 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᑦᑑᑦᑎᐊᖅ, ᓄᓇᕗᑦ (ᓰᑉᑎᒻᕙ 3, 2003) - ᑲᓇᑕᐅᑉ ᑏᕆᑐᐊᕆᖏᑕ ᓯᕗᓕᖅᑎᖏᑦ ᐊᑎᓕᐅᖃᑎᒌᑦᓯᒪᓕᖅᐳᑦ ᐅᑭᐅᖅᑕᖅᑐᒥ ᐱᓕᕆᖃᑎᒌᖕᓂᕐᒧᑦ ᐊᖏᖃᑎᒌᒍᒻᒥᒃ ᓂᕆᐅᓐᓂᖃᖅᑐᑎᒃ ᐊᕕᑦᑐᖅᓯᒪᓂᐅᔪᖁᑎᖏᑦ ᐃᖅᑲᓇᐃᔭᖃᑎᒌᖁᓪᓗᒋᑦ ᓄᑖᒧᑦ ᓴᖅᑭᖅᑕᐅᕋᑖᒧᑦ ᑲᑎᒪᔩᑦ ᑲᑐᔾᔨᖃᑎᒌᓐᓂᖓᓄᑦ. ᓯᕗᓕᖅᑎ ᑎᓂᔅ ᕕᓐᑎ ᔫᑳᓐᒧᑦ, ᓯᕗᓕᖅᑎ ᔅᑎᕙᓐ ᑳᒃᕗᐃ ᓄᓇᑦᓯᐊᕐᒥ ᐹ ᐅᑲᓕᕐᓗ ᓄᓇᕗᒻᒥ ᐊᑎᓕᐅᖃᑎᒌᖅᑲᐅᕗᑦ ᐅᓪᓗᒥ ᐅᑭᐅᖅᑕᖅᑐᒥ ᐱᓕᕆᖃᑎᒌᖕᓂᕐᒧᑦ ᐊᖏᖃᑎᒌᒍᒻᒥᒃ ᐃᖃᓗᑦᑑᑦᑎᐊᒥ. “ᑲᔪᓯᑦᓯᐊᕈᒪᓂᕐᒧᑦ ᐋᖅᑭᑦᓯᓚᐅᖅᐳᒍᑦ ᑲᑎᒪᔨᓂᒃ ᑲᑐᔾᔨᖃᑎᒌᓐᓂᕐᒧᑦ ᐊᑎᓕᐅᖅᑐᑎᒍᓗ ᐅᑭᐅᖅᑕᖅᑐᒥ ᐱᓕᕆᖃᑎᒌᖕᓂᒃᑯᑦ ᐊᖏᖃᑎᒌᒍᒻᒥᒃ ᑕᑯᑦᓴᐅᑎᓪᓗᒋᓪᓗ ᐊᖏᕈᑎᒋᓯᒪᔭᕗᑦ ᐋᖅᑮᒍᒪᓪᓗᑕᓗ ᑲᑐᔾᔨᖃᑎᒌᓐᓂᕐᒧᑦ ᑐᑭᒧᐊᑦᑎᑦᓯᒍᒻᒥ ᑲᓇᑕᒥᐅᓄᑦ,” ᐅᖃᖅᑐᖅ ᐅᑲᓕᖅ, ᐊᑎᓕᐅᕐᓂᕐᒥ ᓇᓪᓕᐊᓂᖅᓯᐅᑎᓪᓗᒋᑦ ᑐᓐᖓᓱᒃᑎᑦᓯᓚᐅᖅᑐᖅ. ᐊᖏᖃᑎᒌᒍᑦ ᐊᖏᕈᑕᐅᕗᖅ ᑏᕆᑐᐊᕇᑦ ᒐᕙᒪᖏᑦ ᐃᑲᔪᖅᑎᒌᖃᑦᑕᖁᓪᓗᒋᑦ ᑲᑐᔾᔨᖃᑎᒌᓪᓗᑎᒃ ᐃᓱᒫᓘᑕᐅᒐᔪᑦᑐᓂ ᑲᒪᒋᔭᐅᔪᒪᔪᓂᓪᓗ, ᖃᓄᖅᑑᕈᑎᑦᓴᐅᒐᔭᓐᖑᐊᖅᑐᓂᒃ ᖃᐅᔨᓇᓱᐊᖅᑐᑕ ᑐᓴᐅᒪᖃᑎᒌᒍᓐᓇᐅᑎᐅᒍᓐᓇᖅᑐᓂᒃ ᐋᖅᑮᓗᑕᓗ ᓂᐱᖃᐅᑎᒋᔪᓐᓇᑕᑦᑎᓐᓂᒃ ᐅᑭᐅᖅᑕᖅᑐᒥ ᐃᓱᒫᓘᑕᐅᔪᓄᑦ. ᑕᒪᓐᓇᐅᑎᓪᓗᒍᑦᑕᐅᖅ, ᐊᖏᖃᑎᒌᒍᑦ ᓄᖅᑲᑎᑦᓯᓯᒪᔾᔮᖏᑦᑐᖅ ᓇᓕᐊᓐᓂᑐᐃᓐᓇᖅ ᐱᖓᓲᔪᑦ ᒐᕙᒪᑦ ᓄᑭᖃᐅᑎᒋᔭᖏᓐᓂᒃ ᑲᒪᒋᔭᑦᓴᖏᓐᓂᓪᓗ. “ᑕᒪᓐᓇ ᑕᑯᑦᓴᐅᑎᑦᓯᓯᐊᖅᑐᖅ ᐃᖅᑲᓇᐃᔭᖃᑎᒌᓐᓂᕐᒥᒃ ᑲᓇᑕᒥᐅᑦ ᓂᕆᐅᒋᕙᒃᑕᖏᓐᓂᒃ ᓯᕗᓕᖅᑎᒋᔭᐅᔪᓂᒃ,” ᐅᖃᖅᑐᖅ ᑳᒃᕗᐃ. “ᓯᕗᒧᐊᑦᑎᒍᒪᓂᐊᖅᑕᕗᑦ ᐃᓱᒪᒋᔭᕗᑦ ᑲᑐᔾᔨᓗᑕ ᐃᖅᑲᓇᐃᔭᕐᓗᑕᓗ ᐃᑲᔫᑎᒋᔪᓐᓇᑕᑦᑎᓐᓄᑦ ᐅᑭᐅᖅᑕᖅᑐᒥᐅᑐᐃᓐᓇᐅᖏᑦᑐᓄᑦ ᑲᓇᑕᒥᐅᓕᒫᓄᓪᓕᑦᑕᐅᖅ.” ᑲᑐᔾᔨᖃᑎᒌᖑᔪᑦ ᑲᑎᒪᔨᖏᑦ ᓴᖅᑭᖅᑕᐅᓚᐅᖅᑐᑦ ᐊᐅᔭᐅᓚᐅᖅᑐᖅ ᐊᕐᕋᒍᑕᒫᖅᓯᐅᑎᖓᓂ ᓯᕗᓕᖅᑏᑦ ᒐᕙᒋᔭᐅᔪᓄᑦ ᐊᕕᑦᑐᖅᓯᒪᓂᕐᓂ ᑲᑎᒪᕐᔪᐊᕐᓂᖓᓂ ᓵᓗᑕᐅᓐᒥ, ᐊᕕᑦᑐᖅᓯᒪᓂᕐᒥ PEI-ᒥ. ᑐᕌᖓᒐᓱᐊᖅᑐᖅ ᑲᓇᑕ ᐃᖅᑲᓇᐃᔮᖃᑦᓯᐊᕈᓐᓇᓂᖅᓴᐅᖁᓪᓗᒍ ᑲᓇᑕᒥᐅᓂᒃ ᐋᖅᑭᑦᓯᒪᑦᓯᐊᓂᖅᓴᒃᑯᑦ, ᐊᖏᖃᑎᒌᓯᒪᓗᑎᒃ ᐊᕕᑦᑐᖅᓯᒪᓂᐅᔪᑦ ᑏᕆᑐᐊᕇᓪᓗ, ᒐᕙᒪᑐᖃᒃᑯᓄᓪᓗ. ᑲᑎᒪᓐᖓᐅᑕᐅᓛᖅᑐᖅ ᐆᑦᑑᕝᕙ 23 ᑯᐸᐃᒃ ᓯᑎᒥ. “ᑲᑎᒪᓂᕆᓛᖅᑕᑎᓂᒃ ᑯᐸᐃᒃ ᓯᑎᒥ ᓂᕆᐅᒋᔭᖃᑦᓯᐊᖅᐳᒍᑦ ᐃᖅᑲᓇᐃᔭᖃᑎᑦᑎᓄᓪᓗ ᐃᓱᒪᒋᔭᑦᑎᓐᓂᒃ ᐅᖃᐅᓯᖃᓛᕈᒪᓪᓗᑕ,” ᕕᓐᑎ ᐅᖃᖅᑐᖅ. “ᑕᒪᓐᓇ ᐱᒻᒪᕆᒃᔪᐊᒻᒪᕆᐊᓘᒻᒪᑦ ᑲᓇᑕᒧᑦ ᓯᕗᒃᑲᑕᖅᑎᐅᒍᒪᓪᓗᑕᓗ ᑕᒪᑦᓱᒧᖓ ᐊᓯᔾᔨᕐᓂᐅᕙᓪᓕᐊᔪᒧᑦ.” -30- ᑐᑭᓯᒋᐊᒃᑲᓂᕐᕕᑦᓴᖅ, ᐅᖄᓚᓗᑎᑦ: ᕕᐅ ᒃᓚᐃ ᓯᕗᓕᖅᑎᐅᑉ ᐊᓪᓚᕝᕕᖓᓂ ᓄᓇᕗᑦ ᒐᕙᒪᖓ (867) 975-5059 ᑐᕉ ᕕᓕᐊᒻᔅ ᓄᓇᑦᓯᐊᑉ ᒐᕙᒪᖓ (867) 669-2304 ᐲᑕ ᑳ ᒥᓂᔅᑕᐃᑦ ᑐᓴᐅᒪᖃᑦᑕᐅᑎᓕᕆᔨᖏᓐᓄᒃ ᐅᖃᐅᔾᔨᒋᐊᖅᑎ ᔫᑳᓐ ᒐᕙᒪᖓ (867) 667-8688 peter.carr@gov.yk.ca |