ᐅᖃᓚᐅᑎᓯᐅᑏᑦ

You are here

ᓄᓇᕘᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖅ 7-ᐅᓪᓗᕐᒥ ᐊᓂᒍᖅᑎᓐᓇᓱᒋᐊᓕᒃ (#NEW7)

ᓄᓇᕘᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖅ 7-ᐅᓪᓗᕐᒥ ᐊᓂᒍᖅᑎᓐᓇᓱᒋᐊᓕᒃ (#NEW7)
 

ᐱᓇᓱᐊᖃᑕᐅᔪᓐᓇᕐᒪᖓᑕ ᓄᓇᕗᒻᒥᐅᑦ ᐃᓚᐅᓗᑎᒃ ᓄᓇᕘᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖅ 7-ᐅᓪᓗᕐᒥ ᐊᓂᒍᖅᑎᓐᓇᓱᒋᐊᓕᖕᒧᑦ ᐃᓚᒋᓪᓗᓂᐅᒃ ᑲᓇᑕᒥ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᐅᑉ ᔫᓂ 6-ᒥᑦ 12-ᒧᑦ, 2015!   

ᐊᓂᒍᖅᑎᓐᓇᓱᒋᐊᓖᑦ ᓴᖅᑭᑕᐅᖃᑦᑕᕐᓂᐊᖅᑐᑦ ᖃᐅᑕᒫᑦ ᑕᐃᑰᓇ ᓄᓇᕗᑦ ᒐᕙᒪᒃᑯᑦ ᑐᓴᒐᒃᓴᓕᕆᕝᕕᖓᑦᑎᒍᑦ ᐊᒻᒪᓗ ᐊᕙᑎᓕᕆᔨᒃᑯᑦ ᐃᓯᕐᕕᐊᒍᑦ (www.gov.nu.ca/environment). ᐱᐊᓂᒃᓯᒍᕕᑦ ᐊᓂᒍᖅᑎᑕᕆᐊᓕᖕᒥᒃ, ᐱᑖᒃᓴᖅᑖᕋᓱᖃᑕᐅᔪᓐᓇᖅᓯᓇᔭᖅᑐᑎᑦ! ᐃᒪᐃᓕᐅᑐᐃᓐᓇᕐᓗᑎᑦ ᐃᓕᖕᓂᒃ ᐊᔾᔨᓕᐅᕐᓗᑎᑦ ᑭᓱᓕᕆᓂᕐᓂᒃ ᐱᐊᓂᒃᓯᓕᕐᓗᑎᑦ ᖃᐅᑕᒫᒧᑦ ᐊᓂᒍᖅᑎᑕᕆᐊᓕᖕᒥᒃ ᐊᒻᒪᓗ ᓴᖅᑭᑎᓪᓗᒍ Facebook-ᑯᑦ ᐅᕝᕙᓘᓐᓃᑦ Twitter-ᑯᑦ ᐊᑐᕐᓗᒍ ᐅᓇ ᐊᖅᑯᑎᒋᔭᐅᔪᖅ #NEW7. ᓴᖅᑭᑎᑕᐃᑦ ᐃᓄᖕᓂᑦ ᑕᑯᔭᐅᔪᓐᓇᕐᓗᓂ ᖃᐅᔨᒪᓂᐊᕋᑦᑎᒍ! ᐃᓚᐅᔪᑕᐅᔪᑦᑕᐅᖅ ᐃᕐᖐᓐᓈᖅᑕᐅᑎᒃᑯᑦ ᓇᑭᓱᔭᐅᔪᓐᓇᕐᒥᔪᑦ ᐅᕗᖓ environment@gov.nu.ca.

ᑲᓇᑕᒥᐅᓂ ᐊᕙᑎᓕᕆᓂᕐᒧᑦ ᐱᓇᓱᐊᕈᓯᖅ ᐊᕐᕌᒍᑕᒫᒃᑯᑦ ᖃᓄᐃᓕᐅᕐᓂᖅᑕᖃᓲᖑᔪᑦ ᑎᓕᐅᕆᕙᒃᖢᑎᒃ ᑲᓇᑕᒥᐅᓂᒃ ᐃᓚᐅᖁᔨᓪᓗᑎᒃ ᐃᑲᔪᕐᓂᕐᒧᑦ ᐊᑐᓗᐊᖅᑕᐃᓕᒪᖁᔨᓂᕐᒧᑦ, ᓴᐳᔾᔨᓯᒪᓂᕐᒧᑦ ᐊᒻᒪᓗ ᖃᓄᐃᖁᓇᒍ ᐊᕙᑎᕗᑦ. ᐊᑕᐅᑦᑎᒃᑰᖃᑎᖃᕐᒪᑦ ᓄᓇᕐᔪᐊᕐᒥ ᐊᕙᑎᓕᕆᓂᕐᒧᑦ ᐅᓪᓗᕐᒥᒃ ᔫᓂ 5-ᒥ, ᐊᒻᒪᓗ ᓄᓇᕐᔪᐊᕐᒥ ᐃᒪᕐᔪᐊᑉ ᐅᓪᓗᐊ ᐊᒻᒪᓗ ᓯᓚ ᐊᓂᖅᑎᕆᑦᑎᐊᕐᓇᕐᓂᖓᓄᑦ ᐅᓪᓗᖅ ᔫᓂ 8-ᒥᐅᒋᓪᓗᓂ. 

 

ᐊᓂᒍᕆᐊᓕᒃ 1: Megawatt–ᒧᑦ ᓇᒡᒐᔾᔭ (ᔫᓂ 5) #MegawattMonday

ᐊᓂᒍᕆᐊᓕᒃ 2: ᑯᕕᑦᑕᖅᑐᑦ ᓄᖅᑲᖅᑎᓪᓗᒋᑦ ᐊᐃᐹ (ᔫᓂ 6) #TapsOffTuesday

ᐊᓂᒍᕆᐊᓕᒃ 3: ᐊᒃᑕᓗᐊᖅᑕᐃᓕᒪᓂᖅ ᐱᖓᔪᐊ (ᔫᓂ 7) #WasteLessWednesday

ᐊᓂᒍᕆᐊᓕᒃ 4: ᐃᖏᕐᕋᑲᑕᓗᐊᖅᑕᐃᓕᒪᓂᖅ ᕿᑎᖅᑰᑦ  (ᔫᓂ 8) #ThrottleBackThursday

ᐊᓂᒍᕆᐊᓕᒃ 5: ᖁᕕᐊᓱᒃᑕ ᐅᓪᓗᑐᐃᓐᓇᐅᓂᖓᓄᑦ (ᔫᓂ 9) #FeelGoodFriday

ᐊᓂᒍᕆᐊᓕᒃ 6: ᐊᑐᒃᑲᓐᓂᕈᓐᓇᖅᑐᑦ ᓯᕙᑖᕐᕕᒃ (ᔫᓂ 10) #SecondhandSaturday

ᐊᓂᒍᕆᐊᓕᒃ 7: ᐱᓱᑲᑕᖕᓂᖅ ᓈᑦᑎᖑᔭ (ᔫᓂ 11) #StrollingSunday

 

ᐊᓂᒍᕆᐊᓕᒃ 1: Megawatt–ᒧᑦ ᓇᒡᒐᔾᔭ (ᔫᓂ 5) #MegawattMonday

ᖃᓄᖅ ᑐᒃᑐᓪᓗ, ᐃᓄᐃᓪᓗ ᐊᒻᒪ ᐅᖃᓘᑎᕋᓛᑦ ᐊᔨᒌᖕᓂᖃᐅᖅᐸᑦ? ᑕᑐᖃᖅᑐᐃᓐᓇᐅᔪᑦ ᐆᒻᒪᕆᖕᓂᕐᒥᒃ ᐊᔪᖏᑦᑕᕆᐊᖃᕐᓂᕐᒧᑦ.  ᓄᓇᕗᑐᐊᑦᑎᐊᖅ ᓄᓇᓕᕐᔪᐊᓂ ᐊᒻᒪᓗ ᓄᓇᕘᒥ ᑲᓇᑕᒥ ᐆᒻᒪᖅᑯᑎᖃᐅᑎᓄᑦ ᐱᓕᕆᕕᒡᔪᐊᓂᒃ ᓴᖅᑭᑦᑎᕙᓪᓕᔨᐅᖏᑦᑐᑦ. ᑕᐃᒪᐃᓐᓂᖓᓄᑦ, ᓄᓇᕗᑦ ᑕᑎᖃᕐᒪᑦ ᑕᒪᐅᖓᐅᔭᐅᕙᒃᑐᓂᒃ ᐅᖅᓱᐊᓗᖕᓂᒃ ᐆᒻᒪᖅᑯᑎᖃᕈᑎᒋᕙᒃᑕᑦᑎᓐᓄᑦ ᐱᔭᕆᐊᖃᖅᑕᑦᑎᓐᓂᒃ. 2012-2013-ᒥ, ᓄᓇᕗᑦ ᓄᐊᑎᓚᐅᖅᑐᑦ 180 ᒥᓕᐊᙳᔪᓂᒃ ᓖᑕᓂᒃ ᐅᖅᓱᐊᓗᖕᓂᒃ.ᑖᒃᑯᐊᓗ ᐅᖅᓱᐊᓗᐃᑦ ᐃᑭᑎᑕᐅᓪᓗᑎᒃ ᓴᖅᑭᑦᑎᕙᒃᑐᑦ ᐆᒪᖅᑯᑎᓂᒃ ᓄᑮᓚᐅᑕᑎᒍᑦ,ᐅᖅᑰᓐᓇᖅᑐᓂᒃ, ᐊᒻᒪᓗ ᐊᑐᖅᑕᐅᕙᒃᖢᑎᒃ ᐃᖏᕐᕋᔾᔪᑎᓄᑦ. ᑕᐃᒃᑯᐊ ᓯᓚᒧᑦ ᐅᖅᑰᓯᕙᓪᓕᐊᓐᓇᖅᑐᑦ ᐳᔪᕐᓗᐃᑦ, ᓲᕐᓗ ᑐᖁᓐᓇᖅᑐᑦ ᐃᓯᕐᓗᐃᑦ, ᓴᖅᑭᔭᒻᒪᑕ ᓯᓚᒧᑦ. ᐊᑐᖅᐸᒃᑕᑦᑎᓐᓄᑦ ᐊᓂᖅᓵᖅᑐᖅᖢᑕ, ᐃᑭᑎᑦᑎᕙᓪᓕᐊᑐᐃᓐᓇᖅᑎᓪᓗᑕ ᐅᖅᓱᓂᒃ ᓴᖅᑭᑦᑐᖃᖅᐸᓪᓕᐊᔭᒻᒪᑦ ᓯᓚᒧᑦ. ᐊᑐᓗᐊᖏᓐᓂᖅᓴᐅᒍᑦᑕ ᐆᒻᒪᖅᑯᑎᓂᒃ ᐊᑐᖅᐸᒃᑕᑦᑎᓐᓂᒃ, ᒥᒃᖠᑎᕆᔾᔫᒥᔪᓐᓇᕋᑦᑕ ᐃᓯᕐᓗᖕᓂᒃ ᓴᖅᑭᑉᐸᓪᓕᐊᔪᓂᒃ ᐊᓂᕐᓂᖃᕐᓇᖅᑐᒧᑦ ᐊᕙᑎᑦᑎᓐᓂ.     

ᐊᑐᓗᐊᖅᑕᐃᓕᒪᓂᖅ ᐆᒻᒪᖅᑯᑎᓂᒃ ᐱᐅᑐᐃᓐᓇᖏᒻᒪᑦ ᐊᕙᑎᒧᑦ, ᐱᐅᖕᒥᔪᖅᑕᐅᖅ ᑮᓇᐅᔭᒃᑯᕕᖕᓄᑦ ᑮᓇᐅᔭᒃᑯᕕᒃᑯᑦ. ᒥᒃᖠᑎᕆᓂᖅ ᐆᒻᒪᖅᑯᑎᖕᓂᒃ ᐊᑐᓗᐊᖏᓐᓂᒃᑯᑦ, ᐊᑭᒡᓕᒋᐊᖅᑎᐸᑦ ᐅᖅᑰᓴᐅᑎᒧᑦ ᐊᑮᑦ, ᐅᒻᒪᖅᑯᑎᓄᑦ ᐊᒻᒪᓗ ᐅᖅᓱᐊᓗᖕᓄᑦ ᐊᑮᑦ.  ᐊᐅᕐᓈᓗᖏᓚᖅ ᒥᒃᖠᑎᕆᓂᖅ ᐆᒻᒪᖅᑯᑎᖕᓂᒃ ᐊᑐᕐᓂᕐᒧᑦ: ᐃᒪᓐᓇ ᐊᔪᕐᓇᖏᑎᒋᔪᖅ ᖃᒥᑉᐸᒡᓗᒋᑦ ᖃᐅᒪᖅᑯᑎᓯ ᐊᓂᒋᐊᕈᕕᑦ ᐃᒡᓗᕈᓯᕐᒥᑦ, ᖃᒥᑉᐸᒡᓗᒋᑦ ᖃᕋᓴᐅᔭᑦ ᐊᑐᔾᔮᕈᓐᓃᕌᖓᑕ ᐅᓪᓗᖅ ᐱᐊᓂᓕᕌᖓᑦ ᐅᕝᕙᓘᓐᓃᑦ ᑲᑉᐳᔾᔭᐃᕆᕙᒡᓗᑎᑦ ᓄᑮᓚᐅᑎᓕᖕᓅᖅᑐᓂᒃ ᐱᖁᑎᓂᒃ ᐊᑐᓗᐊᖃᑦᑕᖏᑦᑐᓂᒃ. ᖃᐅᔨᒃᑲᓐᓂᕈᒪᒍᕕᑦ ᐊᑐᓗᐊᖏᑦᑐᓐᓇᕐᓂᕐᒧᑦ ᐃᓱᒪᒋᔭᐅᑦᑎᐊᖅᓯᒪᔪᓂᒃ, ᐅᕗᖓᕐᓗᑎᑦ:  http://nunavutenergy.ca/homeowner_tips.

ᖃᓄᕐᓕ ᐱᐊᓂᖕᓂᐊᖅᐱᐅᒃ ᐅᓪᓗᒥ ᐊᕙᑎᒧᑦ ᐱᓇᓱᐊᕈᓯᐅᔪᒥ ᐊᓂᒍᕆᐊᖃᖅᑕᐃᑦ? ᑐᓂᓯᓗᑎᒃ ᐊᔾᔨᖑᐊᕐᓂᒃ ᐱᐊᓂᒃᓯᕙᓪᓕᐊᓕᖅᑎᓪᓗᑎᑦ ᐊᓂᒍᕆᐊᖃᖅᑕᕐᓂᒃ ᓵᓚᒃᓴᕋᓲᑎᒋᓂᐊᕋᖕᓂ ᓱᓇᒥᑭᐊᖅ.  ᐊᔩᙳᐊᑦ ᓇᒃᓯᐅᑎᔪᓐᓇᖅᑕᑎᑦ Twitter-ᒧᑦ ᐊᑐᕐᓗᒍ ᐅᓇ #NEW7, ᑎᑎᕋᕐᕕᒋᓗᑎᒍᑦ ᐅᕝᕙᓘᓐᓃᑦ ᓴᖅᑭᑎᓪᓗᒍ ᑎᑎᕋᕐᕕᒋᔭᖅᐱᑦ ᐃᓚᖓᒍᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑰᖅᑎᓪᓗᒍ ᐅᕗᖓ environment@gov.nu.ca.

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ 

ᑕᐃᔅᓱᒪᓂᒃᑲᓐᓂᖅ, ᐃᓄᐃᑦ ᓇᒧᙵᐅᔭᕆᐊᖃᓕᕌᖓᑕ ᐃᖏᕐᕋᔅᓲᔭᕐᓂᐊᖅᖢᑎᒃ, ᐃᒡᓗᓕᐅᕌᓂᓯᒪᓕᖅᑎᓪᓗᒍ.  ᐊᕐᓇᐅᑉ ᐱᓕᕆᐊᒃᓴᕆᓚᐅᖅᐹ ᖁᓕᖅ ᐃᑭᑦᑕᕆᐊᖃᖅᖢᓂᐅᒃ. ᐃᑯᒪᖏᑦ ᐊᖏᔫᑎᐅᑎᖦᖢᒋᑦ ᐊᐅᒃᓰᓂᕐᒥᓂ ᐊᒻᒪᓗ ᐃᒡᓗ ᐅᖅᑰᓯᑎᑲᐅᖅᑐᕋᓱᒃᖢᒍ. ᓯᓂᖕᓇᖅᓯᓕᕌᖓᑦ, ᐃᑯᒪᖏᑦ ᒥᑭᒡᓕᒋᐊᖅᖢᒋᑦ ᐅᖅᓱᖅᑐᓗᐊᕐᓂᐊᖏᒻᒪᑦ. ᖃᓄᕐᓕ ᐅᓪᓗᒥ ᐆᒻᒪᖅᑯᑎᑐᓗᐊᖅᑕᐃᓕᒪᓂᐊᖅᐱᑦ?   

 

 

ᐊᓂᒍᕆᐊᓕᒃ 2: ᑯᕕᑦᑕᖅᑐᑦ ᓄᖅᑲᖅᑎᓪᓗᒋᑦ ᐊᐃᐹ (ᔫᓂ 6) #TapsOffTuesday

ᑕᒪᕐᒥᑦᑎᐊᖅ ᐃᓅᓯᓖᑦ ᐃᒪᖅᑐᕆᐊᖃᓲᑦ ᐃᒪᕐᒧᑦ ᐆᒪᖕᒪᔭᕆᐊᖃᕐᓂᕐᒧᑦ. ᐃᓄᐃᑦ ᓂᕆᖏᔅᓲᔭᕈᓐᓇᖅᑐᑦ ᐱᓇᓱᐊᕈᓯᑲᓪᓚᖕᓂᒃ ᓂᕆᕙᖏᓪᓗᑎᒃ, ᑭᓯᐊᓂ ᐃᒪᕐᒥᒃ ᐅᓪᓗᓄᑦ ᖃᔅᓯᓇᑯᓗᖕᓅᕈᓐᓇᖅᑐᑦ ᐃᒪᖃᖏᓪᓗᑎᒃ. ᑕᑎᒋᒐᑦᑎᒍ ᐃᒪᖅ, ᑕᐃᒪᓕ ᐱᒻᒪᕆᐅᕗᖅ ᐊᑐᓗᐊᖅᑕᐅᓕᒪᓂᖅ ᐃᒪᕐᒥᒃ ᐃᒪᐃᑦᑎᐊᖁᓪᓗᑕ ᓈᒪᒃᑐᒥᒃ ᐱᑕᖃᐃᓐᓇᖁᓪᓗᒍ.  ᐃᓚᖓ ᓄᓇᕘᑉ ᖃᐅᔨᓯᒪᕗᑦ ᐅᐱᕐᖔᒃᑯᑦ ᖃᐅᓯᕐᓂᖅᓴᐅᕙᖕᒪᑦ, ᐃᒪᐃᖂᔨᓐᓇᖅᖢᓂ ᓲᕐᓗ ᐱᑕᖃᕐᓂᖅᓴᐅᖂᔨᓕᖅᖢᓂ ᐱᔭᕆᐊᖃᖅᑕᑦᑎᓐᓂᑦ, ᐃᒪᐃᑦᑕᕆᐊᖃᕋᑦᑕ ᓱᓕ ᐊᑐᑦᑎᐊᕐᓗᒍ ᐃᒪᖅ. ᓯᕗᓂᐊᒍᑦ ᐊᑐᓚᐅᖏᓐᓂᕐᒥ, ᖃᐅᔨᓇᓱᖅᑳᕆᐊᖃᖅᐸᖕᒪᑕ ᓴᓗᒪᒐᓗᐊᕐᒪᖔᑦ ᐊᑐᕐᓂᐊᕐᓗᒍ ᐊᒻᒪᓗ ᑕᐃᑯᖓᖅᑎᓕᕐᓗᒍ ᐃᓂᒋᔭᕆᐊᖃᖅᑖᓄᑦ.  ᑯᕕᑦᑕᖅᑐᐃ ᑯᕕᑎᒃᑯᕕᐅᒃ 5 ᒥᓇᑦᔅᒧᑦ, ᑕᐃᒪᓕ ᐊᑐᓕᕋᔭᖅᑐᑎᑦ ᐆᒻᒪᖅᑯᒻᒥᒃ 60-ᒥᒃ ᓴᙱᓂᓕᒃᑐᑦ ᖃᐅᒻᒪᖅᑯᑎᒥᒃ 14-ᓄᑦ ᐃᑲᕐᕋᓄᑦ ᐃᑭᓯᒪᔪᑎᑐᑦ.   

ᐅᓄᖅᑐᐊᓗᖕᓂᒃ ᐱᓕᕆᔪᓐᓇᕋᑦᑕ ᐊᐃᓯᒪᓪᓗᑕ, ᐃᖅᑲᓇᐃᔭᖅᖢᑕ, ᐅᕝᕙᓘᓐᓃᑦ ᐃᓕᓐᓂᐊᖅᖢᑕ ᐃᑲᔫᑎᔪᓐᓇᖅᑐᑦ ᒥᒃᖠᑎᕆᓂᕐᒧᑦ ᐃᒥᕐᒥᒃ ᐊᑐᕐᓂᕐᒧᑦ.  ᐃᕐᖓᖅᑐᒥᒃ ᑯᑐᒃᑐᖃᖅᐸᑦ ᐊᑕᐅᓯᐅᑦᑕᕐᓗᓂ ᑯᓯᖅᐸᒡᓗᓂ ᑎᒃᑕᑯᓗᒃ ᐃᒪᓐᓇᐅᓕᕈᓐᓇᖅᑐᖅ 25-ᓂᒃ ᓖᑕᓂᒃ ᐃᒥᕐᒥᒃ ᑯᕕᑐᐃᓐᓇᖅᑐᖃᕋᔭᖅᑐᖅ ᐅᓪᓗᖅ ᐊᑕᐅᓯᖅ ᐊᒻᒪᓗ 10,000 ᓖᑑᓇᔭᖅᑐᑦ ᐃᒪᑦ ᐊᕐᕌᒍᒥ.  ᑖᓐᓇ ᓱᕙᓕᑭᐊᖅᑐᖅ ᑯᑐᒃᑐᖅ ᓈᒻᒪᒃᑲᔭᖅᑐᖅ 65-ᖏᖅᓱᕐᓗᑎᑦ ᐅᐊᓴᐃᔪᓐᓇᖅᐳᑎᑦ ᐊᓐᓄᕌᓂᒃ ᐅᕝᕙᓘᓃᑦ 145-ᖏᖅᓱᕐᓗᑎᑦ ᐅᐊᓴᕐᓗᑎᑦ ᐃᓕᖕᓂᒃ 5-ᒥᓇᑦᔅ ᒥᒃ ᐅᐊᓴᕈᕕᑦ. ᒥᒃᖠᑎᕆᔪᓐᓇᖅᐳᑎᑦ ᐃᒥᕐᒥᒃ ᐊᑐᖅᐸᒃᑕᕐᓂᒃ ᖃᐅᔨᓴᖃᑦᑕᕐᓗᑎᑦ ᑯᑐᒃᑐᖃᙱᒃᑲᓗᐊᕐᒪᖔᑦ ᓱᓪᓗᓕᖕᓂᒃ ᐅᕝᕙᓘᓐᓃᑦ ᑯᕕᔪᖅ ᓄᖅᑲᖅᑎᑉᐸᒡᓗᒍ ᑭᒍᑎᓯᐅᕐᓂᕐᓂ.    

ᖃᓄᕐᓕ ᒥᒃᖠᑎᖅᓯᓯᒪᓂᐊᖅᐳᑦ ᐃᒥᕐᒧᑦ ᐊᑐᕐᓂᕐᒥᒃ ᐅᓪᓗᒥ? ᓇᒃᓯᐅᔨᑐᐃᓐᓇᕐᓗᑎᒃ ᐊᔾᔨᙳᐊᕐᓂᒃ ᐱᐊᓂᒃᓯᕙᓪᓕᐊᑎᓪᓗᑎᑦ ᐊᓂᒍᕆᐊᖃᖅᑕᕐᓂᒃ ᓵᓚᒃᓴᐅᓯᐊᕈᓐᓇᖅᐳᑎᑦ ᐱᑖᒃᓴᒥᒃ. ᐊᔾᔩᖑᐊᑦ ᓇᒃᓯᐅᑎᔪᓐᓇᖅᑕᑦ Twitter-ᑯᑦ ᐊᑐᕐᓗᑎᑦ ᐆᒥᖓ #NEW7, ᑎᑎᕋᕐᕕᒋᓗᑎᒍ ᐅᕝᕙᓘᓐᓃᑦ ᐃᓕᓗᒍ ᑎᑎᕋᕐᕕᐅᔭᕆᐊᓕᖕᒧᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᓗᒍ ᐅᕗᖓ environment@gov.nu.ca.

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ 

ᐅᓕᑦᑕᕐᓃᑦ ᐅᑭᐅᖅᑕᖅᑐᒥ ᐊᔾᔨᒌᒃᐸᖏᒻᒪᑕ ᓇᓃᖢᓂ ᓄᓇᒥ. ᐅᓕᑦᑕᕐᓃᑦ ᐱᓂᖅᓴᐅᕙᒃᑐᑦ ᑕᖅᑭᕆᒃᓯᔭᕌᖓᑦ ᐅᕝᕙᓘᓐᓃᑦ ᑕᖅᑮᓛᒃᑯᑦ. ᐊᑐᖃᖅᑎᑕᐅᔪᖅ ᐅᐱᕐᖔᒃᑯᑦ ᐅᓕᓐᓂᐅᔪᖅ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑐᑦ ᐱᑐᕐᓂᖅ. ᓇᒧᖓᐅᕙᒃᑐᑦ ᐅᔾᔨᕈᓱᖁᔭᐅᕙᒃᑐᑦ ᑰᒃᑐᓂᒃ, ᑕᓯᕐᓂᒃ ᐊᒻᒪᓗ ᓯᑯᒥ ᖃᓄᐃᓕᖓᓂᐅᔪᓂᒃ ᐅᑭᐅᒃᑯᑦ, ᐱᔾᔪᑎᒋᓪᓗᒍ ᓯᓚ, ᖄᒥᓯᒪᑐᐃᓐᓇᕆᐊᖃᕐᒪᑕ ᑕᐃᒃᑯᐊ ᐃᒪᖃᕐᕖᑦ. ᐃᓚᖏᑦ ᐃᓐᓇᐃᑦ ᐃᒥᕈᒪᓲᖑᔪᑦ ᖄᒥᓐᓂᑯᒥᒃ ᑰᖕᓂᖔᖅᑐᓂᒃ. 

 

 

ᐊᓂᒍᕆᐊᓕᒃ 3: ᐊᒃᑕᓗᐊᖅᑕᐃᓕᒪᓂᖅ ᐱᖓᔪᐊ (ᔫᓂ 7) #WasteLessWednesday

ᓄᓇᕘᒥ, ᓂᐅᕕᖅᖢᑎᒍ ᐊᑐᖅᐸᒃᑕᕗᑦ ᑎᑭᑎᐊᐅᕙᖕᒪᑕ ᓄᓇᓕᑦᑎᓐᓄᑦ ᐅᒥᐊᒃᑯᑦ ᐅᕝᕙᓘᓐᓂᑦ ᖃᖓᑕᓲᒃᑯᑦ.   ᑕᐃᒃᑯᐊ ᑎᑭᐅᔾᔭᐅᔭᕌᖓᑕ ᐴᖅᑐᖅᑕᐅᓯᒪᓲᖑᖕᒪᑕ ᓂᐅᕕᐊᕗᑦ ᑎᑭᑦᑎᐊᖁᓪᓗᒋᑦ ᑕᒪᒃᑭᖅᓯᒪᓗᑎᒃ. ᓴᓂᒃᓴᓕᐅᓗᐊᕋᔭᖏᓚᒍᑦ ᓂᐅᕕᐊᑦᑎᓐᓂᑦ ᓯᕗᓕᕐᒥ ᒥᒃᖠᑎᕆᓂᒃᑯᑦ ᓂᐅᕕᖅᐸᒃᑕᑦᑎᓐᓂᒃ.    ᒥᒃᖠᑎᕆᔪᓐᓇᕐᒥᔪᒍᑦ ᐊᒃᑕᑯᓂᒃ ᓄᓇᒧᐊᖅᐸᓪᓕᐊᔪᓂᒃ ᐊᑐᒃᑲᓐᓂᖃᑦᑕᕐᓗᑎᒍ ᓱᓇᐃᑦ ᐊᑐᕐᕕᓖᑦ. ᒥᒃᖠᑎᕆᓂᖅ, ᐊᑑᑎᖃᖅᑎᒃᑲᓐᓂᖅᑎᑦᑎᓂᖅ ᓴᓂᕐᓗᖕᓂᒃ ᐊᑐᓗᐊᖅᑕᐃᓕᒪᓂᕐᒧᑦ ᐱᒻᒪᕆᐅᔪᓂᒃ ᐊᑑᑎᓕᖕᓂᒃ ᓯᕗᓂᒃᓴᑦᑎᓐᓂ ᓯᕗᕚᕆᓂᐊᖅᑕᑦᑎᓐᓄᑦ. ᐊᑕᐅᓯᑯᓗᖕᒥᒃ ᓄᓇᕐᔪᐊᖃᕋᑦᑕ ᐊᒻᒪᓗ ᐱᒻᒪᕆᐅᕗᖅ ᑲᒪᒋᑦᑎᐊᕐᓗᑎᒍ.     

ᑭᒃᑯᑐᐃᓐᓇᐃᑦ ᐊᓯᔾᔩᔪᓐᓇᕐᒪᑕ ᒥᒃᖠᑎᕆᓂᒃᑯᑦ ᐊᑑᑎᖃᓗᐊᖏᑦᑐᓂᒃ ᓴᓂᕐᓂᒃ ᐊᒃᑕᕐᕕᖕᒧᐊᖅᑕᐅᕙᒃᑐᓂᒃ. ᐊᒃᑕᕐᕕᖕᒧᐊᓯᖏᓐᓂᖅᓴᐅᒍᑦᑕ ᐊᔪᕐᓇᖏᑦᑎᑯᓘᔪᓐᓇᖅᑐᖅ ᓲᕐᓗ ᐃᕐᖑᓯᕐᒥᒃ ᓇᒃᓴᕐᓗᑎᑦ ᑳᐱᑖᕐᕕᓕᐊᕈᔨᓗᑎᑦ ᑕᐃᒪᓐᓇᐅᑎᒋᔪᖅ ᐊᔪᕐᓇᖏᑎᒋᔪᖅ. ᖃᐅᔨᒪᕖᑦ ᑳᐱᑖᕐᕖᑦ ᐅᓄᖅᑐᖅ ᐊᑭᒡᓕᒋᐊᖅᑎᑦᑎᓲᖑᔪᑦ ᐃᕐᖑᓯᕐᓂᒃ ᓇᒃᓴᕈᕕᑦ ᑳᐱᑖᕆᐊᖅᑐᕐᓗᑎᑦ?   

ᖃᓄᕐᓕ ᐊᑐᓗᐊᔮᖏᓚᑎᑦ ᐅᓪᓗᒥ? ᐊᔾᔨᙳᐊᕐᓂᒃ ᐱᐊᓂᒃᓯᓕᕐᓂᕐᓂᒃ ᐊᓂᒍᕆᐊᖃᖅᑕᕐᓂᒃ ᓇᒃᓯᐅᔨᓗᑎᑦ ᓵᓚᒃᓴᐅᑎᒋᓇᓱᖕᓂᐊᕋᕕᐅᒃ ᐱᑖᒃᓴᒥᒃ. ᐊᔨᙳᐊᑦ ᓇᒃᓯᐅᑎᓗᒍ Twitter-ᑯᑦ ᐊᑐᕐᓗᑎᑦ ᐆᒥᖓ #NEW7, ᑎᑎᕋᕐᕕᒋᓗᑎᒍ ᐅᕝᕙᓘᓐᓃᑦ ᐃᓕᓗᒍ ᑎᑎᕋᕐᕕᐅᔭᕆᐊᓕᖕᒧᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᓗᒍ ᐅᕗᖓ environment@gov.nu.ca.

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ 

ᑕᐃᔅᓱᒪᓂᑐᖃᖅ, ᐃᓚᒋᓚᐅᖅᑕᖓ ᑎᑎᕋᖅᑕᐅᓯᒪᓇᑎᒃ ᒪᓕᒐᐅᓚᐅᖅᑐᖅ ᐃᒪᓐᓇᐅᔭᕆᐊᖃᕐᓂᖅ ᓂᕿᓂᒃ ᓈᒻᒪᒃᑐᓂᒃ ᐱᓪᓗᑎᒃ ᐊᕐᕌᒍᒧᑦ, ᐅᖓᑖᓅᖏᑦᑐᖅ, ᑕᐃᒃᑯᐊ ᓂᕿᑦ ᓱᕙᓕᑭᐊᖁᓇᒋᑦ.  ᐃᓐᓇᕐᒥᒃ ᐅᖃᖅᑐᖃᖅᐸᑦ ᓈᒻᒪᒃᓯᓂᕋᕐᓗᒋᑦ ᓂᕿᑦ ᐊᕐᕌᒍᒧᑦ, ᐅᖃᐅᔨᓇᔭᖅᑐᑦ ᐃᓄᖕᓂᒃ “ᑕᐃᒪ ᓈᒻᒪᒃᓯᔪᑦ”. ᑕᐃᒫᒃ, ᓴᐅᓂᕈᓘᔭᖅᑕᖃᖅᐸᓚᐅᖏᑦᑐᖅ ᒪᓂᖅᑲᒻ ᐊᒻᒪᓗ ᓄᓇ ᓴᓗᒪᓪᓗᓂ ᐊᒻᒪᓗ ᐊᓂᖅᓵᖅᑐᖅᑕᐅᔪᖅ ᑕᐃᒪᙵᑦ ᓴᓗᒪᐃᓐᓇᖅᖢᑎᒃ.

 

 

 

ᐊᓂᒍᕆᐊᓕᒃ 4: ᐃᖏᕐᕋᑲᑕᓗᐊᖅᑕᐃᓕᒪᓂᖅ ᕿᑎᖅᑰᑦ  (ᔫᓂ 8) #ThrottleBackThursday

ᐊᖁᖃᑦᑕᖅᐲᑦ ᓄᓇᓯᐅᒻᒥᒃ, ᓴᙱᒃᑎᓴᐃᔭᕆᐊᖃᖅᐸᒃᖢᑎᓪᓗ ᑐᓴᕐᓈᕈᑎᕋᓛᕐᒦᒃ ᐅᕝᕙᓘᓐᓃᑦ ᐊᑐᖅᐸᒃᐱᑦ ᐃᒐᒥᒃ?  ᐄᖑᒃᐸᑦ, ᐊᑐᖅᐸᓪᓕᐊᕗᑎᑦ ᑕᐃᒪ ᓄᓇᒥᙶᖅᑐᓂᒃ ᐅᖅᓱᒃᓴᓂᒃ. (ᐅᖅᓱᖅ, ᐃᑭᓴᕋᐃᑦᑐᖅ ᐊᒻᒪ ᐊᕐᔭᒃᓴᑦ).  ᓄᓇᕐᔪᐊᒥ ᐃᓄᒋᐊᒃᑐᒻᒪᕆᐊᓘᑎᓪᓗᒍ ᐅᖓᑖᓂᒻᒪᑕ 7 ᐱᓕᐊᓐ ᐃᓄᐃᑦ, ᑕᒪᒃᑯᐊ ᖃᓄᐃᓕᐅᕐᓂᐅᔪᑦ ᑲᑎᑦᑕᕌᖓᑕ ᓇᓗᓇᖏᑦᑐᒻᒪᕆᐊᓘᖃᑦᑕᕐᒪᑕ ᖃᓄᐃᓐᓂᐅᔪᑦ ᓄᓇᒥ. ᐃᒪᐃᒃᑲᓗᐊᖅᑎᓪᓗᒍ ᓯᓚ ᐊᓯᔾᔨᖅᐸᓪᓕᐊᓪᓗᓂ ᐃᒥᑯᑦ ᐱᓂᒃᑯᑦ, ᐃᓄᐃᑦ ᖃᓄᐃᓕᐅᕐᓂᖏᑦᑕᐅᖅ ᐱᔪᑎᖃᓯᐅᑎᖕᒪᑕ ᓄᓇᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᓱᑲᓕᓂᖅᓴᐅᑎᖦᖢᒍ ᐃᓕᖁᓯᕆᓇᔭᖅᑕᖓᓂᑦ.     

ᖃᐅᔨᓴᕐᓂᕐᒥᑦ ᖃᐅᔨᔭᐅᔪᑦ ᐅᑭᐅᖅᑕᖅᑐᖅ ᐅᖅᑰᓯᕙᓪᓕᐊᓂᖅᓴᐅᓕᕐᓂᖓ ᓱᒃᑲᓕᓂᖅᓴᐅᓕᖅᑐᖅ ᓄᓇᕐᔪᐊᓕᒫᒥᑦ.   ᐊᓯᖏᑦᑕᐅᖅ ᐊᓯᔾᔨᓕᖅᑐᑦ ᒪᑯᐊᖑᔪᑦ: ᓯᕐᒦᑦ ᐊᐅᑲᐸᓪᓕᐊᔪᑦ, ᓯᑯ ᓵᒡᓕᕙᓪᓕᐊᔪᖅ, ᖁᐊᖑᐃᓐᓇᐅᔭᖅᑐᑦ ᐊᐅᒃᐸᓪᓕᐊᔪᑦ, ᓯᒡᔭᖅᐸᓯᒃᑐᑦ ᓄᓇᑦ ᓱᕋᒃᑎᖅᐸᓪᓕᐊᔪᑦ ᐃᒫᓂᑦ ᑎᑭᑕᐅᑦᑕᕐᓂᕐᒧᑦ, ᐃᒪᕕᖕᓂᓗ ᐃᖏᕐᕋᓃᑦ ᐊᓯᔾᔨᓕᖅᑐᑦ, ᐊᒻᒪᓗ ᐱᕈᖅᑐᑦ ᑕᑯᓕᒪᓇᖏᑦᑐᑦ ᐊᒻᒪᓗ ᓂᕐᔪᑎᑦ.  ᑕᒪᒃᑯᑎᑐᓇᖅ ᓄᓇᐅᖃᑕᐅᔪᑎᑐᑦ ᓄᓇᕐᔪᐊᕐᒥ, ᓄᓇᕗᑦᑕᐅᖅ ᒥᒃᖠᓕᕆᓇᓱᖕᒪᑕ ᐃᓯᕐᓗᖕᓂᒃ ᐱᔾᔪᑎᒋᓪᓗᒍ ᓯᓚ ᐊᓯᔾᔨᖅᐸᓪᓕᐊᓂᖓ. ᓵᙵᔾᔪᑕᐅᓗᐊᑕᓕᖅᑐᖅ ᓄᓇᕘᒥ ᐊᑐᖔᕈᓐᓇᕐᓂᕐᒧᑦ ᓄᑖᓄᑦ ᖃᓄᐃᓂᐅᔪᓂᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᐊᓂᑦ ᐱᔪᓂᑦ. ᑕᒪᓐᓇ ᑐᑭᓕᒃ ᐋᖅᑭᒃᑎᕆᐊᖃᕐᓂᖅ ᐱᕙᒌᔭᐃᓂᒃᑯᑦ, ᐃᓱᒪᓕᐅᕐᓂᒃᑯᑦ, ᐊᒻᒪᓗ ᖃᓄᐃᓕᐅᕐᓂᒃᑯᑦ ᓂᕆᐅᓇᖅᑐᓄᑦ ᐊᒃᑐᐃᓂᐅᓇᔭᖅᑐᓄᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ.  

ᑕᒪᑦᑕ ᐊᔪᕐᓇᖏᑦᑐᑯᓗᒃᑯᑦ ᐊᓯᔾᔩᔪᓐᓇᖅᑐᒍᑦ ᖃᐅᑕᒪᑦ ᐃᓅᓂᑦᑎᓐᓂ ᒥᒃᖠᑎᕆᓂᕐᒧᑦ ᐳᔪᕐᓗᖕᓂᒃ.  ᖃᓄᕐᓕ ᐃᖏᕐᕋᙱᓐᓂᖅᓴᐅᓂᐊᖅᐱᑦ ᐅᓪᓗᒥ? ᐊᔨᙳᐊᑦ ᓇᒃᓯᐅᑎᓗᒍ Twitter-ᑯᑦ ᐊᑐᕐᓗᑎᑦ ᐆᒥᖓ #NEW7, ᑎᑎᕋᕐᕕᒋᓗᑎᒍ ᐅᕝᕙᓘᓐᓃᑦ ᐃᓕᓗᒍ ᑎᑎᕋᕐᕕᐅᔭᕆᐊᓕᖕᒧᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᓗᒍ ᐅᕗᖓ environment@gov.nu.ca.

ᖃᐅᔨᒃᑲᓐᓂᕈᒪᕖᑦ?

ᐳᓛᕐᓗᑎᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᐱᖅᑯᑕᐅᒍᔪᓄᑦ  (http://www.climatechangenunavut.ca/en/understanding-climate-change/climate-change-faq) 

ᓯᓚᒥᒃ ᐊᓯᔾᔨᖅᐸᓪᓕᐊᑎᑦᑎᓗᐊᙱᒃᑲᓗᐊᖅᐲᑦ?  ᖃᐅᔨᓴᕈᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᖃᐅᔨᒪᓂᕆᔭᑦ ᐅᕙᓂ  http://climatequiz.esolutionsgroup.ca/en/ 

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ

“[ᐊᑕᐅᓯᖅ]ᑭᓱᑭᐊᖅ ᓈᒻᒪᓈᕈᑎᑦᔪᖅ ᐊᕐᕌᒎᑉ ᐃᓚᖕᓄᑦ. ᐊᒃᑐᐊᓂᖃᕈᓐᓂᖅᑐᑦ. ᖃᐅᔨᒪᕙᓚᐅᕋᓗᐊᕋᑦᑕ ᖃᓄᐃᓐᓂᐊᕐᓂᐅᔪᓂᒃ ᐊᕐᕌᒎᑉ ᐃᓚᖓᓂ ᖃᓅᓂᐊᓕᕋᙵᑦ. ᓲᕐᓗ ᐆᒃᑑᑎᒋᓗᒍ ᐃᓯᒃᑲᑎᑦ ᒪᐅᒃᐸᑕ ᐊᐳᒻᒧᑦ, ᖃᐅᔨᒪᓇᔭᓚᐅᖅᑐᑎᑦ ᐊᐅᔭᖅ ᖃᒡᓕᓕᖅᑐᖅ ᐅᕝᕙᓘᓐᓐᓃᑦ ᐅᐱᕐᖔᙳᓛᓕᕐᓂᖓ. ᐊᑐᖅᖢᑎᒍ ᐃᓕᖅᑯᓯᒃᑯᑦ ᖃᐅᔨᒪᓂᕆᔭᕗᑦ ᖃᐅᔨᕙᓚᐅᕋᑦᑕ ᖃᓄᐃᓐᓂᐅᓂᐊᖅᑐᓂᒃ ᖃᖓᓗ, ᒫᓐᓇᓕ ᓇᓗᓇᑦᑎᐊᓕᖅᑐᖅ ᖃᓅᓂᐅᓂᐊᖅᑐᑦ. ᐃᓄᐃᑦ ᐅᕙᑦᑐᑦ ᓇᓗᓕᕐᓯᒪᓕᕐᒪᑕ. ᐅᑭᐊᒃᓵᖑᓕᓵᖅᑎᓪᓗᒍ ᑕᓰᑦ ᓯᑯᕙᖕᒪᑕ ᐊᒻᒪᓗ ᑕᓯᕋᐃᑦ, ᑭᖑᓂᐊᒍᑦ ᖃᔅᓯᒐᓴᐃᑦ ᐱᓇᓱᐊᕈᓯᑦ ᐱᐊᓂᒃᑳᖓᑕ ᖁᐊᖅᓴᕐᓇᕈᓐᓃᖅᐸᓚᐅᖅᑐᑦ ᖄᖓᒎᕐᕕᒋᔭᒃᓴᐅᓕᖅᖢᑎᒃ. “ᑖᓄᓪᑦ ᐅᓗᐊᓪᓚᒃ    

ᐅᖃᓕᒫᒃᑲᓐᓂᕈᒪᒍᕕᑦ ᐃᓐᓇᐃᑦ ᐅᖃᐅᓯᕆᓯᒪᔭᖏᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ:  http://climatechangenunavut.ca/en/voices-land

 

 

 

ᐊᓂᒍᕆᐊᓕᒃ 5: ᖁᕕᐊᓱᒃᑕ ᐅᓪᓗᑐᐃᓐᓇᐅᓂᖓᓄᑦ (ᔫᓂ 9) #FeelGoodFriday

ᑕᒪᑦᑕ ᐱᔾᔪᑎᒋᔭᐃᓇᕆᔭᕗᑦ ᑲᑐᑎᓪᓗᑎᒍ! ᖃᓄᐃᓕᐅᕐᓂᕆᕙᒃᑕᕗᑦ ᖃᐅᑕᒫᑦ ᐊᒃᑐᐃᔪᓐᓇᕐᒪᑕ ᐊᕙᑎᑦᑎᓐᓂᒃ ᐊᒻᒪᓗ ᐊᓯᓂᓐᓂᒃ ᐃᓄᖕᓂᒃ ᓄᓇᕐᔪᐊᕐᒥ.   ᑕᒪᑦᑕ ᐊᒃᑐᐊᖃᑦᑕᐅᑎᒐᑦᑕ ᐊᕙᑎᑦᑎᒍᑦ.  ᐊᕙᑎᐅᔪᖅ ᓄᓇᓕᐅᕗᖅ ᐆᒪᔪᖃᖅᖢᓂ ᐊᒻᒪ ᐆᒪᖏᑦᑑᒐᓗᐊᓂᒃ ᐱᓕᕆᔪᓂᒃ ᑲᑐᔾᔨᓪᓗᑎᒃ ᐱᖁᓯᒃᑯᑦ. ᐊᕙᑎᒋᔭᖅ ᐊᖏᔫᔪᓐᓇᖅᑐᖅ ᐊᒻᒪᓗ ᒥᑭᑦᑑᔪᓐᓇᖅᖢᓂ, ᑭᓯᐊᓂ ᑕᒪᕐᒥᒃ ᐊᕙᑎᒋᔭᕗᑦ ᐱᒻᒪᕆᐅᔪᑦ ᐊᐅᓚᓂᖃᕐᓂᐊᖅᑎᓪᓗᒍ. ᑭᓱ ᐲᖅᐸᑦ, ᐊᒃᑐᐃᓂᐊᖅᑐᖅ ᐊᓯᖏᓐᓂᒃ ᐊᕙᑎᒥᑐᓂᒃ.  ᑕᑯᓗᑎᒍ ᐅᑭᐅᖅᑕᖅᑐᒥ ᐊᕙᑎᒋᔭᐅᔪᖅ. ᓇᑦᑏᑦ ᑕᑎᖃᕐᒪᑕ ᓯᑯᒥᒃ ᐃᓂᒋᓪᓗᒍ, ᓇᓄᐃᑦ ᑕᑎᖃᖅᑐᑦ ᓇᑦᑎᕐᓂᒃ ᓂᕿᒋᓪᓗᒋᑦ, ᐊᒻᒪᓗ ᐃᓄᐃᑦ ᐊᖑᓇᓱᒃᐸᒃᑐᑦ ᓇᓄᕐᓂᒃ ᓂᕿᒋᓂᐊᖅᖢᒍ ᐊᒻᒪᓗ ᐊᓐᓄᕌᕆᓂᐊᖅᖢᒍ ᐊᒥᐊ.  ᓯᑯ ᐲᖅᐸᑦ ᐊᕙᑎᒥᑦ, ᐊᒃᑐᐃᓇᔭᕐᒪᑦ ᓇᑎᑐᐃᓐᓇᐅᖏᑦᑐᓂᒃ, ᑭᓯᐊᓂ ᓇᓄᕐᓂᒃᑕᐅᖅ ᐊᒻᒪᓗ ᐃᓄᖕᓂᒃ.     

ᑎᓕᐅᖅᐸᕗᑦ ᑭᒃᑯᑐᐃᓐᓇᐃᑦ ᐊᕙᑎᑦᑎᓐᓃᑐᑦ ᐃᓱᒪᒃᓴᖅᓯᐅᑦᑎᐊᖅᓯᒪᖁᓪᓗᒋᑦ ᐱᔭᕆᐊᖃᖅᑕᒥᖕᓄᑦ.  ᖁᕕᐊᓲᑎᒋᓚᕗᑦ ᐊᕙᑎᒧᑦ ᐱᓇᓱᐊᕈᓯᖅ ᑕᑯᒃᓴᐅᑎᑦᑎᓂᒃᑯᑦ ᐊᓯᑦᑎᓐᓄᑦ ᐱᒻᒪᕆᐅᓂᖏᓐᓂᒃ ᐃᓚᒋᓪᓗᒍ ᐊᕙᑎᑦᑎᓐᓄᑦ. ᑐᓂᓯᖏᖔᕐᓗᑕ ᐱᖁᑎᒥᒃ ᐱᓕᕆᔪᑎᖔᕐᓗᒋᑦ ᖃᓄᑭᐊᖅ – ᕿᒻᒥᖓ ᐱᓱᖃᑎᒋᓗᒍ ᐅᕝᕙᓘᓐᓃᑦ ᐱᖃᓐᓇᕆᔭᑦ ᑕᕐᕆᔭᕆᐊᕈᑎᓗᒍ.  ᐊᔨᙳᐊᑦ ᓇᒃᓯᐅᑎᓗᒍ Twitter-ᑯᑦ ᐊᑐᕐᓗᑎᑦ ᐆᒥᖓ #NEW7, ᑎᑎᕋᕐᕕᒋᓗᑎᒍ ᐅᕝᕙᓘᓐᓃᑦ ᐃᓕᓗᒍ ᑎᑎᕋᕐᕕᐅᔭᕆᐊᓕᖕᒧᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᓗᒍ ᐅᕗᖓ environment@gov.nu.ca.

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ

ᐃᓄᐃᑦ ᐅᖃᐅᔾᔭᐅᕙᓚᐅᕐᒪᑕ ᐃᓐᓇᕐᓂᑦ ᐱᒻᒪᕆᐅᒍᓱᖁᔨᓪᓗᑎᒃ ᓄᓇᒥᒃ. ᐱᒻᒪᕆᐅᒋᒍᖕᓂ ᓄᓇ ᓂᕐᔪᑎᑦᑐᓐᓇᕐᓂᖅᓴᐅᓂᐊᖅᐳᑎᑦ ᐊᖑᓇᓱᖕᓂᒃᑯᑦ. ᑲᒪᒋᑦᑎᐊᖏᒃᑯᖕᓂ ᓄᓇ, ᑭᓱᖃᖅᑎᑕᐅᔪᓐᓇᔾᔭᖏᒃᑭᕗᑎᑦ. ᐃᓚᖓᑦ ᐃᓄᐃᑦ ᐃᓕᖅᑯᓯᖏᑦᑕ ᑐᙵᕕᖏᑦ ᑖᓱᒥᖓ ᑐᙵᕕᖃᕐᒪᑦ ᐅᖃᐅᓯᐅᓯᒪᔪᒥᒃ, ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ, ᑐᑭᖃᖅᖢᓂ ᐱᒻᒪᕆᐅᒍᓱᒋᐊᖃᕐᓂᖅ ᐊᒻᒪᓗ ᑲᒪᑦᑎᐊᕐᓗᓂ ᓄᓇᒥᒃ, ᓂᕐᔪᑎᓂᒃ ᐊᒻᒪᓗ ᐊᕙᑎᑦᑎᓐᓂᒃ. 

 

ᐊᐱᖅᑯᑦ:

ᑭᓱᒥᒃ ᐊᑎᖃᖅᐸ ᐃᓂᒋᔭᐅᒡᒍᔪᑦ ᐅᑭᐅᖅᑕᖅᑐᒥ ᓇᑦᑎᕐᓂᑦ, ᕿᓚᓗᒐᕐᓂᑦ, ᑎᖕᒥᐊᓂᑦ ᐊᒻᒪᓗ ᐊᓯᖏᓐᓂᑦ ᓂᕐᔪᑎᓂᑦ ᐅᐸᒃᑕᐅᒍᓂᐅᔪᑦ?  

  • ᐱᖑᓂ
  • ᐊᐅᒃᑲᕐᓂᕐᓂ
  • ᑭᓱᖃᕐᔪᐊᕐᓂᕐᓂ
  • ᖁᖕᓂᕐᓂ

ᑭᐅᔪᑦ: ᐊᐅᒃᑲᕐᓂᕐᓂ

 

 

ᐊᓂᒍᕆᐊᓕᒃ 6: ᐊᑐᒃᑲᓐᓂᕈᓐᓇᖅᑐᑦ ᓯᕙᑖᕐᕕᒃ (ᔫᓂ 10) #SecondhandSaturday

ᓯᓚ ᐅᐱᕐᙶᖑᓂᖓᓂᒃ ᓇᓗᓇᕈᓐᓃᕐᒪᑦ! ᓴᓂᖅᐸᓪᓕᐊᔪᓐᓇᖅᓯᒋᕗᓯ ᐊᓐᓄᕌᒃᑯᕕᔅᓯᓐᓂᒃ ᐊᒻᒪᓗ ᒪᒃᐱᖅᑕᖅᑐᓂᒃ. ᑭᓯᐊᓂ ᑕᐃᑲᐅ ᑕᒪᕐᒥᒃ ᓄᑕᐅᖏᑦᑐᖁᑎᒋᔭᑎᑦ ᐃᒋᑦᑕᐃᓕᓗᒋᑦ. ᓄᑕᐅᖏᑦᑐᖁᑎᑎᑦ ᐊᑐᕐᓂᑯᐃᓘᓐᓃᑦ ᐊᑐᖅᑎᒃᑲᓐᓂᒃᑭᑦ! ᐊᑐᒃᑲᓐᓂᕐᓗᒍ ᔫᒐᑦ ᐴᖏᑦ ᑭᓱᓄᑦ ᐴᖑᖅᑎᓪᓗᒋᑦ ᐸᐃᐹᕐᓂᒃ ᑲᑎᖓᔪᑎᑯᓗᖕᓂᒃ ᐅᕝᕙᓘᓐᓃᑦ ᐊᒥᐊᒃᑯᕐᓗᑯᓂᒃ ᐃᓗᓪᓕᕈᓐᓇᖅᑐᑦ. ᐱᖃᓐᓇᕆᔭᑎᑦ ᖃᐃᖁᓗᒋᑦ ᐊᓐᓄᕌᔅᓯᓐᓂᒃ ᑕᐅᖅᓰᖃᑎᒋᓗᒋᑦ. ᖁᓕᑦᑕᐅᔭᕕᓃᑦ ᐳᐊᓗᓕᐊᕆᓗᒍ.    

ᖃᓄᕐᓕ ᓴᓇᑐᓕᕐᓂᐊᖅᐱᑦ ᐊᑐᒃᑲᓐᓂᕈᓐᓇᖅᑐᓄᑦ ᓯᕙᑖᕐᕕᒃ? ᐊᔨᙳᐊᑦ ᓇᒃᓯᐅᑎᓗᒍ Twitter-ᑯᑦ ᐊᑐᕐᓗᑎᑦ ᐆᒥᖓ # NEW7, ᑎᑎᕋᕐᕕᒋᓗᑎᒍ ᐅᕝᕙᓘᓐᓃᑦ ᐃᓕᓗᒍ ᑎᑎᕋᕐᕕᐅᔭᕆᐊᓕᖕᒧᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᓗᒍ ᐅᕗᖓ environment@gov.nu.ca.

 

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ

ᒪᑯᐊ ᐱᑕᖃᓗᐊᖅᑎᓐᓇᒋᑦ ᕿᔪᕈᔪᐃᑦ, ᐃᓄᐃᑦ ᐃᓕᖅᑯᓯᕐᒥᒃᑎᒍᑦ ᖃᓄᖅᑑᖅᐸᓚᐅᕐᒪᑕ. ᓇᓂᓯᔪᖃᕈᓐᓇᕌᖓᑦ ᒥᑭᑦᑑᑎᐅᒐᓗᐊᓂᒃ ᕿᔪᐊᕐᔪᖕᓂᒃ ᐅᕝᕙᓘᓐᓃᑦ ᓴᐅᓂᕐᓂᒃ, ᑕᐃᒃᑯᐊ ᑲᑎᑕᐅᓪᓗᑎᒃ ᑭᓱᓕᐊᕆᔭᐅᕙᓚᐅᖅᑐᑦ ᐱᕐᕋᖅᓯᒪᔪᓄᑦ ᐃᕙᓗᓄᑦ ᐊᑦᑐᖏᐅᑎᖃᖅᖢᑎᒃ ᐅᕝᕙᓘᓐᓃᑦ ᓱᖅᖤᖕᓂᒃ. ᖃᓄᕐᓕ ᑕᑯᒃᓴᐅᑎᑦᑎᓂᐊᖅᐱᑦ ᐊᔪᖏᓐᓂᕆᔭᕐᓂᒃ ᓄᑖᒥᒃ ᑭᓱᓕᐅᕐᓗᑎᑦ ᓄᑕᐅᖏᑦᑐᕕᓂᕐᒥᑦ ᐅᓪᓗᒥ?     

 

ᐊᐱᖅᑯᑦ:

ᐃᒃᓯᕙᐅᑕᓂᒃ ᒥᖑᐊᖅᓯᒍᕕᑦ/ᐊᒥᐊᖅᓯᒍᕕᑦ ᓄᑖᖑᖅᑰᔨᓕᖅᑎᓪᓗᒋᑦ, ᐃᒪᐃᓕᐅᖅᐲᑦ
ᐃ)ᒥᒃᖠᑎᕆᔪᖅ,
ᐱ) ᐊᑐᖅᑎᑦᑎᒃᑲᓐᓂᖅᑐᖅ 
ᑎ) ᐊᑑᑎᖃᖅᑎᑦᑎᒃᑲᓐᓂᖅᑐᖅ? 

 ᑭᐅᔾᔪᑦ:ᐊᑐᖅᑎᑦᑎᒃᑲᓐᓂᕐᓂᖅ ᓄᑕᐅᙱᑦᑐᓂᒃ ᓄᑖᖑᖅᑰᔨᓕᖅᑎᖦᖢᒍ!   

 

 

 

ᐊᓂᒍᕆᐊᓕᒃ 7: ᐱᓱᑲᑕᖕᓂᖅ ᓈᑦᑎᖑᔭ (ᔫᓂ 11) #StrollingSunday

ᑲᑕᖓᐅᔭᖅᐲᑦ?ᐊᓂᑲᑕᒃᑯᕕᑦ ᖃᓄᐃᙱᑉᐹᓕᕐᓂᐊᖅᑐᑎᑦ. ᓄᓇᕘᒥ, ᐱᔪᓐᓇᕐᕕᖃᐅᕋᑦᑕ ᐱᓱᒡᕕᐅᔪᓐᓇᖅᑐᓂᒃ ᓯᓚᑎᑦᑎᐊᑦᑎᓐᓂ. ᓄᓇᕘᓗᒃᑖᒥ, ᑲᓇᑕᒥ ᐊᒻᒪᓗ ᓄᓇᕘᒥ ᒥᕐᖑᐃᖅᓯᕖᑦ ᐅᐸᒃᑕᐅᔪᓐᓇᕐᕕᖃᕐᒪᑕ ᓇᓃᑐᒪᓗᓂ, ᐃᓱᒪᒃᓴᖅᓯᐅᖅ, ᐱᔪᓐᓇᕐᓃᖃᕈᑦ, ᐊᒻᒪᓗ ᖁᕕᐊᓲᑎᖃᕐᓂᖅ ᐃᓕᖅᑯᓯᕐᓂᒃ ᐊᒻᒪᓗ ᑕᐃᒪᐃᓕᖓᔪᑐᖃᕐᓂᖅ ᐃᑦᑕᕐᓂᓴᖅᑕᖃᐅᖅᖢᓂ. ᖃᐅᔨᒋᐊᒃᑲᓐᓂᕈᒪᒍᕕᑦ ᒥᕐᖑᐃᖅᓯᕖᑦ ᐊᒻᒪᓗ ᐅᐸᒃᑕᐅᒐᔪᙱᑦᑐᑦ ᓄᓇᐃᑦ ᖃᓂᒋᔭᔅᓯᓐᓂ ᐅᕗᖓ ᑕᑯᒋᐊᕈᓐᓇᖅᐳᑎᑦ http://gov.nu.ca/environment/information/parks-and-heritage and http://www.pc.gc.ca.   

ᐅᓪᓗᒥ, ᓄᖅᑲᖔᑐᐃᓐᓇᖏᓪᓗᑎᑦ ᓄᓇᓕᐊᕆᑦ! ᖃᓄᒃᑲᓐᓂᖅ ᖁᕕᐊᓲᑎᖃᕈᓐᓇᖅᐱᑕ ᐊᕙᑎᒧᑦ ᐱᓇᓱᐊᕈᓯᐅᓂᖓᓂ ᓯᓚᒦᑲᑕᖕᓂᖅ ᖁᕕᐊᒋᓗᒍ ᓄᓇᕘᒥ ᓄᓇᖏᑦ ᑕᑯᒥᓇᖅᑐᑦ ᓂᕐᔪᑎᖏᓪᓗ! ᖃᓄᕐᓕ ᐊᓃᕐᓗᑎ ᖁᕕᐊᓲᑎᖃᕐᓂᐊᖅᐱᑦ ᐱᓱᑲᑕᖕᓇᕐᒥ ᓈᑏᖑᔭᒥ? ᐊᔨᙳᐊᑦ ᓇᒃᓯᐅᑎᓗᒍ Twitter-ᑯᑦ ᐊᑐᕐᓗᑎᑦ ᐆᒥᖓ # NEW7, ᑎᑎᕋᕐᕕᒋᓗᑎᒍ ᐅᕝᕙᓘᓐᓃᑦ ᐃᓕᓗᒍ ᑎᑎᕋᕐᕕᐅᔭᕆᐊᓕᖕᒧᑦ GN-ᑯᑦ Facebook-ᖓᒍᑦ, ᐅᕝᕙᓘᓐᓃᑦ ᐃᕐᖐᓐᓈᖅᑕᐅᑎᒃᑯᑦ ᓇᒃᓯᐅᑎᓗᒍ ᐅᕗᖓ environment@gov.nu.ca.

http://gov.nu.ca/environment/information/parks-and-heritage                                              
http://www.pc.gc.ca 

 

ᐃᓄᐃᑦ ᖃᐅᔨᒪᔭᑐᖃᖏᑦᑎᒍᑦ ᖁᕕᐊᓇᖅᑐᖅ ᓱᓕᔪᖅ

ᑕᐃᔅᓱᒪᓂᒃᑲᓐᓂᖅ, ᐃᓄᐃᑦ ᓇᒧᙵᐅᕈᓘᔭᖅᐸᓚᐅᕐᒪᑕ ᕿᓂᖅᖢᑎᒃ ᐃᑲᔫᑎᒃᓴᓂᒃ ᑭᓯᐊᓂ ᐊᑕᐅᓯᑦᑕᐃᓐᓇᕐᒥᐅᖏᑦᑐᖅ ᓇᓂᓯᕙᓚᐅᖅᑐᑦ. ᐃᓄᐃᑦ ᓇᒧᖓᐅᑲᑕᒃᖢᑎᒃ , ᑲᑎᖅᓱᐃᕙᒃᖢᑎᒃ ᐊᒻᒪᓗ ᕿᓂᕙᒃᖢᑎᒃ ᐱᕙᓚᐅᖅᑐᑦ ᓯᓚ ᖃᓄᐃᑉᐸᓪᓕᐊᓂᖓ ᒪᓕᒃᖢᒍ. ᐊᓂᑲᑕᒡᓗᑎᑦ ᑕᑯᓇᒋᑦ ᑕᑯᓗᐊᖅᐸᖏᑕᕐᓂᒃ ᖃᐅᔨᓂᐊᕋᕕᑦ ᐅᓪᓗᒥ!  

 

ᐊᐱᖅᑯᑦ:

ᑭᓲᕙ ᐊᑎᐊ ᓄᓇᕘᒥ ᒥᕐᖑᐃᖅᓯᕕᐅᔪᖅ ᑐᑭᖃᖅᖢᓂ ᒪᓕᒡᔪᐊᕐᒥᒃ? ᖃᐅᔨᕚᓪᓕᕈᑦ: ᖃᐅᔨᒋᐊᒃᑲᓐᓂᕈᒪᓗᓂ ᓄᓇᕘᒥ ᒥᕐᖑᐃᖅᓯᕖᑦ ᐊᒻᒪᓗ ᐅᐸᒃᑕᐅᒐᔪᙱᑦᑐᑦ ᓄᓇᐃᑦ ᒥᒃᓵᓄᑦ,  http://www.gov.nu.ca/environment/information/territorial-parks-and-special-places.

 

ᑭᐅᔾᔪᑦ: ᒪᓪᓕᒃᔪᐊᖅ ᓄᓇᕘᒥ ᒥᕐᖑᐃᖅᓯᕕᒃ ᑭᙵᐃᑦ ᖃᓂᒋᔮᓂ