 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᒪᐃ 26, 2003) - ᓄᓇᕗᑦ ᓯᕗᓕᖅᑎᐊ ᐹᓪ ᐅᑲᓕᖅ ᐅᖃᖅᓯᒪᕗᖅ ᖁᕕᐊᓲᑎᖃᙱᓐᓂᕐᒥᓂᒃ ᒐᕙᒪᑐᖃᒃᑯᑦ ᑐᓴᖅᑎᑦᓯᓚᐅᖅᑎᓪᓗᒋᑦ ᑖᒃᑯᐊ ᐊᕝᕙᖏᑦᑕ ᐅᓄᖅᓯᒋᐊᕈᑏᑦ ᑭᖑᒃᐸᒐᓱᐊᕐᓂᕐᒧᑦ ᓄᓇᕗᒥ ᓴᓂᖏᓐᓂ ᐃᒪᕐᓂ ᑐᓂᔭᐅᓂᐊᕐᓂᖕᓄᑦ ᓯᓚᑖᓂᒥᐅᓄᑦ. “ᐊᓯᖏᓐᓂ ᑲᓇᑕᒥ, ᐃᖃᓗᒐᓱᐊᖅᑏᑦ ᓱᕋᒃᑎᕆᖃᑦᑕᖅᓯᒪᔪᑦ ᒐᕙᒪᑐᖃᒃᑯᑦ ᐱᖁᑎᖏᓐᓂᒃ ᐊᒻᒪᓗ ᓱᕋᒃᑎᕆᓪᓗᑎᒃ ᐊᖅᑯᑎᓃᑦᑐᓂᒃ. ᑕᒪᓐᓇᓕ ᐃᓄᐃᑦ ᐱᖅᑯᓯᕆᙱᒻᒪᒍ, ᑭᓯᐊᓂ ᒐᔭᒪᑐᖃᒃᑯᑦ ᑕᒻᒪᕈᑕᐅᑦᑕᐃᓕᓕᑦ. ᑕᐃᒫᑦᓴᐃᓐᓇᖅ ᓂᙵᐅᒪᑎᒋᔪᒍᑦ ᑕᒪᑐᒥᖓ ᐃᓚᐅᓐᓈᕐᓂᕐᒥᑦ ᑐᓂᔭᐅᓂᖏᓐᓂᒃ ᑭᖑᒃᐸᒃᑕᐅᔪᒃᓴᓄᑦ ᑰᑕᐃᑦ,” ᐅᖃᖅᑲᐅᔪᖅ ᐅᑲᓕᖅ. ᑖᒃᑯᐊ ᐃᖃᓗᓕᕆᔨᒃᑯᑦ, ᐃᒪᕐᒥᐅᑕᓕᕆᔨᒃᑯᓪᓗ ᐃᓱᒪᓕᐅᕈᑎᒋᓯᒪᔭᖓᑦ ᐊᑭᕋᖅᑐᕐᒪᑦ ᖃᐅᔨᓚᐅᖅᑕᖏᓐᓂᒃ ᑖᒃᑯᐊ ᐅᓂᒃᑳᓕᐊᕆᓚᐅᖅᑕᖏᑦᑕ ᐃᖕᒥᒎᖅᑐᑦ ᖃᐅᔨᒐᓱᐊᖅᑏᑦ ᐱᔭᐅᔪᓐᓇᖅᑐᑦ ᑐᙵᕕᖏᓐᓂᒃ, ᐅᖃᖅᓯᒪᓚᐅᖅᑐᑦ, “ᐊᓯᖏᓐᓂᒃ ᑐᓂᓯᒃᑲᓂᕆᐊᖃᙱᓚᑦ ᓯᓚᑖᓃᑦᑐᓄᑦ ᓄᓇᕗᑦ ᐃᒪᕐᓂ ᐃᓗᐊᓃᑦᑐᓂᒃ ᓄᓇᕗᑦ ᑭᓯᐊᓂ ᑖᒃᑯᐊ ᓄᓇᕗᑦ ᐱᔪᓐᓇᖅᓯᓯᒪᓕᖅᐸᑕ ᐊᖏᓂᖅᓴᖏᓐᓂᒃ ᐱᔭᐅᔪᓐᓇᖅᑐᑦ ᓴᓂᖏᓐᓂ ᐃᖃᓗᒐᓱᐊᖅᑕᐅᔪᓐᓇᖅᑐᑦ.” ᓄᓇᕗᒧᑦ ᐱᔭᐅᔪᓐᓇᖅᑲᐅᔪᑦ ᓴᓂᖏᓐᓂ ᑭᖑᒃᐸᒐᓱᐊᕐᓂᕐᒧᑦ (Pandalus borealis) 16-%-ᖑᖅᑲᐅᔪᖅ ᑕᒪᓐᓇ ᑐᓴᖅᑎᑦᑎᔾᔪᑕᐅᓚᐅᖅᑎᓐᓇᒍ. ᑖᒃᑯᐊ ᐅᓄᖅᓯᒋᐊᖅᑐᑦ ᐱᔭᐅᔪᓐᓇᖅᑐᑦ 19-%-ᒧᑦ ᒪᓕᒃᑐᒍ ᐅᓪᓗᒥ ᐃᓱᒪᓕᐅᕈᑕᐅᔪᖅ. ᐊᔾᔨᒌᙱᓐᓂᖏᑦ ᖃᐅᔨᒐᓱᐊᖅᑐᒋᑦ ᑲᓇᑕᒥ ᓴᓂᓯᐅᑕᖏᑦ ᐊᕕᒃᑐᖅᓯᒪᓂᐅᔪᑦ ᐱᑎᑕᐅᓂᐊᖅᑐᑦ ᐅᖓᑖᓄᑦ 80-5 ᐱᔭᐅᔪᓐᓇᖅᑐᑦ. “ᑕᐃᒪᙵᓂᒃ ᓴᖅᑭᑎᑕᐅᓚᐅᕐᒪᑦ ᓄᓇᕗᑦ ᐊᒃᓱᕈᖅᑐᑕ ᐱᓕᕆᐊᖃᖅᓯᒪᔪᒍᑦ ᐱᕙᓪᓕᐊᑎᒐᓱᐊᖅᑐᒍ ᐊᕕᒃᑐᖅᓯᒪᓂᖁᑎᕗᑦ ᓇᖕᒥᓂᖅ ᐊᐅᓚᔪᓐᓇᖅᓯᔾᔪᑎᒃᓴᖏᓐᓄᑦ. ᐱᑎᑕᐅᔪᓐᓇᕐᓂᖅ ᓄᓇᒥᐅᑕᖁᑎᑦᑎᓐᓄᑦ ᐃᒪᕐᒥᐅᑕᖁᑎᑦᑎᓐᓄᑦ ᐱᕈᖅᐸᓪᓕᐊᔾᔪᑎᒋᔪᓐᓇᕋᑦᑎᒍ ᓯᕗᓂᒃᓴᑦᑎᓐᓄᑦ ᐊᒻᒪᓗ ᕿᑭᖅᑖᓗᖕᒥ ᑕᒪᓐᓇ ᑐᑭᖃᖅᑐᖅ ᐃᖃᓗᒐᓱᐊᕐᓂᕐᒥᑦ. ᒐᕙᒪᑐᖃᒃᑯᑦ ᓱᑯᕈᖅᑎᑦᑎᒐᓱᐊᑐᐃᓐᓇᖅᑐᑦ ᐊᒻᒪᓗ ᐃᖅᑲᓇᐃᔭᕈᓐᓃᖅᑎᑦᑎᒐᓱᐊᖅᑐᑎᒃ, ᑐᓂᐅᖅᑲᐃᓪᓗᑎᒃ ᓄᓇᒥᐅᑕᖁᑎᑦᑎᓐᓂᒃ, ᐃᒪᕐᒥᐅᑕᖁᑎᑦᑎᓐᓄᓪᓗ,” ᐅᑲᓕᖅ ᐅᖃᖅᑲᐅᔪᖅ. ᒐᕙᒪᑐᖃᒃᑯᑦ ᑐᓴᖅᑎᑦᑎᔾᔪᑎᖓᑦ ᐊᑭᕋᖅᑐᖅᑐᖅ ᐋᑎᑯ 15.3.7 ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑎᓂᒃ, ᐊᔾᔨᐅᖏᑦᑐᒃᑯᑦ ᐃᓱᒪᒃᓴᖅᓯᐅᕈᑎᖃᕈᓐᓇᖅᑎᑦᑎᔪᑦ ᖃᓂᒋᔮᓃᑦᑐᓄᑦ ᐊᒻᒪᓗ ᑮᓇᐅᔭᓕᐅᕈᑕᐅᔭᕆᐊᓕᖕᓄᑦ. ᐅᖃᓕᒪᖃᑎᒋᓚᐅᖅᑐᒋᑦ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ, ᐃᑯᐱᒃᑐᓕᕆᔨᒃᑯᑦ ᒥᓂᔅᑕᖓᑦ ᐅᓛᔪᒃ ᐊᑭᓱᒃ ᐅᖃᖅᓯᒪᖕᒥᔪᖅ ᓈᒻᒪᒃᓴᙱᓐᓂᕐᒥᓂᒃ ᑐᓴᖅᑎᑦᑎᔾᔪᑕᐅᖅᑲᐅᔪᒥᒃ. “ᖁᕕᐊᓲᑎᒋᙱᓗᐊᖅᑕᕋ ᐱᔾᔪᑎᒋᓪᓗᒍ ᒥᓂᔅᑕ ᑎᕚᓪᑦ ᐊᖏᕈᑎᖃᓚᐅᕐᒪᑦ ᐅᓂᒃᑳᓕᐊᕆᓯᒪᔫᑉ ᐊᑐᓕᖁᔭᖏᓐᓂᒃ ᓄᕕᒻᐱᕆᐅᓚᐅᖅᑐᒥ. ᑕᐃᑦᓱᒪᓂᐅᑎᓪᓗᒍ ᑐᓂᓯᔪᖃᒃᑲᓐᓂᕐᓂᐊᓚᐅᙱᑦᑐᖅ ᓄᓇᕗᒥᐅᑕᐅᙱᑦᑐᓄᑦ ᐃᒪᓂ ᓴᓂᖏᓐᓃᑦᑐᓂᒃ,” ᐅᖃᖅᑲᐅᔪᖅ ᐊᑭᓱᒃ. “ᐊᒃᓱᕈᖅᓯᒪᒻᒪᕆᒃᑲᑦᑕ ᓯᕗᒻᒧᐊᒃᐸᓪᓕᐊᑎᒐᓱᐊᖅᑐᒍ ᐃᖃᓗᓕᕆᓂᖅ ᐊᕐᕌᒎᒃ ᒪᕐᕉᓯᒪᔫᒃ. ᐋᖅᑭᒃᓱᐃᕙᓪᓕᐊᒐᓱᐊᕋᑦᑕ ᐊᕕᒃᑐᖅᓯᒪᓂᖁᑎᑦᑕ ᑮᓇᐅᔭᓕᐅᕈᑎᒃᓴᖏᓐᓂᒃ ᐃᓚᐅᓕᕐᓂᖅᓴᐅᒐᓱᐊᖅᑐᑕ ᐊᑦᓛᓐᑎᒃ ᐃᖃᓗᒐᓱᐊᕐᓂᖏᓐᓄᑦ, ᑭᓯᐊᓂ ᒥᓂᔅᑕ ᑎᕚᓪᑦ ᑐᓴᖅᑎᑦᑎᔾᔪᑎᒋᕋᑖᖅᑲᐅᔭᖓ ᐊᑭᕋᖅᑐᕐᒪᑦ ᑕᒪᑐᒥᖓ ᓴᖅᑭᑎᒐᓱᐊᖅᑕᑦᑎᓐᓂᒃ,” ᐊᑭᓱᒃ ᐃᓚᒋᐊᕆᓪᓗᓂ. ᐊᑖᒍᑦ ᐃᖃᓗᓕᕆᔨᒃᑯᑦ, ᐃᒪᕐᒥᐅᑕᐅᓕᕆᔨᒃᑯᓪᓗ ᐋᖅᑭᒃᓱᖅᓯᒪᔭᖏᑎᒍ ᓄᓇᕗᑦ ᐱᓂᐊᖅᑐᖅ 51-ᓴᓐᓯᑐᐃᓐᓇᕐᓂᒃ ᐅᕝᕙᓘᓐᓃᑦ 1,083 ᒥᑐᕆᒃ ᑕᓐ metric tones, ] ᑕᒃᑯᓇᙵᑦ ᐅᓄᖅᓯᒋᐊᕈᑕᐅᔪᓂᒃ ᑰᑕᓄᑦ ᑭᖑᒃᐸᒐᓱᐊᕐᓂᕐᒧᑦ ᑕᒡᕙᓂ (SFA) 1 ᕿᑭᖅᑖᓘᑉ ᐊᑯᑭᑦᑑᓪᓗ ᐃᒪᖓᓂ. ᐊᓯᖏᑦ 57 ᒥᑐᕆᒃ ᑕᓐ metric tones ᑐᓂᔭᐅᓚᐅᖅᑐᑦ ᑕᕆᐅᒥᐅᑕᓕᕆᔨᓄᑦ, ᐃᓚᖃᖅᑐᑦ ᓂᒋᕐᒥ ᐃᖃᓗᒐᓱᐊᖅᑏᑦ. ᑖᒃᑯᐊ ᐊᒥᐊᒃᑯᖏᑦ 187 ᒥᑐᕆᒃ ᑕᓐ metric tones ᑐᓂᔭᐅᔪᑦ ᒪᑭᕝᕕᒃ ᑯᐊᐳᕇᓴᒃᑯᓐᓄᑦ (ᑯᐸᐃᒃ ᑕᕐᕋᖓᓄᑦ). ᑎᑎᕋᖅᑑᑉ ᑐᑭᓯᒋᐊᖅᑎᑦᑎᔾᔪᑎᖏᑦ: ᐊᑕᕗᑦ ᑐᑭᓯᒋᐊᒃᑲᓐᓂᕈᒪᒍᑦᓯ ᐅᖃᕐᕕᒋᓗᒍ ᐱᐅᓪ ᑭᓖ ᑐᓴᒐᒃᓴᓕᕆᔨᐊ ᓯᕗᓕᖅᑎᐅᑉ (867) 975-5059 (867) 975-1317 ᐅᖄᓚᐅᑦ ᐅᐊᔭᖃᙱᑦᑐᖅ ᑭᐅᕆ ᒪᑲᓚᔅᑭ ᐊᐅᓚᑦᑎᔨ ᑐᓴᒐᒃᓴᓕᕆᓂᖅ ᐃᑯᐱᒃᑐᓕᕆᔨᒃᑯᑦ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-5929 ᓱᑲᑦᑐᒃᑯᑦ (867) 975-5980 ᖃᕆᓴᐅᔭᒃᑯᑦ: kmccluskey@gov.nu.ca ᐅᑭᐅᖅᑕᖅᑐᒥ ᑭᖑᒃᐸᖕᓄᑦ ᑰᑕᐃᑦ ᐅᓄᖅᓯᒋᐊᖅᑕᐅᓂᖏᓐᓄᑦ ᖃᓄᐃᓕᖓᔾᔪᑏᑦ
|