 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᓯᑎᐱᕆ 24, 2003) – ᓄᓇᕗᑦ ᒐᕙᒪᒃᑯᖏᑦ ᐊᒻᒪᓗ ᓄᓇᕗᑦ ᑐᓐᖓᕕᒃᑯᖏᑦ ᐅᓪᓗᒥ ᑐᓴᖅᑎᑦᑎᒋᐊᖅᑐᑦ ᓄᓇᕘᑉ ᓯᕗᓪᓕᖅᐹᕆᓗᓂᐅᑦ ᒪᑭᑉᐸᓪᓕᐊᔾᔪᑎᓄᒃ ᖃᓄᖅᑑᑎᓂᒃ ᐊᑭᓴᖅᑐᐃᓪᓗᒋᑦ ᐊᕙᑎᑦ (20) ᐅᖓᑖᓃᑦᑐᑦ ᑲᑐᔾᔨᖃᑎᒌᑦ ᐊᒻᒪᓗ ᐱᓕᕆᖃᑕᐅᔪᑦ. ᖃᓄᖅᑑᕈᑎᐅᓂᐊᖅᑐᑦ ᐋᖅᑭᒃᓯᒋᐊᕈᑎᐅᓂᐊᕐᒪᑦ ᐊᒻᒪᓗ ᓇᓗᓇᐃᖅᓯᓂᐊᖅᖢᓂ ᐱᒋᐊᖅᑕᐅᔭᕆᐊᖃᓛᖑᔪᓂᒃ ᓯᕗᒧᐊᒃᑎᑦᑎᒋᐊᕐᓂᐊᖅᑐᖅ ᒪᑭᑉᐹᓪᓕᕈᑎᒃᓴᓕᕆᔾᔪᑎᓄᑦ ᓄᓇᕗᒻᒥ ᖁᓕᑦ ᐊᕐᕌᒍᐃᑦ ᐅᖓᑖᓄᓪᓗ. ᓴᖅᑭᑦᑎᓯᒪᓪᓗᓂ 13ᓂᒃ ᐱᒋᐊᖅᑕᐅᖅᑳᕆᐊᓕᖕᓂᒃ ᒪᓕᑉᐹᓪᓕᕈᑎᒃᓴᐅᓂᐊᖅᑐᓂᒃ, ᐋᖅᑭᒃᑕᐅᓯᒪᓪᓗᑎᒃ ᑎᓴᒪᐅᓕᖓᓂᕐᓄᑦ ᐅᑯᓄᖓ: ᓄᓇ, ᐃᓄᐃᑦ, ᓄᓇᓕᖕᓂ ᒪᑭᑉᐹᓪᓕᕈᑎᒃᓴᐃᑦ ᐊᒻᒪᓄ ᓄᓇᕘᑉ ᒪᑭᑉᐹᓪᓕᕈᑎᒃᓴᖏᑦ. “ᐊᑐᖅᑕᐅᓂᐊᖅᑐᖅ ᐱᒋᐊᖅᐸᓪᓕᐊᔾᔪᑎᐅᓂᐊᖅᑐᓄᑦ ᖃᓄᖅᑑᕈᑎᒥᒃ ᑐᓂᓯᓚᐅᕐᒪᑕ ᒐᕙᒪᒃᑯᓐᓄᑦ, ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐊᓯᖏᓐᓄᓪᓗ ᒐᕙᒪᒃᑯᓐᓂᓐᖔᖅᓯᒪᖏᑦᑐᓂᒃ ᑲᑐᔾᔨᖃᑎᒌᖑᔪᓂᒃ ᐊᒻᒪᓗ ᓯᓚᑖᓂᓐᖔᖅᓯᒪᔪᓂᒃ ᐃᒻᒥᒃᑰᖓᓪᓗᑎᒃ ᑕᒪᕐᒥᑦᑎᐊᖅ ᐱᓕᕆᖃᑎᒌᒃᑐᒥᒃ ᓄᑖᓂᒃ ᐊᑎᑐᐊᒐᒃᓴᓂᒃ ᐊᒻᒪᓗ ᐱᓕᕆᐊᒃᓴᓂᒃ ᓴᓐᖏᒃᑎᕈᑎᐅᒐᐊᕐᓂᐊᖅᑐᒥᒃ ᒪᑭᑉᐸᓪᓕᐊᔾᔪᑎᒃᓴᓂᒃ,” ᐅᖃᖅᑐᖅ ᐃᑲᐱᒃᕕᓕᕆᔨᒃᑯᒃ ᒥᓂᔅᑕᖓᒃ ᐅᓛᔪᒃ ᐊᑭᓱᒃ. “ᑕᒪᓐᓇ ᑲᑐᔾᔨᖃᑎᒌᖕᓂᖅ ᐱᐅᑦᑎᐊᖅᑐᒥᒃ ᐊᑐᖅᑕᐅᒋᐊᕐᒪᑦ ᐊᔭᐅᖅᑐᐃᔾᔪᑎᐅᓂᐊᖅᑐᑦ ᒪᑭᑉᐹᓪᓕᐊᔭᕆᐊᖃᕈᑎᑦᑎᓐᓂ.” ᓄᓇᕗᑦ ᒪᑭᑉᐸᓪᓕᐊᓂᕐᒧᑦ ᖃᓄᖅᑑᕈᑎᐅᔪᑦ ᑕᐅᑐᖕᓂᖃᕐᒪᑕ ᑲᒪᒋᔭᐅᕙᓪᓕᐊᓂᕐᓂᒃ ᐊᒻᒪᓗ ᐅᓄᖅᓯᒋᐊᕈᑕᐅᓪᓗᓂ ᐊᑐᖅᑕᐅᓯᒪᓕᕇᖅᑐᒃ ᐃᓂᒋᔭᐅᔪᑦ. ᑖᒃᑯᐊ ᐃᓂᒋᔭᐅᔪᑦ ᐃᓚᐅᑎᑦᑎᓪᓗᑎᒃ ᐅᑯᓂᖓ, ᓄᓇᑐᖃᓕᕆᔾᔪᑎᒃ ᒪᑭᑉᐸᓪᓕᐊᔾᔪᑎᑦ, ᓴᓇᓂᒃᑯᑦ, ᓴᓇᓐᖑᐊᕐᓂᒃᑯᑦ, ᑕᕐᕋᔭᐅᑎᒃᑯᑦ, ᐅᔭᕋᒃᑕᕐᓂᒃᑯᑦ, ᐃᖃᓗᒃᓯᐅᕐᓂᒃᑯᑦ ᐊᒻᒪᓗ ᐳᓛᖅᑐᓕᕆᓂᒃᑯᑦ.. ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎ ᓴᖅᑭᑕᐅᓯᒪᔪᑦ ᒐᕙᒪᓐᓂᐊᖅᖢᓂ ᐋᖅᑭᒃᓯᒪᔭᐅᔪᑦ ᓄᓇᕗᒻᒧᖅ ᐊᒃᑐᐊᓂᖃᕐᔪᐊᖅᖢᓂᓗ ᑲᒪᒋᖃᑎᒌᒋᐊᖃᕐᓂᕐᓄᑦ, ᐃᑲᔪᖃᑎᒌᒋᐊᖃᕐᓂᕐᓄᑦ, ᐊᒻᒪᓗ ᑐᓴᐅᒪᖃᖅᑕᐅᑎᔭᕆᐊᖃᕐᓂᕐᓄᑦ,” ᐅᖃᖅᑐᑦ ᐹᓪ ᑲᓗᔾᔭᖅ, ᐊᖏᔪᖅᑳᑉ ᑐᒃᓕᖓ, ᑮᓇᐅᔭᓕᕆᓂᕐᓄᑦ, ᓄᓇᕗᑦ ᑐᓐᖓᕕᒃᑯᖏᓐᓄᑦ. “ᑕᒪᓐᓇ ᐊᔾᔨᐅᖏᑦᑐᑦ ᐅᐸᒋᐊᕈᑎᐅᓂᐊᖅᑐᑦ ᐃᑲᔪᕐᓂᐊᕐᒪᑦ ᐅᕙᑦᑎᓐᓄᑦ ᐱᒋᐊᕈᓐᓇᕐᓂᕐᓂᒃ ᐅᐸᒍᒪᔭᑦᑎᓐᓂ ᐃᒃᐱᒍᓱᑦᑎᐊᕐᓗᑕᓗ ᐅᒃᐱᕆᔭᐅᔪᓂᒃ ᑎᑎᕋᖅᑕᐅᓯᒪᔪᓂᒃ ᐅᕙᓂ ᓄᓇᕗᒻᒥ ᓄᓇᖃᕐᓂᕐᒧᑦ ᐊᖏᖃᑎᒌᒍᑎᒥᒃ.” ᐃᓕᔭᐅᒋᐊᕐᓂᖓ ᖃᓄᖅᑑᕈᑎᐅᑉ ᐱᒋᐊᖅᑎᑕᐅᓂᐊᖅᑐᑦ ᓴᖅᑭᑕᐅᒋᐊᒃᑲᕐᓗᓂ ᓄᓇᕗᒻᒧᑦ ᒪᑭᑉᐹᓪᓕᐊᔾᔪᑎᒃᓴᓄᑦ ᑲᑎᒪᔾᔪᑎᐅᓚᐅᖅᑐᑦ ᐋᖅᑭᒃᓱᕈᑎᐅᓂᐊᖅᑐᑦ ᐱᒋᐊᕈᑎᓂᒃ ᐊᒻᒪᓗ ᐱᒋᐊᖅᑕᐅᖅᑳᕈᒪᔪᓂᒃ. -30- ᑐᓴᕆᐊᒃᑲᓐᓂᕈᒪᒍᕕᒃ ᐅᕗᖓ ᑐᓴᕆᐊᕆᑦ: ᐋᓕᒃ ᑳᒻᐳᓪ, ᒥᓂᔅᑕᐅᑉ ᑐᒃᓕᖓ ᐃᑯᐱᒃᐱᓕᕆᔨᒃᑯᓐᓄᑦ ᓄᓇᕗᑦ ᒐᕙᒪᒃᑯᖏᑦ ᐅᖄᓚᐅᑖ: (867) 975-5925 ᓱᒃᑲᔪᒃᑯᑦ: (867) 975-5984 ᔮᓐ ᓛᒻ ᐊᖏᔪᖅᑳᕆᔭᐅᔪᕗᖅ ᑲᒪᔨ ᓄᓇᕗᑦ ᑐᓐᖓᕕᒃᑯᓐᓄᑦ ᐅᖄᓚᐅᑖ: (867) 975-4900 ᓱᒃᑲᔪᒃᑯᑦ: (867) 975-4949 |