 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓄᐃᑦ, ᓄᓇᕗᑦ (ᓯᑎᐱᕆ 12, 2003) – ᒥᓂᔅᑕᒋᔭᐅᔪᖅ ᐃᓕᓐᓂᐊᖅᑐᓕᕆᔨᒃᑯᓐᓄᑦ ᒪᓃᑦᑐᖅ ᑖᒻᓴᓐ ᐅᓪᓗᒥ ᑎᒃᑯᐊᖅᓯᔪᖅ ᓲᔮᓐ ᓚᕙᕗᕋᐃᒥᒃ ᑲᓚᔨᐅᓚᐅᑲᖕᓂᐊᓕᖅᑐᒥᒃ ᐅᐃᕖᑦ ᓄᓇᓕᖕᒥᐅᑦ ᐃᓕᓐᓂᐊᖅᑐᓕᕆᔨᒃᑯᖏᓐᓄᑦ. ᓚᕙᕗᕋᐃ ᐅᐃᕖᑎᑐᑦ ᐃᓕᓐᓂᐊᖅᓕᑐᕆᔾᔪᑎᖏᓐᓄᑦ ᐊᒻᒪᓗ ᐱᔨᑦᑏᔾᔪᑎᓄᑦ ᓯᕗᒧᐊᒃᑎᐅᔪᖅ ᐃᓕᓐᓂᐊᖅᑐᓕᕆᔨᒃᑯᓐᓂᒃ ᑎᒃᑯᐊᖅᑕᐅᓂᕆᔭᖓᓗ ᐱᒋᐊᑲᐅᑎᒋᓂᐊᖅᖢᓂ. ᑲᒪᔨᐅᓚᐅᑲᖕᓂᐊᓕᕐᓂᖓᓄᑦ, ᑎᒍᓯᓂᐊᓕᖅᑐᖅ ᐱᔭᒃᓴᕆᓗᓂᒋᑦ ᐅᐃᕖᑦ ᓄᓇᓕᖕᒥᐅᑦ ᐃᓕᓐᓂᐊᖅᑐᓕᕆᔨᒃᑯᖏᑦ. “ᑕᒪᓐᓇ ᑎᒃᑯᐊᖅᓯᓂᖅ ᑲᒪᔨᐅᓚᐅᑲᖕᓂᐊᓕᖅᑐᒧᑦ ᓴᓐᖏᓛᖑᓪᓗᓂ ᐅᐸᒋᐊᕈᑎᒋᒐᑦᑎᒍᑦ ᓄᑖᓐᖑᖅᓯᒪᓕᖅᑐᒧᑦ ᐅᐃᕖᑦ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᖏᓐᓄᑦ ᐃᑲᔪᖅᑐᐃᓂᐊᖅᖢᓂᓗ ᓅᑕᐅᓂᐊᖅᑐᑦ ᐱᔭᒃᓴᕆᓂᐊᓕᖅᑕᖏᑦ ᓂᕈᐊᖅᑕᐅᔭᕇᖅᓯᒪᓕᕈᑎᒃ ᐅᐃᕖᒃᑯᑦ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᖏᓐᓄᑦ.” ᑖᒻᓴᓐ ᐅᖃᖅᑐᖅ ᐃᓚᒋᔭᐅᔪᑦ ᐅᐃᕖᑦ ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᖏᑦ ᓄᖅᑲᓚᐅᕐᒪᑕ ᓯᑎᐱᕆ 5, 2003ᒥ. “ᖁᔭᓐᓇᒦᖅᐸᒃᑲ ᐃᓚᒋᔭᐅᔪᓕᒫᑦ ᐱᓕᕆᓂᕆᓚᐅᖅᑕᖏᓐᓄᑦ ᐊᒻᒪᓗ ᐃᓚᐅᑦᑎᐊᕐᓂᕆᓚᐅᖅᑕᖏᓐᓄᑦ ᐱᔾᔪᑎᒋᓪᓗᒍ ᐃᓕᓐᓂᐊᖅᑐᓕᕆᓃᑦ ᐃᓕᓐᓂᐊᖅᑐᓄᑦ ᓚ ᑐᕈᐊᔅ ᓱᓕᐅᔅ ᐅᐃᕖᑦ ᐃᓕᓐᓂᐊᕐᕕᖓᓂ,” ᑖᒻᓴᓐ ᐅᖃᖅᑐᖅ. “ᓄᓇᓕᖕᓂ ᐃᓕᓐᓂᐊᖅᑐᓕᕆᔨᒃᑯᖏᑦ ᐱᓕᕆᓂᖏᑎᒍᑦ ᐊᒃᑐᐊᓂᖃᓪᓚᕆᖃᑕᐅᖕᒪᑕ ᓄᓇᕗᒻᒥᐅᑦ ᐃᓕᓐᓂᐊᖅᑐᓕᕆᓂᖏᓐᓂᒃ.” ᐃᓕᓐᓂᐊᖅᑐᓕᕆᔨᒃᑯᑦ ᐊᔭᐅᖅᓯᒋᐊᖅᐳᑦ ᐃᓚᖏᔭᐅᔪᓂᒃ ᐅᐃᕖᑦ ᓄᓇᓕᖕᒥᐅᑦ ᐃᓚᐅᒋᐊᖁᓪᓗᒋᑦ ᐊᒡᓚᒃᕕᐅᔪᓄᑦ ᐅᐃᕖᑦ ᓄᓇᓕᖕᓄᑦ ᐃᓕᓐᓂᐊᖅᑐᓕᕆᔨᒃᑯᖏᓐᓂᒃ. -30- ᑐᓴᕆᐊᒃᑲᓐᓂᕈᒪᒍᔅᓯ, ᑐᓴᕆᐊᕐᕕᒋᔪᓐᓇᖅᑕᐃᑦ: ᐹᒻ ᕼᐊᐃᓐ, ᑐᒃᓕᕆᔭᐅᔪᖅ ᒥᓂᔅᑕᒧᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᕗᑦ ᒐᕙᒪᒃᑯᖏᑦ ᐅᖄᓚᐅᑖ: (867) 975-5600 ᓱᒃᑲᔪᒃᑯᑦ: (867) 975-5635 PHine@gov.nu.ca |