 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᐊᒃᑑᕝᕙ 2, 2003) - ᐊᔾᔨᓕᐅᖅᑕᐅᓯᒪᔪᖅ ᔨᒥ ᐋᑲᕙᖕᒧᑦ ᐃᖃᓗᒻᒥᐅᖅ ᓂᕈᐊᖅᑕᐅᓚᐅᖅᑐᖅ ᓯᕗᓪᓕᖅᐹᒥ ᐊᕐᕌᒍᒥ ᓄᓇᕗᑦ ᒐᕙᒪᖏᑦᑕ ᖃᕆᓴᔭᒃᑯᑦ ᑐᑭᓯᒋᐊᖅᑎᑦᓯᕕᐊᑕ ᑕᑯᒃᓴᐅᑎᑕᒃᓴᖓᑦᑕ ᐊᔾᔨᙳᐊᓂᒃ ᓵᓚᒃᓴᖃᑦᑕᐅᑎᑦᓯᒐᓱᐊᕐᓂᒃᑯᑦ. ᐃᑯᐱᒡᕕᓕᕆᔨᒃᑯᑦ ᒥᓂᔅᑕᖓ ᐅᓛᔪᒃ ᐊᑭᓱᒃ ᑐᓂᓯᖅᑲᐅᔪᖅ ᓈᓚᒃᓴᕈᑕᐅᔪᒧᑦ ᓇᓕᖅᑲᕐᒥᑦ ᐋᑲᕙᖕᒧᑦ ᐅᓪᓗᒥ. ᐋᑲᕙᒃ ᑐᓂᔭᐅᓂᐊᖅᑐᑦ ᑮᓇᐅᔭᒃᓴᒥᒃ $500. ᐋᑲᕙᒃ ᑐᓂᓯᓚᐅᖅᑐᖅ ᐊᔾᔨᓕᐅᖅᓯᒪᔪᒥᒃ ᓄᓇᒥᒃ ᐃᖃᓗᐃᑦ ᐊᐅᔪᐃᑦᑐᖓᓂᒃ ᑕᐅᓇᓂ ᐹᖓᓂ ᐃᖃᓗᖕᓅᕆᐊᑉ. “ᑕᑯᒃᓴᐅᑎᑦᓯᓗᓂ ᐊᔾᔨᓕᐅᖅᓯᒪᔭᐅᓂᖏᓐᓄᑦ ᓄᓇᕗᑦ ᖃᕆᓴᐅᔭᒃᑯᑦ, ᑕᑯᒃᓴᐅᑎᑦᓯᔪᓐᓇᖅᓯᓯᒪᒐᑦᑕ ᐊᔾᔨᐅᖏᑦᑐᒥᒃ ᐅᑭᐅᖅᑕᖅᑐᒥᒃ ᑕᑯᒥᓇᖅᑐᓂᒃ ᐃᓄᖕᓄᑦ ᑕᑯᓚᐅᖅᓯᒪᙱᑦᑐᓄᑦ,” ᐅᖃᖅᑐᖅ ᐋᑭᓱᒃ. “ᐊᖅᑯᑎᑦᓯᐊᕙᖕᒪᑦ ᑎᒍᓯᒐᓱᐊᕐᓗᓂ ᐳᓚᕋᑦᑐᒃᓴᓂᒃ ᐊᒻᒪᓗ ᓴᖅᑭᔮᖅᑎᑦᑎᔪᒃᓴᓂᒃ ᓄᓇᕗᒥᑦ ᓄᓇᕐᔪᐊᓄᑦ.” ᐋᑲᕙᐅᑉ ᐊᔾᔨᓕᐅᖅᓯᒪᔭᖓ ᐃᓚᒋᔭᐅᓚᐅᖅᑐᖅ 24-ᓄᑦ ᓂᕈᐊᖅᑕᐅᔪᓄᑦ ᑕᑯᒃᓴᐅᑎᑕᐅᓂᐊᖅᑐᑦ ᖃᕆᓴᔭᐅᔭᖃᕐᕕᖓᓂ ᒐᕙᒪᒃᑯᑦ ᐊᑐᖅᑎᓪᓗᒋᑦ ᑕᖅᑮᑦ 12 ᐊᕐᕌᒍᒥ. ᑖᒃᑯᐊ ᐊᔾᔨᙳᐊᑦ ᑕᑯᔭᐅᔪᓐᓇᖅᑐᑦ ᖃᕆᐅᓴᔭᒃᑯᑦ ᑐᕌᕈᑎᐊ www.gov.nu.ca ᐊᑖᒍᑦ ᓇᕿᓪᓗᒍ “ᑎᑎᕋᕐᕕᒃᓴᖅ ᐊᔾᔨᙳᐊᖅ” ᓇᕿᑦᑕᕐᕕᐊ. ᒥᓂᔅᑕ ᐊᑭᓱᒃ ᐱᒋᐊᖅᑎᑦᓯᓚᐅᖅᑐᖅ ᑕᒪᑐᒥᖓ ᐊᔾᔨᙳᐊᓂᒃ ᓵᓚᒃᓴᕈᑎᖃᕋᓱᐊᕐᓂᕐᒥᑦ. ᑖᒃᑯᐊ ᐱᖃᑖᓂ ᐊᕐᕌᒍᒥ ᓵᓚᒃᓴᕋᓱᐊᕈᑕᐅᓂᐊᖅᑐᑦ ᐱᒋᐊᖅᑕᐅᓯᒪᓕᖅᑐᑦ. ᓄᙳᐊᓂ ᑕᒪᑐᒪ, ᐊᔾᔨᓕᐅᕆᔩᑦ ᑐᓂᓯᔪᑦ ᐱᐅᓂᖅᐹᓂ ᐊᔾᔨᓕᐅᖅᓯᒪᔪᓂᒃ ᑐᓂᔭᐅᓂᐊᖅᑐᑦ $500. ᓯᒃᑭᒥᒃ ᑮᓇᐅᔭᒃᓴᒥᒃ. ᒐᕙᒪᒃᑯᑦ ᖃᕆᓴᐅᔭᕆᔨᒻᒪᕆᐊᑦ ᓂᕈᐊᖅᓯᕐᓂᐊᖅᑐᖅ ᓵᓚᒃᓴᖅᑐᓂᒃ ᐊᔾᔨᙳᐊᓂᒃ ᐃᑲᔪᖅᑕᐅᓗᓂ ᓄᓇᕗᑦ ᒐᕙᒪᖏᑦᑕ ᑐᓴᒐᒃᓴᓕᕆᔨᖏᓐᓄᑦ. ᐃᓚᐅᓂᐊᕐᓗᓂ ᒪᓕᒋᐊᓖᑦ ᑕᑯᒃᓴᐅᔪᑦ ᑕᒡᕙᓂ www.gov.nu.ca ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖄᓚᕕᒋᓗᒍ: ᐋᓐᑐᕈ ᑕᒑᖅ ᖃᕆᓴᔭᓕᕆᔨᒻᒪᕆᒃ ᓄᓇᕗᑦ ᒐᕙᒪᖏᑦᑕ ᑐᓴᒐᒃᓴᓕᕆᔨᖏᑦ (867) 975-6002 |