ᐅᖃᓚᐅᑎᓯᐅᑏᑦ

You are here

ᐅᑭᐅᖅᑕᖅᑐᒥᐅᑎᑐᑦ – ᖁᕕᐊᓲᑎᖃᖕᓂᖅ ᐱᙳᐊᕐᑎᓂᑦ

ᒪᐃ 01, 2013

 

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᐅᑭᐅᖅᑕᖅᑐᒥᐅᑎᑐᑦ – ᖁᕕᐊᓲᑎᖃᖕᓂᖅ ᐱᙳᐊᕐᑎᓂᑦ

ᐃᖃᓗᐃᑦ, ᓄᓇᕗᑦ (ᒪᐃ 1, 2013) – ᓄᓇᕗᒻᒥᑦ ᓴᓇᙳᐊᕐᑏᑦ ᐊᒻᒪᓗ ᓂᔾᔭᐅᓯᔭᖅᑏᑦ ᓯᓚᕐᔪᐊᖕᒥᑦ ᓴᖅᑭᔮᖕᒪᑕ ᐅᑭᐅᖅᑕᕐᑐᒥᐅᑕᐅᔭᖕᓂᕐᒥᑦ ᐋᑐᕚᒥᑦ ᖔᑦᑎᓅᒥᓪᓗ.

"ᒐᕙᒪᕗᑦ ᐱᒃᑯᒍᓱᒃᑐᒻᒪᕆᐅᖕᒪᑕ ᐊᒥᓱᒐᓚᐃᑦ ᓄᓇᕗᒻᒥᐅᑕᐅᖃᑎᕗᑦ ᐱᙳᐊᕐᑎᒐᓚᖏᑦ - ᓴᖅᑭᑉᐸᓪᓕᐊᔪᖅ ᓴᖅᑭᔮᓕᖅᑐᓪᓗ - ᑕᑯᓐᓈᕐᑎᑦᑎᔪᓐᓇᕐᒪᑕ ᐊᔪᙱᓐᓂᕐᒥᓂᒃ ᑕᒪᑐᒪᓂ ᐊᒥᓲᓕᖓᔪᒥ ᐱᙳᐊᕐᓂᓕᕆᓂᕐᒧᑦ ᑲᑎᓐᓃᑦ 250-ᓂᑦ ᐅᑭᐅᖅᑕᖅᑐᒥᐅᑕᓂ ᐱᙳᐊᕐᑏᑦ ᐃᓚᐅᓂᐊᕐᒪᑕ 50-ᓄᑦ ᐱᙳᐊᕐᓂᕐᓄᑦ," ᐅᖃᖅᑐᕕᓂᖅ ᓯᕗᓕᖅᑎ ᐄᕙ ᐋᕆᐊᖅ.

ᓂᐅᓪᓴᓐ ᑕᒍᖕᓈᖅ, ᓯᐅᓪᕕᐊ ᒃᓘᑎᐊᐃ, ᑖᓐᔭ ᑕᒑᖅ, ᐊᖅᓯᒃᑯᑦ ᐊᒻᒪᓗ ᒫᑎᐅ ᓄᕿᙵᖅ ᐃᓚᒋᔭᐅᓂᐊᕐᑐᑦ ᓄᓇᕗᒻᒥᐅᑕᓂ ᖁᙱᐊᕐᑕᐅᑎᓪᓗᒋᑦ ᖁᕕᐊᓱᒃᑎᑦᑎᓗᑎᒃᓗ ᖁᙱᐊᕆᐊᖅᑐᓂᑦ.

ᓄᓇᕗᑦ ᒐᕙᒪᒃᑯᖏᑦ ᐊᓕᐊᓇᐃᒍᓱᒃᑐᑦ ᑐᓂᓯᓚᐅᕐᒪᑕ $200,000-ᓂᑦ ᐅᑭᐅᖅᑕᕐᑐᒥᐅᑎᑑᒧᑦ, 6-ᒋᓕᖅᑕᖓᓂ ᑲᑎᓐᓂᖏᑦ ᐊᕐᕌᒎᒃ ᒪᕐᕉᒃ ᐊᓂᒍᕌᖓᑦ ᑲᑎᓐᓂᐅᕙᒃᑐᑦ ᓴᖅᑭᑕᐅᓲᑦ ᑲᓇᑕᒥ ᐱᙳᐊᕐᑎᒐᓚᓕᕆᔨᒃᑯᓐᓂᑦ (National Arts Centre). ᑲᑎᓐᓂᐅᓛᖅᑐᑦ ᐊᐃᕆᓕ 25-ᒥᑦ ᒪᐃ 4-ᒧᑦ ᐋᑐᕚᒥᑦ ᒐᑎᓅᒥᓪᓗ..

ᐅᑭᐅᖅᑕᖅᑐᒥᐅᑎᑑᕐᓃᑦ, ᐊᒥᓲᓂᕐᐹᓂ ᐅᑭᐅᕐᑕᖅᑐᒥᐅᓂ ᐱᙳᐊᕐᑎᓂ ᑲᑎᓐᓂᐅᕗᖅ ᐅᑭᐅᕐᑕᖅᑑᑉ ᓯᓚᑖᓂᑦ, ᖁᙱᐊᕆᐅᖅᑎᑦᑎᓗᑎᒃ ᐊᑕᐅᓯᐊᖅ ᖃᐅᔨᔪᓐᓇᖁᓪᓗᒋᑦ ᐅᑭᐅᖅᑕᖅᑐᒥᑦ ᓂᔾᔭᐅᓯᔭᖅᑎᓂᑦ, ᐱᙳᐊᕐᓂᕐᓂᑦ, ᒧᒥᕐᓂᕐᓂᑦ, ᖁᙱᐊᕐᑕᐅᓗᑎ ᑕᑯᓐᓈᕐᑎᑦᑎᓗᑎᒃᓗ, ᑕᕐᕆᔭᖅᑎᑦᑎᓗᑎᒃ, ᐅᖃᓕᒫᒐᓕᕆᓃᑦ, ᐅᓂᒃᑳᕐᑐᐊᕐᓃᑦ, ᓂᕿᓕᕆᓃᑦ ᐊᒻᒪᓗ ᐊᓐᓄᕌᓕᕆᓃᑦ. ᑕᒪᓐᓇ ᐱᐅᓛᖑᔪᓂᑦ ᑲᑎᓐᓂᐅᔪᖅ ᑕᑯᒃᓴᐅᑎᑦᑎᓂᐊᕐᐳᑦ ᐱᙳᐊᕐᑎᓂᑦ ᓄᓇᕗᒻᒥᑦ, ᔫᑳᓐᒥᑦ, ᓄᓇᑦᑎᐊᒥᑦ, ᓄᓇᑦᓯᐊᕗᒻᒥᐅᓂ ᐊᒻᒪᓗ ᓄᓇᕕᖕᒥᐅᓂᑦ.

"ᐅᑭᐅᖅᑕᖅᑐᒥᐅᑎᑑᕐᑐᑦ ᐱᐅᔪᒻᒪᕆᐊᓘᕗᑦ ᑲᓇᑕᒥᐅᑕᓂ ᓯᓚᕐᔪᐊᖕᒥᐅᑕᓂᒃᓗ ᖃᐅᔨᔭᐅᓂᖏᓐᓂᑦ ᐊᔾᔨᒌᙱᑦᑑᑎᓂᒃ ᐊᔪᙱᓐᓂᖏᓐᓂᒃᓗ ᐱᙳᐊᕐᑎᕗᑦ," ᐅᖃᖅᑐᕕᓂᖅ ᓄᓇᕘᑉ ᒥᓂᔅᑕᖓ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓐᓄᓪᓗ ᐲᑕ ᑕᑉᑑᓇ. "ᐊᓕᐊᓇᐃᒍᓱᒻᒪᕆᒃᐳᒍᑦ ᐱᕕᖃᖅᑎᑦᑎᔪᓐᓇᕋᑦᑕ ᓄᓇᕗᒻᒥᐅᓂ ᐱᕚᓪᓕᕈᓐᓇᖁᓪᓗᒋᑦ ᐃᖅᑲᓇᐃᔮᒻᒪᕆᒋᔪᒪᔭᒥᓂᒃ."

###

ᐱᕙᓪᓕᐊᔪᓄᑦ ᑐᑭᓯᒋᐊᕐᕕᒃ: ᐃᒪᓕ ᕗᑦᔅ

ᐱᕙᓪᓕᐊᔪᓄᑦ ᐊᒡᓚᒃᑎ

ᐊᒡᓚᒃᕕᐊᓂᑦ ᓯᕗᓕᖅᑎᐅᑉ ᐄᕙ ᐋᕆᐊᑉ

ᐅᖄᓚᐅᑖ: 867-975-5059

ᐅᖄᓚᐅᑎᕋᓛᖅ : 867-222-0217

ᐃᕐᖐᓐᓇᒃᑰᕈᑖ: ewoods@gov.nu.ca

ᒫᑎᐅ ᐃᓚᓴᕕᑦᔅ

ᐊᐅᓚᑦᑎᔨ, ᑐᓴᐅᒪᔪᓕᕆᔨᓄᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ

ᐅᖄᓚᐅᑖ: 867-975-7818

ᐃᕐᖐᓐᓇᒃᑰᕈᑖ: millaszewicz@gov.nu.ca