ᐅᖃᓚᐅᑎᓯᐅᑏᑦ

You are here

Get pets vaccinated on World Rabies Day 2017

ᓯᑎᐱᕆ 26, 2017

ᑭᒃᑯᓕᒫᓄᑦ ᑐᓴᒐᒃᓴᖅ

ᐆᒪᔪᖁᑏᑦ ᓯᖏᖅᓯᓇᓐᖏᑦᑐᓄᑦ ᑲᐱᔭᐅᖃᑦᑕᕐᓇᖅ ᓄᓇᕐᔪᐊᕐᒥᑦ ᓯᖏᖅᓯᓯᒪᔪᓕᕆᓂᕐᒧᑦ ᐅᓪᓗᖓ 2017

ᓄᓇᕐᔪᐊᕐᒥ ᓯᖏᖅᓯᓕᕆᓂᐅᑉ ᐅᓪᓗᖓᓐᓂᒃ ᓯᑎᐱᕆ 28ᖑᓕᖅᑲᑦ. ᓄᓇᕗᒻᒥᐅᑦ ᓇᒻᒥᓂᖅ ᓴᐳᒻᒥᔪᓐᓇᖁᓪᓗᒋᑦ ᓇᓪᓕᒋᔭᖏᓪᓗ ᐆᒪᔪᖁᑎᖏᓐᓂᑦ ᓯᖏᖅᓯᓇᓐᖏᑦᑐᓄᑦ ᑲᐱᔭᐅᑎᑦᑎᖁᔭᐅᕗᑦ.

ᓯᖏᖅᓯᓂᖅ, ᑖᓐᓇ ᑐᖁᓐᓇᖅᑐᖅ ᐊᐃᑦᑐᓪᓗᐃᓇᖅᑐᖅ ᐋᓐᓂᐊᒃ ᐆᒪᔪᓄᑦ ᐃᓄᓐᓄᓪᓗ ᐱᔭᐅᔪᓐᓇᖅᑐᖅ, ᐊᒻᒪ ᓯᖏᖅᓯᒍᓐᓃᓇᑦᑐᓂᑦ ᐃᓅᓕᓴᐅᑎᓂᑦ ᐱᑕᓐᖏᑦᑐᖅ ᐊᒻᒪ ᓱᒃᑯᒍᑕᐅᒐᔪᑉᐸᑦᑐᓂ ᑖᓐᓇ ᑭᓯᐊᓂ ᐃᓄᒃ ᑲᐱᔭᐅᑉᐸᑦ ᓯᖏᖅᓯᔭᐃᒃᑯᑎᒥᑦ ᑮᔭᐅᓯᒪᑎᓪᓗᒍ ᐅᓪᓗᐃᑦ ᐊᒥᓲᓐᖏᑦᑐᑦ ᐊᓂᒍᖅᓯᒪᓕᑦᑎᓪᓗᒋᑦ, ᑖᓐᓇ ᐊᐃᑦᑐᓪᓗᖅᑕᐅᓐᖏᒍᓐᓇᖅᑐᖅ.

ᐊᒥᓱᑦ ᐆᒪᔪᑦ ᓯᖏᖅᓯᓯᒪᔪᓐᓇᖅᑐᑦ, ᒪᑯᐊ ᐃᓚᒋᔭᐅᓪᓗᑎᑦ ᕿᒻᒦᑦ, ᑎᕆᒐᓂᐊᑦ, ᐊᒪᕈᐃᑦ ᐊᒻᒪ ᖃᕐᕖᑦ. ᑖᓐᓇ ᐋᓐᓂᐊᖑᔪᖅ ᐊᐃᑦᑐᓪᓗᐃᓇᖅᑐᖅ ᓯᐊᒻᒪᐸᑦᑐᖅ ᓇᓪᓕᐊ ᐆᒪᔪᑦ ᑮᓯᔭᕌᖓᒥ, ᕿᓱᒃᓯᑉᐸᑦ, ᐃᑭᖓᓕᖅᓯᒪᔪᒥᑦ ᐊᓗᔅᓯᑉᐸᑦ..

ᓱᕈᓰᑦ ᑮᔭᐅᑐᐃᓐᓇᕆᐊᖃᕐᓂᖅᓴᐅᔪᑦ. ᐊᖓᔪᖅᑳᕆᔭᐅᔪᑦ ᐱᓯᒪᑦᑎᔨᖏᓪᓘᓐᓃᑦ ᐃᑲᔪᕈᓐᓇᖅᑐᑦ ᑐᓴᐅᒪᑎᑦᑎᑦᑎᐊᓂᕐᒥᑦ ᕿᑐᕐᖓᖏᓐᓂᑦ:

• ᐆᒪᔪᓂᑦ ᖃᐅᔨᒪᔭᓐᓂᑦ ᑭᓯᐊᓂ ᐃᑉᐱᒍᓱᖃᑦᑕᕐᓗᑎᑦ ᐊᒻᒪ ᖃᐅᔨᒪᓇᓱᐊᖏᓐᓇᕐᓗᒍ ᖃᓄᐃᓐᓂᖓ.

• ᐃᓂᖃᖅᑎᑦᑎᐊᕐᓗᒋᑦ, ᓯᓂᑦᑎᓪᓗᒋᑦ ᐱᓗᐊᖅᑐᒥᑦ, ᓂᕆᑎᓪᓗᒋᑦ ᐊᒻᒪ ᓴᕐᓕᐊᖅᑲᑕ ᓴᕐᓕᐊᖅᑕᖏᓐᓂᑦ ᑲᒪᑎᓪᓗᒋᑦ.

ᓯᖏᖅᓯᓇᑕᐃᓕᒪᑎᑦᑎᔪᓐᓇᖅᑐᒍᑦ ᐅᕙᒍᑦ ᐊᑐᓂ:

• ᐆᒪᔪᖁᑎᓯ ᑲᐱᔭᐅᑎᖃᑦᑕᓯᒋᑦ ᓈᒻᒪᓕᕋᐃᑉᐸᑦ. ᐊᑭᖃᙱᑦᑐᖅ

• ᐆᒪᔪᖁᑎᓯ ᐃᓪᓘᑉ ᐃᓗᐊᓃᑎᖃᑦᑕᕐᓗᒋᑦ ᐅᕙᓗ ᐃᐱᖅᓯᒪᓗᒋᑦ.

• ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᖃᐅᔨᒃᑲᐅᑎᓗᒋᑦ ᖃᐅᔨᑐᐊᕈᕕᑦ ᓯᖏᖅᓯᓇᖅᑐᒧᑦ ᐊᐃᑦᑐᖅᑕᐅᓯᒪᓱᒋᓐᓂᕈᕕᑦ.

ᕿᒻᒦᑦ ᐊᓯᐊᓄᑦ ᐆᒪᔪᒧᑦ ᑮᔭᐅᑉᐸᑦ, ᐊᕙᑎᒥᑦ ᖃᐅᔨᓴᖅᑎᒥᑦ ᖃᐅᔨᒃᑲᐃᑦᑕᐅᑎᒋᓗᑎᑦ ᐅᕙᓗ ᓄᓇᓕᓐᓂᑦ ᐸᓖᓯᙳᐊᒥᑦ (ᐸᐃᓛ) ᐊᔪᕆᖅᓱᖅᑕᐅᒐᔭᖅᑐᑎᑦ ᖃᓄᐃᓕᖅᑐᔅᓴᐅᒻᒪᖔᖅᐱᑦ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᕌᓐ ᕚᓯᓇᒃ
ᑐᓴᐅᒪᑎᑦᑎᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ
867 -975-5710
rwassink@gov.nu.ca