 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᓯᑎᐱᕆ 8, 2003) – ᓄᓇᕗᑦ ᒐᕙᒪᒃᑯᖏᑦ ᐱᒋᐊᖅᑎᑦᑎᖕᒪᑕ ᖃᐅᔨᒪᔾᔪᑎᐅᓂᐊᖅᑐᓂᒃ ᐱᔾᔪᑎᒋᓪᓗᒋᑦ ᐃᓄᐃᑦ ᐱᖅᑯᓯᖏᑦ, ᐅᒃᐱᕆᔭᖏᑦ ᐊᒻᒪᓄ ᖃᐅᔨᒪᔭᖏᑦ ᐃᓕᔭᐅᒋᐊᖁᓪᓗᒋᑦ ᖃᓄᖅᑑᕈᑕᐅᕙᓪᓕᐊᓂᐊᖅᑐᓕᒫᓄᑦ. ᐲᑕ ᕿᓚᕝᕙᖅ, ᒥᓂᔅᑕᒋᔭᐅᔪᖅ ᐃᓕᖅᑯᓯᓕᕆᔨᒃᑯᓐᓄᑦ ᑎᒃᑯᐊᖅᓯᓚᐅᕐᒪᑦ 11ᓂᒃ ᓄᓇᓕᖕᓂ ᐊᑭᓴᖅᑐᐃᔨᐅᓂᐊᖅᑐᓂᒃ ᐱᒋᐊᖅᑎᑕᐅᓵᖅᑐᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᑲᑎᒪᔩᑦ. ᑲᑎᒪᔩᑦ ᐃᓗᐊᓃᓪᓗᑎᒃ ᑲᑎᒪᔨᐅᓂᐊᖅᑐᑦ ᑐᓂᓯᓯᒪᓂᐊᖅᑐᑦ ᐅᖃᐅᔾᔪᖅᑐᐃᓂᕐᒥᒃ ᒐᕙᒪᒃᑯᓐᓂᑦ ᐱᓪᓗᒍ ᐃᓄᐃᑦ ᖃᐅᔨᒪᔭᑐᖃᖏᑦ. ᐱᒋᐊᖅᑎᑕᐅᓂᕆᔭᖓ ᑲᑎᒪᔩᑦ ᐋᖅᑭᒋᐊᕈᑎᐅᓂᐊᕐᒪᑦ ᐃᓚᐅᑦᑎᐊᕈᑎᖏᓐᓂᒃ ᓄᓇᕗᑦ ᒐᕙᒪᒃᑯᖏᑦ ᐱᕙᓪᓕᐊᓂᒃᑯᑦ ᑎᑎᕋᖅᑕᐅᕙᓪᓕᐊᔭᕆᐊᓖᑦ ᐃᓚᐅᑎᑦᑎᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐅᕝᕙᓖᓐᓃᑦ ᐱᖅᑯᓯᑐᖃᕆᔭᐅᔪᑦ ᐃᓄᐃᑦ ᖃᐅᔨᒪᔭᖏᑦ ᐊᒻᒪᓗ ᐅᒃᐱᕆᔭᖏᑦ. “ᐊᔪᓐᖏᑎᑕᐅᑦᑎᐊᕋᑦᑕᐃᓛᒃ ᐊᒃᖢᐃᑎᑕᐅᓂᕐᒥᒃ ᐊᒻᒪᓗ ᐊᔪᓐᖏᑎᑕᐅᑦᑎᐊᕐᓂᒥᒃ ᐱᖅᑯᓯᑐᖃᑎᒍᑦ ᐃᓄᐃᑦ ᖃᐅᔨᒪᔭᖏᑦ ᐊᑐᖅᑕᐅᒋᐊᕐᓂᐊᖅᖢᑎᒃᓗ ᐃᓚᒋᔭᐅᓕᖅᑐᓄᑦ. ᐃᓚᐅᓂᑦᑎᒍᑦ, ᑲᑎᖃᑎᖃᕈᓐᓇᕐᓂᐊᖅᑐᒍᑦ ᐃᓚᐅᑦᑎᐊᕐᓂᕐᓂᒃ ᐱᒋᐊᓚᐅᖅᑕᑦᑎᓐᓂ ᕿᖓᐅᕐᒥ ᑎᓕᔭᐅᔾᔪᑎᒋᓚᐅᖅᑕᑦᑎᓐᓂ ᐃᓚᐅᖁᓪᓗᒋᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑐᓂᓯᓯᒪᔾᔪᑎᐅᓗᑎᒃ ᐊᑐᖅᑕᐅᓂᐊᖅᑐᑦ ᐱᒋᐊᖅᕈᑎᒋᓗᑎᒃᑯᑦ ᒪᑐᐃᖅᑎᑦᑎᓂᕐᓂᒃ, ᑭᐅᒋᐊᕈᑎᓂᒃ ᐊᒻᒪᓗ ᐊᔪᖏᑦᑎᐊᕈᑎᐅᓂᐊᖅᑐᓂᒃ ᒐᕙᒪᒋᔭᑦᑎᓐᓄᑦ,” ᕿᓚᕝᕙᖅ ᐅᖃᖅᑐᖅ. ᐃᓄᐃᑦ ᖃᐅᔨᒪᔭᑐᖃᓕᕆᔨᖏᑕ ᑲᑎᒪᔨᖏᑦ ᐃᒪᐃᓕᖓᓂᐊᖅᑐᑦ:
ᐃᓚᒋᔭᐅᓕᖅᑐᓕᔮᑦ ᑲᑎᒪᔨᐅᓂᐊᖅᑐᑦ ᐊᕐᕌᒍᓄᑦ ᒪᕐᕈᖕᓄᑦ. -30- ᑐᓴᒃᑲᓐᓂᕈᒪᒍᕕᑦ ᑐᓴᕆᐊᕐᕕᒋᔪᓐᓇᖅᑕᐃᑦ ᐅᓇ: ᐱᐊᓂ ᕋᒻᐴᓪᑦ ᑐᓴᖅᑕᐅᔭᕆᐊᓕᖕᓄᑦ ᑲᒪᔨ-ᐃᓕᖅᑯᓯᓕᕆᔨᒃᑯᓐᓄᑦ (867) 975-5531 prumbolt@gov.nu.ca |