 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᓐᓂ, ᓄᓇᕗᖕᒥ (ᓯᑎᑉᐱᕆ 26, 2003) - ᒐᕙᒪᑐᖃᒃᑯᑦ, ᐳᕋᕕᓐᓯᖑᔪᑦ ᐊᒻᒪ ᔫᑲᓐ, ᓄᓇᑦᓯᐊᖅ ᐊᒻᒪ ᓄᓇᕘᑦ ᒥᓂᔅᑕᖏᑦ ᑲᒪᒋᔭᖃᖅᑐᑦ ᐅᑭᐅᖅᑕᖅᑐᒥᒃ ᐱᕙᓪᓕᐊᑎᑦᓯᓂᕐᒥᒃ ᑲᑎᓯᒪᒻᒪᑕ ᐃᖃᓗᓐᓂ. ᐅᑉᓘᒃ ᒪᕐᕉᓐᓂᒃ ᑲᑎᒪᓂᖓᑦ ᐃᒃᐱᒋᔭᖃᓗᐊᖅᑐᑎᒃ ᐱᒻᒪᕆᐅᓂᖓᓂᒃ ᖃᐅᔨᓴᕐᓂᒻᒪᕆᒃᑯᑦ ᐊᒻᒪ ᖃᓄᖅᑑᕆᐊᕈᓐᓇᕈᑎᓂᒃ ᓯᕗᒧᒋᐊᕈᑎᒃᓴᓂᒃ ᐅᑭᐅᖅᑕᖅᑐᒥ ᐱᔪᒪᒋᔭᓂᒃ. ᐅᑭᐅᖅᑕᖅᑐᒥ ᐱᕙᓪᓕᐊᑎᑦᓯᓂᕐᒥᒃ ᒥᓂᔅᑕᐅᔪᑦ ᑲᑎᒪᔩᑦ ᐱᕙᓪᓕᐊᑎᑦᓯᕗᑦ ᐊᔾᔨᒌᙱᑦᑐᓂᒃ ᐊᒻᒪ ᐊᔾᔨᒌᓂᒃ ᐱᔪᒪᔭᖏᓐᓂᒃ ᐅᑭᐅᖅᑕᖅᑑᑉ ᐊᒻᒪ ᖃᐅᔨᒪᓕᖅᑎᑦᓯᕚᓪᓕᕋᓱᐊᖅᑐᑎᒃ ᐃᓂᖅᑕᐅᓯᒪᔪᓂᒃ, ᐃᑲᔪᕈᑎᐅᓯᒪᔪᓂᒃ ᐊᒻᒪ ᐱᕙᓪᓕᐊᓂᖃᕈᓐᓇᑐᐃᓐᓇᕆᐊᓕᓐᓂᒃ ᐅᑭᐅᖅᑕᖅᑐᒥ. ᐃᑯᐱᒃᕕᓕᕆᔾᔨᒃᑯᑦ ᒥᓂᔅᑕᖓᑦ ᐅᓛᔪᖅ ᐊᑭᓱᒃ ᑲᑎᒪᑎᑦᓯᓚᐅᖅᐳᖅ ᐱᒡᒍᑎᓪᓗᓂᒋᑦ ᒐᕙᒪᒃᑯᖏᑦ ᓄᓇᕘᑉ. “ᐅᕙᓐᓄᑦ ᖁᕕᐊᓇᖕᒪᕆᓚᐅᖅᐳᖅ ᑐᙵᓱᒃᑎᑦᑎᔨᒋᔭᐅᓪᓗᑕ ᐊᕐᕌᒍᑕᒫᕐᓯᐅᖕᒥᒃ ᑲᑎᒪᓂᐅᔪᒥᒃ ᐃᖃᓗᓐᓂ,” ᐅᖃᓚᐅᖅᑐᖅ ᒥᓂᔅᑕ ᐊᑭᓱᒃ. “ᑕᐃᒫᒃ ᓱᓕ, ᑐᓵᓚᐅᖅᐳᒍᑦ ᐅᑭᐅᖅᑕᖅᑐᑦ ᐊᖏᔪᒻᒪᕆᖕᒥᒃ ᐱᕕᒃᓴᖅᑕᖃᕐᒪᑦ ᖃᓄᖅᑐᕆᐊᕈᓐᓇᕈᑎᓂᒃ ᐊᒻᒪ ᖃᐅᔨᒪᓂᐅᔪᓂᒃ. ᑖᓐᓇ ᑲᑎᒪᓂᐅᔪᖅ ᐱᑕᖃᖅᑎᑦᓯᒍᑎᐅᕗᖅ ᑕᐅᖅᓰᔪᓐᓇᕈᑎᒋᓪᓗᑎᒍᑦ ᐃᓱᒪᒋᔭᑦᑎᓐᓂᒃ ᐊᒻᒪ ᐅᖃᓪᓚᒍᑎᒋᓪᓗᒋᑦ ᐊᔾᔨᒌᒃᑐᑦ ᐱᔾᔪᑎᐅᔪᑦ. ᑭᒡᒐᑐᖅᑎᐅᔪᑦ ᐅᑭᐅᖅᑕᖅᑐᒥ ᒐᕙᒪᖃᕐᕕᐅᔪᓄᑦ ᑲᓇᑕᒥ ᑲᑎᒪᖃᑕᐅᓚᐅᖅᐳᑦ, ᐱᖃᑕᐅᓪᓗᓂ ᓂᕈᐊᖅᑕᐅᓯᒪᔪᖅ ᕋᐳᑦ ᓈᓪᑦ ᒥᓂᔅᑕᒋᔭᐅᔪᖅ ᐃᓄᓕᕆᔨᑐᖃᒃᑯᓐᓂᒃ. “ᐊᖏᔫᕗᖅ ᑲᓇᑕᐅᑉ ᐅᑭᐅᖅᑕᖅᑐᖓᓂ ᑲᑎᑕᐅᓗᑎᒃ ᐱᖅᑯᓯᑐᖃᖅ ᐊᒻᒪ ᖃᓄᖅᑑᕆᐊᕈᓐᓇᕈᑎᑦ,” ᐅᖃᓚᐅᖅᑐᖅ ᒥᓂᔅᑕ ᓈᓪᑦ. “ᐅᑯᐊ ᑲᑎᒪᔩᑦ ᐊᑑᑎᖃᕐᒪᕆᖕᒪᑕ ᐱᕕᒃᓴᖃᕐᕕᐅᓪᓗᑎᒃ ᒐᕙᒪᓄᑦ ᖃᐅᔨᒪᖃᑦᑕᐅᑎᓂᕐᒥᒃ ᓄᑖᓄᑦ ᐱᒋᐊᖅᑎᑕᐅᓯᒪᔪᓂᒃ, ᐊᒻᒪ ᐱᒻᒪᕆᐅᕗᖅ, ᑲᑎᑎᕈᑦᑎᒍ ᐊᑐᓂᑦ ᐅᐸᓗᖓᐃᔭᐅᑎᓕᐊᕗᑦ ᐊᖏᓂᖅᓴᐅᖁᓪᓗᒋᑦ ᐃᑲᔪᕈᑎᐅᔪᑦ ᐅᑭᐅᖅᑕᖅᑐᒧᑦ ᐊᒻᒪ ᓄᓇᖃᖅᑳᖅᓯᒪᔪᓄᑦ. ᐃᖅᑲᓇᐃᔭᖃᑎᒌᒃᑯᑦᑕ, ᑕᑎᒋᔭᐅᔪᓐᓇᕋᑦᑕ ᐅᑭᐅᖅᑕᖅᑐᒥᐅᓄᑦ ᓴᖅᑮᕙᓪᓕᐊᓂᕐᒥᒃ ᖁᓚᓇᖏᓐᓂᖅᓴᓂᒃ ᐃᒻᒥᓐᓄᑦ ᐊᒻᒪ ᓱᕈᓯᖏᓐᓄᑦ.” ᑐᙵᓱᒃᑎᑎᐅᓛᕐᓂᕐᒥᒍᑦ 2004-ᒥ ᑲᑎᒪᓂᒃᓴᖓᓐᓄᑦ ᓂᕈᐊᖅᑕᐅᓯᒪᔪᖅ ᓈᑕᓖ ᓄᐊᒪᓐᑐ, ᒥᓂᔅᑕᐅᔪᖅ ᐱᕙᓪᓕᐊᑎᑦᓯᓂᕐᒧᑦ ᐊᒻᒪ ᐳᓚᕋᑦᑐᓕᕆᓂᕐᒧᑦ ᑯᐸᐃᒥ, ᐅᖃᓚᐅᖅᐳᖅ ᖃᓄᖅᑑᕆᐊᕈᑏᑦ ᐱᒻᒪᕆᐅᓂᖅᐹᕆᓱᕆᒻᒪᒋᑦ ᐱᕙᓪᓕᐊᑎᑦᓯᒍᑎᐅᔪᑦ ᐅᑭᐅᖅᑕᖅᑐᖓᓂ ᑯᐸᐃᑉ ᐊᒻᒪ ᐅᓪᓗᒥ ᐱᑕᖃᓕᒃᑲᓐᓂᕈᑎᐅᓯᒪᕗᑦ ᐱᕕᒃᓴᖃᕐᕕᒃᓴᓂᒃ ᐅᑭᐅᖅᑕᖅᑐᒥᐅᓄᑦ. “ᖃᐅᔨᓇᓱᓐᓂᒃᑯᑦ ᐊᒻᒪ ᖃᐅᔨᓴᕐᓂᒻᒪᕆᒃᑯᑦ, ᓴᓇᕐᕈᑏᓪᓗ ᐊᒻᒪ ᖃᓄᖅᑑᕈᑎᑎᒍᑦ ᓇᓗᓇᐃᖅᑕᐅᕗᑦ ᐊᔭᐅᕆᔾᔪᑎᐅᖕᒪᑕ ᑮᓇᐅᔭᓕᐅᕈᑎᒃᓴᓂᒃ ᐊᒻᒪ ᐃᓅᓯᓕᕆᓂᕐᒧᑦ ᐱᕙᓪᓕᐊᑎᑦᓯᓂᕐᒧᑦ ᐊᒻᒪ ᐃᓅᓯᖃᑦᑎᐊᖁᓪᓗᒋᑦ ᐅᑭᐅᖅᑕᖅᑐᒥᐅᑦ. ᖁᕕᐊᒃᐳᖓ ᐱᓕᕆᖃᑎᒌᒍᓐᓇᕋᑉᑕ ᓂᕈᐊᖅᑕᐅᓯᒪᔪᑎᒍᑦ ᑲᒪᒋᔪᒥᓇᖅᑐᓂᒃ ᐊᒻᒪ ᐱᕕᒃᓴᖃᕐᕕᒃᓴᓂᒃ ᑐᕌᖓᔪᓂᒃ ᐱᕙᓪᓕᐊᑎᑦᓯᓂᕐᒧᑦ ᐊᒻᒪ ᐱᕚᓪᓕᑎᑦᓯᓂᕐᒥᒃ ᐃᓅᓇᓱᐊᕈᑎᖏᓐᓄᑦ ᐅᑭᐅᖅᑕᖅᑐᕐᒥᐅᑦ.” ᐅᖃᓚᐅᖅᑐᖅ ᒥᓂᔅᑕ ᓄᐊᒪᓐᑐ. ᑲᑎᒪᔭᖅᑐᖃᑕᐅᓯᒪᔪᑦ ᓇᓗᓇᐃᖅᓯᑲᓐᓂᓚᐅᖅᐳᑦ ᐃᖅᑲᓇᐃᔭᖃᑎᒌᒍᒪᓂᕐᒥᓂᒃ ᐃᓱᒫᓗᓐᓇᕆᔭᒥᓄᑦ. ᐅᑯᓂᖓ ᐱᖃᓯᐅᔾᔨᓯᒪᕗᑦ ᑮᓇᐅᔭᓕᐅᕈᑎᒃᓴᓂᒃ ᐱᕙᓪᓕᐊᒍᑎᑦ ᐱᓕᕆᐊᒃᓴᑎᒍᑦ, ᑐᓴᐅᒪᔾᔪᑎᓕᕆᓂᖅ, ᐃᖅᑲᓇᐃᔭᖅᑎᑖᕐᓂᖅ ᐊᒻᒪ ᐱᓯᒪᔭᐅᓇᓱᐊᖏᓐᓇᕈᑎᖏᑦ ᖃᐅᔨᒪᓂᖃᖅᑐᑦ ᐃᖅᑲᓇᐃᔭᖅᑏᑦ ᐊᒻᒪ ᐱᕚᓪᓕᕋᓱᐊᖅᑐᒋᑦ ᖃᐅᔨᒪᓕᖅᐹᓪᓕᕈᑕᐅᔪᓐᓇᖅᑐᑦ ᐅᑭᐅᖅᑕᖅᑐᒥᑦ ᐊᒻᒪ ᐅᑭᐅᖅᑕᖅᑐᒥ ᖃᓄᖅᑑᕆᐊᕈᑎᐅᔪᓂᒃ. ᑲᑎᒪᔭᖅᑐᖃᑕᐅᓯᒪᔪᑦ: ᓂᕈᐊᖅᑕᐅᓯᒪᔪᖅ ᐅᓛᔪᖅ ᐊᑭᓱᒃ, ᒥᓂᔅᑕᖓᑦ ᐃᑯᐱᒃᕕᓕᕆᔨᒃᑯᑦ, ᒐᕙᒪᒃᑯᖏᑦ ᓄᓇᕘᑉ ᓂᕈᐊᖅᑕᐅᓯᒪᔪᖅ ᒍᐊᓕ ᐊᓐᑐᓴᓐ, ᒥᓂᔅᑕᖓᑦ ᓛᐱᑐᐊᕆᑉ ᐊᒻᒪ ᓄᓇᖃᖅᑲᖅᓯᒪᔪᓄᑦ, ᒐᕙᒪᒃᑯᖏᑦ ᓂᐅᐸᐅᓪᓛᓐ ᐊᒻᒪ ᓛᐱᑐᐊᕆᑉ ᓂᕈᐊᖅᑕᐅᓯᒪᔪᖅ ᔭᐃᒥᓯ ᐋᓐᑐᐊᓐ, ᒥᓂᔅᑕᖓᑦ ᓄᓇᒥᐅᑕᓕᕆᔨᒃᑯᑦ, ᐅᒫᔪᓕᕆᔨᒃᑯᑦ ᐊᒻᒪ ᐱᕙᓪᓕᐊᔪᓕᕆᔨᒃᑯᑦ, ᒐᕙᒪᒃᑯᖏᑦ ᓄᓇᑦᓯᐊᑉ ᓂᕈᐊᖅᑕᐅᓯᒪᔪᖅ ᓈᑖᓖ ᓄᐊᒪᓐᑐ, ᒥᓂᔅᑕᖓᑦ ᐱᕙᓪᓕᐊᔪᓕᕆᔨᒃᑯᑦ ᐊᒻᒪ ᐳᓚᕋᑦᑐᓕᕆᔨᒃᑯᑦ, ᒐᕙᒪᒃᑯᖏᑦ ᑯᐸᐃᑉ ᓂᕈᐊᖅᑕᐅᓯᒪᔪᖅ ᐳᕈᓪ ᑲᓛᓴᓐ, ᒥᓂᔅᑕᖓᑦ ᓄᓇᖃᖅᑳᖅᓯᒪᔪᓄᑦ ᐊᒻᒪ ᐅᑭᐅᖅᑕᖅᑐᒥ ᐱᕙᓪᓕᐊᑎᑦᓯᓂᕐᒧᑦ, ᒐᕙᒪᒃᑯᖏᑦ ᐊᓪᐳᑕᑉ ᒋᐅᓕ ᐳᓚᐅᑐᓪ, ᑲᑎᒪᑎᑦᑎᔨᖓᑦ ᐅᐊᓐᓇᖓᓂ ᐊᓪᐳᑕᑉ ᐱᕙᓪᓕᐊᑎᑦᓯᓂᕐᒧᑦ ᑲᑎᒪᔩᑦ ᐊᒻᒪ ᒪᓕᒐᓕᐅᖅᑎᖓ ᐱᔅ ᕆᕙᑉ ᓂᕈᐊᖅᑕᐅᓯᒪᔪᖅ ᐊᔅᑯ ᓛᓕᓐ, ᒥᓂᔅᑕᖓᑦ ᓄᓇᖃᖅᑲᖅᓯᒪᔪᑦ ᐊᒻᒪ ᐅᑭᐅᖅᑕᖅᑐᒥ, ᒐᕙᒪᒃᑯᖏᑦ ᒫᓂᑐᕙᑉ ᑐᖏᓕᖓ ᒥᓂᔅᑕᖓᑦᑕ ᔫᑲᓐ ᐱᕙᓪᓕᐊᔪᓕᕆᓂᕐᒧᑦ ᔫᔩᑦ ᓚᐃᓯᓕ, ᒐᕙᒪᒃᑯᖏᑦ ᔫᑲᓐ ᓂᕈᐊᖅᑕᐅᓯᒪᔪᖅ ᕋᐳᑦ ᓈᓪᑦ, ᒥᓂᔅᑕᖓᑦ ᐃᓄᓕᕆᔨᑐᖃᒃᑯᑦ, ᒐᕙᒪᒃᑯᖏᑦ ᑲᓇᑕᐅᑉ ᑐᖏᓕᖓ ᒥᓂᔅᑕᑉ ᐋᓚᓐ ᐹᑭᓐᓴᓐ, ᓴᔅᓯᑲᔅᒍᐊᓐ ᐅᑭᐅᖅᑕᖅᑐᒥᐅᑕᓕᕆᔨᖓᑦ ᓂᕈᐊᖅᑕᐅᓯᒪᔪᖅ ᕆᒃ ᑐᐊᑉ, ᒥᓂᔅᑕᖓᑦ ᐊᑭᑦᑐᕋᐅᑎᓂᕐᒧᑦ, ᖃᐅᔨᓴᖅᑎᒻᒪᕆᓄᑦ ᐊᒻᒪ ᓴᓇᕕᓕᓐᓄᑦ, ᒐᕙᒪᒃᑯᖏᑦ ᐳᑎᔅ ᑲᓚᒻᐱᐊᑉ ᓂᕈᐊᖅᑕᐅᓯᒪᔪᖅ ᔩᒻ ᒍᐃᐅᓴᓐ, ᒥᓂᔅᑕᖓᑦ ᐅᑭᐅᖅᑕᖅᑐᒥ ᐱᕙᓪᓕᐊᓂᓕᕆᓂᖅ ᐊᒻᒪ ᐅᔭᕋᓐᓂᐊᕐᓂᓕᕆᓂᖅ, ᒐᕙᒪᒃᑯᖏᑦ ᐊᓐᑎᐊᕆᐅᑉ ᖃᐅᔨᒋᐊᕐᕕᒃᓴᒃ: ᑭᐅᓕ ᒪᑲᓚᔅᑭ ᑐᓴᐅᑎᓕᕆᔩᑦ ᑲᒪᔨᖓᑦ ᐱᓕᕆᕕᖓᓐᓂ ᐃᑯᐱᒃᕕᓕᕆᔨᒃᑯᑦ, ᒐᕙᒪᒃᑯᖏᑦ ᓄᓇᕘᑉ ᐅᖄᓚᐅᑖ: (867) 975-5929 ᓱᑲᔪᒃᑯᑦ: (867) 975-5980 ᐊᑭᖃᙱᑦᑐᖅ: 1-800-222-9603 ᖃᕆᑕᐅᔭᒃᑯᑦ ᑐᕌᕈᑖ: kmccluskey@gov.nu.ca ᑯᕆᔅᑎᓐ ᑲᓇᓕ ᑐᓴᐅᒪᖃᑦᑕᐅᑎᓂᒃ ᖃᐅᔨᒪᔨᐅᔪᖅ ᑎᑎᕋᕐᕕᖓᓂ ᒥᓂᔅᑕᐅᑉ ᐱᓕᕆᕕᖓᑦ ᐃᓄᓕᕆᔨᑐᖃᒃᑯᑦ ᐅᖄᓚᐅᑖ: (819) 997-0002 ᓱᑲᔪᒃᑯᑦ: (819) 953-4941 ᖃᕆᑕᐅᔭᒃᑯᑦ ᑐᕌᕈᑖ: connollyk@inac.gc.ca |