 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᓯᑎᐱᕆ 17, 2003) – ᒥᓂᔅᑕᒋᔭᐅᔪᖅ ᐋᓐᓂᐊᖅᑐᓕᕆᔨᒃᑯᓐᓄᑦ ᐃᓄᓕᕆᔨᒃᑯᓐᓄᓪᓗ ᐃᐊᑦ ᐲᑰ ᐅᓪᓗᒥ ᐃᓕᓴᖅᓯᔪᖅ ᓯᕗᓪᓕᖅᐹᒥᒃ ᑐᓂᔭᐅᔾᔪᓯᐊᖅᑐᓂᒃ ᑯᐃᓐ ᐃᓕᓴᐱ II ᐃᑲᔫᓯᐅᕈᑎ ᐋᓐᓂᐊᓯᐅᑎᒃᓴᓄᑦ. ᓄᓇᕗᑦ ᒐᕙᒪᒃᑯᖏᓐᓂᒃ ᓴᖅᑭᑕᐅᒋᐊᓚᐅᖅᑐᑦ ᐃᑲᔫᓯᐊᕈᑎ ᐃᑲᔪᖅᑐᐃᖁᓪᓗᒍ ᐃᓚᖏᔭᐅᔪᓄᑦ ᓄᓇᕗᒻᒥ ᐋᓐᓂᐅᓯᐅᑎᓐᖑᕈᒪᓪᓗᑎᒃ ᐃᓕᓐᓂᐊᖅᑐᓄᑦ. “ᑖᒃᑯᓅᓇ ᐃᑲᔫᓯᐊᕈᑎᒃᑯᑦ ᑐᓂᓯᓯᒪᓂᐊᕋᑦᑕ ᓄᓇᕗᒻᒧᑦ ᐃᓚᒋᔭᐅᔪᓂᒃ ᐱᖃᑕᐅᔪᓐᓇᕐᓂᕐᒥᒃ ᐱᕙᓪᓕᐊᓂᕐᒧᑦ ᐱᓕᕆᔪᓐᓇᕐᓂᕐᒥᒃ ᐊᔪᖏᑦᑎᐊᕐᓂᕐᒥᒃᓗ ᐱᔭᕆᐊᖃᖅᑕᖏᓐᓂᒃ ᐋᓐᓂᐊᖅᑐᓕᕆᔨᒃᑯᓐᓄᑦ ᐱᔨᑦᑏᔨᐅᓂᐊᕐᓗᑎᒃ ᐱᔭᐅᔭᕆᐊᖃᓪᓚᕆᒃᑐᑦ ᓄᓇᕗᒻᒥ,” ᐲᑰ ᐅᖃᖅᑐᖅ. “ᐅᓄᖅᓯᒋᐊᕐᓗᑎᒃᑯᑦ ᖃᔅᓯᐅᓂᖏᑦ ᓄᓇᕗᒻᒧᑦ ᐃᓚᖏᔭᐅᔪᒃ ᐃᖅᑲᓇᐃᔭᖅᑎᐅᓗᑎᒃ ᐋᓐᓂᐊᖅᑐᓕᕆᔨᒃᑯᓐᓄᑦ ᐱᕈᐃᔾᔪᑎᒋᓂᐊᕋᑦᑎᒍᑦ ᐅᓄᖅᓯᕙᓪᓕᐊᓂᖏᑦ ᐊᒻᒪᓗ ᓴᓐᖏᓕᒋᐊᕐᓗᑎᒃᑯᑦ ᓄᓇᓕᖁᑎᒋᔭᕗᑦ.” ᑐᓂᔭᐅᔾᔪᓯᐊᖅᑐᓂᒃ ᑯᐃᓐ ᐃᓕᓴᐱ II ᐃᑲᔫᓯᐅᕈᑎ ᓴᖅᑭᑕᐅᒋᐊᓚᐅᖅᑐᖅ 2002ᒥ ᐋᓐᓂᐊᖅᑐᓕᕆᔨᒃᑯᓐᓂ ᐃᓄᓕᕆᔨᒃᑯᓐᓂᓪᓗ ᓄᓇᕗᒻᒧᑦ ᐃᓚᒋᔭᐅᔪᓄᑦ ᐃᓕᓐᓂᐊᖅᖢᑎᒃ ᑎᓴᒪᓄᑦ ᐊᕐᕌᒍᓄᒃ ᓄᓇᕗᒻᒥ ᐋᓐᓂᐊᓯᐅᑎᓐᖑᖅᑐᒃᓴᐅᓂᖓᓐᓄᑦ ᐃᓕᓐᓂᐊᖅᑐᓄᑦ. ᐃᑲᔫᓯᐊᕈᑎ ᑐᓂᔭᐅᖃᑦᑕᕐᓂᐊᖅᑐᖅ ᐊᕐᕌᒍᑕᒫᑦ ᒪᕐᕈᖕᓄᑦ ᐃᓕᓐᓂᐊᖏᓐᓇᖅᑐᓄᑦ ᑕᒪᐃᓐᓂᑦ ᐊᕐᕌᒍᓄᑦ ᑎᓴᒪᓄᑦ ᐃᓕᓐᓂᐊᖅᑐᓄᑦ. ᑐᓂᔭᐅᓂᐊᖅᑐᑦ ᐱᓯᒪᔭᕆᐊᖃᖅᐳᖅ ᖁᑦᑎᓛᒥᒃ ᐃᓕᓐᓂᐊᕈᑎᖃᕐᓗᓂ ᑖᒃᑯᓂᖓ ᓄᓇᕗᒻᒥ ᐃᓚᒋᔭᐅᔪᓂᒃ ᐃᓕᓐᓂᐊᖅᑐᓂᒃ, ᐃᓚᐅᑎᑕᐅᓪᓗᑎᒃ ᐋᓐᓂᐊᓯᐅᑎᐅᓂᕐᒧᑦ ᐃᓕᓐᓂᐊᕈᑎᑦ, ᐋᓐᓂᐊᓯᐅᑎᐅᓗᓂ ᖃᓄᐃᓕᐅᖅᑕᐅᕙᒃᑐᑦ, ᐊᒻᒪᓗ ᐱᓕᒻᒪᒃᓴᖅᑐᓄᑦ ᐃᓕᓐᓂᐊᖅᐸᓪᓕᐊᓪᓗᑎᒃᓗ. ᓯᕗᓪᓕᖅᐹᖑᓗᑎᒃ ᑐᓂᔭᐅᓂᐊᖅᑐᑦ ᑯᐃᓐ ᐃᓕᓴᐱ II ᐃᑲᔫᓯᐅᕈᑎ ᐋᓐᓂᐊᓯᐅᑎᒃᓴᐅᓂᕐᒧᑦ ᐃᓕᓐᓂᐊᖅᑐᓂᒃ ᐅᑯᐊ: ᕆᐸᑲ ᓛᓐᓯᑕᐃᐅᓪ ᐊᒻᒪᓗ ᓲᓯ ᐱᐅᔅ, ᐃᓕᓐᓂᐊᕐᓂᖏᑦ ᖁᑦᑎᓛᖑᓂᖏᓐᓄᑦ ᐃᓕᓐᓂᐊᖅᑕᐅᔪᖅ ᐊᕐᕌᒍᖓ I; ᓯᐴᕋ ᐲᑦᑐᓘᓯ, ᐃᓕᓐᓂᐊᕐᓂᖓ ᖁᑦᑎᓛᖑᓂᖓᓄᑦ ᐃᓕᓐᓂᐊᖅᑕᐅᔪᖅ ᐊᕐᕌᒍᖓ II; ᐊᒻᒪᓗ ᐊᓯᓇ ᐃᓪᓚᐅᖅ ᐊᒻᒪᓗ ᓕᓕ ᐊᒪᕈᐊᓕᒃ, ᐃᓕᓐᓂᐊᕐᓂᖏᑦ ᖁᑦᑎᓛᖑᓂᖏᓐᓄᑦ ᐃᓕᓐᓂᐊᖅᑕᐅᔪᖅ ᐊᕐᕌᒍᖓ III ᑐᓂᔭᐅᓂᐊᖅᑐᑦ ᑯᐃᓐ ᐃᓕᓴᐱ II ᐃᑲᔫᓯᐅᕈᑎ ᐋᖅᑭᒃᑕᐅᓯᒪᔪᑦ ᑮᓇᐅᔭᖏᑦ ᐃᒪᓐᓇᑎᒋᐅᓂᐊᖅᖢᑎᒃ ᐊᕐᕌᒍ ᐃᓕᓐᓂᐊᕐᕕᒋᔭᖓ $2,500 ᑐᓂᔭᐅᔾᔪᑎᒋᓂᐊᖅᑕᖓ. ᑕᒪᓐᓇ ᐃᑲᔫᓯᐊᕈᑎᐅᔪᖅ ᐱᑎᑕᐅᖃᑦᑕᕐᓂᐊᕐᒪᑦ ᓄᓇᕗᑦ ᒐᕙᒪᒃᑯᖏᓐᓂᒃ $20,000ᒥ ᐊᕐᕌᒍᑕᒫᑦ ᐊᕐᕌᒍᓄᑦ ᑕᓪᓕᒪᓄᑦ ᐱᒋᐊᕐᓗᓂ 2003ᒥ. ᑐᓴᕆᐊᒃᑲᓐᓂᕈᒪᒍᕕᑦ ᐅᖄᓚᔪᓐᓇᖅᐳᑎᒃ ᐅᕗᖓ: ᕕᐊᓐᑎ ᕼᐊᓚᐅᓇᓐ ᑐᓴᖅᑎᑦᑎᕙᓪᓕᐊᔪᓕᕆᔨ ᐊᖏᔪᖅᑳᑦ ᐊᒻᒪᓗ ᐃᓗᐊᓂ ᒐᕙᒪᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᖏᑦ (867) 975-6046 |