 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ,(ᒪᐃ 27, 2003) - ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᐃᓄᓕᕆᔨᒃᑯᓪᓗ ᒥᓂᔅᑕᖓᑦ ᐃᑦ ᐲᑯ ᑐᓴᖅᑎᑦᑎᔪᖅ ᑖᒃᑯᐊ ᓄᓇᒥ ᓯᒡᒐᓕᐅᖅᑐᕐᓂᕐᒥᑦ ᓄᖅᑲᕋᓱᐊᕈᑎᖃᕐᓂᖅ. ᑕᒪᓐᓇ ᓴᖅᑭᑦᑐᖅ ᐃᓚᒋᓪᓗᓂᐅᒃ ᐱᓕᕆᕕᐅᔫᑉ ᓯᒡᒐᓕᐊᖅᑐᕐᓂᕐᒥᑦ ᓄᖅᑲᖅᑎᑦᑎᒐᓱᐊᕈᑎᖏᑦ ᐊᒻᒪᓗ ᓈᒪᓈᖃᑎᖃᕆᐊᖅᓯᒪᔪᖅ ᓄᓇᕐᔪᐊᓂ ᑐᐹᑭᖃᕆᐊᖃᙱᓐᓂᖅ ᐅᓪᓗ, ᒪᐃ 31-ᒥ. ᑕᒡᕘᓇ ᓄᖅᑲᕋᓱᐊᕈᑎᖃᕐᓂᒃᑯᑦ ᑐᑭᒧᐊᒍᑕᐅᓂᐊᖅᑐᑦ, ᓱᐴᖅᑐᖅᑏᑦ ᓄᓇᕗᒥ ᐊᐱᕆᔭᐅᓂᐊᖅᑐᑦ ᐊᑐᖁᔭᐅᖏᓪᓗᑎᒃ ᑐᐹᑲᓕᖕᓂᑦ ᐅᓪᓗᒧᑦ. ᐃᓚᐅᔪᑦ ᑎᑎᕋᖅᑕᐅᓂᐊᖅᑐᑦ ᐅᖃᕐᕕᖃᕐᓗᑎᒃ ᐋᓐᓂᐊᕐᒃᕕᖁᑎᒥᓂᒃ ᖄᖏᓚᐅᖅᑎᓐᓇᒍ ᒪᐃ 31, ᖃᑦᓯᑲᓪᓚᐃᑦ ᖃᐅᔨᓴᖅᑕᐅᓂᐊᖅᑎᑦ ᐊᒻᒪᓗ ᑕᒪᒃᑯᐊ ᐊᕕᒃᑐᖅᓯᒪᓂᐅᔪᑦ ᐃᓚᐅᓂᖃᖅᑐ ᐊᒥᓲᓂᖅᐹᓂᒃ ᓵᓚᒃᓴᖅᑎᑕᐅᓂᐊᖅᑐᑦ. ᐃᓚᐅᓂᖃᖅᑐᓕᒫᑦ ᓄᖅᑲᕋᓱᐊᖃᑕᐅᓚᐅᖅᑐᑦ ᐊᑎᖏᑦ ᑎᑎᕋᖅᑕᐅᓂᐊᖅᑐᑦ ᑐᓴᒐᒃᓴᓂ ᐱᓇᓱᐊᕈᓯᖅ ᐊᑕᐅᓯᖅ ᖄᖏᓚᐅᖅᑎᓪᓗᒍ. “ᐊᑭᓐᓇᖕᒥᐅᑕᓂᒃ ᐱᑕᖃᖅᑐᖅ, ᓂᐱᑎᒐᕐᓂᒃ ᐊᒻᒪᓗ ᑲᑭᖅᑯᐊᓂᒃ ᐃᓚᐅᔪᒪᔪᓄᑦ, ᐅᕙᓘᓐᓃᑦ ᓄᖅᑲᕋᓱᐊᕈᔨᔪᓄᑦ ᐱᖃᓐᓇᕆᔭᕐᒥᓂᒃ. ᑲᔪᓯᓯᒪᔪᒍᑦ ᓴᖅᑭᑎᑦᑎᕙᒃᑐᑕ ᓄᑖᓂᒃ ᐃᓱᒪᒋᔭᐅᔪᓂᒃ ᐊᒻᒪᓗ ᓄᑖᓂᒃ ᑐᓴᖅᑎᑦᑎᔾᔪᑎᒃᓴᓂᒃ ᓄᓇᕗᒥᐅᓄᑦ ᑕᒪᓐᓇ ᓱᐴᖅᑐᖃᑦᑕᕐᓂᖅ ᐱᐅᙱᒻᒪᑦ ᑎᒥᒧᑦ ᐋᓐᓂᐊᖃᕆᐊᖃᙱᓐᓂᖏᓐᓄᓪᓗ ᖃᑕᙳᑎᖏᑦ,” ᒥᓂᔅᑕ ᐱᑯ ᐅᖃᖅᑲᐅᔪᖅ. “ᑕᒪᓐᓇ ᐊᕕᒃᑐᖅᓯᒪᓂᓕᒫᒥ ᐅᔾᔨᕈᓱᓕᖅᐹᓪᓕᖅᑎᑦᓯᓂᕐᒧᑦ ᐱᓕᕆᐊᖑᓂᐊᖅᑐᖅ ᐊᒻᒪᓗ ᐱᐅᔪᒻᒪᕆᐅᓪᓗᓂᓗ ᓄᓇᕗᒥᐅᑦ ᓯᕗᒻᒧᐊᒋᐊᕈᑎᒋᔪᓐᓇᖅᑕᖓᑦ ᓄᖃᕈᑎᖃᕐᓂᕐᒧᑦ.” ᑐᑭᓯᒋᐊᕈᑎᒃᓴᑦ ᑲᑎᖅᓱᖅᓯᒪᔪᑦ ᐊᒻᒪᓗ ᐊᑎᓕᐅᕐᕖᑦ ᑕᑕᑎᕆᐊᓖᑦ ᓄᓇᕗᒥ ᓱᐴᖅᑐᒐᕐᓂᒃ ᓄᖅᑲᕈᑎᖃᕋᓱᐊᕐᓂᕐᒧᑦ ᐱᔭᐅᔪᓐᓇᖅᑐᑦ ᐋᓐᓂᐊᐅᕕᐅᔪᓂ ᓄᓇᕗᒥ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᐊᓕᓴᓐ ᕗᕉᕈ ᑐᓴᒐᒃᓕᕆᓂᕐᒧᑦ ᐅᖃᐅᔾᔨᒋᐊᖅᑎ ᐋᓐᓂᐊᖃᕐᓇᖏᑦᑐᓕᕆᔩᑦ, ᐃᓄᓕᕆᔩᓪᓗ ᐅᖃᓘᑖ: (867) 975-5717 |