᓘᓐᓃᑦ ᐱᒋᐊᕈᑎᒃᓴᖏᑦ ᐊᑭᖏᓐᓄᑦ. ᓄᓇᓕᖕᓂ ᒐᕙᒪᒃᑯᑦ, ᓇᖕᒥᓂᖅ ᑮᓇᐅᔭᓕᐅᕋᓱᐊᕈᑎᒋᓂᐊᖏᓪᓗᒍ ᑎᒥᐅᔪᐃᑦ ᑲᑐᔾᔨᖃᑎᒌᖑᔪᐃᓪᓗ ᑮᓇᐅᔭᖃᖅᑎᑕᐅᔪᓐᓇᖅᑐᑦ ᐱᓕᒻᒪᒃᓴᕈᑎᒃᓴᓄᑦ, ᓂᐅᕐᕈᓯᐅᕈᑎᒃᓴᓄᑦ ᐊᒻᒪᓗ ᓄᓇᓕᖕᒥᑦ ᐱᕙᓪᓕᐊᑎᑦᓯᓂᕐᒧᑦ.

ᐱᓇᓱᐊᒐᒃᓴᓄᑦ ᐱᓕᕆᖃᑎᒌᒃᑐᐃᑦ

ᑖᓐᓇ ᐊᑐᐊᒐᖅ ᓇᓗᓇᐃᔭᐃᔪᖅ ᐃᓘᓐᓈᒍᖓᔪᓂᒃ ᐊᑯᓃᐅᓂᕆᓂᐊᖅᑕᖏᓐᓂᒃ ᐊᒻᒪᓗ ᒪᓕᒐᕆᓂᐊᖅᑕᖏᓐᓂᒃ ᑕᒃᑯᐊ ᐱᓕᕆᖃᑎᖃᕐᓂᕐᒥᓂᒃ ᓄᓇᓕᖕᓂᒃ ᐊᒻᒪᓗ ᒐᕙᒪᒃᑯᓃᖓᖏᑦᑐᓂᒃ ᑎᒥᐅᔪᓄᑦ ᐋᕿᒃᑕᐅᓯᒪᓂᐊᖅᖢᑎᒃ.

ᓄᓇᓕᖕᓂᑦ ᐅᐸᒃᑕᐅᕙᒃᑐᓄᑦ ᐊᖁᑎᖃᖅᑎᑦᓯᓂᖅ s

ᑕᓐᓇ ᓄᓇᓕᖕᓂᒃ ᐃᑲᔪᕐᓂᖃᕋᔭᖅᑐᖅ ᐱᑐᒃᑎᑦᓯᓗᑎᒃ ᐱᕕᒃᓴᖅᑕᕐᕕᐅᔪᓐᓇᖅᑐᓄᑦ. ᑮᓇᐅᔭᖃᖅᑎᑦᑎᔪᓐᓇᖅᑐᖅ ᓯᓚ ᖃᓄᐃᑦᑐᑐᐃᓐᓇᐅᒐᓗᐊᖅᑎᓪᓗᒍ ᐅᕝᕙᓘᓐᓃᑦ ᓯᓚ ᑭᓯᐊᓂ ᐃᒪᐃᑑᑎᓗᒍ ᐊᖁᑎᒋᔭᐅᓲᓄᑦ ᐱᓱᒡᕕᐅᓲᓄᓪᓗ. 

ᐅᔭᕋᒃᓯᐅᖅᑎᓄᑦ ᐃᑲᔫᑎᒃᓴᐃᑦ e

ᐱᔪᓐᓇᕐᓂᓖᑦ ᐅᔭᕋᒃᓯᐅᖅᑎᐅᓂᕐᒥᒃ ᑐᒃᓯᕋᐅᑎᓕᐅᕈᓐᓇᖅᑐᑦ ᑐᓂᕐᕈᓯᐊᖅᑕᐅᔪᓐᓇᖅᑐᒃ $8,000-ᓂᒃ ᐊᕐᕌᒍᒧᑦ ᑭᖒᒪᓇᕐᓂᖏᓐᓄᑦ ᑮᓇᐅᔭᖅᑑᑎᒃᓴᓄᑦ ᖃᐅᔨᓴᕈᑕᐅᓂᐊᕐᓗᑎᒃ ᓄᑖᓂᒃ ᐅᔭᕋᒃᑕᕐᕕᐅᔪᓐᓇᓂᐊᕐᑐᓂᒃ ᓄᓇᕗᒻᒥ. ᑖᓐᓇ ᑮᓇᐅᔭᖃᖅᑎᑦᓯᓂᕐᒧᑦ ᐃᑲᔫᑎᒃᓴᖅ ᑐᕌᖓᔪᖅ ᐱᓕᕆᐊᖑᔪᓅᖓᓗᓂ ᑮᓇᐅᔭᖅᑑᑎᐅᒐᔭᕐᑐᓄᑦ ᐅᒃᑑᑎᒋᓗᒍ ᐅᒃᓱᐊᓗᖃᕐᓂᖅ, ᓄᓇᒃᑰᕈᑏᑦ ᓴᓇᔭᐅᔾᔪᑎᖏᓐᓄᑦ, ᓂᕿᖃᕆᐊᖃᕐᓂᕐᒧᑦ ᓄᓇᐃᓐᓇᕐᒦᓂᕐᒥᓄᑦ, ᐃᑲᔪᖅᑎᖃᕐᓂᕐᒧᑦ ᑮᓇᐅᔾᔭᒃᓵᒃᓴᓄᑦ, ᐅᔭᕋᒃᓯᐅᖅᑎᓯᐅᑎᓄᑦ ᐱᖁᑎᓄᑦ, ᐊᒻᒪᓗ ᐅᔭᕋᓐᓂᐊᒐᒃᓴᓂᒃ ᖃᐅᔨᓴᕐᓂᕐᒧᑦ ᐊᑭᖏᓐᓄᑦ.