 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᐅᑐᐱᕆ 06, 2003) – ᖃᐃᖁᔭᐅᓯᒪᓪᓗᑎᒃ ᕗᕌᓐᔅ ᓯᕗᓕᐅᖅᑎᕐᔪᐊᖓᓄᑦ ᐊᒻᒪᓗ ᐃᑲᔪᖅᑐᖅᑕᐅᓪᓗᑎᒃ ᓄᓇᕐᔪᐊᕐᒥᐅᑕᓕᕆᔩᑦ ᐊᒻᒪᓗ ᓄᓇᕐᔪᐊᒥ ᑕᐅᖅᓰᔾᔪᑎᓕᕆᔩᒃ, ᓄᓇᕘᑉ ᓯᕗᓕᐅᖅᑎᖓ ᐹᓪ ᐅᑲᓕᖅ ᐊᐅᓪᓚᕐᓂᐊᖅᑐᑦ ᐃᓚᖃᕐᓗᓂ ᐊᑭᓴᖅᑐᐃᔨᐅᓂᐊᖅᑐᓂᒃ ᐃᓄᐃᑦ ᐱᖅᑯᓯᖏᓐᓂᒃ ᖁᓐᖏᐊᖅᑕᐅᔭᖅᑐᕐᓗᑎᒃ ᐱᐅᕆᔅ, ᕗᕌᔅᓯᒧᑦ ᑕᖅᑭᕆᓂᐊᖅᑕᑦᑎᓐᓂ. ᐱᓇᓱᐅᕈᓯᓕᒫᔪᑦ ᐱᓕᕆᔭᐅᓂᐊᖅᑐᑦ ᑐᓂᓯᒋᐊᕐᓗᕈᑎᐅᓗᑎᒃ ᑕᑯᔭᐅᓂᐊᖅᑐᓂᒃ ᐃᓄᐃᑦ ᐱᖅᑯᓯᖏᓐᓂᒃ ᐊᒻᒪᓗ ᓄᓇᕗᒻᒥᐅᑦ ᐱᖁᑎᖏᓐᓂᒃ ᐱᔾᔪᑎᒋᔭᐅᓯᒪᔭᖅᑐᖅᓯᒪᓗᓂᑦᑕᐅᖅ ᐱᕈᐃᕙᓪᓕᐊᔾᔪᑎᐅᔪᑦ ᓄᓇᑦᑕ ᒐᕙᒪᖓᓂᒃ. “ᐱᕈᐃᕙᓪᓕᐊᔾᔪᑎᐅᔪᖅ ᒐᕙᒪᒋᔭᑦᑎᓐᓂ ᐃᓗᐊᓃᑎᑦᑎᐊᖅᖢᓂ ᐃᓄᐃᑦ ᐱᖅᑯᓯᖏᓐᓂᒃ ᐱᓕᕆᐊᖑᖕᒪᑕ ᑕᐅᑐᖕᓂᖃᖅᑎᐊᖅᖢᑎᒃ ᑲᓇᑕᐅᑉ ᐅᒃᐱᕆᔭᖏᓐᓂᒃ ᐃᓚᐅᑎᑦᑎᐊᕐᓂᕐᓂᒃ ᐊᒻᒪᓗ ᐊᔾᔨᒌᖏᓐᓂᖏᓐᓂᒃ, ᓯᓚᕐᔪᐊᕐᒥᐅᑦ ᑐᓴᕆᐊᒃᑲᓐᓂᕈᑎᒋᔭᖓ ᐅᕙᑦᑎᓐᓄᑦ ᒪᑐᐃᕈᑎᓂᐊᕐᒪᑦ ᓄᓇᕗᑦ ᓴᖅᑭᔮᓕᒃᑲᓐᓂᖁᓪᓗᒍ ᐊᒻᒪᓗ ᐊᔾᔨᒋᔭᐅᖏᑦᑐᑦ ᐱᖁᑎᒋᔭᕗᑦ” ᓯᕗᓕᐅᖅᑎ ᐹᓪ ᐅᑲᓕᖅ ᐅᖃᖅᑐᖅ. ᑕᒪᓐᓇ ᐳᓛᕆᐊᕈᑎᐅᔪᖅ ᐱᒋᐊᖅᑎᑕᐅᓂᐊᕐᒪᑦ ᐅᑐᐱᕆ 13ᒥ ᐅᑐᐱᕆ 17ᒧ ᐊᒻᒪᓗ ᓯᕗᓕᐅᖅᑎ ᐹᓪ ᐅᑲᓕᖅ ᐅᖃᓪᓚᒋᐊᖅᑐᖅᓯᒪᓂᐊᕆᓪᓗᓂ ᕗᕌᓐᓯᐅᑉ ᓄᓇᖓᑕ ᑲᑎᒪᕝᕕᖓᓂ, ᑲᑎᒪᖃᑎᖃᕐᓗᓂᓗ ᐅᐃᕖᑦ ᓯᕗᓕᐅᖅᑎᕐᔪᐊᖓᓂᒃ ᔪᕌᒃᒥ. ᓴᖅᑭᑎᑕᐅᒋᐊᕈᑎᐅᓂᖅᑐᓪᓗ ᐃᓄᐃᑦ ᓴᓇᓐᖑᐊᖅᓯᒪᔭᖏᓐᓂᒃ ᑕᑯᒃᓴᐅᑎᑦᑎᕕᐅᓂᐊᖅᑐᓂᒃ ᐊᒻᒪᓗ ᐅᖃᓪᓚᒃᑐᖃᕆᐊᖅᑐᖅᓯᒪᔪᖃᕐᓂᐊᖅᖢᓂ ᐃᓕᓐᓂᐊᖅᑐᓂᒃ ᐃᓄᒃᑎᑐᑦ ᐅᕙᓂ ᐃᓂᒋᔭᐅᔪᖅ ᓯᓚᕐᔪᐊᕐᒥᐅᑦ ᐅᖃᐅᓯᓕᕆᔾᔪᑎᖏᓐᓂᒃ ᓄᓇᖃᖅᓯᒪᔩᑦ ᐃᓅᓯᖏᓐᓂᒃ ᕐᐃᓕᓐᓂᐊᕐᕕᒃ. (Institut National des Langues et Civilisations Orientales) ᓯᕗᓕᐅᖅᑎᒥᒃ ᐊᐃᑉᐸᖃᕐᓗᑎᒃ, ᐊᑭᓴᖅᑐᐃᔨᐅᓂᐊᖅᑐᑦ ᑕᓪᓕᒪᐅᓂᐊᕐᒪᑕ ᖁᓐᖏᐊᖅᑕᐅᔭᖅᑐᕐᓂᐊᖅᑐᒃ ᐊᒻᒪᓗ ᐊᑭᓴᖅᑐᐃᔨᖃᕐᓗᑎᒃ ᓄᓇᕗᒻᒥᐅᑦ ᐊᐃᕖᒃᑯᑦ ᑲᑐᔾᔨᖃᑎᒌᖏᓐᓂᓐᖔᖅᑐᒥᒃ. -30- ᑐᓴᕆᐊᒃᑲᓐᓂᕈᒪᒍᕕᑦ: ᐱᐅᓪ ᑲᓚᐃ ᐱᕙᓪᓕᐅᔪᓕᕆᓂᕐᓄᑦ ᑎᑎᕋᖅᑎᐅᔪᖅ ᓯᕗᓕᐅᖅᑎᒧᑦ (867) 975-5059 |