 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᒃᑑᑦᑎᐊᖅ, ᓄᓇᕗᑦ (ᓯᑦᑏᕝᕙ 4, 2003) – ᑖᒃᑯᐊ ᐱᖓᓱᑦ ᐅᑭᐅᖅᑕᑐᒧᑦ ᓯᕗᓕᖅᑏᑦ ᑎᓕᐅᕆᔪᑦ ᐋᑐᕚᒥ ᐃᓇᖏᖅᑕᐅᖁᔨᓪᓗᑎᒃ ᓄᖅᑲᖅᑐᒥᒃ ᐅᑭᐅᖅᑕᖅᑐᒧᑦ ᓄᓇᕐᔪᐊᓂ ᑭᒡᒐᖅᑐᖅᑎᐅᔪᖅ ᒥᐊᓕ ᓴᐃᒪᓐ ᑕᒪᒃᑯᐊ ᐅᑭᐅᖅᑕᖅᑐᒨᖓᔪᑦ ᐅᖃᐅᓯᒃᓴᑦ ᓂᓪᓕᐅᑕᐅᖏᓐᓇᕈᑎᒃᓴᖏᓐᓂᒃ ᑲᓇᑕᒥ, ᓄᓇᕐᔪᐊᓂᓗ. ᑲᑎᒪᓂᖃᖅᑎᓪᓗᒋᑦ ᐅᑭᐅᖅᑕᖅᑐᒥ ᓯᕗᓕᖅᑏᑦ, ᓯᕗᓕᖅᑎ ᑎᓂᔅ ᐱᓐᑎ ᔫᑳᓐᒥᑦ, ᓯᑏᕝ ᑳᒃᕖ, ᓄᓇᑦᓯᐊᕐᒥ ᐊᒻᒪᓗ ᐹᓪ ᐅᑲᓕᖅ ᓄᓇᕗᒥᑦ ᐅᖃᐅᓯᖃᓚᐅᖅᑐᑦ ᐱᒻᒪᕆᐅᓂᖓᓂᒃ ᐱᓕᕆᐊᖏᑦ ᑖᑦᓱᒪ ᑭᒡᒐᖅᑐᖅᑎᐅᔫᑉ. ᐃᓕᑕᖅᓯᓚᐅᖅᑐᑦ ᑕᖃᓚᐅᖅᑑᔮᖅᓯᒪᒐᓂ ᐱᓕᕆᖃᑦᑕᓚᐅᕐᓂᖓ ᒥᐊᓕ ᓴᐃᒪᓐ, ᐱᔪᓐᓇᖅᑎᑦᑎᓯᒪᔪᑦ ᑕᒪᒃᑮᖕᓂᑦ ᑲᓇᑕᒥ, ᓄᓇᕐᔪᐊᓂᓗ ᐊᑐᐊᒐᓕᐅᖅᑏᑦ ᑐᑭᓯᐅᒪᓂᖅᓴᐅᓕᖅᑐᑎᒃ ᐅᑭᐅᖅᑕᖅᑐᒧᑦ ᐃᑲᓱᒫᓗᑕᐅᕙᒃᑐᓂᒃ. ᑖᒃᑯᐊ ᓯᕗᓕᖅᑏᑦ ᐅᖃᓚᐅᖅᑐᑦ ᓄᓇᕐᔪᐊᓂ ᑭᒡᒐᖅᑐᐃᔨᖃᕐᓂᖅ ᐅᑭᐅᖅᑕᖅᑐᒧᑐᐃᓐᓇᕐᒨᖓᔪᓂᒃ ᐱᒻᒪᕆᐅᓂᖅᓴᒻᒪᕆᐅᓕᕐᒪᑦ ᒫᓐᓇ ᓴᖅᑭᑎᑕᐅᓚᐅᕐᒪᓪᓂᒃ ᑖᓐᓇ ᐃᓂᐅᔪᖅ ᐱᔾᔪᑎᒋᓪᓗᒋᑦ ᓄᑖᑦ ᐊᒻᒪᓗ ᐊᖏᔪᐃᑦ ᐃᓱᒫᓘᑕᐅᔪᑦ ᓴᖅᑭᓯᒪᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓄᑦ. “ᐱᓕᕆᐊᖃᖅᐸᓪᓕᐊᒐᑦᑕ ᐊᒃᓱᕈᕐᓇᖅᑐᓂᒃ ᐅᖃᐅᓯᒃᓴᓂᒃ ᓲᕐᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᑕᒪᓐᓇ ᐊᒃᑐᐃᓯᒪᒻᒪᕆᒃᑐᖅ ᐃᓕᖅᑯᓯᑐᖃᖏᓐᓂᒃ ᐃᓄᐃᑦ ᐊᒻᒪᓗ ᐊᓯᔾᔩᕙᓪᓕᐊᓪᓗᓂ ᐊᕙᑎᑦᑎᓐᓂᒃ,” ᐅᖃᖅᑲᐅᔪᖅ ᐅᑲᓕᖅ, ᑖᓐᓇ ᑐᙵᓱᒃᑎᑦᑎᔨᐅᔪᖅ ᑲᑎᒪᔪᓂᒃ. “ᓲᕐᓗ ᐃᓱᒫᓘᑕᐅᓂᖏᑦ ᐅᒥᐊᕐᔪᐊᒃᑰᖅᑎᑦᓯᖃᑦᑕᕐᓂᖅ ᐅᑭᐅᖅᑕᖅᑐᒥ ᐃᑳᕐᕕᐅᕙᒃᑐᖅ ᐱᔪᓐᓇᐅᑎᖃᕐᕕᐅᓂᖓ ᐱᔪᓐᓇᐅᑎᖃᕐᕕᐅᓂᖓ ᖦᖑᐅᐅᖑᑐᕿ). ᐊᒻᒪᓗ ᐅᖅᓱᐊᓗᓕᕆᓂᕐᒧᑦ, ᐅᔭᕋᖕᓂᐊᕐᓂᕐᒧᑦ ᐱᔪᓐᓇᐅᑎᖃᕐᓂᖅ ᐅᑭᐅᖅᑕᖅᑐᒥ, ᓇᓗᓇᙱᑦᓯᐊᕐᒪᑦ ᐱᒻᒪᕆᐅᑎᑕᐅᒋᐊᖃᕐᓂᖓ ᑖᓐᓇ ᑲᓇᑕ ᓴᐳᔾᔨᓯᒪᔾᔪᑎᖏᑦ ᐊᒻᒪᓗ ᐃᓕᔭᐅᓗᑎᒃ ᐱᔪᓐᓇᐅᑎᖃᕐᕕᑑᓂᖓ ᑲᓇᑕᒧᑦ ᑐᓴᖅᑕᐅᓗᓂ ᓄᓇᕐᔪᐊᒥᐅᓄᑦ,” ᐅᖃᖅᑲᐅᔪᖅ ᑲᕖ. “ᐱᒻᒪᕆᐅᓂᖓ ᐅᑭᐅᖅᑕᖅᑑᑉ ᐱᕙᓪᓕᐊᑎᑕᐅᓂᖓ ᐊᒻᒪᓗ ᓇᓗᓇᐃᕆᒋᐊᖃᕐᓂᖅ ᐆᒻᒪᖅᑯᑎᒋᔭᐅᔪᒃᓴᓂᒃ ᐱᕈᖅᐸᓪᓕᐊᑐᐃᓐᓇᕐᒪᑦ ᐊᒻᒪᓗ ᑕᒪᓐᓇ ᐅᓄᖅᓯᕙᓪᓕᐊᑎᓪᓗᒍ ᒪᓕᖕᓂᐅᓴᖕᒪᑕ ᐱᓕᕆᐊᒃᓴᒃᑲᓐᓃᑦ ᓴᐳᔾᔨᓯᒪᒋᐊᖃᕐᓂᕐᒧᑦ ᐅᑭᐅᖅᑕᖅᑐᒥᒃ ᐊᒻᒪᓗ ᑲᓇᑕᐅᑉ ᐃᓚᐅᓂᖃᕐᕕᒋᔪᒪᔭᖏᓐᓂᒃ,” ᐅᖃᖅᑲᐅᔪᖅ ᐱᓐᑎ.. ᑖᒃᑯᐊ ᐱᖓᓱᒃ ᓯᕗᓕᖅᑏᑦ ᑎᑎᕋᕋᑖᓚᐅᖅᑐᑦ ᑲᓇᑕᐅᑉ ᐊᖓᔪᖅᑳᒻᒪᕆᐊᓄᑦ ᔩᓐ ᑯᕆᑦᑎᐊᓐ ᑎᒃᑯᐊᖅᓯᖁᓪᓗᒍ ᐃᓇᖐᓂᐊᖅᑐᒥᒃ ᓄᓇᕐᔪᐊᓂ ᑭᒡᒐᖅᑐᐃᔨᐅᔪᒧᑦ ᒥᐊᓕ ᓴᐃᒪᓐ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓗᒋᑦ ᐱᐅᓪ ᑭᓖ ᐊᓪᓚᒡᕕᐊ ᓯᕗᓕᖅᑎᐅᑉ ᓄᓇᕗᑦ ᒐᕙᒪᖏᑦ (867) 975-5059 ᑐᕉ ᕕᓕᐊᒻᔅ ᐊᓪᓚᒡᕕᐊ ᓯᕗᓕᖅᑎᐅᑉ ᓄᓇᑦᓯᐊᑉ ᒐᕙᒪᖏᑦ (867) 669-2304 ᐱᑕ ᑳ ᐊᐅᓚᑦᑎᔩᑦ ᑐᓴᒐᒃᓴᓄᑦ ᐊᐅᓚᑦᑎᔨᖓ ᔫᑳᓐ ᒐᕙᒪᖏᑦ (867) 667-8688 peter.carr@gov.yk.ca |