ᐅᖃᓚᐅᑎᓯᐅᑏᑦ

You are here

ᐋᓐᓂᐊᕕᓕᐊᖅᑐᓅᖓᔪᑦ

ᑕᕝᕙᐅᕗᑦ ᐃᓕᖕᓄᑦ

 

ᖃᓄᑐᐃᓐᓇᖅ ᐃᓱᒪᒋᔭᔅᓯᓐᓂ ᑐᙵᓴᐃᕗᒍᑦ, ᐊᑲᕐᕆᑦᑎᐊᖁᓪᓗᓯ ᐊᒃᑐᐊᓂᕆᔭᑦᑎᓐᓂ. ᑐᓴᐅᒪᑎᑦᑎᓂᖅ ᐊᑐᖅᐸᒃᐸᕗᑦ ᐋᖅᑭᒋᐊᖅᐹᓪᓕᖅᑎᑦᑎᔪᓐᓇᕈᒪᓪᓗᑕ. ᐃᓱᒪᒋᔭᖃᕐᓂᕈᔅᓯ, ᐅᖃᐅᓯᒃᓴᖃᕐᓂᕈᔅᓯ, ᐃᓱᒫᓘᑎᖃᕈᔅᓯᓘᓐᓃᑦ ᑐᓴᕈᒪᕗᒍᑦ ᐃᓕᔅᓯᓐᓂ. ᐅᖃᖃᑎᖃᖅᑕᐃᓕᖏᓚᓯ ᐱᓕᕆᔨᐅᔪᓂ ᐅᕝᕙᓘᓐᓃᑦ ᐊᑐᐊᒐᕐᓄᑦ ᐋᓐᓂᐊᕕᓕᐊᖅᐸᑦᑐᓄᑦ ᐊᖏᔪᖅᑳᖓᑦ ᐅᖃᖃᑎᒋᔪᓐᓇᖅᐸᑦ.

ᖃᓄᑐᐃᓐᓇᖅ ᐃᓱᒪᒋᔭᔅᓯᓐᓂ ᑐᙵᓴᐃᕗᒍᑦ, ᐊᑲᕐᕆᑦᑎᐊᖁᓪᓗᓯ ᐊᒃᑐᐊᓂᕆᔭᑦᑎᓐᓂ. ᑐᓴᐅᒪᑎᑦᑎᓂᖅ ᐊᑐᖅᐸᒃᐸᕗᑦ ᐋᖅᑭᒋᐊᖅᐹᓪᓕᖅᑎᑦᑎᔪᓐᓇᕈᒪᓪᓗᑕ. ᐃᓱᒪᒋᔭᖃᕐᓂᕈᔅᓯ, ᐅᖃᐅᓯᒃᓴᖃᕐᓂᕈᔅᓯ, ᐃᓱᒫᓘᑎᖃᕈᔅᓯᓘᓐᓃᑦ ᑐᓴᕈᒪᕗᒍᑦ ᐃᓕᔅᓯᓐᓂ. ᐅᖃᖃᑎᖃᖅᑕᐃᓕᖏᓚᓯ ᐱᓕᕆᔨᐅᔪᓂ ᐅᕝᕙᓘᓐᓃᑦ ᐊᑐᐊᒐᕐᓄᑦ ᐋᓐᓂᐊᕕᓕᐊᖅᐸᑦᑐᓄᑦ ᐊᖏᔪᖅᑳᖓᑦ ᐅᖃᖃᑎᒋᔪᓐᓇᖅᐸᑦ.

 

ᑭᒃᑰᕙᑦ ᑲᒪᒋᕙᒃᑕᕗᑦ?

ᑲᒪᒋᕙᒃᑕᕗᑦ ᑭᒃᑯᑐᐃᓐᓇᐃ ᑲᒪᒋᔭᐅᕙᒃᑐᑦ ᐅᕙᑦᑎᓐᓄ, ᐅᖃᖃᑎᖃᖅᐸᒃᑐᓪᓗ ᐃᖅᑲᓇᐃᔭᖅᑎᓄᒃ ᐅᕝᕙᓘᓐᓃᑦ ᐋᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐊᖏᖃᑎᒌᒍᑦ ᐸᐃᑉᐹᑯᑦ ᐱᓯᒪᔪᑦ.

  • ᑐᑭᓯᒋᐊᕈᑎᑕᖃᕐᓗᓂ ᐃᓱᒫᓘᑕᐅᔪᓂᒃ
  • ᐃᑲᔪᕐᓂᖅ ᑐᑭᓯᑎᑦᑎᑲᓐᓂᕆᐊᕐᓗᑕᓗ ᐋᓐᓂᐊᖅᑐᓕᕆᓂᕐᒥᑦ ᐋᓐᓂᐊᕕᓕᐊᖅᑐᓄ ᐊᒻᒪ ᐃᓚᒌᓄᑦ
  • ᑐᕌᖅᑎᑦᑎᕙᒡᓗᑕ ᐃᖅᑲᓇᐃᔭᖅᑎᒧᑦ ᐱᓕᕆᓪᓗᐊᑕᖅᑐᓄ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ ᑲᒪᒋᔭᐅᓂᐊᖅᑐᒧ ᐊᒻᒪ ᐃᓚᒌᖕᓄ
  • ᐃᑲᔪᕐᓂᖅ ᐊᐱᖅᑯᑕᐅᔪᓂ ᑲᒪᒋᔭᐅᓇᔭᖅᑑᑉ ᐱᔪᓐᓇᐅᑎᖏᓐᓂ, ᐃᓱᒫᓘᑎᓂᒡᓘᓐᓃᑦ ᑲᒪᒋᔭᐅᓂᕐᒧᑦ ᐊᒻᒪᓗ ᐱᔨᑦᑎᕋᖅᑕᐅᓂᕐᒧᑦ
  • ᐅᖃᐅᔾᔨᒋᐊᕐᓂᖅ ᖃᓄᖅᑑᕈᓐᓇᕐᓗᑎ ᐊᑲᐅᖏᓕᐅᕈᑎᐅᔪᓂᒃ ᐋᓂᐊᕕᓕᐊᖅᑐᓄ, ᐃᓚᒌᓄᑦ ᐊᒻᒪᓗ ᐋᓐᓂᐊᕕᖕᒥ ᐃᖅᑲᓇᐃᔭᖅᑎᓄ
  • ᐋᓐᓂᐊᕕᓕᐊᖅᑐᓄᑦ ᐃᓱᒫᓘᑕᐅᔪᖅ ᖃᐅᔨᓴᕆᐊᒃᑲᓐᓂᖅᐸᒡᓗᒋᑦ ᐋᖅᑭᒋᐊᕆᕙᒡᓗᑎᓗ ᐊᑯᓂᐅᓗᐊᖏᑦᑐᒃᑯᑦ
  • ᖃᓄᐃᓕᐅᖁᔨᔾᔪᑎᓂᒃ ᓴᖅᑮᕙᒡᓗᑕ ᐋᖅᑭᒋᐊᕈᑎᓂᒃ ᖃᐅᔨᓴᕆᐊᕈᑕᐅᓚᐅᖅᑐᓂ ᐃᓴᒫᓘᑕᐅᔪᓂᒃ

 

ᐱᔨᑦᑎᕋᑦᑎᐊᕋᓱᐊᕐᓂᕗᑦ

ᓂᕆᐅᖕᓂᖃᕈᓐᓇᖅᐳᓯ ᐅᕝᕙᑦᑎᓐᓂᒃ

  • ᓈᓚᖕᓂᑦᑎᓐᓂ ᐅᖃᐅᓯᒃᓴᔅᓯᓐᓂ, ᖃᓄᐃᓕᐅᕈᑕᐅᖁᔭᐅᔾᔪᑏᑦ, ᐃᓱᒫᓘᑕᐅᔪᓪᓗ
  • ᑲᒪᑦᑎᐊᕐᓂᖅ ᐅᖃᐅᓯᒃᓴᔅᓯᓐᓂ, ᖃᓄᐃᓕᐅᕈᑕᐅᖁᔭᐅᔾᔪᑏᑦ, ᐃᓱᒫᓘᑕᐅᔪᓪᓗ ᑲᒪᒋᔭᐅᓂᐊᖅᑐᓄ, ᐃᓚᖏᓪᓗ ᐊᒻᒪᓗ ᐋᓐᓂᐊᖅᑐᓕᕆᓂᕐᒥᒃ ᐃᖅᑲᓇᐃᔭᖅᑏᑦ
  • ᐅᖃᐅᓯᖃᖃᑎᒌᖕᓂᖅ ᐅᖃᐅᓯᒃᓴᔅᓯᓐᓂ, ᖃᓄᐃᓕᐅᕈᑕᐅᖁᔭᐅᔾᔪᑏᑦ, ᐃᓱᒫᓘᑕᐅᔪᓪᓗ ᑐᕌᖅᑎᑦᑎᕙᒡᓗᑕ ᐃᖅᑲᓇᐃᔭᖅᑎᒧᑦ ᐱᓕᕆᓪᓗᐊᑕᖅᑐᓄ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ
  • ᑭᐅᓯᕙᒡᓗᑕ ᐊᐱᖅᑯᑕᐅᔪᓂᒃ ᐱᔨᑦᑎᕋᓂᐅᑉ ᒥᒃᓵᓄᑦ, ᐊᒻᒪᓗ ᐊᑐᐊᒐᖏᑕ ᐊᐅᓚᓂᖏᑕᓘᓐᓃᑦ ᒥᒃᓵᓄᑦ
  • ᐃᑲᔪᖅᑐᐃᓂᖅ ᑕᑯᔭᐅᔭᕆᐊᖃᖏᑦᑐᓂᒃ ᐱᓕᕆᐊᓂᒃ, ᑐᙵᓇᖅᑑᓗᓂ ᐊᒻᒪ ᐃᒃᐱᒍᓱᑦᑎᐊᕐᓗᓂ ᐊᕙᑎᖓᓐᓂ

 

ᐃᓱᒫᓘᑎᒋᔭᕐᓂ ᑎᑎᕋᕐᓂᖅ

ᐃᓱᒫᓘᑎᖃᕐᓂᖅ ᑭᓲᖕᒪᑦ?
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᒪᑦᑎᐊᕈᓐᓇᕐᓂᓕᒫᒥᓂᒃ ᑲᒪᓇᓱᒃᐸᒃᑲᓗᐊᖅᑎᓪᓗᒋ ᐃᒃᐱᒋᔭᖃᑐᐃᓐᓇᕆᐊᖃᖅᐳᑎᑦ ᐃᒪᓐᓇ

  • ᑲᒪᒋᔭᐅᔾᔪᑎᒋᔪᒪᔭᑦ/ᑲᒪᒋᔭᐅᔾᔪᑎᒋᔭᕆᐊᖃᖅᑕᐃᓪᓘᓐᓃᑦ ᐊᑐᖅᑕᐅᖏᖦᖢᓂ
  • ᓈᓚᒃᑕᐅᖏᖦᖢᑎᑦ
  • ᐃᒃᐱᒋᔭᐅᖏᖦᖢᑎᑦ

ᐅᓐᓂᕐᓘᑎᖃᕈᓐᓇᖅᐳᓯ ᖃᓄᑐᐃᓐᓇ ᑲᒪᒋᔭᐅᓂᐅᑉ ᐅᕝᕙᓘᓐᓃᑦ ᐱᔨᑦᑎᕋᖅᑕᐅᓂᐅᑉ ᒥᒃᓵᓄᑦ ᓄᓇᕗᑦ ᐃᓗᐊᓂᑦ ᓯᓚᑖᓂᓪᓘᓐᓃᑦ, ᐃᖅᑲᓇᐃᔭᖅᑎᐅᑉ ᐅᕝᕙᓘᓐᓃᑦ ᐸᐃᑉᐹᒃᑯᑦ ᐊᖏᖃᑎᒌᒍᑕᐅᓯᒪᔫᑉ ᒥᒃᓵᓄᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓗᐊᓂ. ᑲᒪᒋᔭᐅᓂᖅ ᐅᑯᓇᖔᕐᓂᕈᑎ; ᐋᓐᓂᐊᕕᖕᒥ, ᐸᖅᑭᔭᐅᕝᕕᖕᒥ, ᑕᖕᒫᖅᑎᕕᖕᓂ, ᐋᓐᓂᐊᖅᑐᓕᕆᓂᕐᒧᑦ ᓇᓪᓕᐅᒃᑯᒫᓄᑦ ᐃᑲᔫᑎᓄ, ᑭᒍᓯᕆᕝᕕᖕᓂ ᐅᕝᕙᓘᓐᓃᑦ ᓇᑭᑐᐃᓐᓇᖅ ᐋᓐᓂᐊᖅᑐᓕᕆᓂᐅᑉ ᒥᒃᓵᓄᑦ.

 

ᐃᓱᒫᓘᑎᓄᑦ ᑐᖅᑯᖅᓯᓂᕐᒥᑦ ᐊᑐᕆᐊᓖᑦ ᐱᖓᓲᕗᑦ

ᓯᕗᓪᓕᖅᐹ 1: ᐃᓱᒫᓘᑎᒋᔭᑦ ᑐᓴᖅᑕᐅᖁᓪᓗᒍ ᐃᓕᖕᓂᑦ ᑲᒪᔪᑦ ᓯᕗᓪᓕᖅᐸᐅᑎᓪᓗᒋ ᐅᖃᓪᓚᖃᑎᒋᓗᒋ ᐱᒋᐊᕈᑎᐅᕗᖅ - ᐋᓐᓂᐊᓯᐅᑏᑦ, ᓘᒃᑖᑦ, ᐅᕝᕙᓘᓐᓃᑦ ᐊᓯᖏᑦ ᐃᖅᑲᓇᐃᔭᖅᑏᑦ ᐃᓕᖕᓂ ᑲᒪᔪᑦ ᐅᖃᓪᓚᖃᑎᒋᓗᒋᑦ. ᑖᒃᑯᐊ ᐃᓕᖕᓂ ᑲᒪᒋᔭᖃᕐᓂᑰᔪᑦ ᓇᐅᒃᑰᕐᓂᕆᔭᕐᓂ ᖃᐅᔨᒪᓂᖅᓴᐅᒐᔪᖕᒪᑎ ᐊᒻᒪ ᐃᓱᒫᓘᑎᒋᔭᕐᓄ ᓈᒻᒪᓈᖅᑐᒃᑯᑦ ᑭᐅᔾᔪᑕᐅᓵᓕᔪᓐᓇᕐᓂᖅᓴᐅᓇᔭᖅᐳᑦ.

ᓯᕗᓪᓕᖅᐹ 2: ᐃᓱᒫᓘᑎᒋᔭᑦ ᖃᓄᐃᓕᒋᐊᖅᑕᐅᔪᓐᓇᖏᑉᐸᑦ ᐅᐸᒃᓯᒪᔭᖅᐱᑦ ᐊᖏᔪᖅᑳᖓᓐᓄ ᐅᖃᓪᓚᖃᑎᖃᕈᒪᔪᓐᓇᖅᐳᑎᑦ. ᐊᖏᔪᖅᑳᑉ ᐋᖅᑭᒃᓱᐃᖃᑎᒋᓇᔭᖅᐹᑎᑦ ᐅᓪᓗᕐᒥ ᑲᑎᖃᑎᒋᓇᔭᖅᑕᔅᓯᓐᓂᒃ ᐊᑲᐅᔪᒃᑯᑦ ᑕᒪᔅᓯᓐᓄ ᐃᓱᒫᓘᑎᒋᔭᕐᓂ ᐅᖃᓪᓚᖃᑎᒌᒍᑎᒋᒐᔭᖅᑕᔅᓯᓐᓂ.

ᓯᕗᓪᓕᖅᐹ 3:

ᐋᓐᓂᐊᕕᐅᑉ ᐊᖏᔪᖅᑳᖓᓐᓂ ᐅᖃᓪᓚᖃᑎᖃᓚᐅᖅᑎᓪᓗᑎᑦ ᓈᒻᒪᒃᓴᖏᒃᑯᕕᑦ ᓱᓕ ᐃᓱᒫᓘᑎᒋᔭᑦ ᐅᖃᐅᓯᕆᔪᓐᓇᕆᕙ ᐋᓐᓂᐊᕕᓕᐊᖅᐸᒃᑐᓄ ᐊᑐᐊᒐᐅᕙᒃᑐᓂ ᐊᓪᓚᒡᕕᖓᓐᓄᑦ,

ᐅᖄᓚᐅᑎᒃᑯᑦ, ᑎᑎᕋᕐᓂᒃᑯᑦ, ᖃᕆᓴᐅᔭᒃᑯᑎᒍᑦ ᐅᕝᕙᓘᓐᓃᑦ ᐋᖅᑭᒃᑕᐅᓯᒪᕙᒌᖅᑐᓂᒃ ᖃᕆᓴᐅᔭᒃᑯᑦ ᑕᑕᑎᕆᔾᔪᑦ ᑕᑕᑎᕐᓗᒍ.

ᐅᑭᐅᖅᑕᖅᑐᒥ ᐊᖏᔪᖅᑳᖓᑦ ᐋᓐᓂᐊᕕᓕᐊᖅᐸᒃᑐᓄ ᐊᑐᐊᒐᐅᕙᒃᑐᑦ ᐊᓪᓚᒡᕕᖓᑦ, ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
ᑎᑎᖃᕐᓂᐊᕐᕕᒃ 1000, ᑐᕌᕈᑖ 1000
ᐃᖃᓗᐃᑦ, ᓄᓇᕗᑦ X0A 0H0

ᐅᖄᓚᐅᑖ: 867-975-5703
Toll Free: 1-855-438-3003
ᐃᕐᖐᓈᖅᑕᐅᑦ: patientrelations@gov.nu.ca

 

ᑲᓱᕐᕕᑦ:

ᐋᓐᓂᐊᕕᓕᐊᖅᐸᒃᑐᓄ ᐊᑐᐊᒐᐅᕙᒃᑐᑦ ᐅᖃᓕᒫᒐᒃᓴ
ᐊᑭᓐᓇᕐᒥᐅᑕᕐᒥ ᑐᑭᓯᒋᐊᕈᑏᑦ
ᐊᐱᖅᑯᑕᐅᒐᔪᒃᑐᑦ
ᐅᓐᓂᕐᓗᖕᓂᕐᒧᑦ ᑕᑕᑎᕆᐊᓕᒃ
ᑐᑭᓯᑎᑦᑎᑲᓐᓂᕆᐊᕈᑦ ᑲᑎᖅᓱᑕᐅᓯᒪᔪᖅ
ᑕᑕᑎᕆᔾᔪᑏᑦ ᐃᓱᒫᓘᑕᓄᑦ