 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᐊᑦᒪᓐᓇᓐ, ᓯᑎᐱᕆ 26, 2003 – ᐅᑭᐅᖅᑕᖅᑐᒥᐅᑦ ᐱᖓᓱᐃᓕᖓᔪᑦ ᓄᓇᐃᑦ ᐱᓕᕆᖃᑎᒌᓕᕐᒪᑕ ᐱᓕᕆᔨᐅᓂᐊᖅᑐᑦ ᐱᓕᕆᑎᒌᖑᓂᐊᖅᑐᓂᒃ ᐅᐸᒃᓯᒋᐊᕈᒪᔪᓂᒃ ᓴᖅᑭᑦᑏᒋᐊᖁᓪᓗᒍᑦ ᖃᓄᖅᑑᕈᑎᓂᒃ ᐱᓕᕆᔾᔪᑎᐅᓂᐊᖅᑐᑦ ᖃᑕᕐᖑᑎᒌᑦ ᐊᒃᓱᕈᕐᓇᖅᑐᒦᑉᐸᒃᑐᑦ ᐋᓐᓂᖅᓯᕆᓃᑦ ᐱᔾᔪᑎᒋᓪᓗᒋᑦ ᐃᓄᐃᑦ ᐊᒻᒪᓗ ᐊᓯᖏᑦ ᓄᓇᖃᖅᑳᖅᓯᒪᔪᑦ ᓄᓇᓕᖏᑕ ᐃᓗᐊᓂ. ᐃᑲᔪᖃᑎᒌᑦᑎᐊᖅᖢᑎᒃ ᓄᓇᖏᑎᒍᑦ ᐱᔪᓐᓇᐅᑎᓖᑦ, ᐱᓕᕆᖃᑎᒌᒃᑎᐅᓂᐊᖅᑐᑦ ᐱᒋᐊᖅᑕᐅᓚᐅᕐᒪᑦ ᐊᕙᑎᑦ ᒪᕐᕈᒃᓗ (22) ᐅᑭᐅᕆᓕᖅᑕᖓᓂᒃ ᐊᕐᕌᒍᑕᒫᑦ ᑲᑎᒪᔭᖅᑑᑎᐅᖃᑦᑕᖅᑐᓂᒃ ᒐᕙᒪᑐᖃᖅᑎᒍᑦ/ᑲᓇᑕᐅᑉ ᓄᓇᖏᑎᒍᑦ /ᐅᑭᐊᖅᑕᖅᑐᒥᐅᑦ ᓄᓇᖏᑎᒍᑦ ᑲᑎᑎᓪᓗᒋᑦ ᒥᓂᔅᑕᒋᔭᐅᔪᑦ ᐱᔭᒃᓴᕆᔭᖃᖅᖢᑎᒃ ᐊᕐᓇᐃᑦ ᖃᓄᐃᓕᖓᓂᖏᓐᓂᒃ, ᑲᑎᒪᓚᐅᕐᒪᑕ ᐃᐊᑦᒪᓐᓇᒥᑦ ᓯᑎᐱᕆᐅᑎᓪᓗᒍ 24ᒥ-26ᒧᑦ, 2003. ᓄᓇᑦᑎᐊᖅ ᐊᒻᒪᓗ ᑲᓇᑕ ᑕᓯᐅᖅᑎᐅᓂᐊᖅᖢᑎᒃ ᑖᒃᑯᓂᖓ ᐱᓕᕆᖃᑎᒌᒍᑎᐅᓂᐊᖅᑐᓄᑦ. “ᐊᓕᐊᓇᐃᒍᓱᑦᑎᐊᖅᑐᒍᑦ ᑕᓯᐅᖅᑎᐅᓂᐊᕐᓂᑦᑎᓐᓂᒃ ᑕᕝᕙᓂ ᐱᓕᕆᖃᑎᒌᒍᑎᐅᓂᐊᖅᑐᒥᒃ. ᐲᖅᑕᐅᔭᕆᐊᖃᓪᓚᕆᖕᓂᖓ ᑕᒪᑐᒪᐅᑉ ᖃᑕᕐᖑᑎᒌᑦ ᐊᑦᑕᕐᓇᖅᑐᒦᑉᐸᒃᑐᑦ ᐋᓐᓂᖅᓯᕆᓃᑦ ᐱᔾᔪᑎᒋᓪᓗᒍᑦ ᓯᕗᓪᓕᐅᑎᑕᐅᔭᕆᐊᖃᓕᕐᒪᑦ ᑕᒪᓐᓇ ᓄᓇᖏᑎᒍᑦ ᐱᔪᓐᓇᐅᑎᒋᔭᐅᔪᓂᒃ. ᐊᒃᓱᕈᕐᓇᖅᑐᒥᒃ ᐊᑐᖅᑕᐅᔾᔪᑎᖃᖅᑎᑦᑎᖕᒪᑦ ᖃᑕᕐᖑᑎᒌᒃᑐᓂᒃ, ᓄᓇᓕᖕᓂ ᐊᒻᒪᓗ ᐃᓅᓯᕆᔭᑦᑎᓐᓂ ᓄᖅᑲᖅᑎᑕᐅᔭᕆᐊᖃᖅᑐᖅ,” ᐅᖃᖅᑐᖅ ᓄᓇᑦᑎᐊᑉ ᓯᕗᓕᐅᖅᑎᖓ ᓯᑏᕙᓐ ᑳᒃᕘᐃ. “ᐅᐸᒃᑕᐅᔪᒪᔪᑦ ᑖᒃᑯᓄᖓ ᐱᓕᕆᖃᑎᒌᓄᑦ ᑎᒍᒥᐊᖅᓯᑦᑎᐊᕈᑎᐅᓂᐊᕐᒪ ᒐᕙᒪᑦᑕ ᐅᐸᒍᒪᔭᖓᓂᒃ ᐱᐅᓯᒋᐊᕐᓗᒋᑦ ᐃᓅᓯᕆᔭᐅᔪᑦ ᐃᓄᐃᑦ ᐊᕐᓇᖏᑦ ᓄᓇᕗᒻᒥ,” ᐲᑕ ᕿᓚᕝᕙᖅ ᐅᖃᖅᑐᖅ, ᓄᓇᕗᒻᒥᐅᑦ ᒥᓂᔅᑕᖓ ᐱᔭᒃᓴᕆᔭᖃᖅᖢᓂ ᐊᕐᓇᐃᑦ ᑲᑐᔾᔨᕋᑎᒌᖏᓐᓂᒃ. “ᐊᓕᐊᓇᐃᒍᓱᑦᑎᐊᖅᑐᒍᑦ ᐱᒋᐊᓪᓚᕆᓕᕋᑦᑎᒍᑦ ᑕᒪᓐᓇ ᐊᒃᓱᕉᑎᒋᔭᕆᐊᖃᕐᓚᕆᒃᑐᑦ ᐱᔾᔪᑎᓪᓚᕆᐅᓕᖃᑦᑕᕐᒪᑦ,” ᔫᑳᓐ ᓯᕗᓕᐅᖅᑎᖓ ᑕᓇᔅ ᕕᐊᓐᑎ ᐅᖃᖅᑐᖅ. ᐱᓕᕆᖃᑎᒌᖑᔪᑦ, ᖃᐅᔨᓴᓪᓚᕆᖕᓂᐊᕐᒪᑕ ᐱᔾᔪᑎᐅᓗᓂ ᓄᖅᑲᖅᑎᑕᐅᒋᐊᖁᓪᓗᒍ ᐊᕐᓇᓂᒃ ᐋᓐᓂᖅᓰᓂᖅ, ᑕᐅᑐᖕᓂᖃᖅᑎᑕᐅᓂᖅᓴᐅᓗᓂ ᓄᓇᖃᖅᑳᖅᓯᒪᔪᑦ ᐊᕐᓇᖏᓐᓂᒃ, ᑐᓴᕆᐊᖅᑎᑦᑎᔾᔪᑎᐅᓂᐊᖅᑐᖅ ᐱᕙᓪᓕᐊᔭᐅᔪᓂᒃ ᑕᒪᑐᒧᖓ ᑎᓯᐱᕆ 6, 2003 ᑐᖔᓂ. -30- ᑐᓴᕆᐊᕐᕖᑦ : ᐲᑕ ᑳᕐ ᑐᓴᖅᑕᐅᓂᐊᖅᑐᑦ ᐅᖃᐅᔾᔪᖅᑎ ᒥᓂᔅᑕᐃᑦ ᑲᑎᒪᔨᖏᑕ ᐊᒡᓚᒃᕕᖓ (867) 667-8688 peter.carr@gov.yk.ca ᓃᓅ ᕕᑦᓱᓇᐅᔅᑭ ᓄᓇᕗᑦ ᒐᕙᒪᒃᑯᓐᓄᑦ ᑐᓴᖅᑕᐅᔭᕆᐊᖃᖅᑐᓕᕆᔨ (867) 975-6001 ᒪᖅᓯᐅᓪ ᑑᐱ ᑐᓴᖅᑕᐅᓂᐊᖅᑐᓄᑦ ᐊᐅᓚᑦᑎᔨ ᐊᕐᓇᐃᑦ ᐱᔾᔪᑎᒋᓪᓗᒋᑦ ᑐᓴᕆᐊᕐᕕᒃ (867) 667-8269 marcelle.dube@gov.yk.ca ᑐᕉ ᕕᓂᐊᒻᔅ ᓄᓇᑦᑎᐊᕐᒥᐅᑦ ᒐᕙᒪᒃᑯᖏᑦ (867) 669-2304 |