 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᓯᑦᑏᕝᕙ 9, 2003) - ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐃᓄᓕᕆᓂᕐᒧᓪᓗ ᒥᓂᔅᑕ ᐃᑦ ᐱᑯ ᓅᒋᐊᖅᓯᕗᖅ ᐱᕙᓪᓕᐊᑎᑕᐅᓂᒃᓴᖓᓂᒃ ᕿᑭᑕᓂ ᐋᓐᓂᐊᕐᕕᒃᓴᐅᑉ ᓄᑖᒥᒃ ᐱᒋᐊᕐᓂᖃᖅᑐᓂ ᐅᓪᓗᒥ ᓄᓇ ᐃᓂᒃᓴᖓ ᐳᓯᓯᖅᑕᐅᓪᓗᓂ ᐋᓐᓂᐊᕐᕕᐅᓂᐊᖅᑑᑉ. ᐱᑯ, ᒪᓕᒐᓕᐅᖅᑎ ᐃᖃᓗᐃᑦ ᑲᓇᓐᓇᖓᓄᑦ, ᐃᓚᓕᐅᕝᕕᐅᓚᐅᖅᑐᖅ ᐃᖃᓗᖕᓂ ᒪᓕᒐᓕᐅᖅᑎᐅᖃᑎᒥᓄᑦ ᓯᕗᓕᖅᑎ ᐹᓪ ᐅᑲᓕᖅ (ᐃᖃᓗᐃᑦ ᐱᖓᖕᓇᖓᓄᑦ ᐊᒻᒪᓗ ᕼᐊᓐᑐ ᑐᑐ (ᐃᖃᓗᐃᑦ ᕿᑎᐊᓄᑦ) “ᑕᒪᓐᓇ ᖃᓄᐃᓕᐅᕈᑕᐅᓚᐅᖅᑐᖅ ᓴᖅᑭᑦᑐᖅ ᐱᐊᓂᒍᑕᐅᔪᖅ ᓴᓇᔭᐅᓂᐊᓕᕐᓂᖓᓄᑦ ᐋᓐᓂᐊᕐᕕᒃᓴᖅ. 2006-ᖑᓕᖅᐸᑦ ᓄᓇᕗᑦ ᓄᑖᒥ ᐋᓐᓂᐊᕐᕕᖃᓕᕐᓂᐊᖅᑐᖅ, ᖃᓂᓐᓂᖅᓴᐅᓕᕐᓗᓂ ᐊᖏᕐᕋᒧᑦ ᐊᒥᓱᓄᑦ ᓄᓇᕗᒥᐅᓄᑦ.” ᐅᖃᖅᑐᖅ ᐱᑯ. ᐸᕐᓇᒍᑕᐅᕙᓪᓕᐊᓕᖅᑐᒻ ᑕᒪᓐᓇ ᐃᓕᓐᓂᐊᖅᑎᑦᓯᓂᖅ ᐊᒻᒪᓗ ᐃᓕᓐᓂᐊᕈᑕᐅᔪᓐᓇᖅᑐᑦ ᒪᓂᒪᓂᐊᖁᓪᓗᒋᑦ ᐋᓐᓂᐊᕐᕕᒃ ᐃᖅᑲᓇᐃᔭᖅᑖᖅᐸᓪᓕᐊᓕᖅᐸᑦ ᐊᒥᓲᓂᖅᐸᖑᔪᓐᓇᖅᑐᓂᒃ ᓄᓇᕗᒥᐅᓂᒃ. “ᑕᒪᓐᓇ ᐱᓕᕆᐊᖑᓂᖓ ᐊᕙᓗᐊ ᐅᓪᓗᒥᒧᑦ ᐊᙳᑎᓯᒪᔪᒥᒃ ᐋᓐᓂᐊᕐᕕᖃᕐᓂᖅ ᐃᑲᔫᑎᓂᐊᖅᑐᖅ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᐊᒻᒪᓗ ᑎᒍᒥᐊᕈᓐᓇᕐᓂᕐᒧᑦ ᐋᓐᓂᐊᖅᑐᓕᕆᔨᓂᒃ ᐊᒻᒪᓗ ᓄᓇᕗᒥᐅᓄᑦ ᐃᖅᑲᓇᐃᔭᕐᕕᐅᖁᓪᓗᒍ ᑕᒡᕙᓂ.” ᐅᖃᖅᑐᖅ ᐅᑲᓕᖅ. ᑖᓐᓇ ᓄᑖᖅ ᐋᓐᓂᐊᕐᕕᒃ ᑐᕌᖅᑕᕐᕕᐅᓂᐊᖅᑐᖅ ᐋᓐᓂᐊᖅᑐᓕᕆᔭᐅᓂᖏᓐᓄᑦ ᓄᓇᕗᑦ ᐊᒻᒪᓗ ᓴᖅᑭᑎᑦᓯᔾᔪᑕᐅᓗᓂ ᐊᒥᓲᙱᓐᓂᖅᓴᑦ ᓄᓇᕗᒥᐅᑦ ᑐᐊᕕᕐᓇᒃᑐᒃᑰᖃᑦᑕᕆᐊᖃᓕᕐᓗᑎᒃ ᖃᓪᓗᓈᑦ ᓄᓇᖏᓐᓄᑦ ᐋᓐᓂᐊᖅᑐᓕᕆᔭᐅᒋᐊᖅᑐᕐᓗᑎᒃ. “ᐃᓄᐃᑦ ᕿᓚᒥᐅᓂᖅᓴᖅ ᐋᓐᓂᐊᕈᓐᓃᖅᐸᖕᒪᑕ ᐊᕙᓗᖃᕌᖓᒥᒃ ᐃᒃᐱᒍᓱᒃᑐᓂᒃ ᐃᓕᖅᑯᓯᖏᓐᓂᒃ ᐊᒻᒪᓗ ᐃᑲᔪᖅᑕᐅᔾᔪᑎᒋᒋᐊᖃᖅᑕᖏᓐᓂᒃ. ᒪᓕᒐᓕᖅᑎᐅᓪᓗᓂ ᖃᐅᔨᒪᔪᖓ ᕿᓚᓈᕈᑎᖃᖅᑐᐃᓐᓇᐅᒐᑦᑕ ᓴᓇᔭᐅᓯᒪᔪᒥᒃ ᓄᓇᕗᒥ ᐋᓐᓂᐊᖅᑐᓕᕆᔾᔪᑎᓂᒃ,” ᐅᖃᖅᑐᖅ ᑐᑐ. ᑖᒃᑯᐊ ᐋᓐᓂᐊᕐᕕᖕᒦᑦᑐᓐᓇᕐᓂᐊᖅᑐᑦ 35 ᐃᒡᓖᑦ. ᑕᒪᓐᓇ ᐃᓚᖃᖅᑐᖅ ᐃᒡᓕᕐᓂᒃ ᐋᓐᓂᐊᖅᑐᓄᑦ, ᐋᓐᓂᐊᒻᒪᕆᒃᑐᓄᑦ, ᓱᕈᓯᕐᓄᑦ, ᒪᑦᑐᔾᔭᐅᓯᒪᒋᐊᓕᖕᓄᑦ, ᐋᖅᑭᒃᐸᓪᓕᐊᔪᓄᑦ, ᐃᓱᒻᒪᔮᖅᑐᓄᑦ, ᑐᖁᕙᓪᓕᐊᔪᓄᑦ ᐊᒻᒪᓗ ᐊᕐᓇᓄᑦ, ᐃᓂᕐᓱᒃᓰᕕᒡᓗ. ᑖᓐᓇ ᐋᓐᓂᐊᕐᕕᒃ ᐱᐊᓂᒃᑕᐅᓯᒪᓕᖅᐸᑦ, ᑖᓐᓇ ᒫᓐᓇ ᐋᓐᓂᐊᕐᕕᒃ ᐊᑐᖅᑕᐅᓂᐊᖅᑐᖅ ᓂᕿᓕᕆᔨᔪᑦ, ᐃᔭᒐᖅᑖᕐᕕᖕᒧᑦ, ᐋᖅᑭᒃᐸᓪᓕᐊᔪᓄᑦ ᐃᖃᐃᓕᓴᕐᕕᒃ, ᑐᐊᕕᕐᓇᖅᑐᓕᕆᓕᕆᓂᕐᒧᑦ ᐱᔨᑦᓯᕐᕕᒃ, ᐃᑲᔪᖅᓱᐃᕕᒃ ᐊᒻᒪᓗ ᐃᓗᐊᓴᐃᔨᒻᒪᕆᖕᓄᑦ ᐊᔾᔨᒌᙱᑦᑐᓂᒃ ᖃᐅᔨᒪᓂᖃᖅᑐᓄᑦ (ᓲᕐᓗ ᐃᔨᓕᕆᔩᑦ). “ᑕᒪᓐᓇ ᐊᖏᓂᖅᐹᖑᓂᐊᖅᑐᖅ ᐃᑲᔫᑕᐅᔪᓂ ᑲᒪᒋᓯᒪᔭᑦᑎᓐᓂᒃ ᐊᒻᒪᓗ ᐱᓕᕆᖃᑎᒋᑦᓯᐊᕈᒪᓂᐊᖅᑕᕗᑦ ᕿᑭᖅᑖᓗᒃ ᑯᐊᐳᕇᓴᒃᑯᑦ. ᐋᓐᓂᐊᕐᕕᐅᑉ ᓴᓇᔭᐅᓂᒻᒪᕆᖓ ᐱᒋᐊᕐᓂᐊᖅᑐᖅ ᐊᐅᔭᖓᓂ 2004 ᐊᒻᒪ ᑖᓐᓇ ᐱᐊᓂᒃᑕᐅᕕᒃᓴᖃᖅᑐᓂ ᐅᑭᐊᒃᓵᖓᓂ 2006. ᑕᒪᓐᓇ ᐱᓕᕆᐊᖑᑲᐃᓐᓇᕐᓂᐊᖅᑐᖅ ᐊᑭᖃᕐᓂᐊᖅᑐᖅ $45.9-ᒥᓕᔭᓐ ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᔮᔅᒪᐃᓇ ᐱᐸ ᑐᓴᒐᒃᓴᓕᕆᔨ ᐊᐅᓚᑦᑎᔩᑦ, ᒐᕙᒪᐅᖃᑎᒌᓕᕆᔩᓪᓗ ᓄᓇᕗᑦ ᒐᕙᒪᖏᑦ 867-975-6032 ypepa@gov.nu.ca |