 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᓯᑦᑏᕝᕙ 8, 2003) - ᒥᓂᔅᑕ ᐃᓕᓐᓂᐊᖅᑐᓕᕆᓂᕐᒧᑦ ᒪᓂᑦᑐᖅ ᑖᒻᓴᓐ ᖁᕕᐊᓱᒃᐳᖅ ᑐᓴᖅᑎᑦᓯᒋᐊᒃᓴᖅ ᓄᓇᕗᑦ ᐃᓚᐅᓂᖃᕐᒪᑦ ᐱᖃᑖᓂ ᓄᓇᕐᔪᐊᓂ ᐃᓐᓇᐃᑦ ᐃᓕᑉᐸᓪᐊᓂᖏᓐᓄᑦ ᐱᓇᓱᐊᕈᓯᕆᔭᐅᑎᑕᒥ ᓴᖅᑭᓐᓂᐊᖅᑐᖅ ᓯᑦᑏᕝᕙ 7 ᑎᑭᓪᓗᒍ 13, ᐊᒻᒪᓗᑐᕌᕐᓂᖃᖅᑐᑎᒃ ᖁᕕᐊᓇᕐᓂᖓᓂᒃ ᐃᓕᑉᐸᓪᓕᐊᓂᖅ ᑐᕌᖓᓗᐊᖅᑐᑎᒃ ᐃᓐᓇᐃᑦ ᐅᖃᓕᒫᕆᐅᖅᓴᓂᖏᓐᓄᑦ, ᑎᑎᕋᕆᐅᖅᓴᓂᖏᓐᓄᓪᓗ. ᑖᒻᓴᓐ ᐅᖃᖅᑲᐅᔪᖅ: “ᓄᓇᕐᔪᐊᓂ ᐃᓐᓇᐃᑦ ᐃᓕᑉᐸᓪᓕᐊᓂᖏᓐᓄᑦ ᐱᓇᓱᐊᕈᓯᖅ ᓇᓗᓇᐃᖅᓯᒋᐊᕐᒪᑦ ᐱᒻᒪᕆᐅᓂᖓᓂ ᐃᓅᓯᓕᒫᒧᑦ ᐃᓕᑉᐸᓪᓕᐊᓂᖅ, ᐃᓐᓇᐃᑦ ᐅᖃᓕᒫᕆᐅᖅᓴᓂᖏᑦ, ᑎᑎᕋᕆᐅᖅᓴᓂᖏᓪᓗ. ᓄᓇᕗᑦ ᓴᙱᓂᖃᕐᒪᑦ ᐃᓄᖁᑎᒥᓂᒃ. ᐅᒃᐱᕈᓱᒃᑲᒪ ᐊᑕᖃᑎᒌᒻᒪᕆᖕᓂᖏᓐᓂᒃ ᑕᒪᒃᑯᐊ ᑎᑎᕋᕈᓐᓇᕐᓂᖅ, ᐅᖃᓕᒫᕈᓐᓇᕐᓂᕐᓗ, ᐃᖅᑲᓇᐃᔭᕐᓂᕐᒧᑦ, ᑮᓇᐅᔭᓕᐅᕈᑎᖃᕈᓐᓇᓂᕐᒧᓪᓗ. ᐱᕕᒃᓴᕆᔭᐅᔪᓐᓇᖅᑐᑦ ᓄᓇᕗᒥᐅᓄᑦ ᒪᓂᒪᖕᒪᑕ; ᐅᖃᓕᒫᕈᓐᓇᕐᓂᖅ, ᑎᑎᕋᕈᓐᓇᕐᓂᕐᓗ ᐱᒻᒪᕆᐅᖕᒪᑎᒃ ᐊᖅᑯᑕᐅᔪᓐᓇᕐᒪᑎᒃ ᓯᕗᒻᒧᐊᑦᓯᐊᕈᑎᒋᓂᐊᕐᓗᒋᑦ ᐃᓅᓯᕐᒥ ᐃᓕᑉᐸᓪᓕᐊᖏᓐᓇᕈᓐᓇᕐᓂᕐᒧᑦ.” ᓄᓇᕐᔪᐊᑦ ᑲᑐᔾᔨᖃᑎᒌᖏᓐᓂ ᐃᓕᓐᓂᐊᕐᓂᖅ ᑭᓱᑐᐃᓐᓇᐃᑦ ᓴᓇᒪᓂᖏᓐᓂᒃ ᐊᒻᒪᓗ ᐃᓕᖅᑯᓯᓕᕆᓂᕐᒧᑦ ᑲᑐᔾᔨᖃᑎᒌᑦ ᑕᓪᓕᒪᒋᔭᖓᓂ ᓄᓇᕗᕐᔪᐊᓂ ᑲᑎᒪᓂᖃᕐᒪᑕ ᐃᓐᓇᐃᑦ ᐃᓕᓐᓂᐊᕐᓂᖏᑦ ᐱᔾᔪᑎᒋᓪᓗᒋᑦ, 130 ᑲᑎᒪᔩᑦ ᐃᓚᐅᓪᓗᓂ ᑲᓇᑕ ᐱᓕᕆᐊᖃᕈᒪᖕᒪᑕ “ᓴᖅᑭᔮᖅᑎᑦᓯᔪᒪᓪᓗᑎᒃ ᐃᓕᖅᑯᓯᕆᓗᒍ ᐃᓕᑉᐸᓪᓕᐊᖏᓐᓇᕐᓂᖅ” ᓄᓇᕐᔪᐊᓂ. ᑐᕌᒐᖏᑦ ᑖᒃᑯᐊ ᓄᓇᕐᔪᐊᓂ ᐃᓐᓇᐃᑦ ᐃᓕᑉᐸᓪᓕᐊᓂᖏᓐᓄᑦ ᐱᓇᓱᐊᕈᓯᖅ ᓴᖅᑭᔮᖅᑎᑦᓯᔾᔪᑎᒋᒍᒪᓪᓗᒍ ᐊᒻᒪᓗ ᑕᑯᒃᓴᐅᑎᒋᐊᕈᒪᓪᓗᒍ ᐃᓐᓇᐃᑦ ᐃᓕᑉᐸᓪᓕᐊᓂᕆᔪᓐᓇᖅᑕᖏᑦ ᑕᒪᒃᑯᐊ ᐃᓕᑉᐸᓪᓕᐊᔪᑦ ᑕᐅᑐᒐᕆᓗᒋᑦ ᐊᒻᒪᓗ ᖁᕕᐊᓲᑎᒋᓗᒍ ᐃᓕᑉᐸᓪᓕᐊᓂᖅ ᓇᐅᒃᑯᓕᒫᖅ ᐊᒻᒪᓗ ᓇᐅᒃᑯᑐᐃᓐᓇᖅ ᐃᓅᓯᖃᑎᒌᒃᑐᑎᒍᑦ. ᐱᓕᕆᐊᖑᓂᐊᖅᑐᑦ ᓴᖅᑭᓐᓂᐊᖅᑐᑦ ᓄᓇᕐᔪᐊᓂ ᐃᓚᐅᓂᖃᖅᑐᓂᒃ ᑕᒫᓂ ᓄᓇᕐᔪᐊᓂ ᐃᓐᓇᐃᑦ ᐃᓕᑉᐸᓪᓕᐊᓂᖏᓐᓄᑦ ᐱᓇᓱᐊᕈᓯᕐᒥ ᐱᒋᐊᖅᑎᐅᓯᒪᙱᒻᒪᑕ ᒐᕙᒪᑐᐊᓄᑦ ᑭᓯᐊᓂᑦᑕᐅᖅ ᐃᓕᓐᓂᐊᖅᑐᓕᕆᔨᒃᑯᑦ ᐃᑲᔪᖅᑎᒋᓪᓗᒋᑦ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓗᒍ: ᑖᑎ ᐅᒃᐱᒃ ᒥᓂᔅᑕᐅᑉ ᑐᒡᓕᐊᑕ ᐃᑲᔪᖅᑎᐊ ᐃᓐᓇᐃᑦ ᐃᓕᑉᐸᓪᓕᐊᓂᖏᑦ, ᐃᖅᑲᓇᐃᔮᒃᓴᓕᕆᓂᖅ, ᐃᓕᓐᓂᐊᓚᐅᙱᑦᑐᓂᒃ ᐃᑲᔪᕐᕖᑦ ᐃᓕᓐᓂᐊᖅᑐᓕᕆᔨᒃᑯᑦᐅᖃᓘᑖ: (867) 975-5629 |