 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᐊᒃᑑᕝᕙ 7, 2003) - ᓯᕗᓕᖅᑎ ᐹᓪ ᐅᑲᓕᖅ ᓴᖅᑭᑎᑦᓯᖅᑲᐅᕗᖅ ᔪᐊᑕᓐ ᑐᑑᑉ ᐊᔾᔨᙳᐊᖓᓂᒃ ᐊᑭᓐᓇᕐᒥᐅᑕᒃᓴᒥ ᑎᓕᐅᕆᔾᔪᑕᐅᓪᓗᓂ ᓄᓇᕗᒥ ᐃᓕᓐᓂᐊᖅᑎᓄᑦ ᐋᖅᑭᒃᓯᖁᓪᓗᒋᑦ ᑐᕌᕈᒪᔭᖏᓐᓂᒃ ᐃᓅᓯᕐᒥᓂ ᐊᒻᒪᓗ ᐊᒃᓱᕉᑎᒋᖁᓪᓗᒋᑦ. “ᐊᑭᓐᓇᕐᒥᐅᑕᐃᑦ ᑕᑯᒃᓴᐅᑎᑦᑎᔪᖅ ᑐᓱᓕᕈᑕᐅᕙᒃᑐᓂᒃ ᔪᐊᑕ ᓴᖅᑭᑎᑕᖏᑦ ᓯᑯᒥ ᐊᒻᒪᓗ ᐅᖓᑖᓅᕈᑎᓯᒪᓕᖅᑐᓂ ᕼᐊᑭᕐᓂᑐᐃᓐᓇᐅᑉ ᓇᒥᓕᒫᖅ ᓄᓇᕗᒥ, ᐃᑲᔪᖅᑕᐅᔪᓐᓇᖁᓪᓗᒋᑦ ᐆᒃᑐᕋᐅᑎᒋᔭᐅᓂᖓᓄᑦ,” ᐅᑲᓕᖅ ᐅᖃᖅᑲᐅᔪᖅ ᓴᖅᑭᑎᑦᓯᓪᓗᓂ ᐊᑭᓐᓇᕐᒥᐅᑕᕐᓂᒃ ᑲᑎᓯᒪᑎᓪᓗᒋᑦ ᐃᓕᓐᓂᐊᖅᑏᑦ, ᐃᓄᒃᓱᒃ ᐃᓕᓐᓂᐊᕐᕕᐊᓗᖕᒥ ᐃᖃᓗᖕᓂ. ᓴᖅᑭᑎᑕᐅᓚᐅᖅᑐᑎᒃ ᖃᐅᑎᓪᓗᒍ ᒪᑐᐃᖅᑕᐅᓂᐊᕐᓂᖓ ᓴᖅᑭᓐᓂᐊᓕᖅᑎᓪᓗᒋᑦ ᑲᓇᑕᒥ ᕼᐊᑭᕐᓇᖅ, ᑖᒃᑯᐊ ᖁᕕᐊᓲᑎᖃᓚᐅᖅᑐᑦ ᑖᓐᓇ ᑐᑐ ᑲᖏᖅᖠᓂᕐᒥᐅᖅ ᓯᕗᓪᓕᖅᐹᖑᓪᓗᓂ ᐃᓄᒻᒪᕆᐅᓪᓗᓂ ᑲᓇᑕᒥ ᕼᐊᑭᖅᑎᒻᒪᕆᖕᓄᑦ ᐃᓚᐅᓂᖓ. ᑐᓴᖅᑭᑦᑎᓯᔪᖃᓚᐅᖅᑐᖅ ᑕᒫᓂ ᐱᓇᓱᐊᕈᓯᕐᒥ ᑖᓐᓇ ᑐᑐ ᐱᙳᐊᖃᑕᐅᓂᐊᕐᓂᖓ ᒪᑐᐃᖅᓯᔾᔪᑕᐅᔪᓂ ᑖᒃᑯᓄᖓ ᕼᐊᑭᖅᑎᓄᑦ ᓈᔅᕕᐅᓪ ᐳᕆᑎᑐᔅ Nashville Predators. “ᔪᐊᑕᓐ ᐱᐅᔪᒥᒃ ᐆᒃᑑᑕᐅᖕᒪᑦ ᓄᓇᕗᒧᑦ,” ᐅᖃᖅᑐᓂ ᐅᑲᓕᖅ. “ᐊᔪᙱᓐᓂᖓ, ᐱᓕᕆᐊᖃᕈᒪᓂᖓ ᐊᒻᒪᓗ ᐃᓕᖅᑯᓯᖓ ᓇᓗᖅᑯᑎᒍᓐᓃᕈᑎᒋᐊᑦᑎᒍ ᐊᒻᒪᓗ ᓴᙱᒃᑎᑉᐹᓪᓕᕈᑎᒋᓪᓗᒋᑦ ᐃᓅᓯᕐᒥ ᐊᒃᓱᕈᕐᓇᖅᑐᓄᑦ.” ᓯᕗᓕᖅᑎ ᐃᓚᓕᐅᑎᕕᐅᓚᐅᖅᑐᖅ ᐃᓕᓐᓂᐊᕐᕕᐊᓗᖕᒥ ᕉᔅᒥᐊᓕ ᑮᓇᐃᓐᓇᖅ, ᐃᑲᔪᖅᑎᐊ ᑐᒡᓕᐊ ᒥᓂᔅᑕᐅᑉ ᐃᑯᐱᒃᑐᓕᕆᔨᒃᑯᓐᓄᑦ ᐊᒻᒪᓗ ᕼᐊᓐᑐ ᑐᑐ, ᔪᐊᑕᓐ ᐃᓐᓄᐊᕐᔪᖓ ᐊᒻᒪᓗ ᒪᓕᒐᓕᐅᖅᑎᐅᓪᓗᓂ ᐃᖃᓗᐃᑦ ᕿᑎᐊᓄᑦ. ᕼᐊᓐᑐ ᑐᑐ ᐅᖃᓚᐅᖅᑐᖅ ᖁᔭᓕᓂᕋᖅᑐᓂ ᓲᕐᓗ ᔪᐊᑕᓐᑎᑐᑦ ᖃᑕᙳᑎᖏᓐᓃᑦᑐᑦ ᐃᑲᔪᕈᓐᓇᕐᒪᑕ ᐃᖅᑲᐃᑎᑕᐅᓂᕐᒥᓂᒃ ᑭᓱᓂᒃ ᓴᖅᑭᑎᑦᓯᔪᓐᓇᕐᓂᑦᑎᓐᓂᒃ ᐃᓅᓯᑦᑎᓐᓂ. “ᔪᐊᑕ ᑐᓱᓕᖅᑎᑦᓯᕙᖕᒪᑦ ᐊᐅᓚᔾᔭᐃᑎᑕᐅᓪᓗᑕ ᖃᓄᐃᓕᐅᕈᒪᔭᑦᑎᓐᓂᒃ, ᐋᖅᑭᒃᓯᓗᑕ ᐊᒻᒪᓗ ᓴᖅᑭᑎᓪᓗᒋᑦ ᑐᕌᕋᓱᐊᖅᑕᕗᑦ,” ᐅᖃᖅᑐᖅ ᕼᐊᓐᑐ ᑐᑐ. “ᑖᓐᓇ ᐆᒻᒪᕆᒃᑐᒻᒪᕆᐊᓘᖕᒪᑦ ᐊᒻᒪᓗ ᑎᓕᐅᕆᕙᒃᑐᓂ ᖃᑕᙳᑎᒥᓂᒃ, ᓄᓇᕗᒥᐅᓂᓪᓗ ᐃᓱᒪᒋᓯᒪᔭᒥᓂᒃ ᓴᖅᑭᑎᑦᓯᖁᓪᓗᒋᑦ ᐱᒻᒪᕆᕈᖅᑎᓪᓗᒋᑦ.’ ᑮᓇᐃᓐᓇᖅ ᑎᓕᐅᕆᖅᑲᐅᔪᖅ ᐃᓕᓐᓂᐊᖅᑎᓂᒃ ᐃᓕᓐᓂᐊᖏᓐᓇᖁᔨᓪᓗᓂ,” ᐅᖃᖅᑐᖅ ᑮᓇᐃᓐᓇᖅ. “ᐱᕕᒃᓴᖅᑕᖃᐅᕐᒪᑦ ᐃᓄᖕᓄᑦ ᐱᓕᕆᔪᓐᓇᖅᑐᑎᒃ ᓇᐅᒃᑯᓕᒫᖅᑦ ᒐᕙᒪᒃᑯᓐᓂ ᐊᒻᒪᓗ ᓇᖕᒥᓂᖅ ᐱᓕᕆᕕᖃᖅᑐᓂᒃ ᐊᒻᒪᓗ ᓇᒥᑐᐃᓐᓇᖅ, ᑕᐃᒪᐃᒻᒪᑦ, ᑲᑉᐱᐊᒋᔭᖃᙱᓪᓗᑎᑦ ᐆᒃᑑᑎᖃᕆᐊᒃᓴᖅ ᑭᓱᓂ ᐊᑐᕋᔪᐃᑕᕐᓂᒃ” ᔪᐊᑕᓐ ᑐᑐᒥᒃ ᑕᑯᒃᓴᐅᑎᓪᓗᒍ ᐊᑭᓐᓇᕐᒥᐅᑕᑦ, ᐃᓚᒋᔭᐅᓪᓗᓂ ᐆᒃᑑᑎᑦᓯᐊᕙᖕᓄᑦ ᐱᒋᐊᖅᑎᓚᐅᖅᑕᖏᑦ ᓄᓇᕗᑦ ᒐᕙᒪᖏᑦᑕ, ᑐᓂᐅᖅᑲᐅᑕᐅᓯᒪᔪᑦ ᐃᓕᓐᓂᐊᕐᕕᖕᓄᑦ, ᕼᐊᒻᓕᒃᑯᑦ ᐊᓪᓚᒡᕕᖏᓐᓄᑦ ᐊᒻᒪᓗ ᐋᓐᓂᐊᕐᕖᑦ ᐊᓪᓚᒡᕕᖏᓐᓄᑦ ᓄᓇᕗᓕᒫᒥ. ᐱᒋᐊᖅᑕᐅᓪᓗᑎᒃ ᐊᕐᕌᓂ, ᑖᒃᑯᐊ ᐆᒃᑑᑎᑦᓯᐊᕙᐃᑦ ᐊᑭᓐᓇᖕᒥᐅᑕᑦ ᑲᔪᖏᕈᑕᐅᓕᖅᐸᖕᒪᑕ ᒪᒃᑯᒃᑐᓄᑦ ᓄᓇᕗᒥᐅᓄᑦ ᐊᒻᒪᓗ ᑐᓴᖅᑎᑦᑎᔾᔪᑕᐅᓪᓗᓂ ᐱᒻᒪᕆᐅᓂᖓᓂᒃ ᑐᕌᒐᖃᕐᓂᖅ ᐊᒻᒪᓗ ᐃᓕᓐᓂᐊᖅᓯᒪᓂᖅ. ᓴᖅᑭᑎᑕᐅᖅᑳᓚᐅᖅᑐᑦ ᐊᑭᓐᓇᖕᒥᐅᑕᑦ ᐃᓚᖃᖅᑐᑦ ᖃᐅᔨᒪᔭᐅᑦᓯᐊᖅᑐᒥᒃ ᓈᓚᐅᑎᒃᑯᑦ ᐅᖃᖅᑎ ᒪᑎᓕ ᐊᓚᒃᑲᕆᐊᓪᓚᒃ, ᐅᐊᔭᓅᖅᑐᓂᒃ ᖃᐅᔨᒪᔨᑕᖅ ᔪᐊᔾ ᒥᑦᑐᒃ ᐊᒻᒪᓗ ᐃᓄᐃᑦ ᐃᑲᔪᖅᑎᖏᑦ ᑐᒡᓕᖏᑦᑕ ᒥᓂᔅᑕᐃᑦ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓗᒍ ᔮᔅᒪᐃᓇ ᐱᐸ ᓄᓇᕗᑦ ᒐᕙᒪᖏᑦᑕ ᑐᓴᒐᒃᓴᓕᕆᔨᖏᑦ (867) 975-6032 |